تاريخ التسجيل: Apr 2011
الدولة: Alexandria, Egypt
المشاركات: 1,832
خبرة السوق: أقل من 6 شهور
معدل تقييم المستوى:
17
رد: حقيقة مش خيااااااااااااااااال ولا عزاء للأخلاق
السلام عليكم
ممكن ابدأ بحاجة مهمة جدا " و ان تنصروا الله ينصركم"
فاكر يا كابتن عمرو انت اللي قلت لي كده
عشان كده لازم نربي اولادنا صح زي ما تربينا و بعد ما نحط الاساس هم حيشوفوا زي ما احنا شوفنا و ياخدوا خبرات في الحياة زي ما احنا اخذنا بس المهم لازم الاساس
انت دلوقتي كأنك بتبني عمارة لو اسستها صح ان شاء الله مهما هبت عليها من عواصف و رياح مش حتتأثر و لو حصل و تأثرت حيكون خارجي فقط ولكن الاساس باقي الى ما شاء الله لأنك اسست بما يرضي الله
و انا زعلت اوي من المهندس اللي بيقول على نفسه فاشل .. طيب ده انت راجل اومال انا اعمل ايه بقى..
طيب احكيلكم حكاية
انا كنت في مدرسة فرنساوي ( راهبات ) بنات بس و طبعا مدارس الراهبات بتكون تربيتها شديدة جدا ده غير التربية في البيت المسلم .. يعني انا من ناحية تربية اسلامية محكمة في البيت لا اختلاط لي الا باخويا و ابناء و بنات خالتي حتى اصدقاء المدرسة اللي هما بنات بس علاقتي بيهم كانت حلوة بس داخل سور المدرسة.. يعني اقصد اقول اني كنت ابيض يا ورد
و الحمد لله كنت من المتفوقين و ربنا اكرمني و دخلت كلية الهندسة اللي كانت بالنسبة لي عالم تاني خالص جديد جدا و اول ما دخلت الحمد لله كان ليا واحدة صاحبتي من المدرسة اخوها كان معانا في الكلية بس كان في سنة تالتة و هو و اصدقائه كانوا بيعاملونا كأننا اخواتهم بالضبط و يراعونا و يحمونا من الاحتكاك من العالم الخشن الذي لم نتعامل معه من قبل في حياتنا و اتذكر واحد فيهم كان دايما يتخانق معايا و يقول لي ما ينفعش تتعاملي مع كل الناس زي بعض .. صوابعك مش زي بعض و بلاش مبدأ حسن النوايا حتى يثبت العكس.. و انا اعند لأني طبعا الدنيا عندي كانت صفحة بيضاااااااا
و اخدت على ( ----) كتير اوي اوي من البنات قبل الشباب..
و بعدين لما اتخرجت و اشتغلت في مصنع ملابس جاهزة.. المفروض اني كنت باتدرب عشان امسك مكان المدير الكوري.. واسطة بقى .. المصنع بتاع صاحب بابا.. بس احتكيت بمستوى جديد عليا جدا.. و مش بس المدير الكوري كان مش طايقني لا كمان مشرفة المصنع كانت ساقطة ابتدائية و كانت حتموت ازاي واحدة عيلة حتعمل مهندسة عليها مع اني و الله عملت معاهم صداقات و كان اغلبهم بيعلموني عن طيب خاطر و اتمرمت و اشتغلت زيي زي اي عاملة عشان لازم اتعلم و اعرف كل صغيرة و كبيرة و في الاخر ما قدرتش استحمل اهانات المشرفة و سيبتلها المصنع..
و اشتغلت مدرسة رياضيات في مدرسة لغات في ابتدائي مع ان كلهم كانوا عايزيني امسك ثانوي بس اللي كنت باشوف الاولاد و البنات بتوع ثانوي بيعملوه في البريك بس كان بيخوفني منهم لأني مش ممكن اعرف اتعامل معاهم مع انها مدرسة لغات خاصة يعني دول كانوا ولاد ناس اوي..
و الحمد لله المدرسات و المدرسين هناك كانوا زيينا كده نفس تربيتنا بس طبعا لازم يكون للقاعدة شواذ..
و دلوقتي بقى انا عندي بنت و ولد دخلوا المدرسة برضو مدرسة لغات خاصة ( الماني ) مع اني ماعرفش الماني بس عشان مستوى الناس هناك هم اللي تحب اولادك يتعاملوا معاهم رغم المشاكل اللي مقايلانا في المدرسة لأنها لسه مش مرخصة بس ربنا يسهل ان شاء الله و تكمل على خير
على فكرة انا حاولت ادخل بنتي مرة مدرسة مش اسلامية لكن واخدة الطابع ده بس لغات برضو و فضلت اسبوع واحد بس و البنت رفضت تماما تروح و لحد دلوقتي كمان لدرجة انها من يومين كانت بتقول لي مش عايزة اتحجب رغم انها عندها 6 سنين رغم اني عملالها طرحة بتصلي بيها معايا و كانت فرحانة بيها اوي و دايما بتحب تخليني اصورها بيها لكن بقى موقف ينم على غباء مدرسة هو اللي عمل كدة و المفروض انها تربوية في مدرسة ذات طابع اسلامي..
معلش طولت عليكم و دخلت من موضوع لموضوع.. 
التوقيع
لجلب الرزق و المال تدعو صباحا و مساء سبع مرات بهذا الدعاء :
ياكريم اللهم ياذا الرحمة الواسعة يا مطلعا على السرائر و الضمائر و الهواجس و الخواطر , لا يعزب عنك شيء , أسألك فيضة من فيضان فضلك , و قبضة من نور سلطانك , و أنسا ً و فرجاً من بحر كرمك , أنت بيدك الأمر كله و مقاليد كل شيء فهب لنا ما تقر به أعيننا و تغنينا عن سؤال غيرك , فإنك واسع الكرم , كثير الجود , حسن الشيم , فببابك واقفون و لجودك الواسع المعروف منتظرون يا كريم يا رحيم
اللهم لك الحمد والشكر كما ينبغي لجلال وجهك وعظيم سلطانك
مع خالص تحيات
