طلب اكسبرت من الأستاذ سمير

المشاركة الأصلية كتبت بواسطة Dr.Sherif Mohammad

و عليكم السلام ورحمة الله
بص يا أستاذنا الموضوع إني وجدت ناس كتير بتحاول تعمل استراتيجيات تعتمد بالكامل على المتوسطات المتحركه وبصراحه هي بتنفع إلى حد ما لأن المتوسطات دي بتعبر عن الترند بشكل كبير .. أنا حبيت أدمج مؤشر Average Directional movement index "ADX" وده بيفيدنا في تحديد مدى قوة الترند اللي هندخل فيه وأيضا مؤشر Momentum وده اللي بيعبر عن القوه السائده في السوق "هل مع البائعين ام المشترين " ..و على ذلك يكون

شروط فتح صفقة الشراء :
1-خط المتوسط السريع "M.A=30 مثلا" يقطع خط المتوسط البطيء "M.A=200 مثلا" متجها للأعلى
2- يكون الخط الرئيسي في مؤشر ADX بين 20 و 50 ويفضل أن يكون مائلا للصعود "دليل على قوة الترند وليس له علاقه بالبيع أو الشراء "
3- يكون مؤشر Momentum أعلى من 100 "دليل على قوة السوق الشرائية


شروط فتح صفقة البيع :
1- خط المتوسط السريع "M.A=30 مثلا" يقطع خط المتوسط البطيء "M.A=200 مثلا" متجها للأسفل
2- يكون الخط الرئيسي في مؤشر ADX بين 20 و 50 ويفضل أن يكون مائلا للصعود "دليل على قوة الترند وليس له علاقه بالبيع أو الشراء "
3- يكون مؤشر Momentum أقل من 100 "دليل على قوة السوق البيعيه


دي الشروط الرئيسيه ولكن هناك عده ملاحظات ذكرتها لحضرتك سابقا ويمكن أن نتحدث عنها بعد ماتقولي إن الفكره نفسها وصلت وهبعت لحضرتك مؤشر نسيت ارفقه قبل كده
المؤشر ده بيدي تنبيه عند قطع خط متوسط بقيمه معينه لخط متوسط بقيمه أخرى "وبداخله يمكنك انت تحديد قيم كل خط ونوعه وده اللي أنا عايزه من حضرتك في الاكسبرت بتاعنا إن شاء الله اننا نقدر نغير قيمة خطوط المتوسط براحتنا "
وإن كل شرط من الشروط المذكوره يكون ليه "yes or no" option عشان اللي يحب يعتمد على حاجة واحده يبقى براحته


ده كده كلام مبدئي وانا معاك في أي نقطه مش واضحه
بالتوفيق إن شاء الله

المشاركة الأصلية كتبت بواسطة سمير محمد ارمان

السلام عليكم اخى الكريم
النسخة الاولى من الاكسبيرت فى المرفقات
جرب وشوف عايز تعديل او اضافة
ارجو لو فى مشكلة او تعديل يكون شرح من على الشارت
بتوفيق اخى الكريم

المشاركة الأصلية كتبت بواسطة Dr.Sherif Mohammad

ألف شكر يا أستاذنا وجاري التجربه إن شاء الله
بس أول ملاحظات
1- حضرتك عملت خط التقاطع 30 EMA و SMA 200 ثابتين وأنا كنت طلبت من حضرتك إن يكون لكل واحد option أقدر أحدد نوعه وقيمته

2- مؤشر ADX و مؤشر Momentun ياريت لو يكون لكل واحد " true & false " عشان لو حبيت استغنى عن شرطه أي واحد في الاستراتيجية

3- سؤال بس .. هل يلزم تغير الماجيك نمبر لكل زوج ولا لا يتغير إلا إذا كنت هاحطه على نفس الزوج بكذا فريم مختلف ؟؟