دى قصة حقيقية على منتدى فتكات جبتها للمفروسات علشان يستفيدوا
بصوا يابنات هحكيلكم حكاية حصلت معايا والله
انا متجوزة جوزى بعد قصة حب ومشاكل كتير بس هو مسافر وانا فمصر
المهم انا انشغلت فترة بشغلى واهملتة جدا وكان كتير بيحاول معايا وانا اقولة تعبانة مشغولة نتكلم بكرة
واعدت ع كدة اكتر من سنة لغاية محصل المتوقع وعرف ع النت واحدة سورية
طبعا انا معايا الباص ورد بتاعة بس من انشغالى مبفكرش ادور وراة
المهم دخلت يوم لقيتة مكلمها وبيحبها وبيوعدها بالجواز يانهاااااااار ابيضانا باغلي
طبعا اتجننت بس تماسكت وقلت لازم احافظ ع جوزى وبيتى بس اعلمة الادب
وعملت خطة طويلة بس من الااااااخر
كلمتها فالتليفون الاول طبعا كان رقمها ع الفيس وقلتلها انى مراتة وقسما بالله لو كلمتة تانى لاروح اجيبها من بلدهم انا باغليقالتلى عايز يتجوزنى وكلام الستات دة قلتلها طب فرجينى المهم البت اترعبت طبعا
ركزوا بقى معايا اوى هنا
رحت مكلماة ومغيرة المود وانهارت طبعا وقلتلة صحبتك كلمتنى ومتحاولش تنكر طبعا كنت طبعت كل كلامهم وبعتهولة ع الواتس وقلتلة هى اللى بعتهولى
طبعا هى كدة ادامة بقت عيزة تخرب بيتة وبتجاهر بنفسها وانا بريئة ومعرفش حاجة ومدورتش وراة طبعا اتصدم وبقى زى اللى اتضرب ع دماغة وقالى دى واحدة سافلة وكدابة والكلام دة متلفق وقفل مقدرش يكمل الحوار
انا سيبتة خالص بس كان لازم اقطع علية خط انة يكلمها بس ازااااى
روحت اشتريت شريحة وبعتلة منها رسالة على انى حبيبها ولازم يبعد عنها والا هيكون مراتة ادامها
طبعا هو اتجنن بس مقاليش حاجة
بعدها بدات ابعت لاخواتة الرجالة ومراتاتهم واصحابة رسايل ان اخوكم ماشى مع حبيبتى وهنتقم منة وكلام كدة وفضحتة وهو بقى مصدوم ومش ملاحق يرد ع مين ولا مين
وانا طبعا من ضمن الضحايا اللى بيتبعتلهم وطبعا حكيتلة وانا منهارة حتى الولد حبيبها دة (اللى هو انا طبعا)بعتلى انة ممكن يكلمنى ويحكيلى كل حاجة راح هو قالى ابعتيلة الميل بتاعك وشوفى اخرة اية وبقى هيتجنن ويوصلة قلتلة لا مقدرش وازاى انا هبعتلة ميلك وانت كلمة على انه انا
وطبعا بعتلة مسج ع انى الولد بعتلة انا بكلم مراتك زى مكلمت حبيبتى وطلعت خاينة وبعتلة الايميل بتاعة ههههههههههههههباضحك
واكيد جوزى كمان بيرد برسايل وانا بضحك من جوايا بس مصممة اعلمة الادب
طبعا كلمنى وقالى شيفة السفالة وازاى ولازم اوصلة وانا هادية وبدعى وبعيط وبقولة دة عقاب ربنا
المهم الولد(اللى هو انا بردة )منا طالعة بمنظرين فى الفيلم بدأ يهددة بية ويبعتلى رسايل تهديد ويبعتلة رسايل تهديد انة هيعمل فية زى مهو عمل مع حبيبتة وجوزى طبعا بيرد على الرسايل بس وهو بيموت وبيصلى ليل ونهار عشان ربنا يغفرلة ويعفو عنة يارب
منتدى فتكات قصص حقيقية
فأنا بقى عشان اكمل الفيلم عملت محضر برسايل التهديد وبعتلة رقم المحضر
وجوزى طبعا معايا على التليفون ليل ونهار وخايف علية وكل ماالولد يبعتلة من رقم غريب يبعتهولى ويقولى اتصرف ازاى
وانا طبعا واقفة معاة عشان انا اصيلة ومسيبش جوزى فالموقف دة لكن بعد ما نمر من الازمة هننفصل للابد
مفهماة كدة طبعا
مفيش اسبوع ولقيت جوزى عندى وخايف علية وقسما بالله ولاول مرة فحياتنا وطى باس رجلى واعد يعيط وهو ندمان وبيموت من اللى حصل
ملقتش ادامى حل غير انى اسامحة واقف جنبة وابدا معاة من جديد مهو جوزى بردة ومش ممكن هتخلى عندة
ومن وقتها واحنا الحمدلله عايشين احسن عيشة ولو رن علية رقم غريب او جتلة اضافة غريبة ع الفيس بيبقى مرعوب ويقولى ردى انتى
نصيحة يابنات وياستات اوعى تسيبى جوزك لغيرك ابدااااا
رشا
منتدى فتكات قصص حقيقية
منتدى فتكات قصص حقيقية
المواضيع المتشابهه 
