دعوة للتعرف على فيبوناتشى اكسبنشن Fibonacci Expansion
بسم الله الرحمن الرحيم
السلام عليكم و رحمة الله و بركاته
فيبوناتشى إكسبنشن
Fibonacci Expansion
يمكن غريب شوية الفيبوناتشى دا ؟
كتير منا بيشوفه ضمن أدوات الفيبوناتشى و لكن يظل دائما مظلوم
يعنى بالبلدى ماحدش بيقرب له
طيب ندخل فى الموضوع
الفيبوناتشى اكسبنشن دا عبارة عن مستويات زى الفيبوناتشى الريتريسمينت السعر بيتحترمها و بيقدرها و بيعملها الف حساب
طبعا الريتريسمينت عبارة عن مستويات دعوم و مقاومات قوية بنسب فيبوناتشى يحترمها السعر اما الاكسبنشن فهو امتدادى " للموجة الاولى و الثانية و يتوقع الثالثة " بنسب الفيبوناتشى أيضاً
طيب ايه وظيفته بالظبط و طالما هو زى الفيبوناتشى الريتريسمينت اهى كلها مستويات و السلام أكيد دا فيه حاجة زيادة !!
أكيد فيه حاجة زيادة و هقولكم ايه الحاجة دى إن شاء الله
طبعاً كلنا عارفين ان السعر عبارة عن قمم و قيعان " قمة - قاع - قمة - قمة - قاع " و هكذا
طيب الفيبوناتشى اكسبنشن دا بيحدد فين رايحة الموجة الثالثة - جميل جداً , طيب ازاى ؟
الشرح ببساطة شديدة
السعر بيعمل موجة 1 " هابطة " و بدايتها القمة 1 و نهايتها القاع 2
و من القاع 2 تنطلق موجة أخرى " صاعدة " و هى عبارة عن الموجة 2 و بدايتها القاع 2 و نهايتها القمة 3
جميل طيب كدا عندنا فعلا " قمة - قاع - قمة "
يعنى ايه برضو مش فاهم !!
يعنى كدا أترسم الفيبوناتشى اكسبنشن و تقدر سيادتك بكل بساطة تتوقع أتجاه الموجة رقم 3 و نهايتها أنطلاقاً من نهاية الموجة 2 كنقطة بداية للموجة الثالثة
و من النقطة دى و كبداية نقدر ندخل على حالات الفيبوناتشى أكسبنشن و هما حالتين فقط
الحالة الاولة
" قمة - قاع - قمة "
قمة قاع = موجة هابطة " الموجة الاولى "
قاع قمة = موجة صاعدة " الموجة الثانية "
و بداية الموجة الثالثة من نهاية الموجة الثانية و تحدد على أساس ثلاث مستويات فيبوناتشى قابلة للزيادة
و هما 61.8 - 100.0 - 161.8
الحالة الثانية
" قاع - قمة - قاع "
قاع قمة = موجة ساعدة " الموجة الاولى "
قمة قاع = موجة هابطة " الموجة الثانية "
و بداية الموجة الثالثة من نهاية الموجة الثانية و تحدد على أساس ثلاث مستويات فيبوناتشى قابلة للزيادة
و هما 61.8 - 100.0 - 161.8
طب جميل قوى لحد كدا , أكيد عايزين أمثلة على الحالتين
نشوف مثال على الحالة الاولى و من السوق لايف
قولنا بدايتك من قمة و النقطة الثانية قاع و النقطة الثالثة و الاخيرة قمة و بكدا عندنا موجتين و منتظرين نعرف الثالثة رايحة فين ؟
نقطة 1 = قمة
نقطة 2 = قاع
نقطة 3 = قمة
أعتقد انه بسيط جداً
طيب نشوف مثال على الحالة الثانية و برضو لايف
بدايتك من قاع و النقطة الثانية قمة و النقطة الثالثة و الاخيرة قاع و برضو عندنا موجتين و منتظرين الثالثة الى أين ؟
نقطة 1 = قاع
نقطة 2 = قمة
نقطة 3 = قاع
سهل برضو إن شاء الله تعالى
أهداف فيبوناتشى أكسبنشن
1 - 61.8
2 - 100.0
3 - 161.8
و وراد جداً أن يتجاوز السعر النقاط الثلاثة السابقة أو يرتد منهم
أخيراً أتمنى ان الشرح يكون سهل و منتظر أسئلتكم و أتمنى المشاركة بشارتات فى الموضوع لأطمئن من وصول المعلومة كاملة
شرح كيفية رسم الاكسبنشن بالفيديو
للتحميل [عذراً, فقط الأعضاء يمكنهم مشاهدة الروابط ]
خلينى أوضحلك أكتر ببساطة انت بتدور أولا على أرتكاز سوأ قمة أو قاع و على أساس الارتكاز بيظهر لك الارتكاز الاخر يعنى لو الارتكاز الاول قمة يبقى الارتكاز الثانى قاع و الثالث قمة و الثلاث أتكازات لازم يكونو وراء بعض بحيث يكون المحصله لأخر موجتين و يبدأ الاكسبنشن يقولك على فين رايحة الثالثة سوأ أرتد من المستويات او أخترقها و كمل
و منتظر منك شارتات أخرى أقوى
اقتباس:
المشاركة الأصلية كتبت بواسطة غالب بن الشيبه
[عذراً, فقط الأعضاء يمكنهم مشاهدة الروابط ]
يا ريت اللينك بالانجليزى لان ترجمة جوجل عقيمة و مابفهمش منها حاجة , و على ما أعتقد ان الشرح لمؤشر Zup 2الخاص بالهارمونيك
دعوة للتعرف على فيبوناتشى اكسبنشن Fibonacci Expansion
المواضيع المتشابهه 
2Likes