• 9:58 صباحاً
logo




روايه ضمني وخل قسوتك في ضمتك

إضافة رد
عضو متقدم
تاريخ التسجيل: Dec 2011
المشاركات: 5,797
معدل تقييم المستوى: 13
smay@yah is on a distinguished road
20 - 10 - 2012, 10:00 PM
  #1
smay@yah غير متواجد حالياً  
افتراضي روايه ضمني وخل قسوتك في ضمتك
بسم الله الرحمن الرحيم
اضع بين ايدي اعضاء منتدى غرام و تغاريد مولودتي الجديده
و اتمنى المحافظةة عليها وعدم تحريف ب المصدر
ف انا اسمح لكم ب نقل روايتي ل تشتهر لكن بدون تحريف
ف روايتي حصريه ل منتدى غرام
واي شي اكتبه من خيال ف لا داعي ل التدقيق
اتمنى ان تلاقي مجموعه كافيه من التشجيع ف ان لم تتقبلوها ولم ارى التشجيع المستحق ف سوف اغلق روايتي
ف ارجوا ان تشجعوني ف هي اول كتابة لي
فلاا تحطموني

البارت الاول :

- تم اختيار شركه " الكاسر " لتكون اكبر راع اولومبيات في لندن
- بدأ اقتصاد السعوديه في النمو وبقيت تحمل لقب افضل شركة

انها شركة العالميه السعوديه " الكاسر "
الكترونيات , البترول , السيارات , التوزيع , الاتصالات
اذا كنت مواطنا في السعودية فأنك تعرف حرفي اسم : شركة الكاسر قبل ان تعرف اسم الرئيس
الشركة صنعت مملكتها الخاصه وصارت اكبر شركه في السعودية
في يوم ما نجحت الشركة في تحقيق تقدم في صدارتها يقدر ب مليارون فأرس منشى الشركة " المدير " الى البيت الازرق " هو مكان ل تكريم الشركات العالمية فيه " لكن بدل ان يتلقى الميداليه قال :

- سيدي ارجوك اسمح لي أن ابني مدرسه يستطيع اطفالي و أحفادي الدراسه فيها
وهكذا نشأت مدرسة الكاسر
اول مدرسة في تاريخ السعودية يدعمها الرئيس
الذي ظن ان التطور الأقتصادي اهم من التعليم
والذي انشأ قوانين خاصه لدعم المدرسة
والان هناك مثل مايقول
- ان لم تحمل سيرتك الذاتيه اسم مدرسة " الكاسر "
فلا داعي بأن تبحث ل العمل -
انها مدرسة انشأت من أجل الاغنياء في المجتمع يدرس فيها
الاغنياء وتناسب الاغنياء فقط
وهكذا حافظت على لقب مدرسة النخبة
عامة الناس وحتى ان طلبوا الانظمام اليها عند ولادتهم
فلن يقبلوا في حضانه " الكاسر " لكن عندما يقلبون
فأنها يبقون هناك خلال دراستهم في الأبتدائية , المتوسطة , الثانويه , حتى الجامعيه ..
انها موضع غيره واحترام بقية الطلبه في المجتمع
وأهاليهم ايضا يعانون صعوبة قبول في الجامعة
لكن في مدرسة " الكاسر " هذه
مدرسة التلاميذ المختارين يحدث مالا يمكن توقعه

" مدرسة الكاسر مختلطة " > اكرر من نسج الخيال

ثانويه الكاسر
فتح خزانته الكتب ويده ترجف فتح الخزانه
انصعق وهو يشوف بطاقه حمراء مكتوب عليها f4
بلع ريقة بخوف هالاف فور الكل يهاب منهم
التفت وهو يشوف ظل اشخاص بجانبه
شاف واحد يخدم المجموعه قاله باستهزاء : هلا يابو الشباب
جاه واحد يضرب كتفه : على فين تبي تروح ؟ اضربوووه
بدوا يظربونه الكل اجتمع وهم يشوفون الظرب
بدوا يضربون بطنه بقوه لدرجة نزل من فمه دم
دفهم بكل قوه وركض يهرب منهم لكن بدوا يركضون وراه

__

مشت بقاريها المتواضع لانها من عايلة فقيره
ووراها ملابس " الزي الرسمي لمدرسه الكاسر "
في احد من الطلبة طلب من ابوها يغسلهم وهي جايه توصلهم
وصلت لمدخل مدرسة الكاسر كان مره فخم
انبهرت وهي تتسع عيونها
لكن في حرس موقفين عند البوابه
تقدم واحد من الحرس وقال بهيبه : على فين رايحه انتي ؟
قالت بتوتر : أ أ أ هذي ملابس واحد من الطلاب بوصلها له
قال وهو يناظرها ب استهزاء : طيب
فتح البوابه ودخلت منها بسرعه وهي خايفه

__

ف السطح
ركض بسرعه وحرس ال f4 وراه
وقف عند نهاية السطح لو حرك رجوله بيطيح من الأعلى
اختل توازنه وهو يشوف الناس مجتمعه تحت تشوفه
والي يصرخون يبونه يطيح ,. كان مجبور يطيح
لان ان تراجع راح يذبحونه الحرس بكل الحالتين ميت

