ورشة البرايس اكشن والنماذج الفنيه

اقتباس:

المشاركة الأصلية كتبت بواسطة riyadg

نتائج رائعة أتمنى لك التوفيق باستمرار

اقتباس:

المشاركة الأصلية كتبت بواسطة riyadg

بإذن الله تكون الورشة من أكبر الورش في بورصات

الحمدلله

الورشه هتصبح من اكبر الورش بمتابعتكم ان شاء الله

بالتوفيق لك

التوقيع

اقتباس:

المشاركة الأصلية كتبت بواسطة Raed Bin

ما شاء الله تبارك الله

نتائج مفرحة وجهد مشكور أخي هيما

بمشيئة الله سأحرص على متابعة ورشتك كالعادة

أسأل الله لك التوفيق والسداد

محبك أبو عمر،،،

حياك الله الاخ الحبيب والغالي ابو عمر ... اللي منور الورشه باستمرار

بارك الله لك

ومتابعتك لورشتي يزيدها قوه

بالتوفيق ان شاء الله

التوقيع

هل يختلف وقت المتاجرة في رمضان ام لا
وما هو التوقيت الذي ستكون متواجد فيه حتى نتابع معك اول باول

اقتباس:

المشاركة الأصلية كتبت بواسطة سببق

هل يختلف وقت المتاجرة في رمضان ام لا
وما هو التوقيت الذي ستكون متواجد فيه حتى نتابع معك اول باول

كويس انك سألت السؤال ده عشان ننظم عمل ورشه خلال شهر الخير

بداية من موعد الافطار وحتي الانتهاء من صلاة التراويح مش هكون متابع في المنتدي ... بعد صلاة التراويح هكون متواجد معاكم ان شاء الله نتابع الصفقات اللي معانا و اي تحديثات محتمله قبل الاغلاق اليومي

في النهار هيتم المتابعه اغلب الوقت تقريبا حتي اقتراب موعد الافطار ..... بإستثناء اوقات الصلاه و اوقات قراءة القرأن


كل عام و انتم بخير جميعا وتقبل الله منا ومنكم الطاعات وصالح الاعمال

رمضان كريم ....

التوقيع

جاري تحضير شرح اسلوب عمل الورشه كما وعدتكم ....

التوقيع

ارجو من الإداره الكريمه اقتباس هذه المشاركه ووضعها في رأس الموضوع ليكون الشرح متاح للجميع في بداية الموضوع


*******

هتكلم معاكم عن اسلوبي في التداول والادوات اللي بعتمد عليها ... وهي نفسها طريقة عمل الورشه



الاعتماد الاساسي في الورشه علي البرايس اكشن
البرايس اكشن هو مصلطح اجنبي Price Action ... وبالعربي معناه سلوك السعر

عشان تشتغل برايس اكشن لازم يكون الشارت نقي نظيف خالي من اي مؤشرات عقيمه تعكر صفوه ...

التداول بإسلوب البرايس اكشن بيعتمد علي اداتين رئيسيتين
- الشموع اليابانيه
- المستويات الفنيه القويه

اقوي نماذج البرايس اكشن اللي بعتمد عليها هي :

1/ نموذج البن بار Pin bar
2/ نموذج انسايد بار Inside bar
3/ نموذج الشمعه الكاذبه Fake bar

وهنشوف امثله علي كل نوع ...

1/ نموذج البن بار Pin bar

وهو نموذج انعكاسي قوي

النموذج ده عباره عن شمعه لها ذيل طويل وجسم صغير
الذيل لابد ان يكون 3 اضعاف الجسم لكي نعتبر الشمعه بن بار

وتفسير النموذج ... هو ان البائعين او الشاريين صعدو او هبطو بالسعر بقوه .. ثم حدث تراجع شديد و سيطر فريق علي السعر ..

عند ظهور الشمعه في الاتجاه الصاعد فهناك احتمال كبير ينعكس الي اتجاه هابط
وعند ظهورها في الاتجاه الهابط فهناك احتمال كبير ينعكس الي اتجاه صاعد

البن بار مش بالضروره تكون عاكسه للاتجاه دائما .. احيانا تتكون في نهاية التصحيح وتكون فرصه ممتازه للدخول مع الاتجاه العام من نهاية التصحيح

ده شكل النموذج





و دي امثله حيه
للنموذج









طريقة المتاجره علي نموذج البن بار


هناك طريقتان

- الدخول مباشرة بعد من افتتاح الشمعه الجديده التاليه لشمعة البن بار

- الدخول من نصف تصحيح السعر واقتربه من نصف شمعة البن بار ...
بنستخدم الطريقه دي في حالة لو ذيل شمعة البن بار طويل عن الطبيعي
فمثلا لو ذيل شمعة البن بار 100 نقطه او اكتر .. يفضل انتظار تصحيح السعر والدخول من منتصف الشمعه تقريبا لتقليل المخاطره


