## AUDUSD ##

المشاركة الأصلية كتبت بواسطة hossamsafwat2

السلام عليكم ورحمة الله وبركاته
ازيك ياصديقي
وجهة نظري بخصوص الاسترالي دولار موضحه في الشارت
انه طول مااحنا اسفل الترند الهابط يبقى ممكن يعمل قاع جديده قبل الصعود
زي ماهو موضح على الشارت فيه منطقتين ممكن يواصل منهم السعر هبوط على حسب درجة التصحيح ,
اقواهم المنطقة العليا
لو بتفكر في السوينج استوبك 6010 بعيده عليك انا عارف عاوز تصيده باستوب اقل , بس اللي عاوز اوصله انه لو واصل هبوطه هيبقى مازال الاسترالي صاعد فوق 6010
روح كده للنيوزيلندي دولار هابط من 8035 بهبوط ثلاثي يعني لسه مش انهى هبوطه بيعمل فلاته بيعمل تصحيح مركب مش هتفرق المهم ان هبوطه لسه لم ينتهي
الدولار لسه قوي ولو قولنا ان الاسترالي دولار هينفرد بالصعود من غير العملات (ده احتمال ضعيف)
بالتوفيق ان شاء الله

المشاركة الأصلية كتبت بواسطة hossamsafwat2

وموجود في المشاركه دي نفس التحليل بترقيم الهبوط في قطرية خلفيه
وزي ماقولتلك قبل كده ان التداخل بين نهاية الاولى والرابعه بعتبره من الارشادات وليس قانون يعني مش شرط يحصل تداخل في القطريه الخلفيه
واذا اعتبرته بالنسبالك قانون يبقى خليك في الترقيم اللي فوق اكيد كده مرضيين
نحذر الذهب ( وجهة نظر )

المشاركة الأصلية كتبت بواسطة صاحب هدف

وعليكم السلام ورحمة الله تعالى وبركاته
أهلا ياباشا
ما انا على 170 نقطة ستوب ماقدرش عايزني أبص للـ 6010
بكل الاحوال اكيد مش هنفتح صفقة ونستنى إختراق القمة 1.1080 إنما بنقول إن الإتجاه المتوقع للفترة القادمة هي ترند صاعد وهنحاول نلعب معاه
وبرضه إنت متوقع دلوقتي تصحيح زي مافهمت من الشارت والتصحيح ده لوحده يجي 700 نقطة كفاية حلوين
إن شاء الله خير



إنت كده هتخليني أعتزل إليوت
طب التداخل إرشاد ماشي ,, إزاي عامل c من (1) مقطوعة ؟؟

المشاركة الأصلية كتبت بواسطة hossamsafwat2

بالنسبه للاسترالي فيه منطقتين للتصحيح موضحين ممكن من عند احدهم يواضل هبوطه ان شاء الله

بالنسبه لان c من (1) مقطوعه و هل قصدك ان نهاية (1) لازم تتجاوز نهاية A
اتفضل الشارت ده موجود في كتاب الفريد فروست وبريكتر
لايوجد فيه تداخل بين الاولى والرابعه وكمان لم تتجاوز فيه نهاية الاولي نهاية الموجه السابقه

المشاركة الأصلية كتبت بواسطة صاحب هدف

أيوا أنا قصدي إن (1) من القطرية زجزاج وماينفعش الويفة c من الزجزاج تتقطع على حسب علمي المتواضع

بالنسبة للشارت المرفق ياغالي c من الاولى ماتقطعتش بص كده بالاحمر الويفة الأولى والأخضر الويفة التانية


وإلا كان رسم الترند من مكان الإنقطاع
وبرضه كانت هتبقى ويفة دافعة الخامسة منها مقطوعة
بالنسبة لموضوع التداخل حصل نقاش سريع كده من فترة بيني وبين الأستاذ حسن مسعود اكيد عارفه
الشخص الرائع ده هو إلي إتعلمت منه الكم الاكبر عن التحليل الموجي ولسه ناقصني كتير صراحة وخصوصا موضوع الدرجة الموجية
المهم كان بيقلي إن في فرق بتطبيق التحليل الموجي على العملات وبتطبيقه على السلع وجبلي مثال حسب ما أذكر إن الويفة الرابعة مثلا في الويفة الدافعة مسموح تتداخل بنسبة معينة مع الويفة الأولى طبقا الكلام ده على السلع
فالشارت إلي عندك شكله للسلع او حاجة ,, مش عارف إيه هي djia
فممكن فعلا في السلع تتغير بعض القوانين ومنها التداخل بين الرابعة والاولى في القطريات
والله أعلى وأعلم
أنا لغتي الإنكليزية ضعيفة جدا فكتب اليوت الإنجليزية ماعرفش عنها حاجة كل إلي أعرفه من الأستاذة الأفاضل في المنتديات العربية ربنا يجزيهم عني كل خير
تحياتي