• 2:23 صباحاً
logo




تجربة يجب مشاركتها مع شركة XM (إحتيال فادح)

إضافة رد
Like Tree45Likes

عضو نشيط جدا
تاريخ التسجيل: Mar 2017
المشاركات: 757
خبرة السوق : أكثر من 5 سنوات
الدولة: Egypt
معدل تقييم المستوى: 6
Abu Zain is on a distinguished road
20 - 11 - 2022, 12:17 AM
  #1
Abu Zain غير متواجد حالياً  
افتراضي تجربة يجب مشاركتها مع شركة XM (إحتيال فادح)
السلام عليكم و رحمة الله
الموضوع ده لم اشاركه فى اى مكان ابداً و لكن حسيت انه يجب مشاركته الآن بعد مرور شهور من الواقعة لكي ينتبه اى احد يتعامل مع الشركة او ممكن يفكر يتعامل مع الشركة.


و مش هتفلسف كتير فى امور خاصة بكيفية عمل شركات التداول بإذن الله و خصوصاً بسبب هذه الشركة المنحطة سأقوم بعمل سلسلة فيديوهات ستكون الأولى من نوعها عن نظام و آلية عمل شركات التداول (بتاعة الميتاتريدر) و خاصة المشهورة فى مجتمعنا العربي و توضيح امور سواء المبتدئ او الخبير سيعلم بها لأول مرة.


و هدخل فى الموضوع على طول و هحاول اختصر على قد ماقدر:


(ملحوظة) المكان الوحيد اللى بشارك فيه هذه التجربة هي بورصات و لا اعتقد انني سأنشر هذا الموضوع فى مكان آخر و خاصة أن بورصات لم اشهد له تحيز لشركة خلال 11 عام فى مجال التداول.


الحكاية يا اخوة يوم ما قررت افتح حساب شريك مع شركة XM و بالفعل بدأت ادعوا الاصدقاء و الاقارب و المعارف المهتمين بالاستثمار و مجال التداول لفتح حساب تحت وكالتي و مشاركة العمولات و خلافه.


ولا اعلم السبب الذى يجعل الحساب البارتنر له مدير حساب و لكن هذا يحدث فقط فى اكس ام حيث انها شركة تسويق و ليس لها اى علاقة بمجال الوساطة و لكنهم قرروا تجنيد شاب مصرى إسمه كريم الديك مدير لحساب الشريك الخاص بى.


هذا الشخص بمجرد ما فتحت الحساب اتصل بى و فضل يتكلم معايا اكتر من ساعة و نصف يقدم لى كل الاغرائات عشان استقطب اكبر عدد من العملاء و ان عندهم شركاء بيحصلوا على عمولات بتتخطي ال150 الف دولار شهرياً و ان انشط الشركاء لهم مميزات و هدايا و منح و سفر و ترابيزات بلياردو و بنج.


انا وضحت لهذا الشخص منذ اول مكالمة اننى لا اهتم ابدا بكل هذا و اصلا العملاء الذين دعوتهم حتي الآن هم اقارب و اصدقاء و قريباً سيكون لى منبر خاص تعليمي مجاني انقل فيه خبرتي و شهاداتي فى مجال الاستثمار و التداول و خاصة فى زمن التضخم و قلة فرص العمل و البحث القوي هذه الايام عن سبل الاستثمار المالي المختلفة.


و انتهي الموضوع و بدأت ادعوا الناس و الناس فتحت حسابات و تتداول و الامور طبيعية تماماً مفيش اى مشكلة لحد هنا.


بعد مرور حوالي اسبوعين تقريبا اتصل بى مدير حسابي كريم الديك بيقولى انا بتطمن ايه الاخبار و فتحت قناتك التعليمية ولا لسه و ان الشركة عاملة مسابقة لأكتر شريك هيستقطبوا عملاء و يحققوا فوليوم تداول عالي لهم جوايز بآلاف الدولارات الخ الخ الخ.


كررت نفس كلامي للسيد كريم و قلتله يا فندم انا لا اهتم بهذه الاشياء و لن احرض عملائى على تداول احجام ضخمة من اجل مصلحتي الشخصية حيث ان فى الاساس عملائى هم معارف و اصدقاء و لست حريص إطلاقاً على ان اكون سبب فى خلق بيئة تداول متهورة تؤدي إلى خسارة احدهم و انتهت المكالمة و أيضاً ليس هناك اى مشكلة.


