رد: عرض Fxdd مميز بمناسبه العام الجديد 2016 برعايه بورصات
طيب نبدأ ونقول العرض كويس وربنا يبارك فى البونص دة . لكن انا عندى مشكلة فى الإيداع مع الشركة . أنا أودعت قبل كدة من فترة بإستخدام كاش يو وتم الإيداع بدون مشاكل .
لكن النهاردة طول اليوم حاولت أعمل الإيداع بإستخدام كاش يو ( لا استطيع التحويل من البنك لأنى فى السعودية وتوجد قيود قوية على تحويل الأموال لغير السعوديين ) ولكن بعد كتابة رقم الحساب والمبلغ تأتى رسالة على الشاشة ان هناك عطل . فى الآخر كلمت خدمة العملاء قالوا لى مافيش مشكلة فى الموقع ولا حاجة وكله تمام وحاول تبعت من متصفح تانى . المهم قلت خلينى وراهم وطبعاً النتيجة نفس رسالة العطل بالسيرفر . حاولت أدخل على الموقع من الموبايل لقيت برضه بعد ما كتبت رقم الحساب وقيمة الإيداع بتطلع لى رسالة عطل فى السيرفر . واللى يغيظ اكتر ان قسم الدعم التقنى بالشركة بعتوا لى ايميل بيقولوا إن لا يوجد عطل بالموقع وحاول تبعت من متصفح تانى فلم أجد إلا أن أرد على إيميل الشركة بأن عندهم حق الموقع شغال ومافيش مشكلة لكن المشكلة عندى أنا انى قاعد فاضى فقلت اضيع وقت معاكم شوية وما دام انكم قلتم ان لا توجد مشكلة بالموقع يبقى عندكم حق وأنا بأتخيل ان فيه رسالة عطل . ومرفق لكم صورة من الشاشة علشان تتخيلوا ان فيه عطل كما أتخيل أنا بالظبط ( قلتلهم الكلام دة بس لسة ما ردوش عليا )
مرفق صورة من الشاشة علشان كلنا نقعد نتخيل ان فيه عطل ما دام الدعم بالشركة شايف انى باستعبط