ܔ҉ೋ فريق كوندور - Condor Team ܔ҉ೋ

التوقيع

التوقيع

اقتباس:

المشاركة الأصلية كتبت بواسطة kimoeshta2012

نبدا بسم الله شروط استراتيجية الترند المكسور المطورة 2013 الخاصة بيا وقابلة للتعديل
مني او من اي حد يلاقي تطوير ليها وممكن تنقلوها لاماكن تانية لكن لو سمحتوا قولوا تم النقل من العضو فلان عشان ده تعب مده كبيرة برضه عشان نستفاد كلنا

اول حاجة احنا بنخلينا مع الترندات اللي بتكون مرسومة من بداية الموجة زي الترند ده اللي علي الكيبل (الباوند دولار) وده ترند رئيسي يعني بلاش الترندات اللي بتكون من نص السكة دي بتكون فرعية ومش قوية زي الرئيسي


الشروط الخاصة بالطريقة
1/ترند ثلاثي الارتكازات زي الصورة كده وبيكون ليه خصائص معينة
اولا شغلنا علي الاربع ساعات وبس يعني ترند علي فريم اربع ساعات بس
ثانيا يكون اقل حاجة تلت ارتكازات زي منتوا شايفين ونخلي بالنا اننا ممكن ندخل علي ترند ارتكازين بس وبيكون قوي الي حد ما عشان فريم كبير لكن الثلاثي اقوي في كسره جدا
ثالثا تكون زاويته من 30 الي 60 درجة زي منتوا شايفين زاوية الترند قريبه من 45
وده المثالي بمعني ميكونش حاد او منفرج يعني ولا نازل منك قووووي للارض
ولا طالع منك اوي كأنه سلم واقف يعني تخليك زي الرسمه دي تقريبا او اعلي حاجة بسيطة او اقل حاجة بسيطة
رابعا مدته تكون اقل حاجة شهر من بداية الترند لاخره يعني ويفضل اكتر من كدة وطبعا يكون ترند رئيسي من بداية الموجة

ده اول شرط بتاع الترند ومن غيره باقي الشروط ولا ليها لازمه لانه ده الاساس اللي هنبني عليه باقي الشغل

2/تقاطع موفنجات 9 و 30 اكسبونشال ويكون قبل الكسر وده شئ اساسي
يعني لو التقاطع تم بعد كسر الترند الفرصة لاغية
وده شكل للتقاطع قبل كسر الترند عند المستطيل الموضح في الرسم وطبعا كل ما يكون التقاطع قبل الكسر علي طول بتبقي الفرصة اقوي وبرضه لو كان بعيد حاجة بسيطة مش بيضعف الفرصة قوي بنحاول احنا نقيم التقاطع بالعين


3/ مؤشر المومنتم كل الناس عارفاه طبعا لما تكون صفقة بيع لازم المومنتم يكون تحت خط المية والعكس في الشرا

دول الشروط الاساسية واللي جاي من اضافتي

4/ في رسمة الباوند دولار فوق عند الترند هتلاحظوا في سحابة الاشيموكو + موفنج 62 اكسبونشال ودول بيكون في احترام للسعر عندهم يعني لو داخلين صفقة بيع لازم يكون السعر كسر الاتنين لتحت بيدي قوة للصفقة وطبعا بنجيب السحابة عادي من الميتا تريدر من مؤشرات + اوسكيليتور + اشيموكو كينكو هايو

5/ مؤشر الماكد برضه الناس عارفه ولما بيكون تحت الصفر بيدي قوة للبيع والعكس في الشرا

6/لازم نهتم بالموفنجات العادية زي 55 و 100 و 200
يعني لو السعر في الدخول كان كاسر 55 و100 لكن 200 قدامه شوية علي ما يوصله بيكون افضل طالما مفيش حاجة منهم قدام السعر تعوقه لانها بتكون دعوم ومقاومات للسعر

7/ لازم نرسم الفيبو زي منا راسم فوق في الباوند
في الصاعد من تحت لفوق والعكس في الهبوط طبعا هنلاقي
اول مستوي يقابلنا هو 23 فيبو وهنا اهم حاجة ومن اهم الشروط
اننا لو بداية صفقتنا كان كاسر 23 فيبو يعتبر احنا دخلنا تصحيح الموجة دي من اولها وبيكون الدخول قوي وطبعا قوي الفرصة بتقل لما الكسر بيبعد عن 23 فيبو



دي الازواج اللي شغال عليها واثبتت نجاها في التحليل الحمد لله
يورو دولار (الزعيم)
استرالي دولار(اوزي)
دولار فرنك
دولار كندي
باوند دولار (كيبل)
نيوزلاندي دولار
يورو ين
باوند ين
نيوزلاندي ين
فرنك ين
استرالي نيوزلاندي
استرالي ين
كندي ين
استرالي فرنك
العدد 14
وباقي الازواج لو اثبتت نجاح علي اربع ساعات هنضيفها
طبعا الهدف بيكون ضعف الستوب ولكن