بعد فترة قصيرة اتصل مرة اخري السيد كريم و يكرر محاولاته بإغرائى بأن العملاء الذين يحققون احجام تداول عالية سينصب علي حسابى بكم من العمولات و سيتم ترقية حسابي لأحصل على عمولات اكبر مقابل نفس عقود التداول التي ينفذها عملائي اللى هما اساسا تقريبا 8 عملاء و كلهم زى ماقلت مراراً و تكراراً قرايب و اصحاب و يهمني امرهم.


هذه المرة انفعلت بشدة على هذا الشخص و قلت له لا تتصل بى مرة اخري و تغريني او تحرضني على تشجيع عملائى على الخسارة و ان تم تكرار هذا سآخذ عملائى لأي شركة تداول أخري.


حينها اغلق السيد كريم الخط و ظننت أن الأمر انتهي إلا أنني فوجئت برسالة من الشركة فى اليوم التالي تطالبني بتقديم معلومات عن وظيفتي خلال آخر 5 سنوات و إلا سيتم اغلاق حساباتي بالشركة!!!!!


تواصلت مع موظف بالشركة اسمه حازم البطل و رد بأن الشركة تحتاج لإثبات الوظيفة لتقدمه للجهة الرقابية المتعاملة مع الشركة و هنا استغربت بشدة لهذا الطلب و خصوصا اننى اصلا لا اتداول انا فقط لدي بعض العملاء فتحوا حسابات عن طريقي و يتداولون و أنا فقط تأتيني عمولة على تداولاتهم, ثم تجاهلت الطلب و لم اهتم.


بعدها بأيام ارسل لى كريم الديك رسالة يقول لى تواصل معي للضرورة و عندما تواصلت معه قال لى ان الشركة ستقوم بإغلاق كل حساباتي خلال ايام و يجب أن اسحب كل العمولات بالحساب لأنني لن أتمكن بعد ذلك من الدخول لمنطقة العميل.
وقتها كنت مسافر من المنصورة للقاهرة قلتله طيب يا استاذ كريم هوصل القاهرة و افتح الجهاز و اسحب العمولة.


لكم ان تتخيلوا بعد ساعتين فقط سفر وصلت البيت و بفتح حساب الشريك بتاعي لقيته مبيفتحش و انه تم اغلاقه.


ارسلت لكريم الديك قلتله ازاى الشركة تقفل حساب بدون ما تخطرني بذلك و اين باقى العمولة و من حينها تبخر السيد كريم و لم يرد على ولا رسالة لى.


و بعدها تم اغلاق جميع حسابات عملائى بتهمة التلاعب و كسر قوانين التداول و قوانين الشركة.


و بعدها تم ارسال رسالة لى عبر الايميل يقولون أنه تم اغلاق حسابي لأنني على صلة بعملاء مخالفين لقوانين الشركة.
(اللى هو ايه اصلا قوانين التداول دى مش عارف)
و على الرغم من ان هذه الشركة النصابة المحتالة على موقعهم كاتبين بالبونط العريض ان كل اساليب التداول و كل انواع الأوامر مسموحة إلا حتي الآن انا ليس لدي ادني فكرة عن ما يسمي بقوانين التداول اللى هو عايزين الناس تتداول ازاى مش عارف.


تفتكر القصة انتهت لحد هنا؟!!
لا


اسمع بقى القصة دى عشان دى مثيرة اكتر للجدل.


صديق لى خسر مبلغ كبير من المال يوم هبوط الاسترليني لما يقارب 1.03


هذا الشخص كان يفكر بجدية فى الدخول بصفقة لوت عالي لشراء الاسترليني و حينها انا اللى ينقطع لساني نصحته يفتح حساب مع هذه الشركة و هياخد بونص ترحيبي من خلاله يقدر يفتح لوت اكبر من اللى كان ناوي يفتحه فى شركته.


و عرفته قلتله الشركة دى سيئة و لكن فى كل الاحوال فلوسك فى امان و ارباحك فى امان (و هنا انا ارتكبت جريمة فى حق هذا الشخص)


الشخص بالفعل فتح الحساب و فضل متردد لفترة و بعدها اودع 1100 دولار و انا قلتله ادخل بلوت و نصف شراء باوند و لكن الشخص فتح 3 لوت على الباوند دولار و نصف لوت على الباوند ين.