__

دخلت بسيكلها " القاري " خربان مره
شافت الطلبه يناظرونها بغرور
مشت وهي منبهره الزي يجنن و تصميم المدرسة انيق
وقفت عند باب المدرسة الكبير و محفور اسم المدرسة عليه
مسكت " الزي الرسمي " ونزلت من السيكل
تقدمت لباب المدرسه ودخلت منه وعيونها كلها انبهار
دخلت من الباب وهي تشوف درج قدامها
صعدت بخطوات سريعه وهي مفهيه بالي قدامها
شافت الطلاب ياكلون من بوفيه كل ما لذ وطاب موجود فيه
وتشوف الطباخين بكل اخلاق يعطون الطلبه
بلعت ريقها بجوع وقالت بهمس : هذي مدرسة ولا قصر ؟
شافت واحد من الطلاب ينزل من الدرج ويصارخ :
ي جماعه لا يفووتكم محمد ف السطوح يبغى ينتحر
الكل ركض هي وقفت زي الاطرش بالزفه مو فاهمه شي
ناظرتهم باستغراب وقالت : معقوله ! ينتحر
ركضت معهم بتشوف الغبي الي بينتحر صعدت السطح لحالها
لان الكل وقف ب الساحه الخارجيه بيشوفون كيف يسقط
ركضت ل السطح وشافت ال f4 محاوطين رجل ويضحكون
وهو واقف ب نهايه السطح ب خطوه وحده بيسقط
تقدم الرجل بينتحر صرخت باقوى صوت :
استنىىىىىىىىىىى لا تنتحر
ثبت نفسه وهو يلف راسه بغيظ بيشوف الخبله الي تصرخ
كملت كلامها وهي تاخذ نفس من الركض وهي تقول : الحمدالله لحقتك
ناظرها باستغراب وقال : انتي مين ؟
ابتسمت بخبالها المعتاد : اناا اوه صح انت ماتعرفني انا جبت لك الملابس غسلناها كلها وابي منك 25 ريال ولا اقولك هات 20
ناظرها بقهر وهو وده يضربها كملت كلامها بطفوليه : تدري خلاص خصمت لك ب 5 ريال عشان تصير زبون عندنا
اطلق الكل ضحكات .. ناظرتهم بقهر لفت وجها له
قال وهو معصب : الحين بموت خلي اهلي يحاسبونك
قالت بغباء : اها بتموت " استوعب وش قال وبدهشة وهي تتلعثم " ب ت ت ت ت م تموت !!!!!! من جدك انت بتموت وليه ؟
لف وجهه وهو يشوف قوة ارتفاع السطح عن الارض عالي مره
قال ب حزن : مدرسة الكاسر
قالت ب استغراب : طيب ايش الي جبرك تدرس هنا
قال بقهر : ابوي يبيني ادرس هنا مو بكيفي
قالت باستهزاء : اوه ابوك , ابوك جايبك على شان تدرس هنا مو على شان تضيع مستقبلك وتنتحر
قال بغيض وهو يسمع حرس الاف فور يهدده : ال اف فور هم السبب
قالت ب غباء معتاد : الاف فور ! وش اف فور ؟
قال وهو يلف وجهه ويتنهد : لما يعطوك بطاقة حمراء وقتها كل المدرسه تكرهك وتبغى تذبحك فهمتي
استغربت وهي مفهيه تناظر الدم الي يغطي ملامح وجهه : ا ا " عصبت " وانت ليه تستلم لالشباب اقول لو يجون مدرستنا انا بضربهم ضرب عمرهم ماشافوه وبكسر راسهم وبفقع وجيهم واضربهم زي ماضربوك
ضحك على خبالها مع انه ماله خلق يضحك بس كيف تتكلم وهي مبوزه وبحماس وتحرك ايدينها قال : اصدقاءك ياحظهم
استغرب مافهمت كلامه : ليش
قال بغموض : لانك صديقتهم
ضحكت بخجل وقالت : هههه شكرا
لف وجهه وهو يطنشها تقدم خطوه وحده و اعتلت صرخات البنات والشباب غمض عيونه بخوف وجبينه يعرق
حذف نفسه لكن
ابتسمت واختفت ابتسامتها وهي تشهق وتشوفه يطيح
حذفت الزي المدرسي و ركضت له وهي تصرخ : استنى
ركضت بسرعه جنونيه ولحقت عليه وهي تمسك كتوفه
الكل انصعق وهو يشوف كيف لحقت عليه بأخر ثواني وبدوا يصورون
مسكت كتوفه وهو متفاجأ كيف لحقت عليه

_

انتشر ب الصحف والجرائد صورة ريهام وهي ماسكه محمد الي بيطيح ومغمضه عيونها بخوف
ومكتوب بالجريده والمواقع الخاصه ل المدرسه بخط كبير :
لقد افسد العنف مدرسة الكاسر فمن انقذ الطالب المنتحر هو هذه الفتاة الخارقه

