استراتيجة مجربة ونتائجها ممتازة لكن تحتاج لاكسبيرت

السلام عليكم
اولا قبل اى شئ
احب اشكر اخى الكريم ابو سمر
على كل المجهود والمساعدات الكريمه من شخصه الكريم
وبصراحه هو عامل شغل تمام فى المنتدى وهذه شهادة حق
الله ينور عليك اخى الكريم ويزيدك من علمه
بس فى حاجه
انا شوفت الاكسبيرت الخاص بيك
هو ممتاز بس يعمل على البرمجة قبل التحديث الاخير فى البرمجة من اكثر من شهر
ممكن يكون هو السبب فى الاخطاء التى تظهر
بس انا جربت عندى ولم تظهر ايضا اخطاء
بس علشان صاحب الموضوع طلب عمل الاكسبيرت
تم عمله
وهذا ليس ابدا تقليل من اخى ابوسمر
بس هذا امل فى شئ ممكن يكون افضل
وربنا يستر يطلع الاكسبيرت بتاعى صح
بعد كل الكلام ده
هههههههه
تحياتى لكم

الملفات المرفقة

golden boy Hedge_sa1.mq4‏ (9.6 كيلوبايت, المشاهدات 25)

اقتباس:

المشاركة الأصلية كتبت بواسطة سمير محمد ارمان

السلام عليكم
اولا قبل اى شئ
احب اشكر اخى الكريم ابو سمر
على كل المجهود والمساعدات الكريمه من شخصه الكريم
وبصراحه هو عامل شغل تمام فى المنتدى وهذه شهادة حق
الله ينور عليك اخى الكريم ويزيدك من علمه
بس فى حاجه
انا شوفت الاكسبيرت الخاص بيك
هو ممتاز بس يعمل على البرمجة قبل التحديث الاخير فى البرمجة من اكثر من شهر
ممكن يكون هو السبب فى الاخطاء التى تظهر
بس انا جربت عندى ولم تظهر ايضا اخطاء
بس علشان صاحب الموضوع طلب عمل الاكسبيرت
تم عمله
وهذا ليس ابدا تقليل من اخى ابوسمر
بس هذا امل فى شئ ممكن يكون افضل
وربنا يستر يطلع الاكسبيرت بتاعى صح
بعد كل الكلام ده
هههههههه
تحياتى لكم

وعليكم السلام ورحمة الله وبركاته
كل الشكر والتقدير لشخصكم الكريم اخى سمير
على هذه الثقه التى اعتبرها وسام على صدرى
وهذا اقل ما يمكن ان اقدمه لاعضاء المنتدى
وانتهز هذه الفرصه لكى ازيد خبرتى على يديك
فارجو ان تساعدنى فى معرفه الطريقه الجديده المتفقه مع التحديث الاخير
ولك كل الشكر والتقدير
تقبل تحياتى

السلام عليكم اخى الكريم ابو سمر
انت تستحق اكثر من ذلك
لك منى كل التقدير والاحترام والشكر والتقدير لشخصك الكريم
بخصوص التحديث الجديد
كل الاكسبيرتات الاخيره لى تعمل بطريقة التحديث الجديد
ممكن تشاهد الاكواد
واى كلمه محجوزه لا تعلمه اعمل كوبى عليه وعلى البحث الموجود على [عذراً, فقط الأعضاء يمكنهم مشاهدة الروابط ]
ضعه واعمل بحث تجد مواضيع كثيره عنه
انا بعمل كده عندما اقف عند شئ
تحياتى لك

اولا وقبل كل شىء انا مش عارف اشكركم ازاى على مجهود حضارتكم ده بجد مجهودكم واهتمامكم واحترامكم فوق الوصف وربنا يعلم ان الكلام ده من قلبى ومش نفاق والله العظيم فبمجرد ان اكتب المشاركة الاقى الرد السريع منكم والاهتمام وسعة الصدر والتحمل ما لم اجده فى المنتديات الاخرى بجد مليون شكر لكم
بالنسبة للاكسبيرت هو بالفعل اصبح يعلق الاوامر بطريقة صحيحة لكن ليا بعض الملاحظات عليه :-
1-احيانا الاكسبيرت مبيفتحش صفقات خالص مع انه متفعل وكل حاجة تمام
2-الاكسبيرت به خاصيتن لا اعرف ما عملهم (auto lots-max risk)
تحياتى وتقديرى لكم

الصور المرفقة

88.png‏ (41.4 كيلوبايت, المشاهدات 2)

خاصية اوتو لوتس معناها أن الاكسبيرت راح يفتح صفقات تتناسب
مع الرصيد تلقائيا يعني كل ما يزيد الرصيد راح يزيد حجم الصفققات
ولو الغيتها هايعتمد على اللوت اللي انت محدده ..
وماكس ريسك فهي تتعلق بالمخاطرة اللي انت عاوز تخاطر بيها مثلا 20% او 40%
من الرصيد ..
وبالنسبة لماذا لا يفتح صفقات فممكن تتاكد من حجم اللوت عندك يمكن ما يتناسبش
مع حجم الرصيد .. أو ممكن الأستاذ سمير أو الأستاذ أبوسمر يحلوا المشكلة
حسب اللي برمجه ..
تحياتي

