المشاركة
يارب كل الأطفال والأمهات بخير وصحة وسعاده
زي ماقلت في مواضيعي قبل كده في قسم الحواديت أني معوده ولادي علي قصة قبل النوم،لكن أبني الصغير-3سنين-ساعات يصعب عليه الموضوع ويختار شخصيه وأنا ألفلها حكايه
مره أسد ،مره جزره،اهو اللي يخطر علي باله
انهاردة مثلا قالي احكيلي حدوتة الدبانه هههههههه
وفعلا ألفت حكايه وقلت أقوم أكتبهالكم بسرعه قبل مانساها
كان يامكان وفي يوم من الأيام
ولد شاطر وأمور أسمه هشام
كان متفوق أوي في مدرسته
وبيعمل واجبه ومجتهد في دراسته
في يوم هشام صرف مصروفه
وأشتري من بياع أول مره يشوفه
كانت حلوياته مكشوفه
ومش من شركة معروفه
[IMG]http://********************/2011/5/13052410665597.gif[/IMG]
قصة قصيرة عن الطعام الصحي
كل هشام وروح بيته مدروخ
وبعد شويه هشام بقي يصرخ
آآه يابطني آآه يابطني
الألم في بطني حيموتني
ماما قالتله حصل ايه فهمني
قولي الحقيقه واوعدني
تحكي كل اللي حصل بصراحه
واحده واحده كده وبراحه
[IMG]http://********************/2011/5/13052444551294.gif[/IMG]
هشام أتأسف لمامته
وحكالها كل حكايته
وجه الدكتور كشف وشرحله
أزاي ياخد باله من نضافة أكله
[IMG]http://********************/2011/5/13052474625594.jpg[/IMG]
وقاله الأكل المكشوف ده معرض للدبان
وفي رجل الدبان جراثيم مش بتبان
تنزل في اكلك
وتوجع بطنك
وقاله أكلك لازم تغطيه
ومن الحشرات تحميه
دي الصحه نعمه عظيمه
ولازم نحافظ علي أجسامنا سليمه
وقبل مامشي بفكرك أن للطعام أذكار
لازم ترددها بأستمرار
علشان تكون ولد شاطر ومن الشطار
كده خلصت حدوتتنا،ويارب يارب تعجبكم
وزي ماقلتلكم والله أنا سهرانه للفجر أكتب فيها وأحضرها ياريت ماتبخلوش عليه برددوكم ورأيكم
منقووول
قصة قصيرة عن الطعام الصحي
قصة قصيرة عن الطعام الصحي
المواضيع المتشابهه 