ف المطعم الي تعمل فيه ريهام " الفتاة الي انقذت الرجل المنتحر "
ب التلفزيون صاحب المطعم يناظره بفخر ان ريهام تشتغل عنده
هي مطنشة الكلام وتمسح الطاوله بقهر
التلفزيون : اقفلوا مدرسة الكاسر مانبغى الكاسر
تقدمت بعصبيه وسحبت الريموت وسكرت التلفزيون
ناظرها صاحب المطعم ب استغراب
صرخت صديقتها المقربه الي تشتغل معاها بنفس المطعم
رغد وهي تقرا ب الابتوب : ريهااااااام انتي عارفه وش يسموك الناس , الناس يسموك بنت ابوها وبالصراحه احسن بنت
التفتت رغد ب هبال ل صاحب المطعم " لؤي , طيب مره " : يلا نشجعها " صرخوا رغد و لؤي " : البطله ريهام البطله ريهام
ريهام حذفت الفوطة بوجه رغد بعصبيه : بس اسكتي انتي وياه
سكتوا وضحكت رغد
قالت رغد : تصدقين نفسي اشوف الشباب الاربعه " اف فور , f4 " من جد يقولون عنهم حلوين اممم نفسي اشوفهم بعيوني واتأكد
ريهام بضحكة استهزاء وخبث : الشباب الأربعه قصدك تقولين الباعوضات الاربعه
رغد : ههههههههههه
ريهام وقفت بقرب باب المطعم وفتحته
فجأه لقت صحف بوجهه وكاميرات يصورونها
ارتعبت وبصدمه خافت مين ذول ابتسمت مجاملة لهم

_

جالسه على مكتبها الواسع وهي تشوف بالتلفزيون شكاوي الناس على شركة الكاسر اقفلت التفلزيون بقهر
ناظرت المجله الي قدامها كانت فيها صوره ريهام ومكتوب " البطله الخارقه "
دخل " فهيد " السكرتير الخاص بها وتقدم لها
فهيد : طال عمرك معليش ي استاذه لا تقلقي الأمور كلها تحت سيطرتنا
قالت ب استهزاء : تحت سيطرتك , ممكن تقولي كيف تحت سيطرتكم " صرخت وهي تضرب الطاوله بقوه " ياسيدي يامحترم كيف اصلا تخليهم ينزلون اسم سعود ب الجرايد
فهيد : انا راح اتصرف
تنهدت بقهر : سمعة مدرستنا بالمحك واهمالك هو السبب انت الي ولعت النار وانت الي لازم تطفيها .. تصرف بسرعة ماكنت متخيله الموضوع بيكبر كذا الله يستر وتعدي المشكله هذي على خير
تقدمت السكرتيره الثآنيه معاها تلفون خاص : استاذه الوزير يبغاك ضروري
سحبت الجوال بدون نفس منها وردت : اهلا سيادة الوزير

__

تمشي بسيكلها وصلت ل مغسلة و كانت هي بيتها
يعني لما تدخلين المغسلة في باب خلفي هي واهلها يسكنون فيه
نزلت من السيكل تكلم نفسها بغيظ : ماتخيلت كل هالمصورين وراي .. كل هذا بس عشان وصلت الملابس .. " عضت شفايفها وهي تمشي ل باب الخلفي " الكاسر و الاف فور انا اكرهم
سكرت الباب وراها تكلمت بسرعه : انا جيت
صرخ ابوها بفرحه : ياسلام وصلت صلت وصلت ريهام بنتي وصلت
ناظرته باستغراب .. وهي تشوف شخص لابس اسود وجالس معهم ويناظرها
الاب : تعالي تعالي سلمي على الرجال تعالي
وقف الرجل الي كان عمره بين ال 34 وابتسم لها
اخوها الصغير " ماجد " همس باذنها : هذه سكرتير شركه الكاسر
ب فهاوه ريهام نطقت : هاه
السكرتير " فهيد " : اخيرا وقفت قدام البطله المشهوره تشرفنا
ريهام بخوف تتكلم وهي فاهمه السالفه غلط : اسمع انا راح اقولك انا ما دفيته المشكله كانت من هذول الاف فور
تكلم السكرتير وهو يبتسم على هبال ريهام : انا عارف
امها تبتسم لها : ريهام لا تخافين حبيبتي عندي لك خبر حلو انتي من بكره راح تدرسين ف مدرسة الكاسر
ماجد اخوها عمره " 7 سنين " يطامر بفرحه
الاب والام و ماجد يعانقون بعض بهبال وقالوا : ريهام ب مدرسه الكاسر مو معقول
ريهام بتتكلم قاطعها السكرتير : لا تخافين
الاب مستناس : ريهام من بكره راح تدرسين بمدارس الكاسر
مجود يصرخ : مبروووووووووك
ريهام بغباء : ادرس ب الكاسر .. طيب ليه ؟
فهيد : لانك بطلة ..
مجود يبتسم وهو عارف ريهام هوايتها السباحه : المدرسه فيها مسبح وتقدرين تسبحين كل يوم و ف اي وقت مبروك
ضحكوا بفرح لكن ريهام معصبه قاطعتهم : لا
التفوا لها بصدمة
الام عصبت : ايش تقولين !
ماجد : انتي مجنونه
ريهام طنشتهم التفت ل فهيد ابتسمت هي تجامل : انا مبسوطة بمدرستي مع صحباتي و عايشه حياتي مابي اغير مدرستي المدرسة هذي ماتنفعني اممم مابي ادرس هناك
الام بعصبيه : اسكتي
فهيد : ريهام فكري كويس
الام راحت صوب السكرتير قالت : لالا تفكر وش .. من بكره هي راح تدرس بالكاسر حاصل لها
غمزت ل الاب ياخذها لغرفتها لا تفضحهم
وصلت السكرتير ل الباب ورجعت بسرعه
بدت تناقز بهبال " العايله معروف الهبال عندهم " : يسسس
ريهام منزله راسها تحاول تكتم عصبيتها رفعت راسها تناظر امها : يمممممممممممممممممماااااا
الام توقف قدامها : اسكتي لا ترفعين صوتك .. اتفرجي اول
التفتت ريهام وهي تشوف ابوها ماسك الزي الرسمي لمدرسه الكاسر ويصارخ بفرحه و ماجد ماسك جوال و لابتوب عطوه مكافأه لريهام ويصارخ ب انبساط : الكاسر الكاسر الكاسر الكاسر
تقدم ماجد ل اخته وبهبال : انا مو مصدق ان اختي راح تدرس بالكاسر انا ابي اقول ل كل الناس ان اختي تدرس بالكاسر
الام تناظر ريهام : انتي بعقلك يوم قلتي انك ماتبغين المدرسة .. انتي عارفة كم تكلف الدراسه ف المدرسه هذي
ريهام بقهر : مهما قلتم .. يمه مستحيل اروح
الام : انتي مجنونه .. اكثر الناس يحلمون يدخلونها .. انتي ليه ماتبغين تدخلينها
ريهام تزفر بقهر : يما انا من زمان ماسمعتك تنصحيني اني ادرس دايم تنصحيني بالشغل
الام : اااا ماكنت عارفه ان راح تجيك دعوه من المدرسه هذي انتي ليه مو موافقه وابوك ماراح يقدر على دراستك انتي و اخوك هذي فرصه ماراح تتعوض
ريهام : ماني عارفه مو مرتاحه " بحزم " يمه لا تتعبون انفسكم ماراح اروح على هذي المدرسه
مشت لغرفتها لكن امها نادتها : ريهااام انتي مو تحبين السباحه وحلمك تدخلين مدرسه فيها مسبح
التفتت ريهام ل امها : انتي مو معقوله يمه علشان السباحه تجبريني على هذه المدرسه لأ ماراح اروح لأ يعني لأ

