بيع او اشترى غصب عنك لازم تكسب ان شاء الله

باذن الله اخى ابو يوسف اتمنى لك و للجميع التوفيق و السداد
انا ما بعتش معاك من النقط ديه لانى بايع بالفعل بس من نقاط سفليه بس حسابى ما يستحملش ادخل تانى الان فندعو الله تسير المسيره بتساهيله و كما هو مدروس و متوقع

التوقيع

السلام عليكم يا اخوانى كيف حالكم جميعا الدكتور حمادة و الاخ أبو عبدالله و أبو اياد ؟
أنا بعتذر جدا عن عدم المتابعة الفترة الماضية لانشغالى الشديد بعملى بس ما شاء الله عليكم متابعين كويس أوى بس محدش بيدخل صفقات ليه و يقولنا النتايج ولا بتدخلوا من تحت لتحت و خايفين من الحسد ههههههه. يا ريت اللى بيدخل على طريقتنا يوضح الفرص و نتايجها عشان الناس تقتنع. أنا دخلت عشان اشوف علاقة اكتمال القمر امتى عشان ادخل صفقتى الشهرية بس شكلى مش هعرف ادخلها بعد بكرة الساعة 5:03 تقريبا وانا اليومين دول مشغول جدا و مش هعرف اتابع.
بالتوفيق لكم جميعا.

منور يا عمور
احنا فى علاقه اقتران الان لسه طازه
لو حابب تشبك فيها لو عندك وقت

و ربنا يعينك على مشغلك يا ريس

التوقيع

انا زيك بايع من 3460 كنت متوقع انه ينزل و نخلص منه هههههه
بس واضح ان رؤيتنا للشارت لازم تختلف فعلا خصوصا بعد المواضيع الي بنقراها دي

انا الحمد لله عامل ادارة مخاطر صارمه للحساب و بالتالي قدرت ابيع تاني مع الاقتران بس بصارحه ملحقتش النقطة العاليه الي هي 3680 و لكن بعته من 3671
و طبعا بالناسبة للبايع و ملتزم بالاستراتيجيه حقق 30 نقطة هدف من 3680

معلش انا سايبالهدف مفتوح شويه عشاناعوض شويه من سائر الصفقة القديمه و عامل وقف خسارة متتابع

السلام عليكم ورحمة الله وبركاتة
اخى الكريم ممكن تدينا فكرة ادارتك لراس المال لنستفيد منك
وشكرا لك اخى الكريم

حقول لحضرتك الفكره ببساطه من وجهة نظري و مجربها و ناجحه معايا جدا

في اي معركه تدخلها لازم تحدد حجتين مهمين جدا
1- مين عدوك
2- هدفك

فأنا لما دخلت معركه سوق الفوركس في الاول كنت فاكر ان السوق هو عدوي و كنت بحارب السوق و اطلع خسران
بس الحمد لله ربنا هداني في النهايه ان مش السوق هو العدو السوق ده ارض المعركه انما العدو الرئيسي في هذه المعركه هو الطمع و النفس الامارة بالسوء
فبدأت اركز معاها دي لازم اعرف اتحكم في الطمع و في نفسي
طيب عاوز مساعده
فسألت نفسي سؤال هو انا عاوز ايه من تجارة الفوركس
هل انا عاوز اكون مليونير ولا ملياردير ولا ايه بالظبط
فلقيت ان احسن اجابة و ريحتني فعلا عشان اعرف اتحكم في نفسي اني عاوز اكسب من سوق الفوركس ما بين 100 الى 200 دولار في الشهر مش اكتر من كده
-----------------------------------------

تعالى بقا نبتدي نفكر و نحسبها ببساطه بعد ما حددنا النقطتين الاولانيين دول

اذا فرضنا الحساب 2000 دولار مثلا طيب انا حفتح عليه عقدين بحد اقصى كل عقد ب 0.1 لوت
يعني النقطه بدولار
على ان يكون كل عقد في عملة مختلفه و ليس نفس العملة
و بالتالي
فانا محتاج للعقد الأول 998 نقطه و ايضا العقد التاني 998 نقطه اخرى عشان حسابي يطير
ده ممكن يحصل يعني اذا توفاني الله مثلا و مفتحتش المنصة خالص
غير طبعا اني معناها اني مش حاطط ستوب لوس ولا اي شيء
------
طيب ماهو مفيش حاجه من دي ممكن تكون بتحصل انا ما زلت عايش و بدخل المنصة و بضع ستوب لوس (نادرا بصراحه) او بفتح هيدج او بفتح عقد تبريد واحد فقط و يكون هدف العقد صغير يعني 20نقطة او 40 نقطه بالكثر و ده مش لشيء غير اني بعمل عمليه زياده للمحفظه كي تتحمل تقلبات اكثر
و بستمر مع الصفقة العاكسه حتي يكرمني الله بغلقها ولو على ربح صفر
و عن تجربه و الحمد لله
لم يعكس السوق 900 نقطة بدون تصحيح
و طبعا زي ما قال دكتورنا في موضوعه
مناطق سعريه يعود لها السعر غصب ولو بعد شهور
انا علقت في صفقة 6 شهور حتى عاد السعر مره اخرى و اغلقت الصفقه على ربح صفر و حافظت على محفظتي
بس طبعا بالمقابل لم احصل على العائد الشهري المرجو طوال ال 6 شهور دي
و لكن خرجت برأٍ مالي تاني و بدأت اعمل من جديد
-------
ده رأيي البسيط في هذا الموضوع اتمنى ان أكون على صواب و ان يكون فيه اي نوع من الافاده

11.10.2011 1:05:47 5°02'25"Ari Square Pluto
11.10.2011 18:02:50 13°26'20"Ari Trine Mars

دي علاقات اليوم بتوقيت +2 جرينيتش

اعتقد العلاقة الأولى عدت خلاص
و انا عن نفسي متمسك بعقد البيع الاول بتاع العلاقة السابقه
ربنا يجعله خير ان شاء الله

معناها اية
نبيع ولا نشترى

اقتباس:

المشاركة الأصلية كتبت بواسطة AbuYoussef

اعتقد العلاقة الأولى عدت خلاص
و انا عن نفسي متمسك بعقد البيع الاول بتاع العلاقة السابقه
ربنا يجعله خير ان شاء الله

بس خلى بالك انة ممكن يروح الى 13720