السعر صعد لصالحه و بالفعل حقق ارباح 1560 دولار.


صديقى قرر سحب الارباح و استكمال عمليات الشراء ب1000 دولار اخري حيث ان الباوند استمر فى الصعود اكثر و اكثر.


و من ثم يفاجأ بأن تم خصم ارباحه و استعادة رأس المال و اغلاق حسابه حتي لم يتمكن من تسجيل الدخول اساسا او فتح المنصة و ارسلوا له ايميل يقولون فيه انه تم خرق قواعد التداول و ان حسابه متصل بحساب اخر بالشركة و دخلوا صفقات عكسية بهدف الاستيلاء على البونص!!!!


و انتهي الامر منذ ذلك الوقت.


لا يوجد اى تفاصيل عن الحساب الآخر الذى تدعيه الشركة ولا يوجد اى تفاصيل عن قواعد التداول بل يرسل لك ملف PDF مكون من 93 صفحة يجب عليك ان تقرأها و تستكشف خطأك بنفسك.


و امام كل الاتصالات المزعجة عندما تكون عميل جديد او عميل حالي لتضليلك و تحريضك و اغرائك على التهور و الخسارة و الدخول فى مسابقات و كلام كله كذب فى كذب,


منذ ذلك الحين يتم الرد على صديقى رد آلي واحد يقول له انك ارتكبت مخالفة و القرار نهائى و مدير حسابه قال له حرفياً (إعمل ما بدالك أعلا ما فى خيلك إركبه)


طيب انا ايه بيخليني اقول الكلام ده النهاردة.


الشركة من خلال المودع المحلى تغري العملاء بالإيداع بسعر اقل من سعر الدولار الرسمي - يقومون بإرسال رسائل و عمل اتصالات على كل العملاء الغير نشيطين او اللى فاتحين حساب ديمو من اجر اغرائهم بعروض نصب احتيالية لإستدراجهم و سرقتهم تحت مسمي قواعد التداول - لأول مرة يرسلوا رسائل عبر الSMS للدعايا لكل عملائى الذين فتحوا حسابات تحت وكالتي محاولين اغرائهم مرة اخري بإستئناف التداول حتي بعد ما اغلقوا حساباتهم اساساً.


فمن الواضح جداً ان الشركة تعاني و تحاول استقطاب اكبر عدد من العملاء و الدليل اصلا عروض البونص الذى لا تقدمه الآن سوا الشركات النصابة او الضعيفة و يبدوا ان هناك الحاح شديد داخل الشركة لجمع اكبر قدر من الإيداعات.


و ملحوظة اخيرة قبل ما انهي الموضوع (شركة XM حساباتها ليست متصلة بالبنوك الشركة تعمل بنظام القمار خسارتك ربح لهم و مكسبك خسارة لهم).
و هذه معلومة سأقوم بشرحها لاحقاً عبر فيديوهات تعليمية مجانية ليست مجال نقاش هنا فى المنتدى و لذلك هذه الشركات اصبحت تجمع العملاء العرب تحت تراخيص ليس لها اى قيمة بعيدة تماما عن ترخيص قبرص او بريطانيا او اى جهات تضمن لك اى نوع من الحقوق.


اسف على الاطالة


و سواء انا او صديقي لا نهتم بأخذ اى حق و لكن وجب التنويه حيث ان الشركة تحظي بشهرة لدي العملاء العرب و ربما يجعلني الله سبب لإنقاذ اموال اى احد يشوف الموضوع او يشوف الفيديو الذى سأقدمه قريباً و سأحكي فيه قصة حياة الXM منذ البداية حتي هذه اللحظة.


و هذه القصة ستكون مشابهة لقصص شركات اخري و لكن سأكتفي الآن بما قلته هنا.


