كيف تصبح مسوق اسطورى ولا تخسر اى صفقة

اول حاجة ياعم الحج تختار عنوان جامد طحن وتختار فية شوية حركات من اللى بتعجب الجمهور ومغلف بجو من الغموض زى مثلا جان واهرامات وفيزيا وكيميا ولو رياضيات كمان يبقي مية فل واتعشت

تانى حاجة هتستمر فى النهج دة فى الموضوع وكل شوية مشاركة ملهاش علاقة باى حاجة غير شوية كلام نظرى تتوة انت نفسك لما تقراة تانى وطبعا مفيش شارتات ولا الكلام دة ولو اتضغط عليك معلش ابقى نزل شارتات مايتعرفش منها حتى اذا كان الترند كان صاعد ولا هابط
طبعا انت اساسا ماتعرفش اية يعنى الترند دة ملكش دعوة يا عم الحج انت راجل مسوق عالمى ومش لازمك الكلام دة ومن باب المعلومة دى شوربة ارانب بس بالطريقة الفرعونية المحمصة كان جان بيحبها اوى عالفكرة

تالت حاجة تسجل عضويات كتير لان الهجوم عليك هيبقى كتير وهتضطر اسفا تجابه هجوم الاعضاء السخنانة عليك اللى عرفت انك بتشتغلها وبتسوق لنفسك يعنى وهو بلاش ترزق !!!
وحتى لو موضوعك اتقفل ابقة ادخل بالعضويات الجديدة ومع تزايد الطلب منك من خلال عضوياتك المنتدى هيفتحلك موضوع تانى وتدخل فية دخول الفاتحين

رابع حاجة تنزل شوية توصيات برهان على توقعاتك اللوذعية الجنان ولو الصفقة عكست قول انك بتشتغل بالمضاعفات وطبعا ملكش فية ولو عكست مليون نقطة انت اساسا شغال مضاعفات يعنى العيب مش عليك العيب على المتهور اللى مابيراعيش ادارة راس المال وفيها اية اساسا انك تأمن لنفسك صفقة تكسب منها 5 سنت مقابل انك تسيب فى حسابك 65 مليون دولار تأمين لانعكاس السعر
هو مش المهم انك تكسب فى الاخير ياعم الحج
وبعدين لما السعر يعكس عليك ماتبقاش تدخل انت ومع الوقت هتصادف ان صفقة او اكتر تتحق ويمكن كمان بالمللى ما هو انت بردك مش متفق مع الشارت على عكس اتجاهك
ساعتها بقى تكون فرصتك تهلل لنفسك خاصة بالعضويات الجديدة اللى بتهاجم الناس الوحشة اللى بتحقد على الناجحين اللى زيك

خامس حاجة مع الوقت هينخدع فيك اعضاء عاديين وهيطبلولك لواحدهم يمكن تعطف عليهم بمعلومة ولا حاجة طبعا مش عايزك تخاف وتفتكر دا شغل جن وعفاريت ولعنة الفراعنة اللى بتسترزق من وراهم وكلام من دة انا عارف انك ماسجلتش العضويات دى بس يالا ياعم دى ناس بحق وحقيقي جاتلك فى الهيصة وهى دى نفس الناس اللى انت اساسا بتستهدفهم والرزق يحب الخفية

سادس حاجة فى الاول كدة عايز لسانك حلو لغاية لما تثبت رجلك والموضوع يكبر لاكبر قدر ممكن من الصفحات ساعتها بقي اللى يكلمك ابقي شوط فية مايهمكش خلاص بقة

سابع حاجة مع الوقت اما ادارة المنتدى هتطردك وساعتها انت عارف هتروح فين وتنضم لاخوانك المسوقين المتحدين واما ماحدش هييجى جنبك بس بردك هتبعد وكل فين وفين لما تدخل من منطلق التعزيز ومخطوبة يا عالم مخطوبة

ثامنا مبروك ياعم الحج نار جهنم وبئس المصير

بدي ابصملك بالعشـــرة
انت جبتها من اخريتها

الله يعطيك العافية وسلمت يمناك على ماكتبت من حروف ذهبية
وفشة غل من المواضيع المتميزة بالهرطقة الكلامية واسرار التداول والجن

والله انت استاذ

شرفنى مرورك اخى الكريم ومتابع بشغف لموضوعك الجديد
ربنا يوفقك

اهو انت بقة
بس لو تلاقى طريقة نضرب بيها كارت الشاشة بتاع احمد اللى فرحنلى بية دة
لو نعرف مثلا ننزل علية برنامج تعدين للبيتكوين او اى عملة تانية يبقي كسبنا من جهه و ضربنالة كارت الفيجا فى نفس الوقت تبقى ضربة معلم ويبقي يورينى هيكسب صحابة فى البيس ازاى

معك كل الحق وتقريبا اعلم عن من تتحدث هههههه الهندسة المقدسة صح ياريس؟

التوقيع

متداول عملات واسهم محترف خبرة 11 سنة

اكتشفت ان اجابة سؤال زى دة ما ينفعش فى المنتديات
طيب نعمل اية نعمل اية
اة
اعملكوا دورة تدريبية $$$$$$
طيب يا عم الحج ماتشرح فيديو زيك زى غيرك دة حتة اسهل للتوضيح من المحاضرة المباشرة
لا لا اعملكوا دورة تدريبية $$$$$

ايوة ياعم بتاع الهندسه المقدسه ده اكبر مثال ع الغباء والمعر بتاع الناس ايلى بيقوم ع الفاضى والله من الاول عارف انه مش هيشرح حاجه والاعهضاء الغلابه كانو بيتحايلو عليه والله مايستاهل وكل ايلى ع شاكلته يعنى عندك علم عايز تفيد الناس براحتك مش عايز خلاص متفتحش موضوع وتعمل فيها فاهم وعايز الناس تصقفلك وانت اساسا مبتفهمش يعنى بصراحه نوعيه من الناس غريبه كفايه علينا السوق وبصراحه يعنى انا لاأؤمن بموضوع جان والكواكب والهرطقات دى وميه ميه ياصاحب الموضوع على كلامك

ياسر بتاع الهندسة المقدسة ده 000احد الاعضاء قال انه نصاب كل كلامه لف ودوران وداخل بكزا عضوية عمال يطبل ويزمر لنفسه 0000لما موضوعه اتقفل داخل بعضوية حديدة بشرح سر الملوخية المقدسةههههه 0000عايز ينصب على الاعضاء الجدد00000بس الله ينور عليك جبت من الاخر

وطوا صوتكم علشان هو في الشقة اللي تحتيكم

التوقيع

يعني عليك بارده شوف سمسار في الجاذبية الفوركسية نفس الحركه