رد: الفوركس من الالف الى الياء
السلام عليكم
والله يا استاذ اسامه قد ما حكيت مش راح اوفيك حقك من المدح والشكر
والصراحه يعني انا كنت ماخذ فكره مش مزبوطه عالفوركس قبل كم يوم
لكن بعد متابعه ورشتك وورشه الترند المكسور صار عندي فضول اعرف كل اشي ليش صار
عالعموم انا ما دعيتلك
رحت على الحجه(امي الله يسعدها) و خليتها تدعيلك دعوه منيحه الك ولكل واحد بهمك ودعوه الام زي الترند السنوي صعب تنكسر ههههههههههههههه
انا استفدت كثير من الموضوع واكيد عندي كم سؤال صغير يعني
بس عشان اختصر عليك وعلى حالي جهد حكيت براجع الموضوع كمان مره بكرا واذا ما لقيت لاسئلتي حل بسالك بيهم.
والله والله دعيتلك من قلبي انك بكل حرف كتبته يوصلك مليون حسنه
وبكل سنت انتا ساهمت فيه مع الاخوان اللي استفادو من علمك نفس الاشي
على فكره انا اسمي مصطفى من الاردن من مدينه اسمها السلط وعنا معروفين بعنصريتنا لمدينتنا وحبها (زي حبك للاسكندريه )
يعني انا بحب السلط اضعاف ما نتا بتحب الاسكندريه وما في مجال للنقاش
بتمنا ما اكون طولت عليك بالرد اخي اسامه والله يطرحلك البركه وين ما تروح وتيجي