شكراً للكل و المعذرة كنت اتمني بعد ابتعادي بالسنين عن المنتديات ان اشارك بشئ افضل و لكن كان يجب ذكر قصتي مع الشركة و خاصة لأعضاء بورصات المنتدي الأفضل و الأقرب إلى قلبي و كل من تعرفت عليهم من خلاله منهم اصدقائى حتي الآن و منهم من اتذكره بكل خير


و شكراً

التوقيع

رد مع اقتباس


عضو نشيط جدا
 
تاريخ التسجيل: Mar 2017
الدولة: Egypt
المشاركات: 757
خبرة السوق: أكثر من 5 سنوات
معدل تقييم المستوى: 6
Abu Zain is on a distinguished road
افتراضي رد: تجربة يجب مشاركتها مع شركة XM (إحتيال فادح)
2#
20 - 11 - 2022, 12:28 AM
هنا سأشارك بكل ما يثبت كل كلمة ذكرتها بالموضوع:


1- الشركة تسئلني عن اثبات وظيفة لآخر 5 سنين



2- الشركة قامت بإغلاق جميع حساباتي معهم

3- الشركة تلاعبت بحساب صديقى و سرقت منه كامل ارباحه



4-ارسلوا له رسالة مفادها انه قام بالتلاعب مع عميل اخر و حساب اخر و تم الغاء الارباح و الخسائر التي تمت فى كلا الحسابين و حتي هذه اللحظة الرجل لا يدري من هو العميل الاخر او اى تفاصيل عن ادعائهم.



5- و هنا على الفور اغلقوا حساباته حتي حساب الميتاتريدر و لم يتمكن من الدخول بعدها و لكنه احتياطياً بعد نصيحتي له اخذ كل شئ سكرين.



6- تم حرمانه من فتح حساب التداول ظناً منهم انه مالحقش ياخد اى اثباتات ضدهم و ضد تلاعبهم و لكنه بالفعل اخذها بالكامل
الصور المرفقة
نوع الملف: png XM 1.png‏ (15.3 كيلوبايت, المشاهدات 90)
نوع الملف: png XM 2.png‏ (26.9 كيلوبايت, المشاهدات 90)
نوع الملف: png 4.png‏ (117.9 كيلوبايت, المشاهدات 91)
نوع الملف: png 7.png‏ (221.5 كيلوبايت, المشاهدات 92)
نوع الملف: png 11.png‏ (78.6 كيلوبايت, المشاهدات 89)
نوع الملف: png 15.png‏ (117.9 كيلوبايت, المشاهدات 90)

التوقيع

Abu Zain غير متواجد حالياً  
رد مع اقتباس
عضو نشيط جدا
 
تاريخ التسجيل: Mar 2017
الدولة: Egypt
المشاركات: 757
خبرة السوق: أكثر من 5 سنوات
معدل تقييم المستوى: 6
Abu Zain is on a distinguished road
افتراضي رد: تجربة يجب مشاركتها مع شركة XM (إحتيال فادح)
3#
20 - 11 - 2022, 12:33 AM
# و هنا توثيق لعملية السحب المرفوضة



#و اخيراً هنا الدعايا الكاذبة بأن جميع أنواع الأوامر مسموحة و التحوط مسموح و أنه لا يوجد أى قيود او ما يسمي بقواعد التداول الوهمية



و شكراً
الصور المرفقة
نوع الملف: png 5.png‏ (80.3 كيلوبايت, المشاهدات 89)
نوع الملف: png Untitled.png‏ (362.1 كيلوبايت, المشاهدات 81)

التوقيع

Abu Zain غير متواجد حالياً  
رد مع اقتباس
عضو فـعّـال
 
تاريخ التسجيل: Jan 2012
الدولة: مصر ام الدنيا
المشاركات: 1,253
خبرة السوق: اكثر من 10 سنوات
معدل تقييم المستوى: 12
alshreef2012 is on a distinguished road
افتراضي رد: تجربة يجب مشاركتها مع شركة XM (إحتيال فادح)
4#
20 - 11 - 2022, 03:45 AM
الله يعوضك
وخد كلامى بصدر رحب
لكن من كلامك واضح فيه شى غريب
وهو فتح عقود كبيرة جدا فى حسابات بونص ثم السحب مباشر بعد العقد .
ممكن يكون حضرتك استخدمت الهيدج
وهنا المشكلة
والله اعلى واعلم

التوقيع

لا اضمن لك ولا لنفسى النجاح 100% فى اى صفقة لذلك لاتثق فى اى صفقة وتوقع الخسارة قبل الربح
كل شخص مسوؤل مسؤلية كاملة على امواله

