يعنى ايه مبدأ
يعنى خط انتى ماشي علية مش ممكن تتخطاه
يعنى اسلوب وطريقه تعامل
يعنى وجهه نظر
************************************
كل دى معانى ممكن نضعها لكلمه مبدا وغيرها من المعانى
**علشان تقدر تقول انا عندى مبدأ ماشي عليه يبقي لازم تكون
عندك تجربه عن موقف معين قبل كدا والمبدأ دا يعرفك ازاى لما يجيلك تانى
تقدر تتصرف معاه ازاى وتتعامل معاه بالطريقة الصحيحة
ناس هتقول وايه علاقه المبدا دا بالفوركس
اولا
علشان تقدر تتداول فى الفوركس لازم تبقي عندك خبره ع الاقل 3 شهور
فى ال3 شهور دول بتكون عملت فيهم كام حساب تجريبي وتتعلم فيهم
هتفتهم بيه الفوركس اكتر وتتعلم دخلاته وازاى تخرج من اى صفقه
واكيد محدش هيروح يحط فلوسه فى مكان هو مش عارف يديره ازاى
ولا حتى عارف يكسب ازاى وكام
لكن بعد ما يتعلم فى بعض الناس بتكون قلقانه من الدخول ودى الشخصيات المتردده
والبعض التانى بيبقي عندو شوية ثقه ف الى بيعمله وبيدخل وبيجرب
ثانيا
لما بتدخل تتاجر فى الفوركس سواء كنت واثق او مش واثق مش هتدخل
بكل حاجه تمتلكها ولا حتى بفلوس كتير وبيكون دخولك بمبلغ بسيط اوى
الى بتكون مقتنع انك لو خسرته بيبقي عادى او ميزعلكش اما لو كان غير كدا
يبقي تأكد ان انتا مش طبيعي او مش فاهم انتا بتعمل ايه ولا فاهم فوركس
************************************************** *
المبدأ
اانا بقي كانت قصتي وبدايتى فى الفوركس كألاتى
انا كلية تجاره وبدرس اقتصاد ومحاسبه وبورصات
انا بحب اطور نفسي اوى فى اى مجال بدخله
فلما درست البورصه حبيت اطور نفسي فيها وافهم اكتر واطبق كمان
دخلت جوجل وعملت سيرش وبدات ادور ولاقيت نفسي فى وصلت
لكلمه فوركس وانا اصلا مكنتش عارف فوركس يعنى ايه
دخلت فى مواقع كتير وكنت تايه اوى ومش عارف اعمل ايه حتى فكرت
ان البورصه دى حاجه من اصعب الامور الى ممكن اوصل لمفهومها وطريقتها
وانها للناس الكبيره اوى ورجال الاعمال الى ممكن تشتغل فيها
لكن اتحديت نفسي فيها ولاقيت القناه الخاصه بالدكتور اسامه عادلربنا يحميه ويجازية خير
وبدأت افهم كل كورساته الخاصه بالفوركس وبدأت اجرب واتواصل معاه
لحد ما فهمت فوركس الى حد ما وبدأت التداول فى الفوركس بمبلغ 100 دولار
كنت مستعجل فى كل حاجه ومعملتش حساب تجريبي قبلها غير بفتره قليله
وكنت بعمل اكتر من 10 صفقات فى اليوم واكتر من 4 فى وقت واحد
كان احساس حماسي وان انا لازم اوصل للمليار دولار زكان احساس
بان انا بعمل حاجه هتكسبني كتير وهرتاح باقي حياتى والفلوس تيجي م الهواء
لحد ما عكست معايا وبدأت الصفقات تقفل مره واحده بسبب المارجن
كنت بتضايق اوى اوى وعايز اعوض خسارتى لكن الرصيد بقي صفر
اتهزيت اوى اوى وقولت لا دى اكيد مش تمام وان الناس دى ضحكت عليا
بدأت افكر تانى من جديد وحاولت اطلع اخطائى وحاولت اصححها
واكتبها فى ورقه ومن ضمن الاخطاء دى
1_التسرع
2_الطمع
3_عدم التركيز
4_مفيش استراتيجيه
5_كثره الصفقات
6_قله الخبره
وبدأت من جديد ودونت الاخطاء وبدأت افتح حساب جديد تجريبي
وبدأت اعالج اخطائى عليه وجربت كل الاستراتيجيات الموجوده
لكن اكتسفت ان المؤشرات العادية اكثر مصداقية
بدأت احط كام مؤشر على بعض وافهم المؤشرات دى كويس
وعملتها استراتيجية خاصه بيا وبدأت اشتغل صح وعالجت الاخطاء دى
دخلت فى حساب تجريبي ب 5000 دولار وفى مده شهرين بقي 10000 دولار
واتعلم من التجربيه دى
1_تحديد خطه
2_تحديد هدف ربحي وخسارتى
3_عدم التسرع
4_عدم الطمع
5_التأنى فى اختيار الصفقات
6_متابعه التحليل الاساسي
7_عدم الجلوس على الشارت اكتر من 1 ساعه
8_تحديد وقت دخول الصفقات وخرجى منها
9_الالتزام
10_الجدية
ودى كانت تجربتي وال10 مكتسبات دى جمعتهم فى ورقه وعملتهم مبدأى
وهو دا مبدأى فى الفوركس
لو انتا ليك تجربه استفادت منها فى الفوركس ممكن تحكيها علشان كلنا نتعلم
- متتكسفش من خسارتك الاولى دى اكتر كانت بدايه وقوفك على الطريق
- متبخلش على حد فى معلومات انتا تعرفها لان العلم لم يورث ولكن يكتسب
مـــــــــــــبـــــــــدأ
1Likes