عملة بتكوين المارد العملاق

المشاركة الأصلية كتبت بواسطة احمد ريان

السلام عليكم
اولا البتكوين افضل واقوي عمله علي الاطلاق في الامان والتحرر في العالم وحفظ البتكوين في محفظه علي جهازك بدون حفظها في مواقع اخري هو الافضل والامن

وانصحك بحفظ البتكوين في جهاز شخصي حسب الصوره افضل (دي اكبر طريقه امنه في العالم )

تعالا بقي لاستخدام طرف ثالث يعني ايه طرف ثالث يعني انت هتحول البتكوين من محفظتك او يكون في محفظتك بس من نوع مشترك بينك وبين الموقع مثل btc-e
اوك سهل الشرح لحد هنا ؟

ليه استخدام طرف ثالث لانه وسيط بين اصحاب البتكوين في البيع والشراء وبيكون الطرف الثالث اللى هوا الموقع عنده راس مال كبير من البتكوين يتيح لك البيع والشراء منه لتبادل العملة مع انواع اخري مثل الدولار اليورو الروبل الروسي اليوان الصيني الخ ...

الطريقه الاولي وهي الاكثر امان انك تمتلك البتكوين علي جهازك الخاص ولما تحب تبيعه تشوف وسيط عربي او اجنبي واثق فيه وتبيع البتكوين ولما تحب تشتريه تشوف برده وسيط ياخد دولار منك ويحولك علي كووود محفظتك البتكوين اوك


الطريقه الاقل امام وهي مضمونه ايضا ولا يوجد اي خطر حدث غير مع موقع اسمه mtgox لما تسرق منه 300 الف بتكوين والموقع كان خاضع تحت القوانين اليابانيه وعضو المشروقين بنصف المبلغ لما اعلنو افلاسهم ومحكمه يابانيه رجعت النص ده للناس
دي اكبر حادثه حدثت وهي سبب ان البتكوين من 1200 دولار يستقر حول 250 دولارلاكثر من عام

حاليا المواقع الطرف ثالث قويه وتحتفظ بالبتكوين علي اكواد خارج سيرفرات الموقع والموضوع به امام اكبر من الاول

http://howtobuybitcoins.info/#!/USD


وموقع البتكوين الاساسي ناصح بالمواقع الاتيه لتبادل العملات
منها ثلاثه هم الاكثر شهره وقوه بت ستمب وبي تي سي -اي و كانبيز
اوك

نرجع لموقع
btc-e
من اقوي المواقع في التبادل الفوري ومكنش محتاج اي وسيط علشان تبيع بالدولار او بتكوين وفيه اكثر من عمله من العملات الاليكترونية الجديده زي الفضه بتاعه البتكوين واسمها لايت كوين
وحتي فازر كوين وحاجات لسه بتشق طريقها ده غير ميزه الايداع بالدولار من خلال البنوك الاليكترونية مثل برفكت موني (بس ابعد عنه خااالص عمولاته كبيره ) وموني بولو بدون عمولات وهو افضل
والافضل من ده كله التحويلات البنكيه العاديه بعموله 20 دولار علي كل تحويل



تقدر من خلال الموقع تتعامل علي البتكوين زيه زي الفوركس في البيع والشراء حتي من قبل ما يضيفو الميتاتريدر 4

قبل الميتاتريدر كنت ادخل اعمل ايداع دولار من تحويل بنكي مثلا واشتري البتكوين علي سعر 230 دولار ولما يوصل 280 دولار ابيع البتكوين واحوله دولار واسحب علي البنك ومبروك كسبت 25% من اموالك


حاليا اضافو الميتاتريدر4 الخاص بيهم ووفرو رافعه ماليه 1:1 و1:2 و1:3
شيء ممتاز انك تتاجر بثلاث اضعاف راس مالك في البتكوين


بالنسبه للبنك الاليكتروني البطاقه غاليه حاليا 20 دولار او 75 دولار اتوقع الافضل ليك تحويل بنكي وهيكلف 20 دولار فقط في كل تحويله بس حاليا افضل

المهم لو استثمارك يسمح بهامش الربح عالي انك تشتري ال بطاقه ب 75 دولار اوك لو استثمارك في البتكوين ضعيف يعني واحد هيشتري مثلا 2 او 3 بتكوين فقط خليك بتحويل بنكي بحيث ال 20 دولار مش هتفرق


بالنسبه للتجاره في الميتا تريدر 4 عندهم جيد والاسبرد بسيط تقريبا 1 دولار وده شيء بسيط لان ال 1 بتكوين ب 271 دولار بسعر اليوم يعني يعادل 1 بتكوين ثلث اونصه ذهب

التعامل باقصي رافعه لازم تخلي بالك في البيع او الشراء ليه
لان زمان مكنش في رافعه كنت بشتري مثلا 1 بتكوين ب 230 دولار ولو هبط هنتظره عادي وعلشان اتمرجن لازم يوصل سعره للصفر وده شبه مستحيل علي فكره للي عارف يعني ايه بتكوين .


حاليا سعره 270 دولار ولو شارتيت علي السعر ده برافعه 1:3
وهبط مثلا الي 250 دولار مش هتكون خسران 20 دولار لكل بتموين لا هتكون خسران 60 دولار في كل بتكوين
1:3

يعني خلي بالك واشتغل بخرص شديد

اعرف اصدقاء ومستثمرين اصدقاء ليا محافظهم تعادل 1000 بتكوين ما شاء الله


كده خلاص جاوبت ك الاسئله في التقرير

حبيت اوضح شيء عن قوه العمله هي عمله لا مركزيه يعني مش متحوشه في موقع واحد لا كل واحد يمتلك بتكوين خاص بيه في جهاز الكومبيوتر او حتي الفلاشه بتاعته وده مديه قوه امان واستحاله هاكرز او عمليات اختراق او سرقه جماعيه للعمله
عمليه الندره (ليه الدهب غالي علشان عتنصر نادر في الطبيعيه )
البتكوين متبرجع بحيث مش يزيد عن حد معين وخلال 20 عام فقط سوف يوجد اقل من مليار بتكوين في العالم وال 20 عام اللي بعدهم هيتواجد نصف الكميه وال 20 عام اللي بعدهم هيتواجد ربع الكميه وهكذا
يعني اللي برمجه اخترع ليه ندره نسبيه اكبر من الذهب والمعادن النادره

وده اللي خلاه يقفز الي 1200 دولار لكل 1 بتكوين وحاليا 270 دولار
وهي مستقبل العمله واستحاله تجاهلها وقريبا هيتم تعممها

المانيا بها ماكينات صراف الي بالتكوين والاف السلع والمواقع تقبلها في الدفع


بالتوفيق

المشاركة الأصلية كتبت بواسطة احمد ريان

من داخل الحساب في الموقع تعمل ايداع بتكوين لو عندك بتكوين من محفظه خاصه بيك
وتقدر تعمل ايداع دولار

وفي خيار تحت عل يالشمال للميتاتريدر 4 تقدر تحول اللي اودعته في البرنامج وتتداول من خلال الميتا

المشاركة الأصلية كتبت بواسطة احمد ريان

https://www.bitcoinmining.com/

حاول تفهم كل شيء من هنا والصعب قولي عليه
اشرحهولك