رد: العبد لله توقع هبوط البيتكوين 5000 دولار بدون انعكاس
اقتباس:
المشاركة الأصلية كتبت بواسطة hamdonforex
اخونا العزيز eez شكرا لاعجابك بمشاركاتي، انت أحد أهم خبراء البيتكوين فى هذا المنتدي و لك موضوع هو الأشهر عن البيتكوين .. نتمني أن لا تكتفي بالاعجاب بمشاركاتي فقط و لكن أن تشارك ايضا لأن بعض تعليقات قليلو الخبرة بالبيتكوين بها الكثير من المغالطات.
العفو اخى , انا سبق ورديت قبل كده ان الموضوع عباره عن وجهات نظر , والاختلاف فى الراى ده شىء طبيعى , عمر البشر ماحيكون تفكيرهم زى بعض , كل واحد بيبص لاى شىء من وجهة نظره فقط , وده شىء طبيعى .
فيه قصه انا قريتها من زمان جدا واثرت فيه جدا , القصه ممكن نديها عنوان قصة الفيل والعميان : هناك أسطورة هندية تقول أن ستة عميان تناهى إلى سمعهم أن فيلاً كبيراً سوف يؤتى به إلى بلدتهم بمناسبة الاحتفال السنوي, فذهبوا الستة إلى حاكم البلدة وطلبوا منه أن يسمح لهم بلمس الفيل لأول مرة في حياتهم, فهم دائماً ما يسمعون على الفيل ومدى ضخامته لكنهم لم يتصورا شكله قط. لم يمانع الحاكم إطلاقاً إلا أنه أشطرت في سبيل ذلك أن يصف كل واحد منهم الفيل في جملة واحدة, وفي يوم الاحتفال وبحضور أهل البلدة أحاط الستة رجال بالفيل وبدأ كل واحد فيهم بلمسه, وبعد ما انتهوا من معاينة الفيل قام كل واحد بوصف الفيل أمام الحاكم وبحضور حشد كبير من والعامة, فجاء الوصف كالتالي:الأول قال: الفيل أقرب ما يكون إلى الحبل
قال الثاني متعجباً: أين الفيل وأين الحبل؟ بل هو مثل الحائط تماماً
ضحك الثالث ثم قال : يا لها من سخافة, حبل وحائط!!! كيف هذا والفيل لا يخرج عن كونه خنجر كبير.
وقال الرابع متهكماً: ما تقولنه هراء وما يقوله الناس عن ضخامة الفيل هراء أيضاً, فقد كنت أشتاق لمعرفة الفيل وصدمت حينما وجدته مجرد ثعبان بدين غير سام.
وقال الخامس ساخراً: ما كل هذا الهذيان, الفيل عبارة عن مروحة يدوية مصنوعة من الجلد!!
وقال السادس مقهقهاً: يا لسماء… هل مسكم طائف من الشيطان؟! يبدو أنكم لمستم شيء آخر غير الفيل, فالفيل ما هو إلا جزع شجرة.
أثناء وصف كل شخص من الستة للفيل, كان كل من في المكان يقهقه بصوت عال ساخراً من الأوصاف العجيبة للفيل إلا الحاكم فقد كان يسمع بإصغاء كامل ووقار شديد وبعد أن انتهى الستة من وصفهم للفيل, وقف الحاكم وأشار لجموع الحاضرين بأن يكفوا عن الضحك, وبعد أن هدأ الجميع قال الحاكم موجهاً كلامه للجميع:
“لماذا تسخرون من العميان الستة؟, فكلهم صادق في وصفه للجزء الذي لمسه من الفيل, فلأول قال أن الفيل يشبه الحبل لأنه لمس الذيل فقط, والثاني قال أن الفيل كالحائط لأنه لمس الجسم فقط, والثالث قال أن الفيل كالخنجر لأنه لمس الناب, والرابع قال أن الفيل كالثعبان لأنه لمس الخرطوم, والخامس قال أن الفيل يشبه المروحة لأنه لمس أحدى الأذنين, والأخير قال أن الفيل كجذع الشجرة لأنه لمس القدم “.
بذلك فقد أصاب كل شخص من الستة جزء من الحقيقة والخطأ الوحيد الذي ارتكبوه هو أنهم لم يتريثوا ليعرفوا الحقيقة كاملة, ونحن أيضاً بلا استثناء نقع في هذا الخطأ كثيراً, نتحدث عن جزء من الحقيقة ونعتقد أن هذا الجزء هو الحقيقة كاملة, فنتمسك به ونتعصب من أجله,نهاجم من يعارضه ونحارب الآراء الأخرى, وذلك ببساطة لأننا لم نحيط الحقيقة من كافة جوانبها“. وبعد أن سمع الناس كلام الحاكم الحكيم طأطئوا رؤوسهم من شدة الخجل وظل لوقت طويل صامتين.