الاستوب لوس بيتم وضعه فوق / تحت ذيل الشمعه ب 20 نقطه


2/ نموذج انسايد بار Inside bar

النموذج ده بيتكون من شمعتين

شمعه ام كبيره ... بنسميها Mother bar
وشمعه اصغر تغلق داخل حدود الشمعه الام .. بنسميها Inside bar

ده شكل النموذج



طريقة الدخول علي نموذج الانسايد بار

عند تكون النموذج بندخل مع افتتاح الشمعه الجديده
الاستوب فوق / تحت الشمعه الام ب 20 نقطه



مثال علي النموذج





3/ نموذج الشمعه الكاذبه Fake bar

النموذج ده من النماذج القويه ولكنه قليل الحدوث ...

النموذج ده له حالتين


الحاله الاول

السوق بيوصل لمنطقة دعوم او مقاومات ... ويبدأ يهدي ويعمل برايس اكشن وخلاص هيغير الاتجاه
طبعا المفروض اننا دخلنا مع البرايس اكشن اللي ظهر .. ولكن نفاجئ بشمعة قويه تذهب عكس صفقتنا وتخترق ذيل شمعة البرايس اكشن وتضرب الاستوب وتبدأ تتراجع تاني وتغلق لصالحنا

تفسير اللي حصل هو محاوله اخيره من القوه المضاده للسيطره علي الاتجاه سواء كانو بائعين او مشترين .. ولكنهم بيفشلو وبيتراجع السعر .. في الحاله دي السعر بيتحرك بقوه في الاتجاه المعاكس للحركه اللي حصلت

الحاله التانيه للنموذج

هي عكس الحاله السابقه ... لنفترض اننا وصلنا لمنطقة مقاومه والسعر عمل برايس اكشن ودخلنا بيع .. بدأ السعر يتحرك لصالحنا ولكن فجاه تراجع بشمعه صاعده ممتلئه .. في الغالب بنسبه كبيره السعر بيكمل صعود بقوه

ده شكل النموذج " الحاله التانيه "




تعالو نفسر الشكل ده ..

اتكون عندنا نموذج برايس اكشن " انسايد بار " .. ودخلنا بيع .. السعر هبط لصالحنا ولكن فجأه تراجع واغلق بشمعه صاعده ممتلئه وكمل صعود .. في الحاله دي النموذج بيشفل ويفضل الخروج والدخول في الاتجاه الاخر


مثال علي الحاله الاولي






علي فكره نموذج ال Fake bar المفروض انه حاله واحده فقط وهو الحاله التانيه ... لكن انا اللي ضفت عليه الحاله الاولي من عندي وبشتغل بيها .. شرحتها لكم بالمره




عامتا احنا ممكن منشغلش دماغنا بالنموذج التالت لانه قليل الحدوث ... اكتر النماذج اللي بتتكرر هو البن بار والانسايد بار و اغلب شغلي عليهم خصوصا البن بار


كدا اتكلمنا عن الاداه الاولي من ادوات البرايس اكشن وهي اشكال الشموع

الاداه التانيه وهي المستويات

المستويات القويه

المقصود بيها الدعوم والمقاومه القويه .. يفضل القويه فقط

كلما كان مستوي الدعم او المقاومه هام و قوي كلما كانت الفرصه اكثر دقه

المستويات انا بقسمها ل 3 انواع

مستوي دعم ومقاومه قوي
مستوي دعم ومقاومه قوي ومستوي نفسي ف الوقت ذاته
مستوي تجمعات بيع وشراء

المستويات النفسيه هي المستويات الصفريه " مثل 1.3000 او 1.4000 وهكذا "

اقوي المستويات هو المستوي الاخير " مستوي تجمعات البيع والشراء "
ومعني تجمعات بيع او شراء
هو ان السعر بيستمر في منطقه معينه وقت طويل خصوصا بعد ترند قوي .. المنطقه دي بيطلق عليها منطقة تجميع
فلو مثلا السوق صعد بقوه لشهور .. وبدا يتحرك في نطاق ضيق عدة ايام وتكون عندنا برايس اكشن هابط .. بنسبه كبيره السوق هيعكس
في الحاله دي البائعين بدأو يجمعو قواهم وهيبدأ السوق في الهبوط

المستوي الاخير قليل الحدوث ولكنه قوي جدا ...




