السلام عليكم ورحمة الله وبركاته
.............................
الموضوع دا أنا كاتبه كى يستفيد عموم المسلمين فقط أريد منكم الدعاء لى ولوالداى بظهر الغيب .
.............................
كيف تجنى آلاف الدولارات من زولوتريد ؟
بسيطة جدا .. قبل كل شىء شوف الصورة المرفقة لموقع زولوتريد
فى الصورة المرفقة
الدائرة الأولى : لينك الموقع
الدائرة الثانية : التسجيل .. لو عايز تسجل مزود اشارة أو متتبع للمتداولين أو لفتح حساب حقيقى من خلالهم أو لفتح حساب تجريبى ترى من خلاله فوائد الربط على المتداولين .
الدائرة الثالثة : المتداولون بالموقع مترتبين من 1 إلى كام وعشرين ألف تقريبا .
الدائرة الرابعة : التواصل مع موظفى خدمة العملاء لو عايز تسأل عن أى شىء وممكن تطلب موظف عربى يفهمك كل شىء انت عايزه .
الدائرة الخامسة : حجم الأموال الحقيقية التى يتعامل معها زولو سواء كان متتبعين من أموال حقيقية أو حسابات حقيقية مفتوحة عن طريق زولو وكما هو مبين يقترب تقريبا من تريليون دولار .
..............
الميزة فى الموضوع أنك ممكن تجنى آلاف الدولارات سواء كنت متداول محترف أو كنت لا تعرف أى شىء عن التداول ونشوف كل حالة منهم على حدة :
*******************
1-متداول محترف : فى هذة الحالة ربحك بيعتمد على إبداعك فى التداول .. أهم شىء بيقيسوا بيه هو معدل الربح بالنقاط (وليس بالدولارات) مقارنة بأقصى تراجع بالنقاط (وليس بالدولارات) وكمية النقاط المحققة فى فترة زمنية معينة وغيرها من المعايير .المهم أن الموقع بيحسب بكل دقة كيف تتداول ويديك ترتيب معين بين آلاف المتداولين على مسوتى العالم وكل ماكان تداولك ناجح (أعلى أرباح بالنقاط مع أقل تراجعات بالنقاط) بتاخد ترتيب أعلى . وكل ما على ترتيبك بتبدأ تظهر لزوار الموقع .. وبيبقى فيه أيقونة واضحة جدااااااااا فى بروفايلك على الموقع وبتكون تحت صورتك علطول وباللون البرتقالى مكتوب عليها (تتبع) لو زوار الموقع شافوا ترتيبك الجيد وربطوا عليك .. كل صفقة أنت بتعملها بتتنقل الى حساباتهم بلوت يعتمد على إعداداتهم وثقتهم فيك .. يعنى أنت ممكن تعمل صفقة 0.01 وفيه متتبع لك رأس ماله مليون دولار مثلا .. لو المتتبع واثق جدا فيك ممكن يعمل اللوت الإفتراضى المنقول منك 1 لوت كامل وبينقل الصفقة له بهذا الحجم . وبتاخد انت 0.5 نقطة عن كل صفقة تم نقلها لمتتبع حسابه حقيقى (يعنى لو لوت فى الصفقة هتاخد عليها 5 دولار فى الصفقة الواحدة للمتتبع الواحد) . ولما بتجمع أرباحك بتسحبها عن طريق
-التحويل الى حساب بنكى الكترونى مثل باى بال : بيتخصم عند كل تحويل 20 دولار رسوم تحويل + 4% تقريبا من المبلغ المحول (لا أنصح بهذا التحويل)
-زولوماستركارد : وفى كل سحب بيتخصم 20 دولار فقط .
-نقل أرباحك (مجانا) الى حساب حقيقى فى AAAFX والسحب بعدها بقى بيخضع لنظام هذة الشركة وليس عن طريق زولو .