__

ف صباح جديد في سياره زي سيارة المغاسل
وقفت عند باب مدرسه الكاسر
ريهام فتحت الباب بقهر وهي لابسه الزي المدرسي وشعرها الناعم الكثيف البني الي ل نص خصرها مسويته ذيل حصان جت بتنزل
لكن ابوها الي لابس زي رسمي مفكر انه يلبسون كذا منعها
ونزل عشان يفتح لها الباب ناظرته باستغراب واستخفاف
ونزلت ريهام بقهر : شكرا بابا
الاب يهمس لها : ارفعي راسنا
ريهام تبتسم : طيب
الاب سكر الباب اول ماسكر اشتغل الصوت ل سيارته مبكر بصوت عالي :
مغسله الريهام ملابسكم دايم نظيفه نغسلك ثنتين مجانا هات ملابسك الوصخه نطلعها لك نظيفه
الطلبه يناظرونهم يضحكون باصوات عاليه
جمانه عضت طرف شفايفها باحراج لفت وجها وهي تمشي بسرعه ماتبغى تنحرج اكثر من كذا

__

وصلت سياره طويله مره وسودا ومبين عليها فخمه
ل مدرسه الكاسر
نزل رجال بغرور وتقدم خطوه وحده كان وسيم مره
شعره ناعم مسوي تسريحه الديك .. وطويل وجسمه نحيف و حلو .. ونظراته حاده عيونه عسليه فاتحه لونها غريب
اعتلت صرخات البنات وهم يشوفونه يتقدم

مشت ريهام بعصبيه وهي تسمع 3 شباب قدامها طلبه يتكلمون
واحد منهم ياشر على زيه المدرسي : شايف هالقميص هذا مافي منه الا اثنين في البلد واحد انا اشتريته الثاني تتوقعون مين
الاثنين : مين قول
الشخص نفسه : تخيل سعود الكاسر اشتراه
الشخص الثاني : من جدك تتكلم
الشخص الثالث : يارجل مو معقول
مشت وهي تهز راسها باستهزاء على كذبه
معاها خريطه المدرسه من قد ماهي كبيره راحت لحدايق المدرسه الخلفيه عشآن توصل آلمسبح ورا طبعا محد يجيها لانها بعيده مره
دخلت بينهم وهي تسمع موسيقى هاديه من مكان قريب
رفعت راسها شافت شخص يعزف على الكمال بهدوء
سرحت بوسامته .. شعره ناعم وطويل شي .. عيونه البنيه و شعره اشقر مره .. و طوله زين لابس تيشيرت ابيض غير عن الزي الرسمي مره وسيم انجنت عليه ابيض واشقر شكله اجنبي

التفت الشخص عليها بعد ماحس بان في احد معه
شاف بنيه شعرها بني ورافعه لفوق و مسويه بوف خفيف
ملامح وجها تجنن مره بيبي فيس .. وطولها زين خصلات من شعرها طايحه على وجها .. عقد حاجبه وقال بنفسه - شكلها جديده بالمدرسه -
ناظرها بهدوء وقال : وش تبغين ؟
ريهام انصدمت انه سعودي بخجل لأول مره قالت : ا أ انا .. ممكن تقول لي وين طريق المسبح ؟
الشخص وهو يأشر بدون مايتكلم يمين يسار سيدا يمين
مشت وابتسمت من قلب على هدوءه عجبها ممره

__

مشت ريهام داخل المدرسه وحاطه يدها بجيوبها
بملل وتناظر الطلاب .. جت بتصعد الدرج
سمعت بنات ينزلون من الدرج يركضون و يصارخون : وصلللللوا الاف فور وصللل سعوددددد يلا تعالوا
بغت تطيح ف اضظرت تنزل معهم شافت يركضون عند بوابة المدرسه راحت صوبها بفضول وجت قدام عشان تقدر تشوف