امثله




















بكدا اكون شرحت كل شئ عن البرايس اكشن تقريبا ... ونماذجه اللي بستخدمها

وبعتمد علي بعض الادوات الفنيه الاخري مثل الفايبو و النماذج الفنيه


مع الممارسه والفرص والتحليلات اللي هنزلها في الورشه ونتابعها هنتمكن اكتر من الطريقه ان شاء الله

اتمني يكون الشرح واضح

وتحت امركم في اي استفسار

وياريت اي عضو فاضل عنده اضافه تفيدنا لا يخبل علينا بيها .. كلنا بنتعلم من بعض


كل عام وانتم بخير

التوقيع

بعد صلاة المغرب هضع لكم اسلوبي في ادارة الصفقه

ليس من الصعب ان تفتح صفقه .. الجميع يفتح صفقات
ولكن الاهم كيف تدير صفقاتك

انتظرو ... ولكن بعد صلاة المغرب ان شاء الله

التوقيع

ما شاء الله عليك يا هيما
مبدع كعادتك
بالتوفيق يارب

التوقيع

Fxpro
Server: Demo 5
Acc. No. : 8223882
Password: Elkhazindar2018

اقتباس:

المشاركة الأصلية كتبت بواسطة Mohamed Elkhazindar

ما شاء الله عليك يا هيما
مبدع كعادتك
بالتوفيق يارب

تسلم حبيب قلبي

رمضان كريم عليك وعلي اسرتك الكريمه

التوقيع

ارجو من الاداره نقل هذه المشاركه ايضا كإقتباس في رأس الموضوع لأنها مهمه ....


*****

إدارة الصفقه


كما وعدتكو بشرح اسلوبي في إدارة الصفقه


قبل ما ادخل في الموضوع

عاوز كل واحد يسأل نفسه سؤال مهم ...

هل انا بتتداول عشان احقق ارباح تراكميه تصل لنسبه معينه شهريا... ؟؟
ولا بدخل الصفقه عشان احقق منها الربح اللي في دماغي ومطلعش منها غير لو حققته... !!!

**

المتداول الحقيقي هو اللي بيسعي لنسبه معينه من الربح قد تزيد او تقل احيانا عن النسبه المطلوبه .. ولكنه في الغالب بيحققها بشكل تراكمي

فيه فرق كبير بين متداول هدفه تحقيق نسبة 30% شهريا ... وبين مغامر عاوز يحقق 300% من صفقه واحده


المتداول الاول ادرك ان الربح التراكمي حتي و ان كان قليل افضل جداا من المجازفه في صفقه بمخاطره عاليه حتي وان كانت شبه مضمونه

المتداول التاني او المغامر ... عنده قناعه داخليه ان الصفقه اللي هيفتحها لازم يدبل فيها الحساب مرتين تلاته
ويبدأ يفتح الصفقه ويحسبها في دماغه ويضرب النقط في قيمة اللوت ... اوووو دانا هكسب $$$ كتييير
ولكن طبعا النتيجه النهائيه معروفه للأسف


......


عندنا متداول أ
ومتداول ب
ومتداول ج

جميعهم فتحو نفس الصفقه في نفس الوقت وبنفس اللوت وبنفس الاستوب لوس ونفس الهدف

لنفترض الصفقه هي شراء يورو دولار من 1.1200 بلوت 0.50 و واستوب لوس 70 نقطه هدف نهائي 1.1500

السعر بدأ يتحرك في اتجاه صفقتهم
الجميع الان محقق ربح متساوي لانهم داخلين نفس الصفقه بنفس اللوت وسعر الدخول

السعر وصل الي الهدف الاول ولنفترض 1.1300
كلهم محققين ربح +100 نقطه الأن

المتداول أ .. قفل 0.2 من صفقته علي الهدف الاول بربح 100 نقطه " 200 دولار "
ونقل استوب الجزء المتبقي من العقد علي الدخول وترك الصفقه

المتداول ب ... لم يغلق جزء من العقد ولكنه حرك الاستوب علي الدخول

المتداول ج ... ترك الاستوب كما هو ولم يغلق جزء من العقد


استمر السعر في الصعود و وصل الي 1.1340 ... اي ربح +140 نقطه للجميع

المتداول أ ارباحه الأن اقل من الباقيين لانه اغلق جزء من العقد بقيمة 0.2 عند ربح +100 نقطه
المتداول ب والمتداول ج محققين نفس النسبه الان من الربح بالنقاط والدولار وهم اعلي ربح من المتداول أ

