• 9:40 صباحاً




روايه طويله وكامله الارشيف

إضافة رد
عضو فـعّـال
تاريخ التسجيل: May 2015
المشاركات: 1,465
معدل تقييم المستوى: 10
Dr.Oz is on a distinguished road
17 - 05 - 2015, 06:58 PM
  #1
Dr.Oz غير متواجد حالياً  
افتراضي روايه طويله وكامله الارشيف
'"اسحرتني بالحلال"'

...البارت الثالث...

ثريا؛
كانت تتنمى كل شي يكون حلم تصحى منه وتلقى نفسها نايمة بحضن امها لين الحلين بس كلها امنية مستحيل تتحقق كانت تبي تقول لعمها كلام كثير تبي تسأله شلون بتسير حياتها وين بتعيش
تأكدت أن كل الرجال راحوا من عند عمها ودخلت عليه المجلس:....
جاسم ابتسم بخبث:ياهلا والله ببنت خالد
ثريا تنهدت وقالت ببسمة من ورا قلبها:هلا فيك يا...سكتت ...عمي
جاسم انصدم من بسمتها شلون تبتسم وهذا اول يوم من عزا أمها وأبوها:شكلك مبسوطة أن والديك ماتوا
ثريا بإبتسامة اكبر ومن ورا قلبها :لو كنت مثلك كنت بكون مبسوطة بالحيل
جاسم عصب وراح لها ولاحظ أنها ماخافت ولا تحركت ومسك شعرها وقال:احترمي نفسك واعرفي ان مالك احد غيري
ثريا حاولت تصبر تمسك يدينه وتبعده بس مافي فايده:....لي الله فوقك
جاسم مسك شعرها بشكل أقوى ورماها ع الأرض : الله ماينصر أمثالك
ثريا وقفت بسرعة وبنبرة حازمة بس بصوت عالي:هه تقصد نفسك انت هذا انت وامثالك اللي الله ماينصرهم




روايه طويله وكامله الارشيف


جاسم قرب بعصبية وعطاها كف قوي:انطمي
ثريا حست ان اسنانها طاحوا من الكف ماتكلمت بس طالعته بنظرة توعد:.....
طلعت من المجلس وراحت للحمام طالعت وجهها حاولت ماتضعف عاهدت نفسها ماتبكي وتكون قوية ولا همها أحد غير نفسها لأن كل البشر وحوش كانت تطالع نفسها عيونها تلمع ودها تطلع بس غسلت وجهها وانصرت ما طاحت منها ولا دمعة ابتسمت بخبث قلبها وهي تطالع في المراية نفسها تحس أنها وحدة ثانية ع الرغم من أن امها وابوها توفوا إلا إنها قالت وبكل قسوة وبقوة "الحي أبقى من الميت" طلعت من الحمام وهي وحدة ثانية في كامل قوتها وجبروتها !!
أول ماطلعت من الحمام تلاقت عيونها بعيون منال تطالعها هي والجازي
ثريا :اليوم شنو
منال ترد بسرعة تبي تنسيها امر موتهم:اليوم الأحد
ثريا هزت راسها وقالت بهدوء:ابي ارجع البيت ابي اخذ اغراضي من البيت
الجازي:ان شالله اللحين اقول لابوي
ثريا :عندكم سواق صح؟
منال:ايه اجل شلون كنا نزورك
ثريا قعدت ع الارض واكتفت بالسكوت

قصر رعد ؛رعد وندى
كانت تنتظره في الصالة تتأفأف وتطالع السقف وباين أنها طفشانه تبي تسولف معاه لانها ولا مرة سولفت معاه من يوم زواجهم دوم يحجرها ويصد عنها ويطردها طلعت زفرة طويلة منها لين ماحست بخطوات رعد طالع من الأصنصير التفتت له شافته لابس ثوبه ومرتب غترته وحاطها بشكل أنيق وريحة عطره جذابة ولابس ساعته من الذهب الأبيض ودخل فونه داخل جيبه
نادته بصوت ناعم:رعد
وقف مكانه ينتظر شتقول وقف وهو يطالعها بملل:...
اقتربت منه وقالت بنبرة قهر:ممكن أعرف ليه تكرهني
ابتسم لها ابتسامه خفيفة وقال بهدوء:يعني ماتعرفين ليه
هزت راسها بلا:...
قال وهو يطالعها من تحت لفوق:روحي تأملي نفسك بالمراية وأنت تعرفين
طلع من القصر وركب سيارته وراح لقصر عمانه وأبوه​