** خلى بالك : لو فيه صفقة حصل عليها تراجع 700 نقطة .. زولو بتلغى كل أموالك وعمولاتك المستحقة وبتبدأ تعد لك الأرباح من الصفر .. ولذلك يا أما تضع استوب لوس .. يا أما تسحب أرباحك أول بأول .. يا أما تتنازل عن أرباحك لو هى صغيرة أو لو مش عايز تقفل الصفقة على كل هذة الخسارة لو بتبرد مثلا .
**الميزة الراااااااااااااااااااااااااائعة فى زولو لو أنت محترف فى التداول ولا يوجد معك مال : ممكن تعمل حساب ديمو تبع أى شركة بتتعامل مع زولو وتزود منه الإشارات وتجنى منه الربح بدون أى مخاطرة على حسابك ولكن بمجرد إنضمام أول تابع حقيقى لك ينبغى عليك ساعتها الحذر لأن أموال الناس هتبقى تابعة لتداولاتك .
.......................
الحالة الثانية التى ممكن أن تجنى منها آلاف الدولارت
2-لو كنت لا تعرف أى شىء عن التداول : فى هذة الحالة بتسجل كمتتبع (من خانة التسجيل) وبعدها بتدخل على خانة المتداولون الموجودة فى الدائرة الثانية .. ولو عايز تمشى على ترتيب زولو وتربط على اعلى الناس فيه ماشى .. عايز تختار براحتك اعتمادا على شىء معين زى اقل تراجع او اكتر عدد نقاط فى اقل فترة زمنية أو عدد المتتبعين أو عدد رؤس الأموال التى يملكها المتتبعين برده ماااااااااااااااااشى .. المهم انك ممكن تدخل على بروفايل كل مزود اشارة وتفحصه كويس وتطمئن له قبل ما تربط عليه .
** خلى بالك :
-فيه رسوم بتدفعها على الربط تفاصيلها مش عارفها لأنى بشتغل على زولو مزود إشارة مش متتبع بس تقريبا يا مبلغ ثابت كل شهر يا بتدفع 0.5 نقطة على كل صفقة ودا ممكن تعرفه عن طريق المحادثة المباشرة (بجوار دائرة المتداولون) ولو بتتكلم إنجليزى كويس اتكلم مع أى موظف ولو مش بتعرف كويس جدا أطلب موظف خدمة عملاء عربى can I communicate an arabic customer service employee ؟ .
-زولو بيسمح بالربط على متداوليه عندما تكون فاتح حساب فى شركات هو بيعتمدها ودى ممكن تلاقيها فى الموقع (فى خانة الشركاء تقريبا) أو ممكن تطلبها من موظف خدمة العملاء .
والأرباح الناتجة عن التتبع أعتقد أنها بتتنقل أوتوماتيك لحسابك الحقيقى وفى رصيده ولا تسحبها بنفس طرق مزود الإشارة.
******************* ********************** *******************************************
أنا قلت معظم الأشياء كبداية لمن يحب أن يسير فى هذا الإتجاه .. لو عايز تعرف أى شىء آخر ممكن تسأل موظف خدمة العملاء مباشرة على الموقع أو ممكن تسألنى ولكن سؤال الموظف أفيد طبعا .
بشكركم جميعا وبتمنى لكم تجارة رابحة وتداولات ناجحة
ولا تنسوا زى ما اتفقنا الدعاء لى ولوالداى بظهر الغيب .
التوقيع
تريد رزقاً ومالاً كثيرا من الفوركس أو من غير الفوركس ؟
لو الإجابة نعم .. الطريقة سهلة :
1- تقوى الله : ومن يتقِ اللهَ يجعل لهُ مخرجاً
ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا ..
ويمددكم بأموالٍ وبنين ويجعل لكم جناتٍ ويجعل لكم أنهارا .
ربنا يرزقنى ويرزق المسلمين جميعا من فضله الواااااااااااااسع .
دعواتكم بظهر الغيب