طلب مؤشر بفكرة جديدة لانج ضروري

السلام عليكم
جاتني فكرة جديدة ومش عارف هتنفع ولا لاء
دالوقتي عايزين نبرمج مؤشر يحسبلنا عدد حركات وتكتات السعر في الشمعه الواحدة
على سبيل المثال ......
احنا مثلا جايبين شارت الربع ساعة عايزين مؤشر يحسبلنا كام مرة السعر طلع وكام مرة السعر نزل
وبعد اغلاق الشمعة المؤشر يكتب النتيجة النهائية زي ماتش الكورة
buying = 23
selling = 19
ومن هنا نستنتج ان المشترين والرغبة في ارتفاع السعر اقوى من البيع في الفترة الزمنية (ربع ساعة)
وبالتالي ندخل شراء ف الشمعه اللي بعدها واذا كانت الشمعة التانية شراءها اعلى من بيعها نستمر في صفقتنا الى ان يظهر العكس

جميله الفكرة
لكن يوم قلت تكات خليها بفمهوم اوضح نقاط
وكيف راح يتم الحساب هل التكه تعتبر نقطة او 2 او 5 او كم

طيب عدد التكات الصاعده والهابطه لكل من البيع والشراء المرجع بتاعهم ايه ؟؟
الافتتاح .... اذا كان كذلك ليه نتعب نفسنا ونشوف اغلاق الشمعه وهي ال حتحدد ...
يمكن انا مش فاهم الفكره كويس ...

التوقيع

بص ولنفترض ان شمعة الربع ساعة على زوج اليورو دولار افتتحت عند سعر صرف 1.1350
وجه السعر نزل ل 1.1349 كدة تتحسب تكة بيع يعني 1 نقطة بيع وبعدين نزل ل 1.1348 اصبح تكتين بيع عدد 2 نقطة بيع وبعدين السعر طلع من 1.1348 ل 1.1351 كده تتحسب 3 تكتات شراء يعني 3 بيب شراء مقابل 2 بيع وبعدين السعر طلع 5 نقط كمان كده تتحسب عدد 8 نقط شراء وبعدين السعر نزل 3 نقط يبقى كده 3 تكتات بيع مع 2 قبل كده يبقى المجموع 5 تكتات بيع مقابل 8 نقط تكتات شراء وهكذا حتى تغلق الشمعة ويبدأ يحسب الشمعة الجديدة
نفس النظام ده مع كل الفريمات
وصلت الفكرة؟
فيه حاجة كمان ان المؤشر لو اشتغل ع المنصات الخماسية هيجيب كسور اما الرباعية فهيجيب ارقام صحيحة فكده يبقى المؤشر تمام
ياريت بقى حد يعملهولنا بسرعة علشان نجربه الاسبوع القادم

فينك يامستر سمير ؟؟؟؟؟؟؟؟؟

السلام عليكم
تجد المؤشر على هذا الرابط
بتوفيق

شكرا استاذ سمير ع المؤشر بس ياريت تشرح المؤشر سريعا لان فيه حاجات مش فاهمها
دالوقتي احنا عندنا 4 حاجات في المؤشر
buyers
sellers
power
margin used
دالوقتي انا عايز اعرف العدد اللي مكتوب امام المشترين والبائعين ده بتاع عدد التكات بتاع الشمعة الواحدة ولا عدد المشترين والبائعين ككل
لاني اعتقد ان مش ده عدد التكات اللي اشرت ليها في الموضوع لان الاعداد كبيرة جدا عن عدد التكات واشمعنا لما بصغر ف الفريم العدد بيزيد المفروض بيقل
وايه معنى الباور ده ؟ وفايدته ايه؟
ولما الاقي اعداد المشترين او البائعين بالسالب ده معناه ايه؟ وكذلك الباور
وايه فايدة المارجن المستخدم؟
يرجى التوضيح اخ سمير وشكرا