فجأه تراااجع اليورو دولار الي 1.1260

المتداول ب والمتداول ج ارباحهم العائمه تناقصت جدا

المتداول أ ارباح العقد المتبقي تناقصت .. ولكنه كان اغلق جزء من عقد بسعر مرتفع


استمر اليورو في الهبوط ووصل الي سعر الدخول مرة اخري

المتداول أ .. العقد المتبقي معاه ضرب استوب علي الدخول لكنه كان خرج بجزء من عقده علي ربح 100 نقطه " 200 دولار "

المتداول ب .. العقد بالكامل ضرب الاستوب علي الدخول

المتداول ج ... مستمر في الصفقه الأن بدون ربح او خساره واستوبه كما هو لم يعدل فيه شئ

استمر اليورو في الهبوط ووصل الي منطقة الاستوب لوس

المتداول أ .. كان خرج من السوق بالفعل علي الدخول وكان لديه ربح 100 نقطه " 200 دولار "

والمتداول ب ... صفقته ضربت استوب علي الدخول ولم يربح او يخسر شئ

المتداول ج ... الصفقه ضربت معاه الاستوب وخسر قيمة اللوت مضروبا في قيمة الاستوب
الاستوب قولنا 70 نقطه والعقد 0.5
5*70= 350 دولار خساره


المتداول أ ادار صفقته بشكل جيد جدا
عندما تحرك السعر لصالحه ووصل الي الهدف الاول اغلق جزء من العقد علي ربح وقام بتأمين نفسه بنقل الاستوب علي الدخول للجزء المتبقي

المتداول ب طمع وترك العقدد بالكامل كما هو رغبة منه في تحقيق اكبر ربح ممكن ... وطبعا قاعد يضربها في دماغه ويحسبها 5 دولار قيمة اللوت في 300 نقطه الهدف يعني 1500 دولار مكسب

المتداول ج ... للأسف مش هقدر اجيب سيرة شخص في العنايه المركزه حاليا .. ربي معاه .. ههههههههههه

المتداول أ , ب , ج لم يواجهو صعوبات في فتح الصفقات اطلاقا
ولكن ادارة الصفقه جعلت منهم رابح وخاسر



السؤال المهم دلوقتي انت عاوز تكون المتداول أ او ب او ج

انا عارف و واثق ان اجابتك هي المتداول أ


كن كالمتداول أ ولا تكن كالمتداول ب او ج

وخصوصا ج


ازاي نكون زي المتداول أ


لنفترض انك حللت زوج معين ومن خلال تحليلك للزوج هيهبط
والاستوب هيكون فوق اقرب مقاومه ولنفترض استوبك 50 نقطه
والزوج قدامه 3 دعوم .. هناك احتمال انه يرتد من اي دعم فيهم

هتدخل بعقد ولنفترض 0.30
3 ميني يعني " النقطه ب 3 دولار "

بمجرد وصول السعر لهدفك الاول " الدعم الاول " اغلق 0.1 من العقد علي الهدف الاول و انقل استوبك علي الدخول

انت كدا حجزت ربح وقمت بإعدام المخاطره بتحريك الاستوب علي الدخول

اصبحت الصفقه مستمره معك بدون اي مخاطره .. وفي جميع الحالات هتطلع كسبان
لو السعر كمل هبوط هتكسب اكتر
لو طلع وضرب استوبك علي الدخول هتطلع كسبان اللوت 0.1 اللي قفلته علي الهدف الاول

محدش يتخيل ان لما يكون الهدف كبير ان لازم السعر غصب عنه يوصل للهدف
مفيش الكلام ده في الفوركس
السعر اغلب الوقت متذبذب .. ولو راح لهدفك الكبيره مره مش هيروح له كل مره
لازم تكون متداول مرن ... تخطف الارباح من السوق وتحط رجل علي رجل


وهو دا اسلوبي الشخصي في ادارة الصفقه ... الربح التراكمي افضل من الطمع في تحقيق اعلي المكاسب من صفقه واحده

وهو نفس الاسلوب اللي استخدمته في ادارة الصفقات في الورشه

و ارجو من كل المتابعين الالتزام بنفس الاسلوب لانه هو الافضل علي الاطلاق بعد تجارب عديده ومريره

وخليك فاكر ان اي حد بيعرف يفتح صفقه ... لكن الاهم كيف تدير صفقتك بنجاح

إدارة الصفقه + إدارة المخاطر = ربح تراكمي

بالمناسبه المتداول ج خرج من العنايه المركزه و اتمني يكون اتعلم الدرس


ربنا يديم الارباح علي الجميع ويبعد عنكم الخسائر

كل عام وانتم بخير

التوقيع