اننا هنقسم الصفقة علي صفقتين
واحدة التيك بتعها 1.25 الستوب
والتانية التيك بتعها 2.25 الستوب
وطبعا ده بيخلي المحصلة في الاخر لو ال2 جابوا تيك بيكون المحصلة 1.75 من الستوب يعني اوك يعتبر خسرنا جزء بسيط من الربح لكن هقولكم فوايد الخسارة دي
1/ان نفترض اننا عاملين الستوب 50 نقطة والتيك 100
وبعد الكسر السعر وصل +50 ربح وبعد كده ارتد وطلع ضرب ستوب طبعا هنكون خسرنا الصفقة ومعملناش حماية للحساب
وحتي لو بعد ما وصل+50 خلينا الستوب نقطة الدخول ده بيخلي فرصة انه يضرب الستوب علي الدخول ونخسر المكسب ده هتكون قريبة

لكن تعالي معايا نحسبها بالطريقة بتعتي لما يجيب تيك اول صفقة مش هتشيل هم الصفقة التانية لانه لو كمل في طريقه تبقي مصلحة ولو مكملش وطلع ضرب ستوب برضه هنطلع تعادل لكن هنكون وسعنا نطاق التحرك بتاع السعر هيبقي الستوب بعيد اقصد وطبعا ممكن نخلي الستوب نقطة الدخول في الصفقة التانية لكن الافضل اننا نسيبه

2/ الحالة النفسية بتكون احسن في الصفقتين بدل فتح صفقة واحدة بس



وبكده نكون خلصنا وممكن نعدل علي الشروط لو احتاجنا
اتمني المتابعه والمشاركة معايا
بالتوفيق للكل

ماشاء الله تبارك الله
تسلم الايادى

التوقيع

ايه يا معلم فينك واحشنا؟؟؟؟؟

التوقيع

السلام عليكم فريق كوندور . رايكم فى هذا الشارت

بص يا معلم هي الصورة مش باينة ده انهي زوج بس ده تقريبا دولار ين صح؟
لان انا فتحت الشارت بتاعه لقيته نفسه ونفس السعر تقريبا باختتلاف نقاط بسيطة عشان السبريدات
المهم بالنسبة للترند ده يعتبر مش بالزاوية المطلوبة زي ما هو مكتوب في الشروط ده غير انه محصلش لسه تقاطع للموفنجات
احنا ممكن نعتبر الشكل من الاشكال النماذج السعرية يعني مثلا ممكن يتكون راس وكتفين او حاجة تانية
وبرضه ممكن نتاكد لما يتكسر هل ندخل معاه ولا لا لانه عامة كان في احترام للترند ده ولو رسمته بالطريقة الصح بمعني ظبته اكتر هتلاقيه مرتكز علي اربع ارتكزات وهو اتكسر فعلا والكسر دخل علي كسر مستوي 50 فيبو
ففعلا ممكن يكمل نزول وهنشوف هل هنقدر نتاجر علي الترند المكسور بالطريقة دي ولا نلتزم بالشروط اللي في التوقيع كلها او اغلبها
وانا فعلا بحب ارسم الترندات المايلة دي عشان اشوف تعامل السعر معاها خصوصا انها علي فريم كبير زي اربع ساعات ومدة الترند كبير كمان
وبرضه الاسبوع الجديد هيبين الكلام
اتمني ليك التوفيق وياريت تبقي متابعنا دايما بالشارتات والمناقشة
وده الشكل

تلت ارتكازات+ ارتكاز اول الترند = 4
اتمني تبقي معانا في الفرصة دي وتقارنها بالشروط بتاعت الاستراتيجية مين عارف ممكن تطلع بحاجة جديدة تكون اضافة مش واخدين بالنا منها لانه ده الفوركس لازم كلام جماعي افضل
مستنيك تشرفنا اي وقت

ملحوظة اخيرة انا مش شغال علي الزوج ده عشان بيكون فيه تذبذب
انا شغال علي 14 زوج في التوقيع لكن برضه هنجرب الباقي علي الاربع ساعات ونشوف

التوقيع

اقتباس:

المشاركة الأصلية كتبت بواسطة kimoeshta2012

اتمني ليك التوفيق وياريت تبقي متابعنا دايما بالشارتات والمناقشة

شكرا يا باشا على التوضيح و ان شاء الله نتابع الشارت بعد الافتتاح .
واضح من الرسم ان تقاطع الترندات حايكون بعد الكسر.

التوقيع

مسا الخير والله انا تعبان جدااا من الباوند طالع متل الصاروخ ولا كانوا في تحليل ولا حواجز ... متابعين يا كوندور انشالله بس ممكن اعرف كيف ارفع صوره تشارت على الصفحة؟؟

التوقيع