ربيتها ثم عشقتها ..
البارت الرابع
منصور : عيل هذي اكيد الي مطرشتنهم
كحيلان : والله مادري يا منصور
منصور : شوماتدري مافي غيرها عيل اكيد هي باجر اذا بداوم بنروحلها انا وياك وبنشوف شو سالفتها
كحيلان تنهد مب عارف شويقول اول مره يمر بهالموقف
منصور : الا ماقلتي شسمك !
كحيلان : اسمي كحيلان
منصور : عاشت الاسامي
كحيلان : عاشت ايامك
منصور : انته فجامعة اكسفورد صح
كحيلان : هيه
منصور : يعني وياي بس كيف ما اشوفك هههه
كحيلان : انا تبا الصدق اخلص محاظراتي واطلع ونادر ماتحصلني فالحديقة ماحب اتم فالجامعه وايد
منصور : اها
باليوم الثاني
ملاك : بابا
راكان : عيون بابا
ملاك : انته ليش ماتسوق بروحك وتودينا المدرسه
راكان : هههههه ليش حبيبتي ترا الددريول موجود
ملاك : لا لا انا اباك انته تسوق وتودينا المدرسه
راكان : من عيوني اليوم انا راح اسوق
وتريقو وراحو المدرسة ,, وصلو مدرسىة ملاك
راكان : يالله انزلي وترييني داخل اليوم انا بشلج
ملاك : انزل معاي وصلني لين عند الباب
راكان : ههههه ليش
ملاك : عشان اقولك بابا باي
راكان ماحب يكسر بخاطرها ونزل معاها ووصلها لين عند الباب والبنات كلهم يطالعونه وطبعا ملاك خااققه ع الاخر ومستانسه ,, راكان باسها ع راسها وعطاها ظهره وراح
ملاك بصوت عالي: بااااااباااا باااااي
راكان ضحك وفهم ليش جيه صرخت لف صوبها : باي ياعمري
.................................................. .........................................
كانو عند المطعم الي فحارتهم
غدير : ااااخ ياابطني اسميني كلت من خاطري
مكتوم + مداوي : انا بعد واللله
غدير : انتو دومكم تاكلون جييه بسسم الله جنكم ياين من مجاعة الصومال
مكتوم : اقول مع نفسك مادري منو يخلص صحن العيش هالعود بروحه كل يوم
مداوي : هههههههههه هيه والله تقولون مفجوع عافانا الله
وشوي رن فون مكتوم ,,
مكتوم : لحظه شوي
مداوي : منو !
مكتوم حط سبابته ع شفايفه يعني سكتو وقام عنهم
غدير: عرفت شو الي فبالي صح
مداوي : هيه بس يعني ماظن مكتوم يخبي عنا شي
غدير : مثل ما انا خبيت عنكم يمكن هو مخبي عنا
مداوي : انته غير انته نحن نعرف انه فيك شي وانك خاش شي عنا بس هو مايبين عليه اببدن
غدير : والله مايندرا
وشوي الا يرد مكتوم وهو مستانس
مداوي : منو الي اتصل !
مكتوم ارتبك :هيه ...هذا شسمه ( يتلعثم ) واحد من زمان متعرف عليه
غدير : منو هذا وكيف تتعرفت عليه
مكتوم : ااا اسمه .. مم .. محمد
غدير : اها ,, انزين متى التقيتو انته دوم ويانا
مكتوم: شوفيك غدير ليش جيه وايد تسال ,, ريال وعرفناه وخلاص
مداوي : انزين يعني بس سالنا كيف تعرفت عليه وبس شوفيك
مكتوم بضيج : ماشي
غدير : يالله خلونا نروح
.................................................. .......................................
منصور مصدوم : هذي هي !
كحيلان : هيه هذي
منصور : هذي بويه ومحد يدانيها غير هالخياس الي فالجامعه
كحيلان : ادري
منصور : يالله تعال بنروح عندها ,, والله براويها
منصور مشى عن كحيلان بسرعه واجدم
كحيلان بصوت عالي : منصور لحظه
منصور وقف ولف صوبه : هلا
كيحلان : انا جدامها ارمس سعودي بس جدام الكل ارمس اماراتي
منصور استغرب : ليش !
كحيلان : ماشي بس خبرتك عسبت ماتستغرب اذا رمستها ,
منصور : انزين ليش يعني قولي !
كحيلان مايحب يخبر حد شي عنه وقال بشوية عصبيه : قلت ماشي وخلاص
ومشى صوب جواهر ووراه فيصل المصدوم من تصرفات كحيلان ,, وصلوا عند جواهر
منصور : السلام عليكم ,, هه المفروض ما اسلم اصلا
جواهر: وعليكم السلام ,, ليش داخل ع كفار !
منصور: بس الي شرات اشكالج مايسلمون عليهم
جواهر بعصبيه : احترم نفسك
كحيلان : منصور اسكت عن ذي
جواهر ضحكت باستهزاء : اوه من طرف كحيلان اكيد بيكون نفسه
كحيلان : اجل ماهوب عاجبك ( ورفع حاجبه الايسر ,, وشكلله كااان عجيييب يوم رفع حاجبه شوق ربيعة جواهر تخبلت عليه )
جواهر : اخلص شعندك ياي بنفسك عندي
منصور : يعني ما اجوفين ويه الريال كيف وجسمه كيف متكسر
جواهر وهي ادقق فويه كحيلان : سلامات ,, بس شيخصني انا هو متكسر ولاحي ميت !
