السلام عليكم حبيباتي الحلوين انا بسبب الظروف اللي مريت بيها مؤخرا مع ابني كان طبعا فيه شوية أهمال في البيت مش كل البيت و الحمد لله أودتي انا بس عملتها مخزن و سبتها مكركبة علي الاخر لأن الضيوف لما بييجوا كمان بيبقبوا برة فكان اي حاجة المها بسرعة و أرميها بأودة النوم و أقفلها بس بعد ما قررت اني أترك كل الأمور لربنا و أحاول أعيش حياتي بطريقة طبيعية أول جزء طبعا كان عايز يتحرق أودتي كنت زعلانة اوي من نفسي عشان سبتها كده عشان كده صورتها قبل و بعد
قلت لازم بقي أنزل الصور قبل و بعد عشان اللي بيتها لا قدر الله زي أودتي كده لا تيأس و تبدأ و يا رب يعجبكم (رجاء مش عايزة تعليقات علي الصور قبل ههههههههههههههههههه) ياللا بقي نبدأ
دي الأودة قبل (يادي الفضاااااااااااااااااااايح)
دي الشفونيرة بعد
هنا بقي فضيت الدولاب و كنسته و مسحته و عطرته بمعطر المفروشات بتاع ما واي تحفففففففففففففففففففة و بيقعد كتير
عملت بقي العليقة دي للايشاربات انا قريت فكرة حلوة في منتدي اننا نعمل مسامير صغيرة بس انا خفت أدق ابوظ الدولاب فاشتريت الشماعات اللصقة دي من محل كل حاجة ب 2.5
كيف ازين غرفة نومي بالصور
هنا بقي الدولاب بعد ما رتبت الهدوم انا عملت ايه بقي عملت 3 أكوام كوم للملابس الصيفي اللي هتتشال بعيد وكوم للملابس اللي هتروح برة و كوم للغسيل و كده بقي سهل جدا و كله تمام اهو و الحمد لله
ودي بقي التسريحة بعد ما رجعت تسريحة
شايفين المفارش دي بقي مش هتصدقوا بكام الواحد ب 2.5 ج ايه رأيكم بحاجة بسيطة جدا الأودة بقت تجنن و انا عاملة التسريحة بسيطة كده عشان يبقي تنضيفها سهل و مش أكسل