علمت ان رزقي على الله فاطمئن قلبي
الحمدلله على ما قسم لنا من رزق وارضانا به
alshreef2012 غير متواجد حالياً  
رد مع اقتباس
عضو نشيط جدا
 
تاريخ التسجيل: Mar 2017
الدولة: Egypt
المشاركات: 757
خبرة السوق: أكثر من 5 سنوات
معدل تقييم المستوى: 6
Abu Zain is on a distinguished road
افتراضي رد: تجربة يجب مشاركتها مع شركة XM (إحتيال فادح)
5#
20 - 11 - 2022, 04:59 AM
اقتباس:
المشاركة الأصلية كتبت بواسطة alshreef2012 مشاهدة المشاركة
الله يعوضك
وخد كلامى بصدر رحب
لكن من كلامك واضح فيه شى غريب
وهو فتح عقود كبيرة جدا فى حسابات بونص ثم السحب مباشر بعد العقد .
ممكن يكون حضرتك استخدمت الهيدج
وهنا المشكلة
والله اعلى واعلم

أولاً الحساب ليس حسابي و لم اكن انا صاحب الصفقة


ثانياً الرجل حر طالما مواصفات الحساب تسمحله بفتح اكثر من 5 اضعاف الحجم ده


ثالثاً ليس هناك اى شئ غريب فى ان شخص يسحب ارباح او يعمل اى سحب فى اى وقت حتي لو بعد الايداع مباشرة


رابعاً لو كان لدي الشركة شكوك كانت حرمته من البونص نهائياً و ليس التدخل فى محفظة الميتاتريدر و عمل تعديلات هذه جريمة تمت


خامساً الراجل حالياً شغال مع شركة اخري اودع 1000 دولار و ساحب فوق ال8000 دولار ارباح


و اخيراً يا عزيزي مفيش اى مبرر على الاطلاق للى حصل و خصوصا اللى حدث معي انا شخصياً فأساساً الشركة تدعي انها STP Broker يعني الراجل حتي لو عمل هيدج فمن المفترض ان ارباحه ليست من جيب الشركة
و لكن لم يحدث هيدج و انا حساباتي مع اكس ام منذ سنة 2012 مش محتاج انى اهاجم الشركة اليوم عشان 1500 دولار


الموضوع ده تنبيه لأي شخص ممكن يتعرض لعملية نصب من الشركة و تقدر تدخل على منتدي FPA و موقع Trust Pilot و تشوف الفترة دى خصوصاً كم شخص بيشتكى ان الشركة سرقت ايداعاته اساساً مش بس ارباحه و نفس نص الرسالة موحد بيرسلوه للجميع

التوقيع

Abu Zain غير متواجد حالياً  
رد مع اقتباس
الصورة الرمزية سر الارقام
عضو جديد
الصورة الرمزية سر الارقام
 
تاريخ التسجيل: Oct 2017
المشاركات: 84
معدل تقييم المستوى: 6
سر الارقام is on a distinguished road
افتراضي رد: تجربة يجب مشاركتها مع شركة XM (إحتيال فادح)
6#
20 - 11 - 2022, 09:11 PM
الله يستر والله لسا فاتح معهم حساب ب50دولار وخايف عليها هههههه
وكنت مشكك منهم بس بكمل معاهم وبشوف

لكن خذوها قاعدة ... الشركات الى زي كذا لازم تبدا بمبالغ في مستواهم ؟ ماينفع ترمي عليهم اكثر من 200دولار حرام لأنهم بالمبالغ هذه لو حققت 100% ماعندهم مشكله في سحب الارباح .. لكن لو اودعت 200 دولار وربحت 2000 دولار انسي انك تسحبها من عندهم او من غيرهم لأنها نسبة وتناسب

اعرف شخص ثقة .. اودع 5000دولار في بنك سويسكوت الغني عن التعرف ؟؟ وحولها من 5000 الى 20الف دولار وقرر يسحب ارباح وطلعو له بمشكله نفس مشكلتك واعادو له راس ماله فقط بدون الارباح؟؟؟؟؟؟؟؟؟؟؟

