طلب اكسبرت من الأستاذ سمير

السلام عليكم و رحمة الله و بركاته
بصراحة اللى شجعنى انى أطلب من حضرتك هذا الإكسبرت هو ثقتى الكبيرة فى المنتدى و مشرفيه " وحضرتك طبعا ان شاء الله"

مش هطول على حضرتك >> أنا كنت عايز حضرتك تبرمجلي اكسبرت

هقول لحضرتك الشروط و لو ليك أى ملاحظات أو محتاج توضيح فى حاجه قولى

1.option لتحديد اللوت و option لإدارة راس المال "risk"
2.option لتحديد اوقات عمل الاكسبرت ( عشان ممكن اسيبه شغال 24 ساعه بس يشتغل فتره معينه خلال ال 24 ساعه دي )
3.الإكسبرت يعتمد على إتنين مؤشر M.A بقيمتين مختلفتين "سريع و بطئ"
4.يحتوى الإكسبرت على option لإعدادات كل مؤشر على حده (المده الزمنية أو القيمه - نوع المؤشر "سيمبل أو اكسبونينشيال")
5.مؤشر ADX الأساسى فقط "المحدد للإتجاه" و يكون ليه true" option أو false" عشان لو حبيت الغيه من شروط الدخول و الخروج
6.مؤشر المومنتم و يكون ليه true" option أو false" عشان لو حبيت الغيه من شروط الدخول و الخروج
7.options تيك بروفيت و ستوب لوز و ترايل ستوب
8.option للشمعة الليموزين true و false و option تانى لتحديد طولها بالأرقام بحيث لو كانت شمعة الإختراق بهذا الطول أو أكثر لا يؤخذ به و ننتظر فرصه أخرى
9.شروط الشراء .. عندما تتوفر الشروط الآتيه مجتمعه
- عندما يقطع ال M.A السريع ال M.A البطئ للأعلى و يكون "بعد إغلاق شمعة التقاطع فوق خط ال M.A البطئ"
- يكون مؤشر ADX أعلى من 20 و أقل من 50 .. و طبعا ده فى حاله ان ال option بتاعه trueأما لو false نلغيه من الشروط تماما
- يكون مؤشر المومنتم أعلى من 100 و أيضا ده فى حاله ان ال option بتاعه trueأما لو false نلغيه من الشروط تماما
- تنفيذ شرط الشمعة الليموزين اذا كان ال option الخاص بها trueأما لو false نلغيه من الشروط تماما

10.شروط البيع "العكس .. بس ال ADX ثابت مش العكس " .. عندما تتوفر الشروط الآتيه مجتمعه
- عندما يقطع ال M.A السريع ال M.A البطئ للأسفل و يكون "بعد إغلاق شمعة التقاطع تحت خط ال M.A البطئ "
- يكون مؤشر ADX أعلى من 20 و أقل من 50 و طبعا ده فى حاله ان ال option بتاعه trueأما لو false نلغيه من الشروط تماما
- يكون مؤشر المومنتم أقل من 100 و أيضا ده فى حاله ان ال option بتاعه trueأما لو false نلغيه من الشروط تماما
- تنفيذ شرط الشمعة الليموزين اذا كان ال option الخاص بها true

* طبعا فى حالة ان أى مؤشر false نلغيه تماما من الشروط و نكتفى بالشروط الأخرى (يعنى لو ال ADX و المومنتم و الليموزين كلهم false يبقى هنكتفى بالشرط الأساسى فقط و هكذا


11.شروط الخروج ..

1. التقاطع العكسى و فى هذه الحالة..
- اذا كانت العملية الأصلية شراء و عند التقاطع العكسى استوفت الشروط للبيع يغلق الشراء و يدخل الصفقة الجديدة مستوفاة الشروط
- و اذا كانت العملية الأصلية شراء و عند التقاطع العكسى لم تستوفى الشروط لعملية البيع مثلا >> يتم الخروج و انتظار تحقق الشروط لصفقة جديدة

2.تحقيق التيك بروفت أو الستوب لوز أو الترايل ستوب.

** طبعا الخروج يتم بالشروط السابقة أيها أقرب اما التقاطع أو " تحقق التيك بروفت أو الستوب لوز أو الترايل ستوب"

*** وأخيرا أكيد الإكسبرت هيتعرف على الزوج المستخدم للعملة علشان ممكن أضعه على أكثر من زوج وممكن نعمل ماجيك نمبر عشان لو هنستخدمه على اكثر من فريم لنفس العمله >>
لكن ياريت لو هنستخدمه على عملات مختلفه وكل عمله بفريم واحد يكون يقدر انه يتعرف عليها بدون تغير الماجيك نمبر
و ألف ألف شكر مقدما
سؤال بس كده ملوش علاقه بالموضوع ..يعني إيه breakeven ؟؟

وأنا أرفقت لحضرتك مؤشر موفينج افريدج يعطي تنبيه عند التقاطع وفيه تحديد نوع وقيمة المؤشر يمكن يفيد

السلام عليكم اخى الكريم
ان شاء الله نعمل الاكسبيرت
بس عايز متابعة منك وشرح مع فرص لايف من على الشارت حتى يتابع معنا الاعضاء وتكون الاستفادة الى الجميع
بتوفيق ان شاء الله