الفكره اننا نستفيد من اراء بعض , محدش بيملك الحقيقه كامله , ولو كان فيه حد بيملك الحقيقه كامله مكناش ندخل على المنتدى ونقرا ردود بعض ونرد على بعض , احنا بنقرا ردود بعض للاستفاده من اراء بعض , والاختلاف فى الراى ده شىء ايجابى ومفيد .
الحمد لله العبد الفقير الى الله ليه خبره اكتر من 10 سنوات مش فى الفوركس بس , لا فى الربح من الانترنت عموما جربت كل حاجه ممكن تخطر على بالك مواقع ومدونات وافيليت وادسينس وشفت بنوك اليكترونيه ممكن معظم الاعضاء اول مره يسمعوا عنها زى الايجولد الامريكى اللى اتقفل بسبب غسيل الاموال ويحتاج موضوع كامل علشان اتكلم عنه والاى بيليون والليبرتى ريسيرف , وشفت مواقع كان البعض بيتخيل انها مستحيل انها تقفل والنهارده محدش بيسمع عنها حاجه وطارت فلوس الناس اللى فيها , لدرجة الليبرتى مثلا وفى مصر بس اتجمع مئات الاشخاص امام السفاره الامريكيه للمطالبه بارجاع اموالهم اللى كانت فى البنك لان المحكمه الامريكيه هيه اللى قفلته , وفيه ناس من كل انحاء العالم خسروا ملايين الدولارات , شخصيا كان تعاملى الرئيسى مع البنك ده فى الفتره دى لكن الحمد لله كنت بتعامل بحرص شديد ومبحتفظ فيه باى موال لفتره طويله , اللى عايز اقوله مفيش اى شىء مضمون على النت خالص , اساسا مفيش اى شىء مضمون فى الدنيا كلها , ولو قلتلك اى حاجه غير كده اعرف ان انا جاهل تماما .
طبعا موضوع العملات المشفره للى اتعامل معاها وفاهم الموضوع عارف انها مختلفه عن البنوك الاليكترونيه فى موضوع ان ملهاش مكان محدد ممكن تقفله لان العملات دى غير مركزيه , لكن ممكن الحكومات تضيق على الموضوع ممكن تقفل المواقع الرسميه ومواقع المتاجره وطبعا لسه قافلين موقع btc-e وفيه مواقع كتيره زى mtgox اللى تم اختراقه من كم سنه وغيرها .
وموضوع الكوانتم كمبيوتر حيكون اكبر تهديد للعملات دى , لان الحكومات حتكون اول من يوصل للتكنولوجيا دى ووممكن يخترقوا شبكات البلوكشين دى لو من مصلحتهم ان يسقطوها .
فيه تهديدات كتيره ممكن تهدد وجود العملات دى , محدش يعتقد انها مش مركزيه انها مضمونه 100 % .
احنا كل اللى يهمنا اننا نربح منها , والمفروض اننا بنتاجر على مبدا الاحتمالات , انا شايف ان الاحتمال الاكبر حاليا انها حتوصل ل100 الف دولار السنه اللى جايه ,لكن ببقى حاطط فى بالى ان فيه احتمال انها تنهار خالص برضه وده شىء وارد لكن شايف ان نسبته ضعيفه جدا لاسباب كتيره جدا .وشايف ان تكنولوجيا البلوك شين ليها مستقبل على المدى البعيد , لان فيها مميزات كتيره جدا , كنت عايز اكتب المميزات بس ده عايز موضوع لوحده , شخصيا ابتديت اشترى حاجات كتيره من النت بالبيتكوين والموضوع مبقيش مجرد تجاره بل عمله بشترى بيها بسبب مشاكل الفيزا وسهولة التحويل بالبيتكوين .
كنت عايز اتكلم فى حاجات كتيره بشكل اكثر احترافيه وخصوصا انى مهندس برمجيات اساسا ودراستى فى مجال الهندسه العكسيه ودارس تشفير , خصوصا موضوع الكوانتم كمبيوتر كنت عايز اتكلم فيه باستفاضه وتاثيره على عالمنا كله مش على الكريبتو بس .
للاسف بحس انى اسلوبى فى الكتابه مش منظم وده اللى بيخلينى مقل فى الردود .
عموما صدقونى الاختلاف بيننا دى مفيد جدا وكل واحد مجال دراسته وشغله بيديه خبره ممكن متكنش عند التانى لاختلاف خلفياتنا العلميه والثقافيه , وكلنا بنستفيد من بعض فى الاخر لان زى ماسبق وقلت قبل كده محدش عنده الحقيقه كامله .
بجانب اي مشاركة مخالفة ليتم حذفها فورا .
المواضيع المتشابهه 
154Likes