قصر سلطان صالح متعب ؛ صالة الحريم الكل مجتمع

أم تركي بإبتسامة لزوجة تركي:وكيف الحمل معاك عسى مو متعبك
غالية بإبتسامة:متعبني شوي وتركي ياعمري عليه شايلني شيل
أم تركي بإبتسامة أكبر:الله يخليكم لبعض ويتمم حملك ع خير
مروة بلقافة :عن شنو تتكلمون
أم تركي :سوالف حريم
مروة بترجي:يمه شدعوه يعني ترا أنا كبيره خلاص وافهم قولوا لي تكفوون قولوا
أم تركي بعصبية:استحي يابنت واتركي عنك اللقافة كم مرة اقولك اللقافة طبع شيييين
غالية تضحك ع الحوار اللي صاير:
مروة بقهر:تضحكين انت هاه طيييب طيييب بحرض تركي عليك بقوله تكرهني في امي زوجتك الشينة
وراحت قعدت جمب لمــياء اللي بالها سرحان في اللي يفز قلبها لي طروا اسمه
مروة تعرف انها تحبه قربت من اذنها وقالت:رعد
لمياء التفت لها بسرعة وبلهفة قالت:شفيه
مروة:ولا شي
لمياء بصوت عالي :ترا انت سخيفة وسامجة ولا تستحين ع وجهك يعني بتضحكيني اللحين
الكل التفت عليها :...
أم تركي بتعجب واستنكار:شفيك
لمياء :يمه قولي لبنتك تحل عني ....وراحت لغرفتها وقفلت الباب بقوة
ام تركي بعصبية :شسويتي لاختك
مروة بصراخ:ماسويت لها شي
أم تركي:روحي اعتتذري منها
مروة تقول بتكبر ووهي ترفع حاجب:ليييه من هي عبشان اعتذر لها
ام تركي مستغربة من بنتها وطبايعها الشينة هالأيام :احترمي نفسك يابنت ولا تصارخين علي
مروة :مو لما انت ماتصارخين علي انا مراح اصارخ
ودخلت غرفتها وقفلت الباب بقوة
ام تركي تفشلت :...
سديم حبت تلطف الجو :اقول بنات شرايكم بكرة نعزم خوياتنا يجوووون
فادية بحماس:فكرة حلووة شرايك بنات
طيف تطالعهم:مانبي نضيع وقتنا في امور تافهه
جمانة تتكلم بسرعة:أنت مين كلمك خليك في كتابك ودروسك وبس انت اصلا مو وجه حفلات
طيف :...اقول لا تتكلمين مع ناس منتي قدهم
أم نواف :طيف عيب هالكلام يعني بنعلمك العيب وانت بهالعمر ليه ماتكوني مثل اختك ندى ولا اخوانك ابراهيم ونواف من مين جايبة هالطبع
طيف بعصبية وببكا :انا مااحب اكون مثلهم احب اكون مثل ماانا احب انا شيخصيتي قوية مني مثل ندى ونواف وإبراهيمووه وهالطبع جايبته من عندي انت اصلا تحيبن عيالك اكثر مني علشان كذا انا دافنه نفسي بالكتب علشان ادري تكرهوني وتبون الفكة وانا لازم اظمن مستقبلي واجيب شهادتي واشتغل واكد ع عمري انتوا كلكم بتتركوني انا ادري بتتركوني مثل ماتركني عمر ...راحت لغرفتها وقفلت الباب
سديم بساؤل:شفيهم اليوم كلهم زعلوا


قصر سلطان،صالح،متعب ؛ كل الرجال مجتمعين في الصالة الأكثر من فخمه
محسن يضحك بإزعاج :فااااتكم قسم لو جاين كان فطستوا ضحك أقولك طاح ع وجهه قدام الكل
إبراهيم بعصبية:أقول لا يكثر ترا عدت السالفة الف مرة
صقر يبتسم لإبراهيم تنهد بسرعة وهي يعدل قعدته:أهم شي شنو كان شعورك وانت تزلق قدام الرجال والحريم
إبراهيم يطالعه بقهر :يارب تزلق في مول يااارب علشان تعرف شعوري
صقر يبتسم بثقة:هه تحسبني مثلك ماشوق قدامي ولا شنو
محسن يغمز لابراهيم :أكيد كنت تبتسم لوحدة وتعطيها بوسة ع الهوا وانت تمشي وزلقت بسبب دعوتها عليك
إبراهيم يبتسم بخبث:كلن يرى الناس بعين طبعه
قطع كلامهم دخول رعد بهيبة ورزة قال بصوت هادي :السلام عليكم
الكل:وعليكم السلام
راح يسلم ع أبوه وباس راسه ثم جلس :...
متعب بإبتسامه:شلونك وأنا عمك
رعد بإبتسامة خفيفة:تمام الحمدلله...أنتوا شلونكم؟
متعب يهز راسه:بخير ولله الحمد
سلطان وقف :رعد تعال أبيك
رعد وقف:ع أمرك يبه
سلطان راح لبرا القصر ولحقه رعد
سلطان قعد ع كرسي من السعف وقعد رعد مقابله
سلطان يسأل رعد بنبرة هادية:شخبارك ياولدي وشخبار ندى معاك
رعد حس نفسه عصب لما سمع اسمها طلعت زفرة عميقة:الحمدلله
سلطان بنبرة سائلة:شفيك متضايق
رعد:ولا شي يبه ...بس أبي أكلمك بموضوع
سلطان:تفضل
رعد رد بسرعة وبهدوء كعادته :يبه أبي اروح معاك بيت خالد آل 0000 أبي أسأل اخوه سؤال
سلطان استغرب:اللحين
رعد تنهد :ياريت يبه
سلطان عقد حواجبه:ليــــه
رعد :يبه بقولك عن الموضوع بعدين قوم نروح
سلطان يطالع ساعته:الساعة تسع
رعد:طيب يلا مشينا
سلطان تنهد:ياولد الحلال خليها بكرة
رعد بهدوء:لا يبه ابي اللحين واذا منت رايح بروح لحالي
سلطان هز راسه:طيب روح انت لان انا مااقدر
طلع من القصر متوجه لبيت جاسم


