## الحذر من اليورو ##

المشاركة الأصلية كتبت بواسطة hossamsafwat2

السوق لعبة احتمالات هقولك ازاي،
اذا اتفعل الشراء وصعد كما في السيناريو بناخد هدف اول وليكن 1.12 ونحرك الاستوب لجزء العقد المتبقي وبكده بتكون صفر مخاطره بنسيب السوق يقول اللي عايزه طالما بدون مخاطره صعد لاهدافنا خير وبركه هبط مش خسرانين بالعكس بنلتزم بالسيناريو ووقتها هنبحث عن الشراء من اسفل لانه تسلسل داخل تسلسل درجات موجيه اما انه ابيع على تصحيح مش بفضلها لانه عندي الدرجه الموجيه الاعلى صاعد طالما فوق 1.0520 ، لما بنكون داخل رينج بناخد الاتجاه من ازواج ليست في رينج، علشان اكون صريح مش بشوف اي اخبار ولا تهمني وبفضل الله بعمل نتائج جيده، التحليل الاساسي بيقول كل السيناريوهات وكذالك الفني يبقى الالمام بكل الامور بيزيد تشتيت وبفضل الالتزام افضل من الالمام، نسبة دخول لاتزيد عن 3% مهمه لانه بتجعلك تصبر ع الهدف وكذالك مش بتهتم بالاستوب ، اما اعلى منها التوتر هيزيد واذا صعد 50 وهدفك 300 هتغلق وده عدم التزام من كل النواحي وهو ده سبب 95% خساره، في ناس بتقول اغامر واكبر المبلغ وبعدين التزم هقوله انسى لانك زرعت في عقلك الباطن عدم الالتزام من الاساس حتى لو معاك مليون مش هتلتزم لانه الطمع طبع ياتروضه من الاساس ياهيفضل مهما كان،