برنامج إتصال مجاني للاي موبايل في العالم وبتجربة شخصية

koko_2080

عضو جديد

تاريخ التسجيل: Oct 2009

المشاركات: 8

معدل تقييم المستوى: 0

28 - 10 - 2009, 02:58 AM

برنامج إتصال مجاني للاي موبايل في العالم وبتجربة شخصية

قبل لما تفرحوا اوي البرنامج ليه عيوب ومش زي ما استنتجت من عنوان الموضوع نبتدي نقول عيوب البرنامج :-

1- مش هتقدر تتصل غير لما تحول المكالمة من جهاز الكمبيوتر الخاص بك الي جهازك المحمول يعني انت لو بره وحابب تتصل بحد مش هينفع وطبعا لازم يكون جهازك الكمبيوتر متصل بالانترنت

2- البرنامج لا يتصل غير بارقام جوال فقط سواء كانت داخل مصر او خارجها لكن لا يتصل بالارقام الارضية ويا ريت الي يعرف يحل المشكلة دي يقولنا هنا . دي عيوب البرنامج

مميزاته انك هتقدر تتكلم باي موبايل في العالم وبوقت غير محدود والكلام ده بتجربة شخصية بس طبعا للاسف لازم تحول المكالمة من علي جهاز الكمبيوتر بتاعك زي ما قولنا في الاول يعني هتكتب الرقم الي انت عاوز تتصل بية وتدوس call هتلاقي جهازك بيرن اول لما الشخص الي بنتصل بيه يرد واول لما تفتح هتسمع صوت الي بتتصل بية السؤال دلوقتي البرنامج حول لرقمي ازاي وعرفة ازاي ؟ نبتدي نشرح بقي

[عذراً, فقط الأعضاء يمكنهم مشاهدة الروابط ]

ده رابط تزيل البرنامج علي جهاز الكمبيوتر الشخصي وكمان بيبعت كود التفعل علي موبايلك الشخصي

1- عند الضغط علي الرابط سيظهر رساله ترحيبية بيقولو فيها مرحبا بك في الاتصال سيبك من ده كلة نيجي للاهم هتلاقي مستطيل تحت ده هتكتب فيه الرقم الي هيتم ليه التحويل والي بردة هيتبعتله كود التفعيل وطبعا لو من مصر هتكتب بالطريقة دي الرقم بتاعك ***2012 / ***2016 لاحظ ان مش بيتكتب الصفر بتاع 012 او 016 يعني كود البلد 20 وبعدين الرقم من غير الصفر وده مهم جدا عشان لو عملت غير كده ولا هيتبعتلك كود التفعيل ولا هتقدر تستخدم البرنامج طيب تمام وبعدين ؟ هنعلم علي المربع الي تحت ونقوله يبعتلنا الكود وينزلنا البرنامج علي جهاز الكمبيوتر بتاعنا وبعدين ندوس continue تمام كده طب وبعدين ؟
بعدين هندوس download now عشان نحمل برنامج الاتصال بتاعنا
بعد لما يخلص نبتدي نسطبة طبعا هندوس next وبعدين i agree وبعدين next وبعدين هنيجي للاهم نقطة كود الاتصال بالبرنامج او بمعني اصح السريال نمبر بتاع البرنامج ودلوقتي نركز شوية لو انت داخل مصر يعني في ال 21 محافظة بتوع مصر هتكتب الكود ده 12622724 فوق وتحت يا معلم من الشمال لليمين ونكمل وندوس نيكست نيكست وبعدين هتقعد شوية وهتدوس فينش وهنكون كده انتهينا طيب بالنسبة للاخونا الي بره مصر ايه الكود بتاعهم الكود خارج مصر 12350859 فوق وهنعيدة بره تحت طيب وبعدين كده كل حاجة تماااااااااام بس لسه في حاجة واحده بس ايه هيا ؟

الكود الي هيوصلك علي موبايلك عشان يشغل البرنامج وعند وصول رساله الكود هنفتح البرنامج وهنلاقي الواجهه بتاعته اتغيرت وبيطلب منك تحط الكود الي وصلك وهوا بيكون مكون من عشر ارقام واوعي تتلخبط فيهم للانك لو كتبته غلط يبق الرقم ده يهتلغي وهتضطر تعيد كل الي انت عملته ده بس علي رقم تاني يا معلم يا ريت اكون قدرت اوصلكم الشرح كويس وجاري رفع الصور عشان يكون الشرح اسهل ولو في اي حد محتاج يفهم او يسال في اي حاجة انا تحت امرة بس انا مستني ردودكم