بيت جاسم؛ثريا وسارة ومنال
ثريا تلبس عباتها السودا وشيلتها السودا وغطت كل شعرها بعد مالفته كانت مثل القمر في وسط ليل حالك الظلام العباية ليل وهي قمرها رغم ان وجهها شاحب إلا إنها جميلة حتى وهي معصبة
سارة :اخاف يعصب
منال:وانا بعد
ثريا من دون ماتطالعهم:انا بكلمه
انتظرت دقايق تستجمع قوتها
شافته في الصالة
ثريا تطالع :عمي
جاسم يطالعها:عمى اللي يصيبك قولي امين
سارة تلتفت للجازي وهي منصدمه وعاقدة حواجبها
ثريا بهدوء :ابي اروح البيت اجيب اغراضي وارجع
جاسم:باللي مايحفضك
ثريا :شلون بروح
جاسم:سواق عند ابوك وانا مدري
ثريا :بمشي بسواقكم
جاسم:...
ثريا :لا تحاتي بدفع له
جاسم :دام كذا اوك هاتي
ثريا:اللحين ماعندي لما برجع اعودك بعطيك
جاسم :طيب انقلعي
ثريا حست بكره غير طبيعي وقالت بهدوء:فكة
جاسم وقف وراح لغرفته وهو يمشي :شقلتي...
ثريا:ولا شي
سارة :يبه بمشي معاها علشان اتأكد انها جابت الفلوس علشان تدفع
جاسم مشت عليه:طيب
ثريا حست انها عطشانة :اسبقيني للسيارة بجيك اللحين
سارة قالت للسواق انها بتطلع وركبت السيارة وانظرت وشافت سيارة وقفت عند البيت باين انها فخمه قالت:مشالله فراري مرة وحدة يابختكم...شافت شاب ينزل من السيارة يرن الجرس
ثريا طلعت من الباب الداخلي وهي بعد ماارتوت وهو تقول :وع حتى ماي بيتهم طعمه شين
سمعها رعد وهي تقول هالكلام بس ماابتعد ولا وخر توقع انها مراح تخرج وابتسم جاته ضحكه من كلامها
سارة تطالع :يمه منه وسيم ياترى وش اللي ضحكه اصلا وش اللي جابه
ثريا وهي ماشية بإتجاه الباب حست أنه في شي تعلق برجلها كانت نملة صرخت شوي وقعدت تنفض رجلها ومشت وهي تطالع الارض لا يجيها شي للباب وفتحت وماانتبهت للرفعه البسيطة للباب وطاحت بحضن رعد

سارة شهقت :هييييييي ومو متغطية بعد لابالله بيروح فيها الرجال

ثريا تشم الريحة بسرعة ريحة عطر أبوها لوكست عورها قلبها وبعدت بسرعة مانتبهت وهي تقول بعصبية:انت ماتستحي ع وجهك قاعد مقابل الباب يعني ماتخاف تجي وحدة وتشوفك هاه
رعد منصدم ويطالع كان متشتت يسمع كلامها ولا يطالع تعابير وجهها ولا حركات يدينها:....انت اللي ماتشوفين قدامك
ثريا بعصبية :اقول لا تغلط علي لاعلمك منو اللي واقفة جدامك صحيح امي وابوي ماتوا لكن قسم بالله ماضعفت
رعد عرف انها بنتهم وانصدم من انها بالقوة ع الرغم من أن امها وابوها متوفين وقال بهدوء:عظم الله اجرك
ثريا تطالع الأرض:وخر ابي امشي ولا تبي اصدم فيك مرة ثانية
رعد وخر وقال بهدوء:تفضلي
ثريا قالت بصوت هادي :بتفضل غصب عنك
دخلت السيارة وراحوا
رعد يطالع السيارة ويدور كلام في باله كلام كثير بس قطع السكون اللي كان فيه صوت عمها وهو يقوله :السلام عليكم
رعد انتبه :وعليكم السلام
جاسم من شاف السيارة عرف انه بطارن :ياهلا فيك ادخل



روايه طويله وكامله الارشيف

التوقيع

توقيع
رد مع اقتباس


إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
روايات طويله وكامله من الارشيف Dr.Oz استراحة بورصات 0 17 - 05 - 2015 06:46 PM


09:40 AM