فوركساندرنيا

[QUOTE=michael thabet;1874543]صباح الخير
متابع جديد معاك وشكرا لك اولا
بصراحة انا ايضا واحد من الناس اللى اتلخبطت في صور التحليلات ونقط الدخول والخروج
اتمني وضع ارقام الدخول والهدف والستوب منفصلة عن الصور لانها احيانا تكون غير واضحة
شكرا لك مرة اخرى[/QUOT

صباح الورد يباشا بس انا كده خلاص موجود هنا مش صاحب ورشه ومسئول عنها انا مش حنزل تحليلات تانى وموجود عادى زى اى حد فى ناس صحابى هنا ابقا لو فيه وجه نظر حبقا انزلها عندهم وخلاص

بسم الله الرحمن الرحيم

صباح الخير ..... انا قلت اهو ... ههههههههههههههههههه

كبر دماغك ياعمونا مافى حاجه تستحق انك تديق عشانها ... وكمل شغلك اللى زى الفل بسم الله ماشاء الله ... وفى ناس كتير متابعك فى صمت وبتدعى لك ..

تقبل تحياتى

يعنى ينفع كده
اول ما ادخل الورشة ... تسيبها
يا استاذى العزيز تقبل اراء البعض وكلنا اخوه ومفيهاش مشكلة
انت بنفسك شايف المتابعات
حتى لو اختلفت مع حد. مش معني كده ترك الكل

ربنا يخليك يباشا وسيبها على الله

انا متقبل اى اراء والله وعارف انت بتتكلم فى ايه بس الانتقاد مش ظريف الحاجه قدام عنيهم والتحليل باين وضوح الشمس وبيقاوح بردو فى ناس كده خالف تعرف وعلى العموم والله ياعم انا هدفى ان ادخل هنا يكون فى حاجه خاصه بيا وانا اكيد مش حاخد طاقه سلبيه كده من اولها ان شاء الله موجود معاكو بردو

تمام يا محمود باشا
اجمد كده هتلاقي انواع متداولين كتير اغلبهم مبتدائين ولحد سنه او اتنين وهتلاقي ناس في المجال من زمان
فحاول تفهم ناس واحده واحده
لسه المشوار طويل طلما بتفيد الناس
وبالتوفيق ليك وطريقك اخضر

الله يكتب اجرك على تعب التحليل والمتابعه
واحذر ان تستسلم لتلك الاصوات

التوقيع

لا إله الا أنت سبحانك إني كنت من الظالمين .

يا جماعه خلاص نقسم القمر نصين

تعال على نفسك يا اخ محمود واعمل تنزيلات وخليهم النص نقاطك يعني 950 نقطة والباقي اوكوزيون

وحشين 950 نقطة يا اخوان

من رايي التركيز يكون في قوة المناطق الموضوعه للدخول في البيع او الشراء لنتناقش بها ونفيد ونستفيد والمراكب تمشي وكلنا اخوة وحبايب

وعلى قولة هنيدي زوء معاي اليوم ده خلي الفرح يعدي زوء يا عم محمود واتوكل على الله وبلاش دلع وكسل

لسه الاسبوع باوله ونقول كلنا يا هادي يا كريم

ان شاء الله يباشا مكملين وان شاء الله حنعمل احسن نتايج

ان شاء الله يباشا والله انا مش محتاج اى حاجه من اي حد انا تعبت علشان اتعلم ونفسى اى حد يستفاد منى اى معلومه علشان يبقا علم انتفع بيه حد وكلو بالثواب

يباشا والله اللى بيحسبها بالنقط ده اساسا مش فاهم فوركس انتا اهم حاجه اداره راس المال الصح علشان توصل لحد اعلى نتايج فى اقل وقت وانا اتحدى بردو ان حد يعمل النتاج ديه بالنسبه للهدف والاستوب الحمد لله النتايج باينه وهما اكيد راجعوها وملقوش غير الاوردر بتاع الباوند نيوز اللى تاعبهم مع انو واضح وضوح الشمس

طيب يلا بقا نتوكل على الله ونتكلم فى الشغل الحقيقى اللى نستفيد منو وهو ده اللى حياكل عيش اول حاجه حنتكلم فيها منغير تحليل فنى علشان يبقا الموضوع مكتمل الاركان يبقا واحد + واحد يساوى اتنين

اول حاجه يجماعه نخلى بالنا منها هيا اداره راس المال بمعنى ايه ان ازاى احنا باقل نقط وباقل شىء ممكن نعملو نوصل الحساب باقل ريسك وده اللى احنا عايزين نوصلو وهدفنا هنا ان كلنا نستفيد من بعض واللى عندو معلومه ميبخلش عليها والناس اللى مش عارفه فوركس شغاله انتقاد بس ممكن نتناقش معانا هنا بردو والموضوع مفتوح للجميع بس مش عارف افتح موضوع لوحده ولا اكمل هنا علشان يبقا كل حاجه هنا جاهزه فى موضوع واحد مستنى ردودكو

اهم حاجه اكل العيش
راي انا موضوع واحد كويس لان مش كل الناس هتشوف موضوعين مع بعض
اداره راس المال دي اصعب حاجه بالنسبه لحسابات الصغيره اقل من 5000
انا بس اوصل ل5000 والتزم
بالتوفيق لينا