دخلوا اربع شباب > الاف فور
ب غرور يمشون ب المقدمة سعود و ثلاثه ورا الي هم " سند - فهد - تركي "
البنات تجمعوا وببدوا يصارخون
ريهام اتسعت عيونها وهي تشوف كل واحد احلى من الثاني
طاحت عينها على تركي الي كان نفسه يعزف على الكمال ب الحديقه الخلفيه .. بس ما التفت لها ليكون مغرور زي الي قدامه " تقصد سعود لانه يناظر من خشمه "
وقف سعود و ووقفو سند وفهد و تركي وراه
التفت سعود لشخص واقف من بين الجماهير
الولد كان يرجف خايف نزل راسه اول ما التفتوا الأف فور له
تقدم سعود له بحيث صار مقابل له ..
الولد يناظره بخوف : أ أ أ سعود في حاجه ؟
سعود بهيبه : قدامك 3 ثواني
الولد : هاه وش مسوي ؟
سعود : 3
الولد : أأأ
سعود : 2
الولد : أأأأأأأ
سعود : 1
الولد : أأأأأأأأأأ
سعود رفعه من ياقته : قميص مثل قميصي هاه
ريهام تناظر الولد الي رفعهه سعود
تذكرت ان هو نفسه الي يقول سعود اشترى زي قميصي
سعود : اقول فهد باقي شي من العصير ؟
فهد : ايه باقي
فهد عطى سعود العصير
سعود كت العصير كله على قميص الولد
الكل يشهق ويسبون ب الولد الا ريهام الي انقهرت وهي بنظرها ان الأمر مايسوى كل هالدوشه والخنبقه
سعود تفل بوجه الولد ثم كمل مشي ومشوا وراه الا فور
والكل بدا يروح .. ريهام بمكانها لسى منصدمه
قالت بقهر : اوه ايش فيه هذا مجنون ليه يكب عليه العصير كذا والثاني ماعنده يد يوقفه عند حده جباااان ..
سمعت صوت بناتي من وراها : ايش بتقولين انتي ؟
التفت ريهام باستغراب وشافت 3 بنات مبين عليهم دلوعات
تكتفت البنت الي شعرها عسلي ريهام تناظرهم من فوق لتحت
ريهام : اممم مين انتم ؟
البنت ام شعر عسلي : احنا ! ههه معليش نسيت انك ماتعرفينا ..
لفت ام شعر عسلي على نفسها وقالت : انا جوجي
والي جنبها شعرها اسود كيرلي تلف على نفسها : انا سوسو
الي جنبها من الصوب الثاني شعرها اشقر مخصل بخصلات ثلجيه : ميممممو
جوجي : تراك انتي يابنت شكلك تحبين المشاكل . . اذا كنتي انتي ياشاطره ماتعرفينا انا اعرفك مين احنا .. احنا احلى ثلاث بنات بالمدرسه كلها
ريهام ب برود : طيب ايش تبغون انتم ؟ ياحبيبتي انا جيت جنبك ولا كلمتك اساساً
شهقوا البنات على انها ماتخاف منهم عكس الباقيين
ريهام تكمل كلامها بزي البرود : ممكن اعرف ايش تبغين مني ؟
سوسو : ليكون تبغين تكونين مشهوره ههه انتبهي من نفسك ولا لسانك راح يطيحك بالمشاكل
تقدمت ميمو بخبث : مو انتي الي ابوك عنده مغسلة ملابس ؟
ريهام تدفها بعيد عنها وبثقه ابتسمت : ايوا عرفتي بحالك تبيني اغسلك ؟
ميمو : ههههههههههههههههههههههه
ريهام ب نص ابتسامه : ايش تبغون ؟
ميمو : اومايقاد عمري ماقابلت احد ابوه عنده مغسله ملابس وااااو شغله تحفه
ريهام ضحكت ل تستفزهم : ايوا صحيح ابوي عنده مغسلة ملابس
جوجي : انا عارفه انك تبغين تستهبلين علينا بس على شان انتي على قد حالك ومسكينه بنفكر نكون كويسين معاك
ريهام باستغراب مافهمة : وشو
سوسو : وماراح نقول لاحد انك تكلمتي عن الاف فر
ريهام باستهزاء : مين ذول ما اعرفهم وكمان ايش راح يصير لو تكلمت عنهم مثلا
ميمو بدلع ماصخ : مو معقوله انتي بس يمكن عشان لسى جديده ماتعرفينهم
ريهام بدون نفس : يمكن
جوجي بدلع : مجنننونه بنااات يلا
راحوا وهي تناظرهم باستغراب ابتسمت وبينت غمازاتها : ذولي مجانين ولا ايش ؟

__
بعد مارجعوا الكل لبيوتهم
عند ريهام :-
ماجد فاتح موقع مدرسة الكاسر و يعرف الاف فور ل ريهام
ماجد يفتح صوره ل فهد شعره اسود سبايكي شوي طويل : فهد بدت الناس تعرفه وعمره 16 يعتبرونه الناس عبقري لأنه مشهور بصناعة السراميك ومنظمة اليونسكو اعتبرته من ابرز المواهب وهو على الأقل قدر ينجح بمجهوده
و هذا سند ابوه مدير اداره ام اس اي ل البناء و عايلته مشهوره ببيع العقارات ولهم نص عقارات المدينه
ريهام تأشر : مين هذي العايله مبين عليهم اغنياء
ماجد يدخل الصوره : ماعرفتيهم
ريهام : لا ما اعرفهم لا تقولي ولدهم واحد من الأف فور
ماجد : صحيح ولدهم واحد من الاف فور واسمه تركي انتي ماتعرفينه ..
دخل صورة لتركي تدقق فيها ريهام وفجأه تذكرت انه الوسيم الي بالحديقه الخلفيه
ماجد يكمل كلامه ويقرا تعريف تركي : وعايله تركي مشهوره بالفنون ولهم مراكز كثيره عندهم مؤسسة اسمها سمار المشهوره و اشتروا نادي اوروبي مشهور بكره القدم وفريق لكره السلة هذي العايله بالذات احسدهم