والحذر ثم الحذر من بعض المطبلين يتبختر انه سحب ارباح من الشركة الفلانية يبدا يعمل دعاية انه سحب من عندهم ويورط غيره وهو في الاخر تلقاه سحب ارباح 50 دولار او 30دولار ؟؟؟؟؟؟؟؟؟؟؟
AHMAD.ABDULLATEF likes this.
سر الارقام غير متواجد حالياً  
رد مع اقتباس
عضو فـعّـال
 
تاريخ التسجيل: Jan 2012
الدولة: مصر ام الدنيا
المشاركات: 1,253
خبرة السوق: اكثر من 10 سنوات
معدل تقييم المستوى: 12
alshreef2012 is on a distinguished road
افتراضي رد: تجربة يجب مشاركتها مع شركة XM (إحتيال فادح)
7#
21 - 11 - 2022, 12:54 AM
اقتباس:
المشاركة الأصلية كتبت بواسطة سر الارقام مشاهدة المشاركة
الله يستر والله لسا فاتح معهم حساب ب50دولار وخايف عليها هههههه
وكنت مشكك منهم بس بكمل معاهم وبشوف

لكن خذوها قاعدة ... الشركات الى زي كذا لازم تبدا بمبالغ في مستواهم ؟ ماينفع ترمي عليهم اكثر من 200دولار حرام لأنهم بالمبالغ هذه لو حققت 100% ماعندهم مشكله في سحب الارباح .. لكن لو اودعت 200 دولار وربحت 2000 دولار انسي انك تسحبها من عندهم او من غيرهم لأنها نسبة وتناسب
اعرف شخص ثقة .. اودع 5000دولار في بنك سويسكوت الغني عن التعرف ؟؟ وحولها من 5000 الى 20الف دولار وقرر يسحب ارباح وطلعو له بمشكله نفس مشكلتك واعادو له راس ماله فقط بدون الارباح؟؟؟؟؟؟؟؟؟؟؟
والحذر ثم الحذر من بعض المطبلين يتبختر انه سحب ارباح من الشركة الفلانية يبدا يعمل دعاية انه سحب من عندهم ويورط غيره وهو في الاخر تلقاه سحب ارباح 50 دولار او 30دولار ؟؟؟؟؟؟؟؟؟؟؟
مافيه شركة ثقة نهائيا
اسحب ارباحك اول باول ولاتشحن حساب بحجم كبير

التوقيع

لا اضمن لك ولا لنفسى النجاح 100% فى اى صفقة لذلك لاتثق فى اى صفقة وتوقع الخسارة قبل الربح
كل شخص مسوؤل مسؤلية كاملة على امواله

علمت ان رزقي على الله فاطمئن قلبي
الحمدلله على ما قسم لنا من رزق وارضانا به
alshreef2012 غير متواجد حالياً  
رد مع اقتباس
عضو نشيط جدا
 
تاريخ التسجيل: Mar 2017
الدولة: Egypt
المشاركات: 757
خبرة السوق: أكثر من 5 سنوات
معدل تقييم المستوى: 6
Abu Zain is on a distinguished road
افتراضي رد: تجربة يجب مشاركتها مع شركة XM (إحتيال فادح)
8#
21 - 11 - 2022, 01:21 AM
اقتباس:
المشاركة الأصلية كتبت بواسطة سر الارقام مشاهدة المشاركة
الله يستر والله لسا فاتح معهم حساب ب50دولار وخايف عليها هههههه
وكنت مشكك منهم بس بكمل معاهم وبشوف

لكن خذوها قاعدة ... الشركات الى زي كذا لازم تبدا بمبالغ في مستواهم ؟ ماينفع ترمي عليهم اكثر من 200دولار حرام لأنهم بالمبالغ هذه لو حققت 100% ماعندهم مشكله في سحب الارباح .. لكن لو اودعت 200 دولار وربحت 2000 دولار انسي انك تسحبها من عندهم او من غيرهم لأنها نسبة وتناسب

اعرف شخص ثقة .. اودع 5000دولار في بنك سويسكوت الغني عن التعرف ؟؟ وحولها من 5000 الى 20الف دولار وقرر يسحب ارباح وطلعو له بمشكله نفس مشكلتك واعادو له راس ماله فقط بدون الارباح؟؟؟؟؟؟؟؟؟؟؟

