طريقة جديدة ومربحة : ولكن هذا الاكسبيرت يحتاج لإضافة بسيطة

السلام عليكم
ماهو التعديل المطلوب ؟؟؟
ارجو التوضيح اكثر
مع التوضيح من على الشارت
تحياتى

الموضوع مش معقد مش محتاج شارت
كل الموضوع هستاذنك في تعديل بسيط في نفس الاكسبيرت ، و يا ريت تكون التعديلات علي الاكسبيرت الاول اللي حضرتك برجمته لانه شغال تمام جدا ، و هرفقه لحضرتك في الرد .
اولا : فتح خيار اضافي في اعداد الموفنج افريج السريع و البطئ
و و هو خيار apply to:
لان الموجود في الاعدادات الحالية ال period & MA method فقط
ثانيا : عدم اغلاق الصفقات الخاسرة ، و بالتالي فتح صفقة في الاتجاه المعاكس - إذا حصل تقاطع - باللوت اللي نحدده زي ما موجود عادي في اعدادات الاكسبيرت ..... و بالمناسبة حضرتك عملت التعديل ده علي اخر نسخة و لكن المشكلة فيها ان بمجرد وصول الصفقات لربح معين ، بيقفل صفقات اليوم ده و مش بيفتح تاني ، انا بقي عايز الاكسبيرت شغال عادي جدا ، طول ما فيه تقاطعات اكتر من مرة في اليوم شغال مفيش مشكلة .
ثالثا : بشان تحديد الربح ، الاكسبيرت الحالي فيه خاصية قفل الصفقات بمجرد وصول مجموع الربح لمبلغ معين انا بحدده و ليكن 50 دولار ،،، سؤالي بقي : هل ممكن اني اخلي طريقة الربح اكثر فاعلية : انه بمجرد وصول الارباح لمبلغ معين و ليكن 50 دولار ، يبتدي يعمل ملاحقة للارباح مع اتجاه اخر صفقة ، معرفش هيبقي عن طريق تريلينج ستوب و لا ايه ، بس بحيث برضه لما يقفل ، يقفل كل الصفقات الخاسرة و الرابحة و طبعا كده هيكون علي ربح .
اتمني اكون وصلت لحضرتك الفكرة ، لان عندي طريقة عمل ممكن تكون ناجحة جدا جدا لو نفذنا الكلام ده .
و عفوا علي الازعاج ، و شكرا جدا جدا لحضرتك .
:
https://forum.borsaat.com/uploaded/5...1525693710.mq4https://forum.borsaat.com/uploaded/5...1525693710.mq4

https://forum.borsaat.com/uploaded/5...1525693893.mq4

دي النسخة اللي بقل حضرتك نعدل عليها

ممكن تجرب كده
تحياتى

الملفات المرفقة

SemSar4x_EA_AR1.mq4‏ (17.7 كيلوبايت, المشاهدات 9)

اولا شكرا لحضرتك علي الاستجابة و سرعة الرد
الاكسبيرت فيه مشكلتين صغيرين
الاولي : انه بيفتح الصفقات قبل حدوث التقاطع فعليا ، يعني سعات السعر بيكون خلاص اقترب علي التقاطع و في اخر لحظة بيرتد و الموفنجين فعلا مش بيتقاطعوا ، و ده بيخلي فيه فرص كتير بتفتح في اتجاه غلط
ثانيا : الاكسبيرت بنسخته دي مش بيفتح صفقة في الاتجاه المعاكس ، بيسيب الصفقة العادية شغالة و مهما يحصل تقاطعات مش بيفتح صفقات نهائي
اسف علي الاطالة و شكرا جزيلا علي المساعدة

ممكن تجرب كده
لو مطلوب تعديل
ارجو التوضيح من على الشارت
تحياتى

الملفات المرفقة

SemSar4x_EA_AR2.mq4‏ (17.7 كيلوبايت, المشاهدات 11)

يا باشمهندس سمير
شكرا لاهتمامك اولا
الاكسبيرت مش شغال بالطريقة اللي بقول حضرتك عليها بمعني اني لو فعلت خيار close at nextؤ مش بيفتح صفقات تانية و بيشتغل بشكل غريب ،
و انا كده كده مش محتاج الخيار ده لاني مش عايز اقفل صفقات ، انا عايز الصفقات شغالة عادي مع كل تقاطع بالمضاعفات
فتح الصفقات ده بقي مش بيحصل ، يعني مثلا لو حصل تقاطع لاعلي شراء بيفتح الصفقة ، و بيفضل مشغلها مش بيفتح صفقات تانية مع العلم اني اللي اقصده اني بمجرد التقاطع في الاتجاه المعاكس يفتح صفقة المفروض بلوت مضاعف
الصورة توضح الكلام ده :
الدايرة الكبيرة بتبين تقاطع شراء .. و الاكسبيرت فعلا فتح الصفقة ، الدايرة الصغيرة بتوضح تقاطع لاسفل المفروض بيع و الاكسبيرت يفتح ثفقة عكسية بالمضاعفات و ده اللي مش بيحصل ... ارجو تكون المعلومة وصلت[IMG][/IMG]

ممكن تجرب كده
يستمر فى فتح الصفقات بيع وشراء مع كل تقاطع الى اغلاق الصفقات معا من الوين دولار
تحياتى

الملفات المرفقة

SemSar4x_EA_AR3.mq4‏ (17.6 كيلوبايت, المشاهدات 18)

للاسف يا باشمهندس نفس الموضوع مش بيفتح برضه غير اول صفقة
و ادي الصورة[IMG][/IMG]

اخى الكريم
تم تجربة الاكسبيرت الاخير لى فى المشاركة السابقة لى
باك تست على الشارت
الاكسبيرت يعمل كما طلبت بظبط
كما مبين من الصور
ارجو التجربة كما مبين من صور الاعدادات
تحياتى لك