تسلم اخى ياسر على التوضيح
ما معنى مخاطرة ب20% او30% من الرصيد ؟
وهل خانة max lot لها علاقة بالعقود يعنى فى الاعدادت الافتراضية بتاعته فيها lot 0.1 و max lot 0.01 يعنى لازم لما نغير حجم اللوت لازم نغير الماكس لوت ؟

وليا طلب كمان من حضرتك ومن الاستاد سمير وابو سمر بعيدا عن موضوع الاكسبيرت وحتى كمان الفوركس
انا عندى شغف بكبير ببورصة الاسهم ونفسى اتعلمها واتقنها زى الفوركس وكل ما ابحث الاقى كتب وفيديوهات عن التحليل الفنى بس معندكوش فكرة عن كتاب او فيدوهات يكونوا بيشرحوها بالتفصيل يعنى من الالف الى الياء او حتى اماكن بتدى كورسات .
تحياتى

الماكس لوت تعني كم أكبر لوت ترغب في أن الأكسبيرت يوصله
يعني لو حطيت 0.12 فالأكسبيرت لن يفتح أي عقد بقيمة أكبر من هذه القيمة..
وهي مالهاش علاقة بخانة حجم العقود غير انه الرقم المحطوط في ما كس لوت
لازم يكون اكبر من الرقم الموجود في خانة حجم العقد ..والأرقام اللي انت عاملها
أنا أشك انها في الاعدادات الافتراضية للاكسبيرت لانه واضح ان ماكس لوت اقل
من خانة حجم العقد وده مش صحيح لازم يكون العكس .. فكيف يبدأ الاكسبيرت بعقد
هو أكبر من الحد الأعلى المسموح به ..
وبالنسبة لنسبة المخاطرة فهي واضحة بأنها كم نسبة من الرصيد انت تحب تغامر بيها
ولما توصل الخسائر لقيمة مساوية ليها يقفل الاكسبيرت الصفقات .. أتمنى أكون قدرت أوضح
تحياتي

متشكر جدا اخى ياسر على التوضيح
انا اخطأت لما قولت max lots انما هى max risk والافتراضى بتاعها 0.01 معنى ذلك ان الخسارة لو 1% من الحساب يفقل العقود صح لكن ده محصلش والخسارة وصلت لحد 20% ومقفلش الصفقات

وبعد التجربة لمدة يومين لاحظت ان الاكسبيرت بعد تحقيق الربح او لما بقفل الصفقات يدويا لايشتغل على هذا الزوج مرة اخرى حتى لو حذفته ورجعته تانى ممكن لوقفلت المنصة وفتحتها بعد فترة يشتغل .. ان شاء الله الاستاذ سمير وابوسمر يلاقو حل للموضوع ده
تحياتى

اقتباس:

المشاركة الأصلية كتبت بواسطة the golden boy

متشكر جدا اخى ياسر على التوضيح
انا اخطأت لما قولت max lots انما هى max risk والافتراضى بتاعها 0.01 معنى ذلك ان الخسارة لو 1% من الحساب يفقل العقود صح لكن ده محصلش والخسارة وصلت لحد 20% ومقفلش الصفقات

وبعد التجربة لمدة يومين لاحظت ان الاكسبيرت بعد تحقيق الربح او لما بقفل الصفقات يدويا لايشتغل على هذا الزوج مرة اخرى حتى لو حذفته ورجعته تانى ممكن لوقفلت المنصة وفتحتها بعد فترة يشتغل .. ان شاء الله الاستاذ سمير وابوسمر يلاقو حل للموضوع ده
تحياتى

السلام عليكم ورحمة الله وبركاته
فى البدايه احب ان اشكر الاستاذ ياسر على المتابعه والمساعده
واسمحلى اضيف توضيح ل MaxRisk
وهى تخص تحديد حجم اللوت فى حالة تفعيل Auto_Lots
وليس لها علاقه باغلاق العقود عند خساره او ربح معين
ولحساب حجم اللوت يكون كالتالى
نفرض ان الرصيد 1000 وحددنا MaxRisk = 0.01
فيكون اللوت =(1000*0.01)/100/10 =0.01
نفرض اننا حددنا MaxRisk = 0.1
فيكون اللوت =(1000*0.1)/100/10 =0.1

وكلما زاد الرصيد يزيد معه حجم اللوت اتوماتيك وفقا للمعادله
بالتوفيق ان شاء الله

بالتوفيق لكم جميعا .. وأكيد كان خطأ بدون قصد من الأخ ياسر ..