والحذر ثم الحذر من بعض المطبلين يتبختر انه سحب ارباح من الشركة الفلانية يبدا يعمل دعاية انه سحب من عندهم ويورط غيره وهو في الاخر تلقاه سحب ارباح 50 دولار او 30دولار ؟؟؟؟؟؟؟؟؟؟؟

شوف يا صديقى نظام عمل شركات تداول الفوركس بحر كبير و انواعه كتير جداً بس انا هقولك على معلومة قلتها هنا فى الجروب من سنين و هي ان اغلب شركات التداول التي تتعامل مع العملاء العرب هي مثل شركات التأمين بالظبط توفر فقط حسابات ديمو ليس لها اى علاقة او اتصال بأى بنوك و XM واحدة منهم و غيرها كتير من شركات مشهورة و معروفة


و آلية ربح و خسارة الشركات انها مثلا لو سجل معاهم 1000 عميل و كل عميل اودع 1000 دولار 700 عميل منهم هيمرجنوا و 300 هيربحوا و فى النهاية الشركة هتصفى ربح و عشان الشركات دى تقدر تشتغل بالشكل ده جميعهم بلا استثناء اخدوا مكاتب فى الدول الواقعة فى الجزر مثل جزيرة زيشل و جزيرة فانتاو و غيرها.


و لأن تراخيص الجزر دى بيسهل للشركة انها تتعامل مع العميل كما يشاء و كده كده الجزر دى مابتصدق ان حد اصلا يفتح عندهم شركات و يدفع ضرايب.


و لذلك كلامك و كلام الاخ شريف انه لا يجب ايداع مبالغ هذا الكلام غير صحيح فى شركات تقدر تودع فيها مبالغ علي سبيل المثال لى صديق حسابه به مليون دولار فى شركة اكسنس على الرغم من اني مش بحترمها بالدرجة الكافية و لكن لى مثلا 11 سنة تعاملت معهم فى ارقام كبيرة و لم تواجهني اى مشكلة على الاطلاق فى سحب او ايداع.


و كذلك شركة XM حساباتي معاهم من عام 2012 ايام ما كان اسمها Trading Point و بعدها اصبح XE Markets و لم اشتكي اطلاقاً من امور تخص السحب و الايداع او حتي حسابات البونص مسبقاً و لكن مشكلة XM و عمليات النصب و السرقة اصبحت تحدث هذه الايام بشكل غريب و متكرر كثيراً و كأن ادارة الشركة تستجمع اكبر قدر من المال لهدف هم فقط اللى يعلموه.


و للعلم شركة XM لا تزال تحت العلامة التجارية Trading Point و لكن الشركة الام تخضع للترخيص القبرصي و خاصة انها شركة استثمارات و لديهم شركة تداول تحت الترخيص البريطاني اسمها Trading.com و هذا الفرع اللى ما يقدر ابدا ينصب و لكن هما حولوا العرب بحساباتهم تحت تراخيص مالهاش اى قيمة او امان او حماية و عشان يحملوك المسؤولية بيجيلك رسايل من الشركة بطريقة خبيثة جداً يقول انه تم تحديث اتفاقية العملاء و الاتفاقية دى تلاقي عدد صفحاتها اكبر من صفحات اتفاقيات شركات البورصة الامريكية و طبعا عشان يتوهك و يضللك و فى النهاية انت ما رح تقرا شئ و هتوافق و حينها هتكون ضحية.


و عشان تتجنب المشكلة دى لازم قبل ماتفتح الحساب تعرف انت حسابك هيكون خاضع لأى ترخيص مثلا تلاقى شركات استرالية زى جو ماركتس و جلوبال برايم و غيرها يقولك احنا ترخيص استرالي و لكن لما تفتح الحساب تلاقى نفسك اصبحت تحت ترخيص سيشل او فانتاو و هنا المشكلة هتبقى انك انت اللى ماخترتش عنوان الموقع الصحيح.


و للعلم برضه الشركات اللى تحت تراخيص قوية اقصى رافعة هيوفروهالك 1:100 اما اى رافعة مالية اكبر اعرف انه فرع تحت ترخيص ريا و سكينة.


و مش كل الشركات بتلجأ لتراخيص الجزر للنصب كتير منهم بيلجأ للتراخيص دى لسهولة اجرائاته و تكاليفه.


