توصيات مبتديء ( على مسؤليتك )

صحيح احنا صفقتنا في وضع ربح .. ومحققين نقط .. لكن زي ما احنا متابعين في تذبذب عالي وانعكاسات محدودة

مش معنى اني داخل صفقة .. وكسبان أني أقعد اتفرج على الانعاكاسات .. بالعكس
في أسلوب النحلة .. بنتحرك مع السعر ..

يعني مثلاً احنا صفقتنا بيع .. مع كل تذبذب وانعكاس واضح من منطقة دعم .. ما نتفرجش ..

نطلق نحلات معاكسة .. تحصد بعض الأرباح السريعة ..( سكالبينج في اتجاه واحد معاكس لصفقتنا الأساسية)

بهذه الطريقة يمكنك حصد أكبر قدر من النقاط مع حركة وتذبذب السعر خصوصا وقت الانعاكاسات

الهدف الأول والاخير من هذا السوق هو تحقيق الأرباح.. استغلوا حركة السعر في أي اتجاه لتحقيق الهدف دا ( أكبر ربح ممكن )

التوقيع

متابعة لصفقتنا المجنونة ...

بفضل من الله .. وبمنتهي الدقة .. تم ضرب النقطة الموصى بها في آخر توصية 1.0916

بأرباح67 نقطة للنحلة الواحدة

التوصية الآن اطلاق 50 % من المتبقى من النحلات عند ملامسة النقطة 1.0887
اي بما يعادل 96 نقطة للنحلة الواحدة .. وقبل ضرب هدفنا الأول بأربع نقاط

نسأل الله التوفيق

التوقيع

للأسف تم تحقيق التوصية والملامسة مرتين في نفس توقيت مشاركتي .. وعليه لن احتسب هذا تحقق للهدف .. وسأنتظر حتى تحققوه أنتم أيضاً ... يا نكسب كلنا سوا .. يا مش هحسبها

الله أكبر

الحمد لله

تم ضرب النقطة العنيدة 1.0887

تحققت التوصية الأخيرة .. رغم انها تحققت بعد كتابتي لها ولم أحتسبها لهذا السبب .. الآن تحتسب بالضربة القاضية

96 نقطة للنحلة الواحدة .. عكس الاتجاه .. الله أكبر ولله الحمد

يعني لو معاك 10 نحلات .. احب أقولك مبروك عليك 960 نقطة حلالك وربنا يزيك

ولو بتتفرج وبتتشكك ومستني نقطة واحدة تضيع مننا أحب أقولك ... أهلاً وسهلاً وان شاء الله المرة الجاية يكون لك حظ أوفر معانا

لا اله الا الله

يا جماعة أنا مش لاحق أكتب والله .. والله ما عارف أقول غير الحمد لله

ضــــــــــــــــــــــــربنا الهدف الأول 100 نقطة صافية بمنتهى الدقة

الف ألف مبروووووووك لكل من سار معي ضد الاتجاه .. وحظ أوفر للي قيم الموضوع سيء جداً

الحمد لله حمداً كثيرا لا ينتهي ..معنديش حاجة أقولها .. انا مش عارف غير اني أحمد ربنا

نسأل الله التوفيق

ما شاء الله عليك اخونا الحبيب
بس انا خايف عليك يا اخي لاحسن البروكر الجديد يكون دبور جامد يعاكس النحلات بتوعك وميخلهمش يجيبوا عسل كويس

خلي بالك وربنا معاك

ربنا يكرمك أستاذي العزيز .. والله انا حاطط ايدي على قلبي بسببهم

اتصلوا بي بالأمس 3 مرات .. بحجة أنهم محتاجين مستند رسمي يثبت أني في شهر أغسطس غير مقيم في أي دولة من دول الاتحاد الأوربي .. قولت لهم أنا مصري وابويا مصري ورقم التليفون اللي بتتصلوا عليه مصري .. وحاضر هصورلكم الباسبور كله وابعته .. الموظف سكت وقالي ماشي ابعت .. وقفلنا

بعت المطلوب ... بعد كم ساعة اتصلوا بيا وقالولي احنا الباك أوفيس وللأسف هنحتاج مستند تاني .. قولت لهم هو ايه الحكاية انا ابتديت أقلق منكم .. قالوا لا ما تقلق و اسحب أموالك مثل ما بدك
قولت لهم اعمل ايه يعني .. قالوا لي ورقة حديثة في الشهر الحالي من البلدية تفيد بأنك مقيم في مصر

قولت لهم معندناش حاجة اسمها بلدية ... قالوا طيب كشف حساب بنكي تستخرجوا بتاريخ لاحق لتاريخ اليوم باسمك .. قولت حاضر هبعته لكم الصبح ..