دخل على صوره سعود اوسمهم لكن ريهام مو بالعته : هذل ولد صاحب اكبر شركة اقتصاديه وعايلتة بنوا مدرسة الكاسر وهو من عايلة الكاسر ووريث الشركة الوحيد وعنده اخت اكبر منه اسمها ديمه نوني
ريهام عرفته : اممممم سعود يعني هذول هم شباب الاف فور

__

في صباح جديد

عند تركي طلع تيشيرت جديد ل المدرسة ويلبسه بكل اريحيه
يناظر نفسه بالمرايا وسيم بس ناصر اوسم
عند سند يختار ربطة عنق من بين انواع رباط العنق الكثيره
بدا يلبسها وهو يعدل شكله ب المرايا ابتسم
عند فهد فتح كبت الجواتي وكانت فيه انواع الجواتي
طلع وحده ولبسها ولبس جاكيت اسود رسمي
عند سعود جالس على كرسي فخم و الخدم يلبسونه الجوتي
من كثر ماهو غني .. ووريث الوحيد ل مجموعة الكاسر

__

في مدرسة الكاسر
ريهام اكتشفت مكان زي الباب الخلفي مرتفع شوي
و تحته كله عشب و مكان مره هادي ومحد يجيه
قررت يكون مكانها الشخصي وقفت قدامه
وصرخت بتفرغ الي بداخلها من قهرها من سعود وش سوى بالولد امس
صرخت ريهام : ياااا مغرور انتوا مو الاف فور انتوا باعوضات الاف فوووووووووووور انت مبسوط انك انولدت واهلك اغنياء انت مفروض تكون شحاذ انا احذرك انت واصحابك لا تخليني اشوفك راح اضربك واكسر راسك انت لو رجال تعال وريني ايش بتسوي انت مو رجال انت جبان ولو شفتك راح ارمي نفسي من هنا " صرخت حيل " اااااااااااااااااااااااه

سمعت صوت رجولي وراها يتثاوب
لفت بخوف وشافت واحد منسدح بس مبينه رجوله
وقف الرجال يتثاوب بملل و يتمغط لف عليها
ريهام بتوتر تدقق عليه هذا تركي : هاأأأ وش ذا
تركي يقرب لها : انتي من جد مزعجه وماني قادر انام من صراخك
ريهام تفشلت ليكون سمع كلامها خصوصا انه من الاف فور
ريهام ب احراج عيونها بالارض : معليش ماكنت اعرف ان في احد هنا
تركي بشبة ابتسامه : انتي متأكده من كلامك
رفعت عينها ريهام وهي تشوفه وسيم مره : أ أ أيش
تركي : انك بترمي حالك من هنا
ريهام ودها الأرض تنشق وتبلعها همست : مصيبه " استوعبت الي قاله لفت عليه " انت شكلك سمعت كل شي
تركي بهدء : بترمي حالك ؟
ريهام : لا هونت
تركي وده يضحك بس ماسك نفسه : انتي غبيه " وقف جنبها يناظر العشب " على فكره نسيت اقولك
التفتت ريهام تبيه يكمل : ايه
تركي : انتي قلتي اسمه غلط
ريهام بغباء : وش مافهمت ؟
تركي بهدوء : اسمه سعود مو المغرور
ريهام عضت شفايفها بتذبحه
تركي يناظرها : اذا تبين تكرهين احد لازم تحفظين اسمه
تفشلت ريهام راح تركي ونزل بدون مايناظرها
ريهام بعد ماتأكدت انه نزل لفت لالعشب ب احراج

__

وقت الغداء بمدرسه الكاسر
البنات 3 الدلوعات " جوجي , ميمو , سوسو "
واقفين قدام البوفيه ماسكين صحون ويغرفون : يووه شكل الاكل مره حلو
جوجي : ايه انا مره جيعانه

راحوا لطاوله جالسه عليها ريهام لحالها وتاكل بشراهه
جوجي توقف : بنات في ريحه مو حلوه
سوسو تأشر على ريهام : ايوا الريحه جايه من هنا
ميمو تناظر كيف تاكل ريهام : او ماي قاد فظيعه مرهه
ريهام ماناظرتهم حتى مطنشتهم مع انها منقهره
سوسو تناظر اكل ريهام كان عيش حاطته بصحن وتاكل مو من البوفيه جايبته من البيت : انتي ي شاطره وش الأكل الي جايبته معاك ؟ ماتعرفين انه ممنوع
ريهام : انتي غبيه ولا ايش هذا الاكل نظيف
جوجي : ياسلام يعني انتي شايفه هذا الاكل نظيف
ريهام تكمل اكل بتطنيش وبرود : انظف منك
جوجي بدلع ماصخ : مجنونه
جوجي طلعت من جيبها عطر رشت على وجه ريهام
ريهام كملت اكل بتطنيش
جوجي انقهرت وفجأه
بنات يصاررخون : اووه شوفوا الاي فور جو
الكل راح ووقف قدامهم الا ريهام كملت اكل هي الوحيده وقالت بهمس : انقلعوا
جت بتاكل فجأه بنيه : أأ ممكن اجرب ملعقه من الي تاكليه ؟
ريهام ناظرتها باستغراب البنيه مره حلوه وغنيه بس اول مره