منصور بدا يتنرفز : وتسوين نفسج ماتعرفين ياشاطره بععد
كحيلان : انتي ايش تبغين مني !
جواهر :ههيي هييي هييي ( وتحرك ايدها ) نعم شو تبون انتو الاثنين
منصورعصب : لاتسوين نفسج هبله وبريئة مب علينا هالحرككات ,, انتي ماتخافين انتي فبلاد غربه وتسوين هالاشياء
جواهر : انته شو تقول شو تخربط روح روح عن ويهي بس انته ويا ربيعك
كحيلان : كل هذا بس لاجل اعتذرلك ,, ( ابتسم بنص شفايفه ورفع حاجبه ) اعتذار مانيب معتذر لو اتكسر سامعه ياشاطره ( وجه نظراته لمنصور ) يالله عندي محاظره انا
منصور معصب : كحيلان لاتستهبل نحن مب ياين عسبت نقول كلمتين ونروح
جواهر : انته شويخصك حاطنك محامي دفاع عنه مثلا
كحيلان طالعها باستحقار ويوجه كلامه لمنصور : امش اقول بس امش \
جواهر طالعتهم بقهر وراحت صوب ربيعاتها
شوق : قسسم بالله عليه نظرات وجسسسم وحلااه وكل شي فييه حللو
جواهر : اقول بس سكتي
دانه : هيه والله حليييوو حتى الي وياه يججنن
جواهر : انا عندي محاظره باي( وراحت عنهم )
شوق : ماتحب سيرة الشباب طول ولاتحب تقول هذا حلو وهذا مب حلو
دانه : هيه اففف ليش ماتحب واحد هاي وتفكنا
شوق : دخيييييلج هاي بتحب بنت بس ولد لا
.................................................. .........................................
وقف عند المدرسة يتريا ملاك لين تظهر لكنها تاخرت ومابقى حد فالمدرسة ,, خاف ونزل بسرعه ودخل داخل ,, شاف الحارس فويهه
راكان : لو سمحت مافي بنت صغيره داخل
الحارس : لاواللهي يا استاز مافيش حد كولهم راحو
راكان : وبنتي اقصد اختي وينها ,, كيف مافي حد
الحارس : اتفضل حضرتك وبص ,,
راكان دخل المدرسه وتم يدور ويدور ماحصل حد فجاه سمع شي خلاه يتخبل
ملاك من صوت بعيد اشبه بصوت حد محبوس : ببباابباا
راكان يوجه كلامه للحارس : سمعت ,, سمعت الصوت
الحارس : ماسمعتش حاقه يا استاز
راكان عصب وتم يصارخ : هذا صوت ملاك تقول بابا مااتسسمعها
ملاك بصوت اعللى : ببببااااببااا بباااببباا
راكان يحاول يدور اتجاه الصوت لكنه مارام ,, وسمع الصوت يتككرر اكثر من مرهه لكنه فجاه ما سمع الصوت ابببد تقريبا لمدة ربع ساعه
راكان بخوف وهو يصارخ : افتحلي كل الحمامات ( عزكم الله ) وكل الصفوف وكل شي فالمدرسه
الحارس : ما ادرش يا استاز
راكان يصارخ : لاتستهبل علي اقولك يالله بسسرعه افتح كل شي
الحارس : اسف يا استاز دي قوانين
راكان : شكلك ماتعرف منو انا قسم بالله احينه اسفرك بلادك وتنحرم من دخول الدوله
الحارس خاف : ماشي ماشي يا استاز حفتح كل حاقه
راكان : ياللله بسسرعه جدامي
الحارس راح فتح اول شي الحمامات ( عزكم الله ) وعقب فتح الصفوف لاكنهم مالقو حد ,,
راكان وهو ميت خوف : مافي اماكن ثانيه غير هذي
الحارس : ايوه يا استاز في
راكان : وين بسسرعه يالله شو تتريا عيل
الحارس : المختبرات
وراحو صوب المختبرات وااول ما فتح اول مختبر انصدم راكان من الي شافه
روايات رومانسية جريئة جدا كاملة جديدة
.................................................. ..........................................
