الاستوبات صابتني ورب العرش نجاني .. عظة وعبرة واعتزال جزئي

سلام عليكم

بكتب الموضوع ده للعظة والعبرة لنفسي أولاً ولكل من لدغته عقارب السوق

كان نفسي أوصل لهدفي واني أحقق 100 % أرباح قبل يوم 16 ديسمبر عشان أسحب راس مالي وارتاح نفسياً

مع اني بالي طويل جداً و مش بدخل الا وانا متأكدة 99 % من الفرصة .. ومع اني صارمة في موضوع الاستوب وراس المال .. والابتعاد عن المتاجرة يوم الجمعة

وقعت اليوم في المصيدة .. وحللت الدولار فني واساسي واعتقدت ان الخبر 100 % ايجابي ولو سبت الفرصة دي يبقى نوع من التخلف

أول خطأ وقعت فيه ... اني أتاجر في آخر يوم في الاسبوع وفي ديسمبر وانا عارفة كويس ان السوق كله غيوم

تاني خطأ وقعت فيه .. اعتقادي ان الفرصة 100 % .. مفيش حاجة في الدنيا كلها مضمونة

ثالث خطأ وقعت فيه ( رغم انه كان سبب في انقاذي بالحظ وحطوا تحت كلمة الحظ دي مليون خط) .. هو انني لم استخدم استوب >> الحمد لله كان في مصلحتي لكن بالحظ
ولكن استخدمت trailing stop .. ولا أعرف كيف انقذني حتي هذه اللحظة لم أجد تفسير رغم اني كنت عاملاه 50 نقطة

كنت فاكرة اني هاخد ارباح بالساهل ... الطمع يا جماعة آفة المتاجر

رابع خطأ وهو دا المصيبة ... ان بعد ما الاستوب المتحرك اتضرب ... دخلت بيع تاني
غبااااااااااااااااااء وعند واصرار على الغباء .. حذاري تعاندوا السوق يا جماعة والله قد تتسبب في ضياع الحساب

خامس خطأ .. هو أنني كررت نفس الخطأ الثالث ولم استخدم استوب .. ( وكنت محظوظة حظ غير طبيعي للمرة الثانية انني شغلت trailing stop وحتى الآن لا اعرف كيف انقذني للمرة الثانية رغم انه بنفس الاعدادات 50 نقطة .. والله لا أعرف كيف .. لكن الحمد لله .. ستر ربنا


انا فوقت لما اتضرب الاستوب التاني .. والسعر ابتدا يتحرك لفوق .. دخلت كتبت تحذير في موضوعي الخاص باليورو ..

الحمد لله على كل حال .. بس يا جماعة رغم اني ما خسرتش انا متأكدة ان السوق دا مش ليا

السوق دا عاوز قلب ميت أو شخص لا يتأثر بمكسب ولا بخسارة .. السوق صعب

السوق محتاج تحكم غير طبيعي في الأعصاب .. محتاج صخرة .. أو هيكون العائد منه تضييع وقت

انا قررت أتوقف يا جماعة.. انا خايفة على فلوسي .. ومش هدخل الا نص ساعة كل يوم اتابع حساب ال 15 دولار على سبيل الهواية .. الحمد لله على كده .. توبة

عشان محدش يقول اني بقول كده عشان خسرانة





الحمد لله أنا حققت كل اهدافي واكتر من اللي اتمناه .. بس السوق دا مش ليا .. وأكيد في زيي كتير وفاهمين اللي بقوله



دول الصفقتين .. الأولى كانت مبنية على التحليل الاساسي للدولار.. ووقت الخبر
والتانية ... مبنية على العند

وسبب اني ما استخدمتش استوب عادي من البداية هو خوفي من حركات صناع السوق و الذيول اياها

ودااا غلط ... السوق كده عامل زي القمار .. ذيول تضرب استوبات .. ويورو يصعد 450 نقطة في يوم بدون داعي .. تجارة انت وحظك

والله فعلا وانا كمان تاكدت ان السوق ده متعب وماينفعش خالص
عاوز بس يرجع راس مالي واتخلص من الخساير اللي من الباوند دلوقت وبعدها تووووبه ههههه

الخبر ايجابي على الدولار .. والدولار يتخسف بيه الأرض .. وفي يوم الجمعة .. وفي دقايق

ده ملوش اسم غير ان الموضوع فيه لعب زي القمار .. ويا حظك حلو وتمشي في موجة صناع السوق ..

