تشيز كيك بالتوت الاسود 2013 طريقة تشيز كيك بالتوت الاسود 2013

تشيز كيك بالتوت الاسود 2013 ، طريقة تشيز كيك بالتوت الاسود 2013


تشيز كيك بالتوت الاسود 2013 ، طريقة تشيز كيك بالتوت الاسود 2013











المقادير ~
جبنة فلادلفيا 300جرام بعض المرات مايكون عندي هالجبنه
فاحط بدالها كيري 20قطعه
كوبين قشطة الخفق
نص علبة زبادي احب الحموضه فيه
علبة صغيره قشطة كي دي دي
2فنجان قهوة سكر واذا حابه زيدي
2ظرف جلاتين
وقطرات من الليمون و1ملعقه ص فانيليا
حشوة التوت ولازم تكون في الثلاجة بارده





هنا خلطت البسكوت نص بسكوت عادي اولكر ونص دايجستيف
و2 ملعقه دقيق ونص ملعقة صغيرة فانيلا واصبع زبده
وملعقه ك سكر لتماسك البسكوت نرصه بصينيه مفككه وندخله الفرن لمدة 5د
ونطلعه يبرد بنات لازم تصبيرين على البسكوت ترصيه بيد حيل لتفادي تفتته عند التقديم



هنا بديت اخلط الخليط وهو قشطة الخفق مع الزبادي والفانيليا
والسكر لازم يكون الطبق اللي تخلطين فيها الخلطه بارد عند خلطك لقشطة الخفق
حتى تعطي قواك حلو وتثقل على طول وتجمد من اول ماتحطينها بالثلاجه



ثم ذوبت الجلاتين في نص كوب ماء وتركته يبرد قليل وصبيته على الخليط وخلطت





هنا وضعت الجبنه وبديت اخلط جيدا حتى اختلط الحابل بالنابل هههههههههه
دخلت الخليك بالثلاجة حتى برد ورجعت خلطته

هنا وضعت الخليط ع البسكوت وثم غلفت الصينيه جيدا وحطيته بالثلاجه لمدة
ساعه




بنات وش رايكم بهالصورة مواحترافيه غلبت جولي هههههه
فديت بنوتي تعبت علي وبغيت اموت من الخوف بس رحمة الله واسعه
وهنا لما حطيت الخليط لمدة ساعه بالثلاجه طلعتها وحطيت حشوه التوت بالصور كان كرز اناحبيت
التوت الاسود ورجعت الصينييه بالثلاجة لمدة ساعتين اوااكثر


وهنا الحلى بعد مافتحت الصينيه



هنا جملته بورق نعناع وفراوله ياليت الفراوله تصير دائما طوال السنه



وهنا شكل الحلى عن قرب




هنا اكيد بتسالون عن صورة الولد اللي بطرف الصورة هذا سلمكن الله ووالديكن من النار
الفيصل وهو صغير دبدوب والزجاجه اللي خلف الكواليس الفيصل جابها لي هدية
مكتوب عليها طبعا انكلش وترجمها لي يقول اناربي موفقني وكل هذا من دعوات ووالدتي
بدينا الصياح خلاص يدرس وينجح ويرجعلك تيب


وهنا بعد ماقطعت التشيز بصراحه لايفوتكم يهبل اكلت منه الين قلت بس