عاوز تكسب دايما نظرة من فضلك

الاستاذ ابو تريكة تحياتى لك وانت عارف طبعاً انى معاك منذ البداية وانا معايا الان سهم الاعلامى على متوسط 5.8 جنيه وسهم جهينة على 6.02 جنيه وليس معى سيولة للدخول فى سهم الشمس بناءاً على توصيتك الاخيرة وانا اريد الدخول فى هذا السهم
بما تنصحنى وماذا افعل ياريت الاجابة قبل بداية الجلسة واخيراً هل الافضل الدخول فى سهم الشمس فى اول الجلسة ام انتظر الى منتصف الجلسة

نشكرك ابو تريكة على توصياتك الرائعة

ارغب فى معرفة وجه نظرك فى الاسهم التالية من حيث الاحتفاظ او البيع او التبديل بسهم اخر حركته افضل

المصريين فى الخارج شراء عند 8.1
العبوات الدوائية عند 31.8
بنك البركة عند 14.5
العربية محابس عند 4.8
القومية للاسمنت عند 30

الأخ الفاضل الأستاذ حسام
صبراً جميلا وهتلاقي رواد الباب مش هتلاحق عليهم
إستمر وكفاية دعوه واحد انت كنت سبب في تعويض جزء من خسارته او خسارته كلها وصدقني الدعوه دي والله كبيررررة اوي
استمر يا اخي وجزاك الله كل خير

الأستاذ حسام
ايه رايك
ان حاليا ً معايا القومية على 30 جنيه والدوليه للمحاصيل تسويتها على الاثنين جايبها على 6.55 الاصلح اخلص ف ايه عشان ادخل معاكم جيم الشمس ده
دي وشها حلو عليا قبل كده
جزاك الله كل خير

وحشتنا اخى الغالى اسلام عفروتو؟
بيع نص كميتك فى الاعلامى وادخل بها معنا الشمس للاسكان؟
واليوم اعتقد الوقت الامثل للشراء سيكون من الساعة 12 الى الساعة واحدة؟؟
وتحت امرك يا غالى دايما وفى اى وقت؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين

امرك يا غالى
1/ بيع نص كميتك فى المصرين بالخارج؟
2/ القومية احتفظ
3/ العبوات الدوائية احتفظ
4/ العربية للمحابس بدلها بالشمس للاسكان؟ دة لو حبيت تدخل معنا
وشكرا على كلامك وزوقك وتحت امرك دايما فى اى وقت؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين

اسف يا غالى نسيت بنك البركة؟
بيع كامل اسهمك فية واجنى ربحك لان قطاع البنوك هياخد ترند هابط قصير المدى خصوصا ان البركة بالذات عمل حوالى 70% ؟ فى شهر ونص فقط؟
فلابد من التصحيح؟
يارب اكون رديت عليك بما يرضى الله ويارب كلامى يكون محل ثقة لديك وتعمل بة وبامر الله خيرا؟

اخوك حسام

التوقيع

يارب الكون ارزقنا جميعا من حيث لا نحتسب اللهم امين

معك كل الحق اخى الحبيب ؟
ولقد نسيت الموضوع دة ومركز فقط فى ترشيح اقوى الاسهم لحضراتكم؟
والنجاح مبيستخباش وزى ما قولت بمرور الوقت ونجاح توصياتنا هنا مما لا شك فية سيزيد عدد الاعضاء تلقائيا؟
لان الكل بيبحث اولا واخيرا على اللى هيحقق معاة مكاسب كبيرة؟
ودة الطبيعى ولست مستعجل هقوم بدورى كانلا بما يرضى الله وكلى ثقة فى الله ان الوقت لن يطول اكتر من شهر او اتنين كمان بالكتير؟؟
وشكرا ليك يا غالى على مداخلتك المحترمة؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين

الدولية للمحاصيل؟ لسة بدرى واحتفظ بها؟
اما القومية فحاول تبيع نص كميتك فية او التلتين؟ او كامل كميتك زى ما تحب لان ارى اخرة عند 34 جنية تقريبا؟
ولما تبيع تلك الكمية فى القومية ادخل معنا الشمس للاسكان وبامر الله لن تندم وسنحقق جميعا منة ربحا جيد جدا؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين

والان اخوانى واخواتى الغاليين اليكم الاسهم المرشحة للشراء بها جلسة اليوم الاثنين 17/1/2011 بامر الله تعالى وهى

1/ سهم الشمس للسكان والتعمير
(( مضاربة قوية على السهم وبقوة قادم الجلسات من قبل كبار الميكرز والمضاربيين والهوامير بالاضافة الى عدد كبير من كبار المستثمريين العرب واللى داخلين ايضا الجيم وكذلك بعض الصناديق الكبيرة وبكرر تانى طول ما الشمس اسفل ال6 فلات هنا يكون اسعار الشراء اكتر من ممتازة فاكرين الاعلامى برضو لما قولنا نقطة انطلاقة ال6 فلات وقد كان؟ ولكن مع الفرق الكبير المرة دى بين الاعلامى والشمس؟
لان جيم الشمس بفضل الله سيكون اقوى وافضل بكتير؟؟ ))

2/ سهم الوطنية لمنتجات الذرة
(( ايضا مضاربة قوية على السهم قادم الجلسات بامر الله؟؟ ))

واخيرا تقبلو خالص حبى واحترامى لكم جميعا ويارب جلسة سعيدة وموفقة علينا جميعا بفضل الله وكرمة علينا اجمعين اللهم تقبل منا صالح اعمالنا خالصة لنور وجهك الكريم؟ امين؟
اخوكم المحب والمخلص لكم للابد
حسام الالفى

التوقيع

يارب الكون ارزقنا جميعا من حيث لا نحتسب اللهم امين