__

بعد ماخلصوا مدرسه كلن رجع بيته
ريهام ب المطعم تشتغل كالعاده شالت الصحون وهي تشوف الزبون يطلع : مع السلامه
عطتهم لصاحب المطعم الي يشتغل بتواضع حاله من حالهم وهو طيب على نياته و مره غبي
رغد توقف جنبها : صديقتك من مدينتنا ؟ " تقصد الي قالت لـريهام ممكن اكل معاك "
ريهام تنفخ على يدها : ايوه بس مره مؤدبه هي صديقتي الوحيده بهالمدرسه الخايسه اسمها سهى
رغد تبتسم : كويس انه صار عندك صديقات بالمدرسه بصراحه انا كنت خايفه انهم يتريقوا عليك
ريهام ابتسمت لها ورغد ارتاحت ان محد تريق عليها لكن فجأه كشرت ريهام : تريقوا وخلصوا
رغد شهقت ريهام تكمل : قعدوا يستهبلون علي بصراحه انا مره فرحانه انهم جاالسين يتريقون علي
رغد استغربت ريهام : انا ما ابغى اصاحب ولا احد الله يعدي هالايام على خير
رغد تلفها صوبها وتضرب كتفها : ريهام ايش الي صاير لك ؟ انتي تغيرتي تتذكرين كيف كنتي تساعديني لما تحصل معاي مشكله وكيف هزأتي الشباب لما كانوا يعاكسوني انتي مايهمك الا الحق ايش صار لك ؟
ريهام : ايش اسوي يعني لو رفضت اروح المدرسه امي راح تزعل علي ولا عاد تكلمني مره ثانيه

__

في صباح جديد دخلت ريهام بملل وهي تفكر ب كلام رغد
مره صحاها بنفسها لازم تأدب الاي فور
سمعت واحد يصرخ : الاي فور وصلوا
التفتت ل تشوفهم يدخلون وصرخات البنات مو اكثر من الشباب
كان سعود لابس فرو كحلي معطيه هيبه و تركي لابس بدلة رسمية ابيض و فهد وسند مطقمين
وهم يمشون وقفت بنت بوجه سعود معاها كيكه
سعود ناظرها ب اشمئزاز كانت بطه
البنت بحب سعود : ممكن تقبل هذي الكيكه مني انا سويتها عشانك اتمنى تعجبك
سعود خذا الكيكه بيده رفعت راسها البنيه مبتسمه شوي وتصيح
سعود يقبل منها شي وهو ولا عمره قبل دايم يشرشحهم
سعود رفع الكيكه مع صرخات البنات وحطها بوجه البنيه
الي بدت تصيح من فشلتها وان سعود احرجها
سند لوى فمه مو عاجبه تصرف سعود
اما فهد ابتسم غصب عنه منظر البنت تحفه وتركي التزم الصمت وكان يناظر ريهام الي عيونها متسعه وكلها عصبيه
ويتذكر كلامها عن الاف فور امس وخصيصا سعود " المغرور "
ضحكت جوجي و ميمو و سووسو
جوجي بدلع بصوت عالي : هههاي حبيبتي سعود مايقبل هداية لا تحلمين
التفت سعود بغرور لها قرب منها وكان في كلنكس حاطته بجيبها قرب منها وسحبه مسح ايده واستانست جوجي
حذف الكلينكس على الأرض ومشى
جوجي نزلت لأرض وخذت الكلنكس تشمه : ياسلااام

الاف فور مشوا لكن وقفت بوسطهم ريهام
الي وصل حدها من تصرفات سعود

سعود يناظرها : وش عندك ؟ عندك شي تقولينه
ريهام بغضت : ايوا حاب تسمع .. انت على ايش شايف نفسك .. تكللللم
انصدم سعود من اسلوبها كملت كلامها : عشان ربنا رزقك بشوية فلوس تقعد تأذي خلق الله ايش فيها لو خذيت الكيكه من البنت بيصير لك شي يعني ؟ خذها وارميها لو ماتبغاها يا اخي تعلم كيف تتعامل مع الناس واترك التكبر الي انت عايش فيه اسمع انت طالب مثلك مثلنا ف المدرسه ماتفرق عننا بشي " صرخت " سااامع

سعود ب برود : خلصتي ؟
انحرجت ريهام كمل سعود : في حاجه ثانيه بتضيفينها ؟
ريهام تبي تذبحه خصوصا يوم شافت تركي يضحك على انه فشلها
مشى سعود وهو يتعدى ريهام ومشوا معاه الاف فور
ريهام بقلبها صرخت - ااااككرهك مغرور -

