تاريخ التسجيل: Apr 2011
الدولة: الكويت
العمر: 41
المشاركات: 330
خبرة السوق: 6 شهور الى سنة
معدل تقييم المستوى:
16

رد: استيراتيجية "الهاي واللو للفترة الآسيوية" راااائعة وسهلة جدا وأرباح خيالية ورشة للدراس
شكرا جزيييييلا اختي Samah وانشالله الاكسبرت يضبط ويفيدنا كلنا،،،
نحتاج اكسبرت يضع أوامر معلقة فور إغلاق الشمعات المذكورة في ال3 فترات عند اكتمال الفلاتر الاربع "الاتجاه العام والزخم والدعوم والمقاومات واختراق او كسر الفترة الاسيوية أو الشمعة،،،،،،
اختي هذا التحديث الاخير للاستراتيجية::
ويضاف عليهم مؤشر ADX الزخم
+الكسر للفترة أو الشمعة من الهاي أو اللو في اتجاه الترند العام
أول شي نشوف الترند العام لكل أزواج العملات وهالشي نسويه يوميا مرة وحدة ونسجلهم عندنا في ورقة وقلم
طيب شلون أشوف الترند العام؟؟؟
هذي أبسط طريقة
تفتح شارت اليومي
وتحط المؤشرات هذي
اكبوشنال (Close,40) باللون الأحمر
اكبوشنال (Close,80) باللون الأزرق
سيمبل (Close,21) باللون الأسود
الستوكاستيك بالاعدادات الافتراضية عشان نتأكد من التشبع بس
طريقة تحديد الترند
اذا شكله صاعد والخط الازرق فوق الاحمر معناها الترند صاعد والاسود تأكيد انه صاعد باتجاهه ولا لنا شغل اذا كان فوق أو تحت أي خط ثاني
اذا شكله نازل والخط الأحمر فوق الأزرق معناها الترند العام نازل للعملة، والأسود تأكيد
المهم حددنا الترندات العامة وسجلناهم
الحين بعطيكم 3 أوقات تدخلون فيهم وانتبهو معاي عدل
الوقت الأول:
شمعة الساعة 5 صباحا بتوقيت الكويت وتكتمل الساعة 6
انت ابدا حط الأوامر من قبل 6 بربع ساعة اذا كانو الهاي واللو للشمعة واضحين وحركتها الحالية في نصها
لاحظو شمعة وحدة بس وليس فترة
نحط الأمر المعلق شراء فوقها ب5 إلى 10 نقاط حسب شراسة الزوج بس اذا كان الترند للزوج صاعد
نحط الأمر المعلق بيع تحتها ب5 إلى 10 نقاط بس اذا كان الترند للزوج نازل
الأهداف والستوبات بذكرها بعدين
نلغي الأوامر التي لم تتفعل من هذه الفترة 8 الصبح
الوقت الثاني:
الساعة 9 الصبح
ناخذ الهاي واللو للفترة الأسيوية
مثل طريقتنا للفترة الآسيوية ما تغيرت بس بدال لا تكون الأوامر فوق الهاي واللو للفترة تكون حسب الترند العام بس
نحط الأمر المعلق شراء فوق الفترة ب5 إلى 10 نقاط حسب شراسة الزوج بس اذا كان الترند للزوج صاعد
نحط الأمر المعلق بيع تحتها ب5 إلى 10 نقاط بس اذا كان الترند للزوج نازل
الأهداف والستوبات بذكرها بعدين
نلغي الأوامر التي لم تتفعل من هذه الفترة 2 الظهر
الوقت الثالث:
شمعة الساعة 5 مساء بتوقيت الكويت وتكتمل الساعة 6
انت ابدا حط الأوامر من قبل 6 بربع ساعة اذا كانو الهاي واللو للشمعة واضحين وحركتها الحالية في نصها
لاحظو شمعة وحدة بس وليس فترة
نحط الأمر المعلق شراء فوقها ب5 إلى 10 نقاط حسب شراسة الزوج بس اذا كان الترند للزوج صاعد
نحط الأمر المعلق بيع تحتها ب5 إلى 10 نقاط بس اذا كان الترند للزوج نازل
الأهداف والستوبات بذكرها بعدين
نلغي الأوامر التي لم تتفعل من هذه الفترة 9ونص مساء
ونغلق صفقات اليوم كلها بنفس الوقت
الأهداف والستوبات
انا حسبت لكل زوج على حدة حسب الرينج اليومي لكل زوج وشفت الشارتات كم موجة يتحركها الزوج في اليوم وكل موجة كم ممكن نحقق منها لذلك قسمت الرينج اليومي على عدد الموجات وطلعت النقاط اللي ممكن نحققها وقللتهم طبعا للضمان اكثر وقسمتها على 2 للستوب
هذا كله مو مهم الحين بقولكم الأهداف والستوبات بس عشان اللي بيعرف شلون حسبتهم
بكتب لكم بهذي الطريقة
Limit/Stop
EUR/NZD
45/22
GBP/JPY
GBP/AUD
40/20
GBP/CAD
35/18
EUR/JPY
GBP/USD
EUR/AUD
30/15
EUR/CAD
AUD/JPY
EUR/USD
CAD/JPY
25/12
USD/CAD
NZD/JPY
AUD/USD
AUD/NZD
20/10
باقي أزواج العملات اللي ما ذكرتهم
15/8
وأي سؤال انا والأخ alik متابعين وفاهمين الاستراتيجية أكثر شيء ممكن تسألينا
بارك الله فيك وجزاك الله ألف خير