شقة الشباب كانوا يلعبون ورقة
فهد : ههاااي اصلا دومي غالبنكم يالتيوس
عمير : انزين صبر صبر هذا اول دور باقي وايد
نهيان : والله انتو مساكين مادري منو الي مقطعنكم دووم واحينه يالسين تتفاخرون
عمير وجاسم وفهد تم يطالعون نهيان باستغراب
جاسم : اقول جب انته دومك خسران يالخريط
نهيان : ماا اقول عن عمري انا
فهد : عيل عن منو
نهيان : صاحبنا الي متغير علينا وماصار ايينا احينه
فهد : منو ,! راكان
جاسم : هيه والله متغير مادري شياه علينا
عمير: صبروا خلوني ادقله واشوفه وين ( شل فونه ودق ع راكان ) عنده خط ثاني
وشوي فون فهد يرن
فهد: هذو يدقلي صبروا ... ألو
راكان والخوف يبين فصوته : فهد وينك
فهد قام من مكانه وملامح ويهه تغيرت : انا فالشقه عند الشباب شوفيك
راكان : تعال المستشفى بسرعه
فهد انصدم : هاه ,, لييش شو السالفهه
راكان : تعال وبتعرف
فهد : اوك باي .. شباب عن اذنكم بروح وبرد
عمير : راكان فيه شي
جاسم : صبر صبر بني وياك
فهد : اوك ( وشوي تذكر انه محد يعرف سالفة ملاك ويمكن السالفه تخص ملاك ) لا لا انا بروح وعقب بدقلكم
نهيان بحده شوي : فهيييد ( ورص ع اسسمه )
فهد لف صوبه : هلا
نهيان : انا رايح وياك ولاتناقشني
فهد : اوك ( خلاه يروح وياه لانه نهيان وايد ويا فهد وراكان ) شباب انتو خلكم هني لو احتجنا شي
عمير : اوك بس خبرنا شو السالفه وكل شي اول باول
فهد : ان شاءلله ( وطلع هو ونهيان من الشقه )
منصور : بتسكت عنها !
كحيلان : شوتباني اسويلها اضربها مثلا !
منصور : ياخي كحيلان لااتققهررنيي شووف حالتك كيف وبتم سااكت
كحيلان بصوت يشبه الصريخ : منصور انا عمري مامريت بهالمواقف ومب متفيج حق هالسخافات برايها تزوول
منصور :وخلهم كل يوم وكل دقيقه يضربونك وانته اخر شي موت والسبه هالتافه
كحيلان : ...................
منصور : ليش ماتبلغ عليها !
كحيلان : نحن مب متاكدين انها هي الي سوت هالشي كيف تباني ابلغ
منصور بدا يعصب : كحييييلااان انته تقول ماعندك عداوات هني وماتعرف حد وهالسالفه ماصارت الا يوم اضاربت ويا هالبنت
كحيلان عصب : منصووور خلااص اسسكت عني بيذبحوني خلهم يذبحوني مب انته الي بتموت
منصور سكت عنه وماحب يجاادل اكثر ,, وكملو طريجهم وكل واحد دخل محاظرته
.................................................. ....................................
مكتوم منسدح فغرفته ,, شل فونه وابتسم ودق ع اخر رقم وصله ورمسه
......: ألو ,, اخيرن
مكتوم ابستم : سوري بس لين رجعت البيت وخلصت من غدير ومداوي
.....: اها ,, انزين شحالك
مكتوم : تمام حياتي ,, انتي شحالج
.....: الحمدلله بخير
مكتوم : شو سوت هنوفتي الحلوه اليوم
هنوف: ههههه ماشي والله طول الوقت ملاانه ويالسه ويا امايه
مكتوم : فديت الملان انا ,, اي اشلج ونطلع حبيبي
هنوف : مكتووووم ( رصت ع اسمه )
مكتوم : ههههههه شوفيج حياتي اسولف وياج انزين
هنوف : ههههه انزين
مكتوم : خلاص انا زعلللان
هنوف : يالله عاااد مكتووم بلا دللع
مكتوم : مايخصني رااضيني
هنوف : انزين كييف !
مكتوم : قوليلي اي شي
هنوف : انزين احبببك
مكتووم : فدييييييييييييته اناا
.................................................. ...................................
فهد دخل الطواري وشاف راكان من بعيد وراح يركض صوبه هو ونهيان
راكان اول ماشاف فهد راح صوبه بسرعه وحضضضننه
فهد : راكان شوصار ! ملاك شوفيها !
راكان بحزن : ماادري يا ففههد ماااددريي ,, بمووت من الخوف يا فهد
فهد بعد راكان من حضنه وحط ايده ع جتف راكان : استهدي بالله ياريال ,, هد عمرك البنت مافيها شي ان شاءلله
نهيان طبعا مب فاهم السالفه ولا يعرف منو ملاك بس ماحب يسال عن اي شي فهالوقت
نهيان : شو صار يا راكان ! يعني هي مريضه ولا طاحت عليك ولاشي
راكان قعد ع الكرسي ونزل راسه : رحت المدرسه اشلها ماحصلتها تميت ادورها اخر شي حصلتها فالمختبر طاايحه وكانت تنزف لانها طاحت من فوق المكتبه
فهد انصصدم : هاه ,, انته شوتقول,, كيف البنت كانت فالمختبر
راكان : نسوها داخل وقفلو الباب
نهيان : وشو قال الدكتور
راكان بحزن : قال حالتها خطره وايد ودخلوها العنايه
وشوي يطلع الدكتور وعلامة الحزن على ويهه ,, راكان وفهد ونهيان ع طول وقفوا
روايات رومانسية جريئة جدا كاملة جديدة
التوقيع
توقيع
روايات رومانسية جريئة جدا كاملة جديدة
المواضيع المتشابهه 
