رد: تفسير مفتاح البورصات وحركه الاسواق -----
اقتباس:
المشاركة الأصلية كتبت بواسطة eng.emad82
شوف دقة الانعكاس يا جورجيو
مع اني ما بشتغل انتراداي نهائيا يا جورجيو
شوف يا اخ عماد . بصراحة ومن غير زعل .. انا شايفك مركز مع الاخ كونسلتانت اكتر ما انت مركز مع موضوعك .... هو ليه وجهه نظر او طريقة معينة فى التداول ومؤمن انها صح . خلاص هو حر . وانت ليك وجهة نظر وطريقة فى التداول و مؤمن انها صح خلاص انت حر .. و نجد هنا متابعين ليه وبيشكروا في النتائج اللى محققها خلاص يبقى في ناس بتكسب بطريقته يبقى طريقته صح .. وفى موضوعك في ناس بتشكر فى النتائج اللى محققها ومنهم انا .خلاص يبقى طريقتك انت كمان صح ..... فين المشكلة بقى هنا ؟!!!!
يبقى كل واحد يخليه فى موضوعه
عن نفسي انا مش مقتنع بطريقة الاخ كونسلتانت , ومش معنى انى مش مقتنع تبقى مش صح جايز تكون صح بس انا مش فاهمها وبصراحة لو حاجة انا مفهمتهاش مش بقتنع بيها .
وبصراحة من غير زعل يعيب موضوع الاخ كونسلتانت " مش عارف بتتسمى ايه " بس هى تقدر تسميها غياب النظام او بالعربي الفصيح " الرؤية الغير واضحة لهدف الموضوع " يعنى مثلا تقرا الموضوع من اوله لاخره لاتبقى عارف هو موضوع توصيات او موضوع شرح استراتيجية او موضوع ديني
....
لو هو موضوع شرح استراتيجية انا بصراحة دورت فى كل الصفحات لم اجد اي شئ وكلها معلومات اعذرني على الصراحة متضاربة يعنى مثلا انت بتقول حركة الشارت هي صلاه " جدلا هفترض انه صحيح" علما انى غير مقتنع بهذا لعدة اسباب ولو عايزنى اقولك الاسباب هقولهالك " يبقى المفروض اجد الشرح على هذا في محاولة لاثبات وجهة نظرك و لكن على العكس فجاءة اجد الموضوع يتمحور حول نظرية الطوسي " اعذرني انا لا افهم نظرية الطوسي غير متخصص فى الفيزياء انا دراستى كلها مالية " بس اللى فهمته منها انها دايرتين واحدة صغيرة بتلف داخل دائرة اكبر والموضوع ليه علاقة بالمحور او بقطر الدائرتين و نص قطر الدائرة الاولي ,,, طيب هو ايه العلاقة بين الصلاة ونظرية الطوسي ؟!!!!! يعنى الشارت بيصلي ولا استراتيجيتك مبنية على مبدا فيزيائي هندسي ؟!!!!!! اخ كونسلتانت اتحدى احد من المتابعين ان يكون فهم حاجة , ممكن فيه ناس داخلة تاخد توصيات وخلاص وهذا حقهم وبصراحة عن نفسي اذا وجد من يعطينى توصيات مضمونة 100% همشي وراه ما الحاجة لى للصداع ودور على خط ترند و مستوى فيبو و دعم ومقاومات " هو فيه حد غاوي وجع دماغ ؟" اعتقد الجميع الهدف الاساسي ليه بالفوركس البحث عن المكسب محدش عايز يخسر ...
, لو هو موضوع توصيات برده التوصيات غير واضحة او طريقة عرض التوصيات غير واضحة , لا هدف واضح ولا منطقة دخول واضحة و لا منطقة خروج واضحة ولا استوب واضح . كل ما اجده هو شارت عليه بعض الخطوط . جايز فى ناس بتفهمها بس انا مش فاهمها ....
والكلام بالفقرة التانية يا اخ عماد برده موجه ليك انت بصراحة اهملت موضوعك اخر يومين ثلاثة وتفرغت للبحث عن انتقاد لفكرة الاخ كونسلتانت وعايز الدليل عد مشاركتك فى الموضوع هنا وعدد مشاركاتك فى موضوعك فى اخر كام يوم , بدلا من ذلك كان الاولى محاولتك البحث اذا كان هناك عيوب فى نظريتك
لكن ما اراه بمنتهى الصراحة ان كلا منكم تفرغتم لاطلاق الالقاب على انفسكم , انا عبقرى الفوركس انا الاول فى الفوركس , انا وحش الفوركس , عملاق الفوركس الخ الخ الخ ونسيتوا حاجة مهمة جدا جدا ان مفيش عبقرى بيقول على نفسه عبقرى
اللى يقول على نفسه انا و انا و انا يبقى مخه فاضي .... مع الاحترام لكل منكم عايزين تشوفو ناس اساتذه فوركاستنج روحو شوفو الابحاث اللى في رسائل الدكتوراه على مواضيع الفوركاستنج و اللى من القاهرة يرةح مكتبة جامعة عين شمس ويدور هناك هيعرف انا بقول ايه ...
واعذروني اذا بقول راي بصراحة اللى عايز يثبت ان موضوعه صحيح 100% ومعترف بيه ومعتمد وينسبه لنفسه ويتمنظر على التانى اسهل حاجة تسجل دراسات عليا وتختار موضوع البحث بتاعك فى الفوركاستنج و ساعتها شوف راي الاساتذه فى موضوعك لانه ساعتها الانتقاد مش هيبقى من اعضاء منتدى 99 % منهم غير متخصصين و داخلين يدوروا على توصية وخلاص . لا هتبقى لجنه اساتذه وهتتعصر عصر
غير كده كله اجتهادات قد تثبت صحتها وقد يثبت فشلها و العبره بالتائج الخلاصة كل واحد يركز ى موضوعه الله يركم والديكم