يا حظك وحش و ربنا يعوض عليك ..

ان شاء الله ترجع راس مالك ... بس هتضمن ازاي انه يرجع ؟ .. لازم ادارة راس مال صارمة وهنا هتبقى الخساير في الوقت والعمر

مفيش حاجة في الدنيا كلها مضمونة

يوجد الموت
بالنسبة للفوركس فأبحاثى الاخيرة اكدت لى ان الدخول بلوت عالى مصيرة الخسارة اما يمكن للشخص وضع صندوق للسوق بحيث يخرج منة فى الاخير على ربح ولكن سيكون بلوت صغير او متناسب مع راس المال اما غير ذلك لا يوجد استمرار

التوقيع

المشكلة مش ادارة المال .. المشكلة ان السوق لا يحترم اساسيات التحليل في الصفقات المهمة

دا الكرباج والذيل الطويل بقى ولا طابع الدمغة مع كل خبر .. انا بتاجر مع الاخبار .. هعتمد على الحظ ؟؟؟؟؟ دا يبقى مال حرام

مش معقولة أقعد أذاكر واتابع اخبار وبيانات و اضيع ساعات بحلل .. واجي في النهاية الاقي السوق ماشي عكس المنطق ..

الوقت له تمن والتعب له تمن .. الفوركس كده صعب صعب جداً وفيه لعب كبير .. الاسهم والاوبشنز كده أسهل واضمن

السوق كده بالنسبة لنا كلنا هنا عشوائي .. لكن للي بيحركوه بحر دهب

ايش رايكم نستعمل طريقه التحوط
في هالسوق العشوائي

التوقيع

علمت ان رزقي على الله فاطمئن قلبي
الحمدلله على ما قسم لنا من رزق وارضانا به

اعتزال كلي...اعتزال جزئي

ايه حكاية الاعتزال اللي ماشية في البلد دي

قصدي في المنتدي

اقتباس:

المشاركة الأصلية كتبت بواسطة المرعبة أنا

المشكلة مش ادارة المال .. المشكلة ان السوق لا يحترم اساسيات التحليل في الصفقات المهمة

دا الكرباج والذيل الطويل بقى ولا طابع الدمغة مع كل خبر .. انا بتاجر مع الاخبار .. هعتمد على الحظ ؟؟؟؟؟ دا يبقى مال حرام

مش معقولة أقعد أذاكر واتابع اخبار وبيانات و اضيع ساعات بحلل .. واجي في النهاية الاقي السوق ماشي عكس المنطق ..

الوقت له تمن والتعب له تمن .. الفوركس كده صعب صعب جداً وفيه لعب كبير .. الاسهم والاوبشنز كده أسهل واضمن

السوق كده بالنسبة لنا كلنا هنا عشوائي .. لكن للي بيحركوه بحر دهب

بصى يامرعبة ... واضح انك انتى اللى اترعبتى

انا اول من ينادى بالعشوائية فى هذا السوق ... ولكن لا يوجد عشوائية 100%
بل يوجد متاجرين يستغلو هذه العشوائية لربح المال ... ويوجد متداولين يعشون هذه الالعاب الغير منطقية

طيب تعالى نحسبها براحة ... انتى معاكى حق فى موضوع الذيول ده (بيحصل كتير)
طيب لو فكرتى شوية ممكن تستغليها كويس
ليه ماتخليش الذيول هدف لدخول صفقاتك "بمعنى "
انك حللتى اساسى وفنى وعرفتى ان الاخبار سوف تدعم الفنى والزوج هيهبط
وعقدك مثلا استندرد واستوبك 50 نقطة اى 500 دولار
قسمى العقد الى 3 اجزاء (30-30-40 )
واحسبى الاستوب باجمالى ال 3 عقود (ده هيوفر لسعر مساحة كبيرة يتحرك فيها)

ولن تخسرى اى شىء زيادة فى حالة ضرب الاستوب الاجمالى

ادخلى العقد الاول ب 3 دولار والعقد الثانى بعد الانعكاس وقت الخبر ب 3 ولار
والعقد الثالث والاخير بعد الانعكاس ب 100 نقطة
فى حالة (ان تحليلك صحيح) وصعد الزوج مباشرتا ... النتيجة كسبانة
فى حالة (ان تحليلك صحيح) بس صناع السوق عملو ذيول ... هتبقى دخلتى من مكان افضل

التوقيع