و انا لم اكن اتخيل للحظة ان XM تسرق لا و بل يتصلوا على كل العملاء اللى كانوا تحت وكالتي يصالحوهم و يقدمولهم اغرائات للتداول مرة اخري حاجة فى منتهى الحقارة و كأنك بتتعامل مع عصابة.


الكلام عن شركات التداول بحر واسع و اقسام مختلفة و تراخيص و قصص و حكايات صعب جداً احكيها هنا بس ناوى اعمل عنه حلقات مفصلة و لكن الموضوع هياخد وقت تحضير المحتوى و المصادر و التجهيزات الله المستعان.


و نصيحة برضه ماتثقش فى اغلب التقارير او الاراء اللى بالمنتديات او المواقع العربية لأن اغلبهم وكلاء و منتفعين و بيقبضوا

التوقيع

Abu Zain غير متواجد حالياً  
رد مع اقتباس
عضو نشيط جدا
 
تاريخ التسجيل: Mar 2017
الدولة: Egypt
المشاركات: 757
خبرة السوق: أكثر من 5 سنوات
معدل تقييم المستوى: 6
Abu Zain is on a distinguished road
افتراضي رد: تجربة يجب مشاركتها مع شركة XM (إحتيال فادح)
9#
21 - 11 - 2022, 01:29 AM
و حابب اضيف كمان ان شركة ميتاكوتس مطورين الميتاتريدر هما اكبر مساهم يساعد على النصب و لذلك شركة آبل حذفت تطبيقات ميتاكوتس من الـApp Store
بسهولة جداً تسجل مع ميتاكوتس كوسيط و هيدوك المنصة و الكونترول بانل اللى يخليك تتحكم بالحسابات و الاسعار و الارصدة و ده ديمو و ده ريل و لذلك لو عايز تتداول فى سوق حقيقى ماتتعاملش مع حسابات ميتاتريدر اساساً او على الاقل تعامل مع الشركات اللى تحت ترخيص بريطاني و بيقدم رافعة مالية قليلة جداً و تكون فعلا متأكد ان الشركة مالهاش اى تراخيص تانية فى اى جزر او دول نامية

التوقيع

Abu Zain غير متواجد حالياً  
رد مع اقتباس
عضو فـعّـال
 
تاريخ التسجيل: Jan 2012
الدولة: مصر ام الدنيا
المشاركات: 1,253
خبرة السوق: اكثر من 10 سنوات
معدل تقييم المستوى: 12
alshreef2012 is on a distinguished road
افتراضي رد: تجربة يجب مشاركتها مع شركة XM (إحتيال فادح)
10#
21 - 11 - 2022, 03:09 AM
الشركات مش محتاجة مساعدة معاها ادواتها للسرقة.
مثلا اسبيردات خيالية وقت الاخبار .
خصم ارباح بحجة تداول بنوايا خبيثة خاصة للبونص كما حصل مع حضرتك .
وقف حسابك بحجة غسيل اموال.
وفى النهاية لارقيب عليهم لان كلهم مرخصين تحت السلم للعرب ��
حتى نتلر وسكلر اباحوا قفل حسابك نهائيا بحجة غسيل اموال .
AHMAD.ABDULLATEF likes this.

التوقيع

لا اضمن لك ولا لنفسى النجاح 100% فى اى صفقة لذلك لاتثق فى اى صفقة وتوقع الخسارة قبل الربح
كل شخص مسوؤل مسؤلية كاملة على امواله

علمت ان رزقي على الله فاطمئن قلبي
الحمدلله على ما قسم لنا من رزق وارضانا به
alshreef2012 غير متواجد حالياً  
رد مع اقتباس


إضافة رد

الكلمات الدلالية (Tags)
xm scam

أدوات الموضوع


جديد مواضيع منتدى تداول العملات العام

المواضيع المتشابهه
الموضوع كاتب الموضوع المنتدى مشاركات آخر مشاركة
هل تعرضت لعملية إحتيال و نصب بسبب خطأ سعري من شركة تداول؟ هذا الموضوع يُهمك أحـمـد عـزام منتدى برامج التداول و الشارتات و الشركات 295 08 - 11 - 2017 01:50 PM
تجربة اخري مع شركة exness.com zogota منتدى برامج التداول و الشارتات و الشركات 32 02 - 03 - 2014 04:09 PM


02:23 AM