جوزي للاسف
طيب وكريم وتعامله مع الناس محترم
لكن للاسف مش بيصلي
وانا اصلا اتجوزته رغم ظروفه الصعبه علشان كان ملتزم في الصلاه خصوصا صلاه الفجر علي حد قول مامته ( والله اعلم كانت بتكدب ولا لأ ) ومن اول يوم جواز الاقي ان مافيش صلاه غير لما انا اللي اقول
اتكلمت مره واتنين والف وبرضه مافيش فايده يقوم في ساعتها وبعد كده طناش
جبتله فتاوي لتارك الصلاه وان حكمها حكم المرتد برضه مافيش فايده
خوفته من قله البركه في البيت وان النعمه اللي في ايده ممكن تزول علشان ماشكرش صاحب النعم عليها وبرضه منتهي الكبر علي ربنا
والله بكلمه زي الاطفال
علمت اولادي الصلاه وبيقوموا يصلو قدامه وهو ولا هو هنا
ابنه يقوله مش ح تصلي يا بابا يقوله حاضر ومش بيصلي
ولادي بيسالوني هو بابا مش بيصلي ليه بقولهم هو بيصلي بس انتو مش بتشوفوه او بيصلي وهو بره علشان صورته مش تتشوه قدام اولاده
حتي رمضان ماكنش بيصلي الا الفجر علشان كان بيبقي سهران للسحور وبسسسسسسسسسس
حتي صلاه الجمعه بيطنشها
دلوقتي بدأ عقاب ربنا
ابتلانا في الصحه وكمان في الرزق ومش ناقص غير ابتلاء الاولاد ربنا يخليهم ويحفظهم ويبعد عنهم الشر
وبرضه للاسف مش بيفهم ولاعاوز يركعها وانا تعبت من الكلام والله
خايفه علي ولادي من جحوده لنعمه ربنا علينا
انا مش عارفه هو ازاي مش بيربط بين نعمه ربنا والصلاه في البيت
منتدى فتكات المحتارة الصفحة 2
ومش قادره اكلم اهله علشان فضحيين وهو ح يقولي فضحتيني
ورغم ان مثله الاعلي اخواته وبيحب يقلدهم في كل حاجه حتي لو فيها ضرر وبدون تفكير لانه مقتنع ان هم بيعملو احسن حاجه رغم كده مش بيقلدهم في موضوع الصلاه ابداااااااااا وهو بصراحه بيصلوا
بابقي مقروفه جدا وهو شايفني بتوضا واصلي وهو قاعد علي النت
ارجوكم محدش يهاجم جوزي محترم وكويس هو بس لو يصلي لو يفتح المصحف
ياااااااااااارب مش عارفه اعمل ايه معاه
ادعولنا ربنا يفك كربنا ويزيح همنا ويسترها معانا دنيا واخره
ادعو لاولادي مايطلعوش زي ابوهم ويطرح البركه فيهم
منتدى فتكات المحتارة الصفحة 2
منتدى فتكات المحتارة الصفحة 2
