رد: طلب كود أغلاق اخر صفقة
تحياتي لك استاذ سمير و كويس ان انت اللي رديت عليا , لاني احتاج التعديل ده على اكسبرت انت عملته لكن مش بترد علي الموضوع وهو بالمشاركة دي
http://forum.borsaat.com/t876664-9.html
الاكسبرت فيه مشكلة في اغلاق الصفقات بأمر CloseDeleteAll() لما بتكون الصفقات المفتوحه كتيرة بيغلقها على خسارة رغم اني محدد الربح بالدولار , يعني مثلا في الصورة المرفقة انا محدد الربح 6 دولار , قفل 3 صفقات مظبوط على 6 دولار لكن لما زاد عدد الصفقات قفلها على خسارة 50 دولار
فأنا محتاج أني اقلل عدد الصفقات المفتوحه قدر الامكان اولا عشان محصلش خطأ عند غلق الصفقات ثانيا أن الحساب ميتمرجنش وميوصلش للخطأ 134 ان المبلغ غير كافي لفتح صفقات جديدة والمطلوب من حضرتك بعد أذنك هو الاتي :
1 - ان لما مؤشر سار يعطي سهم هبوط و اشارات حمرا عند وصول أي عملية شراء للرصيد صفر أو رقم انا احددة يقفلها , و العكس طبعا أن لو مؤشر سار عطى سهم صعود و اشارة خضراء يقفل أي صفقة بيع يصل رصيدها لصفر أو رقم انا احددة .
2 - في المضاعفات في حالة أنه وصل للخطأ 134 وان المبلغ غير كافي لفتح صفقات جديدة عاوزه يقفل اخر عملية حتى لو كانت خسرانه و يفتح بعدها الصفقة اللي مكنش قادر يفتحها , يعني مثلا المفروض انه يفتح عملية بيع و المبلغ غير كافي لفتح الصفقة هيقفل هنا اخر عملية شراء و يفتح صفقة البيع اللي مكنش قادر يفتحها .
3 - و دي هتبقى حاجة اضافية ملهاش علاقة بأغلاق الصفقات ان عاوز في المعلومات اللي انت حاططها فوق على اليمين اللي فيها الايكوتي و الربح و الساعة نحط تحتهم حجم اللوتات لصفقات الشراء المفتوحه و تحتهم حجم اللوتات لصفقات البيع المفتوحه .
معلش هنتعبك معانا بس ربنا يجازيك خير عن تعبك انشاء الله