ورشه الاخلاص لله ((وليكن شعارنا نتكاتف لا نتشاجر ))

المشاركة الأصلية كتبت بواسطة عمرو المحرزي

فعلا ياحبيبي عمور عندك حق ولكن كما سلط الله الزلازل والبراكين على اليابان وهاييتى وتيلاند سلط الحكام الفجره الظلمه على الشعوب العربيه فسواء هذا او ذاك فجميعهم ابتلاء من الله وواجب علينا الصبر .

ولكن قضاء اخف من قضاء ولا انت ايه رأيك يخدوا هما اليبانيين المتحضريين المهذبيين حكمنا وناخد احنا زلازلهم واشعاعاتهم النوويه وموتهم البطيئ !!!! ؟ ربك عادل ورحيم وعارف بيعمل ايه .

اما بالنسبه للستوب لوز ومع احترامى الكامل المتكامل لرأيك وشخصك الكريم ومعزتك فى قلبى اللى انت عارفها فما زلت عند رأى ومتسك به ان الأستوب لوز هو اسرع طريق للخساره وهذا بعد خبره اكثر من 4 سنوات فى الفوركس وقبلها فى بورصه سوق الاسهم العالميه

وخساره ال 1000 دولار لا تعنى فشل الأستراتيجيه استاذى العزيز وانما هى نتيجه لكارثه انسانيه لم تحدث فى تاريخ البشريه من قبل ووصول الين لمستويات لم تشهدها سوق العملات من قبل .

وتراجع الدولار الأمريكي قصاد الين الياباني إلى أدنى مستوياته منذ الحرب العالمية الثانية متجاوزا مستواه الأدنى المحقق بعد زلزال "كوبي" سنه 1995 عند 79.75 واللى وصل إليه بعد ثلاثة شهور تقريبا بعد حدوث ذلك الزلزال الذي رفع مكاسب العملة اليابانية إلى حوالي 20% فى الوقت ده .

ولكن اللى حصل امبارح كان افظع لأن الدولار نزل لمستوى 76.35 قصاد الين وسط شائعات اللى بتقول أن شركات التأمين اليابانية بتتسارع لعودة سيولتها من الخارج للليابان علشان تواجه التكاليف المرتفعة نتيجة الزلزال، إلا أن وزير الإقتصاد الياباني الكذاب نفى ذالك وقال أن اللى بيحصل ده مجرد مضاربات ولا شيء غير ذلك.


وساعد طيران الين امبارح على طيران الفرنك السويسري فى السماء السابعه علشان يوصل لمستوىات قياسيه جديداً أمام الدولار هو الأعلى على الإطلاق عند 0.8919 وسط إقبال محموم على عملات العائد المنخفض حضرتك .

ولو رجعت لحسبنا هتلاقى ان احنا كنا شاريين ين وفرانك بس والنسب ماكنتش عاليه ولا حاجه ولكن مافيش حساب ممكن يستحمل اللي حصل ده ياعمور لأنه بالمره مش طبيعي ومش كل شهر بيحصل كارثه انسانيه بالمنظر ده ياغالي


وبعدين انت شكلك زعلان منى لسبب انا فعلا معرفوش لأنك من زمان مدخلتش الورشه اللى المفروض انت من مؤسيسنها وأول واحد حط مشاركه فيها , طبعا دى حاجه ترجع لك بس لو كنت زعلاتك فى حاجه من غير قصد منى لأنى يعلم الله كم اكره انى اكون سبب فى زعل حد منى فا ياسيدى حئق على متزعلش بس متحرمناش منك ولا من كلامك اللى بيبث فينا الحماس


تحياتي ليك مشرفنا العزيز مع كل الود والأحترام

المشاركة الأصلية كتبت بواسطة Mostafa Elyamny

صباح الخير على الجميع

ويارب تكون جمعة سعيدة على الامة الاسلامية والعربية

................

المشاركة الأصلية كتبت بواسطة عمرو ابراهيم

صباح الورد والياسمين علي عيونك درش
ان شاء الرحمن جمعة مباركة علي الجميع يالغالي
اعطيني رايك حبيبي باليورو دولار وتوقعك للسعر

المشاركة الأصلية كتبت بواسطة عمرو ابراهيم

صباح الورد والياسمين علي عيونك درش
ان شاء الرحمن جمعة مباركة علي الجميع يالغالي
اعطيني رايك حبيبي باليورو دولار وتوقعك للسعر