ألف شكر على الرد يا أستاذنا
أن لسه مش معتمد الاستراتيجية دي بنسبه 100%
عشان كده طلبت من حضرتك الاكسبرت عشان أقدر اتابع بيها معظم الفرص و احكم عليها كويس
وهي زي كثير من الاستراتيجيات إللي بتعتمد على المتوسطات بس مع اضافه بسيطه وهي إني هستخدم مؤشر adx عشان احدد بيه قوة الترند عند ظهور الفرص وكمان بستخدم ماشر المومنتم عشان أكون دايما مع إتجاهات السوق وليس عكسه
بس شغلي بيخليني مقدرش اتابع الشارت باستمرار عشان كده كنت محتاج من حضرتك الاكسبرت وبعد مااتاكد من نتايجي وأحدد قيم المتوسطات المستخدمه الأنسب .. ساعتها هنزلها طبعا في موضوع كامل لكل الأعضاء لعلي أساهم ولو بالقليل في هذا المنتدى العظيم علي اتعلمت منه الكثير

السلام عليكم اخى الكريم
موضوع كبير جدا
ارجو تحديد فقط شروط فتح صفقة الشراء وصفقة البيع
وارجو شرح بسيط حتى استطيع فهم الموضوع
وارجو تحديد كم مؤشر مطلوب
وماهو مطلوب بعد شروط دخول الصفقات فى الاكسبيرت من اعدادات او اضافات
وجزاك الله خير

و عليكم السلام ورحمة الله
بص يا أستاذنا الموضوع إني وجدت ناس كتير بتحاول تعمل استراتيجيات تعتمد بالكامل على المتوسطات المتحركه وبصراحه هي بتنفع إلى حد ما لأن المتوسطات دي بتعبر عن الترند بشكل كبير .. أنا حبيت أدمج مؤشر Average Directional movement index "ADX" وده بيفيدنا في تحديد مدى قوة الترند اللي هندخل فيه وأيضا مؤشر Momentum وده اللي بيعبر عن القوه السائده في السوق "هل مع البائعين ام المشترين " ..و على ذلك يكون

شروط فتح صفقة الشراء :
1-خط المتوسط السريع "M.A=30 مثلا" يقطع خط المتوسط البطيء "M.A=200 مثلا" متجها للأعلى
2- يكون الخط الرئيسي في مؤشر ADX بين 20 و 50 ويفضل أن يكون مائلا للصعود "دليل على قوة الترند وليس له علاقه بالبيع أو الشراء "
3- يكون مؤشر Momentum أعلى من 100 "دليل على قوة السوق الشرائية


شروط فتح صفقة البيع :
1- خط المتوسط السريع "M.A=30 مثلا" يقطع خط المتوسط البطيء "M.A=200 مثلا" متجها للأسفل
2- يكون الخط الرئيسي في مؤشر ADX بين 20 و 50 ويفضل أن يكون مائلا للصعود "دليل على قوة الترند وليس له علاقه بالبيع أو الشراء "
3- يكون مؤشر Momentum أقل من 100 "دليل على قوة السوق البيعيه


دي الشروط الرئيسيه ولكن هناك عده ملاحظات ذكرتها لحضرتك سابقا ويمكن أن نتحدث عنها بعد ماتقولي إن الفكره نفسها وصلت وهبعت لحضرتك مؤشر نسيت ارفقه قبل كده
المؤشر ده بيدي تنبيه عند قطع خط متوسط بقيمه معينه لخط متوسط بقيمه أخرى "وبداخله يمكنك انت تحديد قيم كل خط ونوعه وده اللي أنا عايزه من حضرتك في الاكسبرت بتاعنا إن شاء الله اننا نقدر نغير قيمة خطوط المتوسط براحتنا "
وإن كل شرط من الشروط المذكوره يكون ليه "yes or no" option عشان اللي يحب يعتمد على حاجة واحده يبقى براحته


ده كده كلام مبدئي وانا معاك في أي نقطه مش واضحه
بالتوفيق إن شاء الله

الملفات المرفقة

MA Crossover Signal_modified.ex4‏ (4.4 كيلوبايت, المشاهدات 5)

السلام عليكم
انا فهمت الموضوع
عايز مؤشرين موفينج وتستطيع التحكم في الاعدادات المؤشرين
ويوجد فى الاكسبيرت مؤشر : Momentum وا : ADX
تمام كدا صح
منتظر المؤشر الاخير
وعايز شرح على الشارت
بنفس طريقة التقاطع مع هذه المؤشرات فى فتح صفقة شراء او صفقة بيع
بتوفيق اخى الكريم

في الصوره الجايه مثال لصفقة بيع مستوفاه الشروط حيث :
1-قطع خط المتوسط الأزرق "السريع" خط المتوسط الأحمر "البطيء"إلى أسفل
2-مؤشر ADX بين 20 و 50
3-مؤشر momentum أقل من 100 "يعني السوق متجه للبيع "


[/QUOTE]
أنا بعت لحضرتك المؤشر في المشاركه اللي فاتت "والمؤشر ده بيدي تنبيه عن التقاطع لخطوط المتوسط " ممكن يفيد مش عارف
أما بالنسبه للخروج فأنا ذكرت لحضرتك الشروط في أول مشاركه

هاته الاستراتيجية مليانة مؤشرات وهذا جيد للفلترة

إن شاء الله يكون فيها خير لينا جميعا

أنا بعت لحضرتك المؤشر في المشاركه اللي فاتت "والمؤشر ده بيدي تنبيه عن التقاطع لخطوط المتوسط " ممكن يفيد مش عارف
أما بالنسبه للخروج فأنا ذكرت لحضرتك الشروط في أول مشاركه
[/QUOTE]

عايز شرح صفقة شراء
وكيف يكون مؤشر adx ارجو توضيح هذا المؤشر فى الشراء
ارجو السرعة فى الرد حتى انفذ الاكسبيرت الان ان شاء الله