بعت لهم الكشف قالوا تمام و خلصنا .. قبل ما يقفل لقتهم بيقولولي عندنا عرض حساب vip .. بدون سبريد ووببونص كبير غير قابل للسحب من طرفك لكن من حقك ان تتاجر به .. والمقابل يكون عمولة من الأرباح ع الحساب كله وعلى كل عقد ... طبعا انا حاسس اني بيتنصب عليا فقولت لهم جميل جداً هفكر حاضر وهبقى أرد عليكم ... انا بس مستني أسحب أرباحي ان شاء الله و هشوف كذا بروكار أخبط فيهم لاني حاسس ان الموضوع فيه نصب بصراحة.. وهنقفل ع المواضيع دي بدل ما الموضوع الأساسي يتقفل ( وشكرا للادارة الكريمة والله على سعة صدرهم وتحملهم لمشاركاتي .. انا بس بحاول انبه الناس عشان لو تكرر الموقف مع أحد .. وطبعا البروكار دا غير تابع للمنتدى بالمرة )

-------


متابعة للصفقة الرابحة:
يا شباب الحمد لله ضربنا الهدف الأول .. وحققنا 100 نقطة غالية .. التوصية الآن أطلاق كل ما تبقى من نحلات .. نعم كل النحلات .. وبسرعة قبل الانعاكس .. كل نحلة 90 نقطة مش بطالين .. والحمد لله

اللي هيكمل معايا .. بقية الأهداف .. حط استوب لكل عقودك بربح 30 نقطة( تحسباً لسيناريو الانعكاس) ... ولو ضربت الاستوب هتخرج رابح .. وترجع تشتري من أعلى نقطة ممكنة ..

واذا مشيت الصفقة في اتجاه تحليلنا يبقى الاستوب للأمان مش اكتر .. وهتابع معكم ان شاء الله

تذكروا هذا النموذج الموضح أمامكم جيداً



زووم ان على صفقتنا التي حدثت وضربت هدفها الأول بالفعل .. لتشكل نموذج الاصبع الضاغط أو الابهام الضاغط .. وهو نموذج يضعف قوة أي اتجاه .. وقد يتمكن من كسر ترند قوي

طبعاّ هذا النموذج خاص بي و غير مذكور في أي علم من علوم التحليل .. غير علم التحليل النحلاوي .. وأرفض نشره في مكان آخر بدون اذن مني ( عايش الوهم ) .. ذيع يا استاذ ابراهيم مش مشكلة بس ادعي لنا

المهم اللآن ... من تبقى معه نحلات أرجوك اطلقها ولا تطمع ..

101+ نقطة للنحلة الواحدة أمنت صفقتك بالفعل بعد ضرب هدفك الأول...

السؤال الآن ... هل تكتفون بمتابعتي لهذه الصفقة وترغبون بتوصية جديدة ؟ .. أم هناك من سيكمل معي المغامرة؟ .. لو محدش مكمل هستغل الفرصة و أبص في ورقتي ومش هتكلم تاني

التوقيع

مبروك يا نحول ، والله أستاذ و ملك في خلية النحل ، لكن عندي طلب ، ليه ما تعمل لنا حساب ديمو و تنفذ عليه الصفقات وأطلاق النحل ، علشان نكون عارفين أزاي نتعامل من النحل زي حضرتك ، لأني بصراحة لحد الآن عندي أشوية غموض بخصوص الدخول وأطلاق بقية النحول ، بس لو كان في حساب ، كنا نعرف أزاي نتصرف زي ما انت تعمل في الحساب

اقتباس:

المشاركة الأصلية كتبت بواسطة max9593

مبروك يا نحول ، والله أستاذ و ملك في خلية النحل ، لكن عندي طلب ، ليه ما تعمل لنا حساب ديمو و تنفذ عليه الصفقات وأطلاق النحل ، علشان نكون عارفين أزاي نتعامل من النحل زي حضرتك ، لأني بصراحة لحد الآن عندي أشوية غموض بخصوص الدخول وأطلاق بقية النحول ، بس لو كان في حساب ، كنا نعرف أزاي نتصرف زي ما انت تعمل في الحساب

وأنا أضم صوتي الى صوتك حتى نستفيد من ملك النحل أكثر....