رد: تجربة يجب مشاركتها مع شركة XM (إحتيال فادح)
اقتباس:
المشاركة الأصلية كتبت بواسطة Rock
الله يعوض عليك
ولا تثق في أي شركة مهما كانت وقسم رأس مالك على اكثر من واحدة وأسحب أول بأول
وفي اخ فاضل قال جمله
الحته دي كفيله انهم يقفلوا حساباتك فعليا ، بونص + عقود كبيرة وعشان تتجنب أي حجة أفتح عقودك الكبيرة بدون بونص أو تداول بشكل معتدل مع البونص .
بس من قراءتي لكومنت كان غريب اوي ان سويسكوت كمان قفلت حسابات وهى لا تقدم بونص ، فأين بالظبط المشكلة أو سبب أغلاق الحساب ، عاوزين نشوف نظرة ورد الطرف الاخر ( الشركة )
أولاً ممكن يلغي البونص و يقفل الحساب و لكن مفيش اى مبرر على الاطلاق انه يخصم ارباح و هناك حالات اخري قفل حسابات المتداولين بدون حتي رد ايداعاتهم.
و مع احترامي ليك و لأي رأي مفيش شئ اسمه بونص + عقود كبيرة كفيل انه يقفل الحساب لأنه طالما الرافعة 1:1000 و مسموح سكالبنج و تحوط يبقى اللى حصل سرقة و نصب بدون اى نوع من انواع النقاش.
ثم تمام الراجل ده صفقاته و سحبه للأرباح اللى مفهوش ادني مشكلة و خصوصا ان لو كانت اكس ام صبرت عليه يومين كمان كان حقق تقريبا 4 اضعاف المبلغ لأنه الباوند صعد بقوة شديدة باستمرار و بدون ارتداد.
و لكن خليني معاك انه ممكن الطريقة اثارت الشك طب بالنسبة لل12 حساب لعملاء تحت وكالتي اتقفلوا منهم حسابين لشخصين فعلوا الحسابات و ما اودعوش اموال ولا تداولوا من الاساس؟!!!
الشركة نصابة و مش معني انها نصابة انى اتصور ان باقى الشركات مثلها و اقسم رأس المال.
مثلا شركة اكسنس انا اشتغلت معاهم ايداعات و سحوبات تخطت ال350 الف دولار و صديقي له حساب فعلي حاليا بمليون دولار و اخي ووالدي تداولوا مع اكسنس بمبالغ تتخطي المليون دولار ايضاً خلال اخر 3 سنوات
و فى شركات كتير ارشحها بمنتهي الثقة لإيداعات بأرقام و مبالغ تتخطي المليون دولار و الامور ماشية و مهما حققت ارباح او فوليوم عمري ماواجهت اى مشكلة من حيث الايداع او السحب او سحب الارباح ممكن مشاكل زى اعادة تسعير او توسيع سبريد او انزلاق او غيره اما فى الفلوس مفيش اى تهريج او محاولات نصب رسمية زى ما تم مع اكس ام.
الخلاصة اكس ام مسرقتش الراجل عشان حجم الاوامر او البونص..الشركة سرقت الراجل لمجرد انه حقق ارباح و هياخد من جيب الشركة
و الهدف من الموضوع تحذير لأي شخص ممكن يودع معاهم ببساطة اموالك فى خطر و المحللين اللى منهم اصدقاء و اصحاب قنوات و حسابات تليجرام اللى بيروجولها بقوة بلينكات وكالة هيكونوا مسؤولين عن اى عملية نصب هتحصل مع اى عميل