رد: توصيات شهرية
التوصيات تحتاج الى صبر على الأرباح وهنا اعني التوصيات الشهرية لأن التوصيات اليومية او الأسبوعية من الصعب نوعا ما ان المتداول يحقق فيها ارباح بمئات النقاط واهم مافي الموضوع ان المحصلة الإجمالية تكون ارباح في ارباح ولازم تفهمو يااخوان مهو شرط نكسب من العقد الأساسي ممكن العقد الأساسي لو اصلا راح نربح منه مايجيب لنا اكثر من 100 نقطة لكن لو عكس السعر فقط 200 نقطة ورجع لنقطة الدخول معناه هنا اصبحت ارباحنا 300 نقطة والحمد لله والشكر لله اجمل واروع شي في هذا السيستم ان التوصيات بترجع لنقطة الدخول في نفس الشهر وسر النجاح يااخوان بعد توفيق الله سبحانه وتعالى يكون في عدة امور اولا التحليل الصحيح لمعرفة اتجاه العملة ثانيا اختيار اماكن الدخول الممتازة اللي نكون متأكدين انه مهما السعر عكس راح يرجع لها بأمر الله ثانيا تخصيص ميزانية لكل عملة هذا امر مهم جدا جدا رابعا يجب وضع استوب لوز تحسبا للأزمات القوية اللي تحدث في السوق خامسا التفاؤل وحسن الظن واليقين بالله والبعد عن التشاؤم والنظرة السلبية وتذكرو هذه القاعدة ماتركز عليه ستحصل عليه سواء كان ايجابيا او سلبيا سادسا طلب العلم في هذا المجال وعدم التوقف عند مستوى معين يجب المواصلة في استكشاف كل جديد وكل مفيد في عالم الفوركس سابعا العمل الجماعي يعطي قوة للنجاح والتقدم ومواصلة الإبداع في اي مجال ولا تنسو يد الله مع الجماعة ثامنا تطبيق حديث الرسول صل الله عليه وسلم لايؤمن احدكم حتى يحب لأخيه مايحب لنفسه تعالو شوفو منتدياتنا العربية وكيف وضعها الأخلاقي فيها بصراحة وضعها مؤسف ومحزن والله المستعان حقد وحسد وكره وبغض وانكار للجميل والمعروف ونفوس وسخة ونبغى ننجح ونبغى نربح في النهاية طيب اول شي نصلح قلوبنا قبل مانصلح محافظنا اول شي نطبق الدين في تعاملنا مع بعض قبل مانطبق الاستراتيجيات في تداولاتنا كيف نبغى النجاح والتوفيق واحنا نحارب المبدعين والناجحين والمتميزين الأخ اللي سجل في المنتدى وكتب الهدف الإجباري للباوند عند سعر كذا وكذا كلكم شفتو كيف تم الهجوم عليه وفي النهاية تحقق الهدف وبكل ابداع فين هذا الأخ الان ترك المنتدى لأنه وجد نفسه وسط ناس ماتقدر المميزين والناجحين والاذكياء ايش شعورك يااخي لمن تهاجم اخوك المسلم اللي احسن منك وافضل منك هل راح تستفيد شي لا والله راح تكسب حميرة وغباء فوق الحميرة والغباء اللي انت فيها مع كامل تقديري واحتراماتي الشخصية لك ليش الغرب والكفار سبقونا لأنهم دعمو الناجح والقوي والمتميز وليش احنا امة متخلفة لأننا حاربنا المفكرين والمبدعين ديننا واسلامنا هو الأجمل والأفضل على الإطلاق ولكن احنا امة نحتاج لإعادة النظر في تصرفاتنا وليس في ديننا لأن الدين كامل مافيه اي نقص او عيب ولكن العيب فينا والله يااخوان لو جينا للحق اي عضو يفشل في الفوركس الواجب بدل مانهجم عليه ناخذ بيده ونساعده احنا هنا لا اي موصي او محلل تنجح توصيته مانعرف حتى نقول له شكرا او الله يعطيك الف عافية او الله يبارك فيك ولكن اي توصية تضرب استوب يتم الهجوم عليه طيب ياحبيبي ليش ماعندك ايمان بالله ان الله ماكتب لك رزق في هذي الصفقة وليش لمن تربح تقوم تهز وسطك وترقص ولمن تخسر تطلع اخلاقك وتربيتك ومستواك الواطي ليش ماتكون رجل ويكون شعارك انا مع الموصي في الحلوة والمرة او من الأساس ماتدخل في توصياته وتريح راسك اسألكم بالله هل عمركم شفتو توصية خسرانة واتجمعو الاعضاء وقالو خلينا نناقش وندرس ونتعلم مع الموصي اسباب الخسارة عشان نتفادى ونتلافى الخطأ المرة الجية نادر جدا هذا الشي يحدث لأننا عرب ولكن في اليابان رؤساء شركات يقدمو استقالاتهم لو موظفينهم فشلو ويعتبرو فشل الموظف من فشلهم ودليل على عدم اهتمامهم بالموظف اوباما يزور احد المساجين في بيته اللي افرج عنه بعد 40 سنة بعد مااكتشفت الحكومة انه انسجن ظلم اتعلمو يامسلمين كيف تحترمو حتى السجين كيف تعطو التقدير والاحترام لكل انسان في الدنيا فما بالكم بإنسان له فضل عليك احد اكبر رؤساء الشركات في فرنسا سئلوه ماسبب نجاح موظفينك وشركتكم رد وقال لأني كل صباح اروح اشوف هل دورات المياه الله يكرمكم نظيفة ولا لا فإذا كانت نظيفة عرفت ان الموظف بيتشغل في بيئة نظيفة وبنفسية مرتاحة واكون متأكد ساعتها انهم راح ينجحو ويبدعو في عملهم شوفو يااخوان رئيس شركة يروح يكشف على دورات المياه كل صباح نحتاج في بلادنا مثل هذي النوعيات نحتاج لحب الله والأهل والوطن والناس وكل بعيد وقريب نحتاج للتضحية للإخلاص لإصلاح نفوسنا ونياتنا والله يكتب لنا ولكم اللي فيه الخير وبالنسبة لهدف الباوند نيوزلندي يحدد لاحقا ان شاء الله
التوقيع
تم الإنتهاء من المؤشر الخاص في التحليل الرقمي
الصفحات المهمة
206
291 لتحميل المؤشرات فقط
695
726
746
762
772
777