رد: مؤشر لايعيد رسم نفسه ابدااا بشهادة الاستاذ انور بدران
يا استاذ سمير انا مش شايف اختلاف بين النسختين 5 القديمة و 6 الجديدة مش عارف تقصد انه انك عدلته يقفل على أرباح , على العموم انا هقول لحضرتك التعديلات المطلوبة :
1 - ان المضاعفات تشتغل اذا كانت ترو وفي صفقة مفتوحه والاتجاه عكس عليها ياخد صفقة معاكسه ليها بكمية مضاعفة ليها وبعد مسافة معينة واللي هي هتكون step ,يعني لو اخد صفقة شراء و الاتجاه عكس عليها مثلا 5 نقاط او اي رقم هيكون متحدد في ستيب هياخد صفقة بيع بكمية مضاعفة وهكذا
2 - وهي الاهم بالنسبة لي ان لما المؤشر يدي اشارة معاكسة للصفقات أن اي صفقة عكس المؤشر رصيدها وصل صفر تقفل قبل ما تدخل في الخسارة , هديك مثال يوضح الفكرة
- الاكسبرت فتح 3 صفقات بيع و 3 صفقات شراء و ان السعر اعلى من كل الصفقات ولكن لم يحقق الهدف في الحالة دي صفقات الشراء هتكون ربحانه و صفقات البيع هتكون خسرانه , هنا بقى لما مؤشر سار يغير لونه و يقلب لون احمر وان الاتجاه هابط , صفقات الشراء هتفضل تقل ارباحها لحد ما توصل صفر و بعدين هتبتدي تدخل في خسائر و العكس مع صفقات البيع , المطلوب هنا ان طالما المؤشر عطى لون احمر هبوط و صفقات الشراء نزلت لارباح صفر تقفل على صفر قبل ما تدخل في خسائر و يفضل فقط صفقات البيع هي اللي مفتوحه و هتكون في نفس اتجاه المؤشر و لو رجع عكس تاني هتتكرر العملية بس بالعكس , وهنا في نقطة مهمه ان لو العملية عكست وهيرجع يفتح صفقة عكسية هيجمع عدد لوتات صفقات البيع و هيفتح صفقة شراء بضعف كميات صفقات البيع
يارب الفكرة تكون وصلت لحضرتك لان الاكسبرت لما انا عدلت عليه وخليته يفتح صفقات مضاعفة لما الاتجاه بيعكس , لما بيجي يغلق صفقات عددها كتيره بيغلقها على خسارة رغم ان اجمالي ربح الصفقات بيكون حقق الهدف , لكن اعتقد مع كتر عدد الصفقات عند اغلاقها بياخد ثانية او اكثر بيكون السعر اتغير فيها فبيقفل اجمالي الصفقات على خسارة زي الصورة اللي كنت مرفقها لحضرتك في الموضوع الثاني
و شكرا ليك معلش صدعتك بس الموضوع مهم انه رغم ان الصفقات بتحقق الهدف لكن لما يجي يقفلها تقفل على خسارة دي تبقى مشكلة