__

جلست تتسبح ريهام بالمسبح الخاص ل المدرسة
لحالها محد يحب يتسبح .. جلست تتسبح بقوه
تفرغ عصبيتها من المغفل والمغرور سعود
وتعصب كل ماتتذكر انه فشلها عند تركي
لحظة هي ليه حاطة كل هالاهتمام ل تركي
معقله حبيته .. لا مستحيل .. انا ماعندي هالسوالف
طلعت من المسبح بتثاقل جلست على طرف المسبح
وسمعت احد يحط الروب على كتفها
التفتت بصدمة وشافت سهى البنت الطيوبة رغم انها غنيه مره
تعاملها زين وكلت معها امس
ابتسمت سهى بطيبه لها : راح تبردين كذاا
ريهام ابتسمت : شكراً
جلست سهى جنبها : انتي ماتتعبين من السباحه ماتخافين على صحتك
بدوا يسولفون لين ريهام حبتها من قلب
طلعوا يتمشون برا بالساحة وياكلون ايسكريم
- معلومة سعود والأف فور وكل الاشخاص الي بالمدرسه هم بأخر سنه من الثانويه حتى ريهام وسهى ورغد لكن رغد ماتدرس بالكاسر -
بدت تضحك سهى وتركض بالساحة ووراها ريهام يضحكون
فجأه سهى طاحت وبيدها الايسكريم طاح على رجل قدامها
ناظرت الرجل مين رجله ياترا ؟ رفعت راسها
اتسعت عيونها يوم شافت سعود يناظرها بعصبيه
لانه الايسكريم جا على حذائة الجديد
سهى بخوف نزلت راسها : انا من جد اسفه
سعود بنفاذ صبر : اسفه .. هذا الي قدرتي عليه وش يفيدني الأسف بعد الي سويتيه
سهى : غصب عني طحت مستعده اشتريلك جزمة ثانيه اذا تبي
سعود : انتي تقدرين تشترين زيها ؟
سهى : ايه
سعود : ياشاطره هذي صنعت لي خصيصا من ايطاليا لو تبيعين بيتكم ماتشترين فرده وحده
سهى باحراج : انا اسفه اي شي تطلبه بسويلك
سعود بخب : اي شي
سهى : ايه
سعود ناظر رجله : نظفي حذائي الحين
سهى ناظرته بصدمة .. ريهام انقهرت
ضحكوا فهد وسند و تركي على حركة سعود
سهى بانصعاق : ايش
سعود بخبث : نظفيه بلسانك
ريهام اختل توازنها من الصدمة
سهى بتردد : م م ما أقدر
سعود بنص ابتسامه : مو انتي قلتي بتسوييين اي شي
سهى جت بتنزل لكن ريهام سبقتها ووقفت قدام سعود
ريهام : انت مجنون
التفت سعود لها بهدوء ريهام تقدمت صارت قباله
ريهام : ياخي انت عارف ان البنت ماتقصد وكمان فوق هذا اعتذرت لك
ضحكوا سند وفهد وتركي على شجاعتها معقوله ماتخاف من سعود
سعود ضحك : ههه مين انتي ياشاطره صديقتها ؟ شكلك جديده هنا بالمدرسه وماتعرفين انا مين ! بكره تعرفين
فهد همس لسعود بأذنه
سعود ضحك : هه عرفتك الحين انتي البطلة والمنقذه ياشاطره المره الي فاتت عديتها بمزاجي لكن لا تتقمصي دور البطله
ريهام بثقه تذبح سعود : انا انولدت بطلة
سعود : ملاحظة انك شايفه نفسك وزودتيها مره اقولك خليك بحالك
ريهام : اقول هذي صديقتي وكلمة صداقه اكبر من انا واحد متكبر مثلك يفهمها
تركي ابتسم سعود يكمل : صداقة .. اجل خلينا نشوف الصداقة الحقيقه منك
ريهام مافهمته ناظرته بتساأل
سعود : نظفيه .. تركي التفت لها بفضول بيعرف وش ترد
فهد يهمس لسند - هالبنت تحفه -
ريهام : وش تقول ؟
سعود : اذا نظفتيها بعفي عنها وبمشيها
ريهام نزلت بمستواها لرجل سعود وهو رفع راسه بافتخار
ريهام بحركة سريعه لقطت الايسكريم الي بالأرض ورفعت نفسها لوجهه و حذفته بقوه على وجه سعود
سعود الي انصدم ومن قوة ريهام طاح
الكل انصدم و سهى حطت يدها على فمها بصدمة
تركي انصدم و سند وفهد كانوا بيشوفون سعود وش يسوي
سعود يوقف ويمسح الايسكريم : ايشششش .. مهبوله انتي
ريهام : انت تفكر محد يقدر لك تفكرني اخاف منك مو عيب تتصرف كذا مع بنت اياني واياك تقرب مني ولا من صحبتي ولا بتشوف شي ماراح يعجبك سااامع
سعود ناظرها من فوق لتحت بصدمة - تبن -
ريهام طلعت من جيبها فلوس حذفت ميه عليه وميه ثانيه عليه وقالت : هذي فلوس حلال مو مثل فلوسك اشتري فيها جزمة جديده ولو تبي كمان بعطيك

طلعت لزقة اعلان صغيره عن غسالتهم
ولزقتها بجبهته ناظرته بغرور و مشت مع سهى الي للحين مو مصدقة

سعود ناظرها بصدمة لسى مو مستوعب الي صار توعد فيها

__

في مقر ال F4
تركي جالس يشغل سيديات موسيقى هاديه
و فهد و سند يلعبون بلياردو و سعود جالس يهز رجله بعصبيه
سند يكلم فهد : وش فيه سعود
فهد : شكله البنت هذي عقدتة " يناظر سعود " وقافله معاه
سند راح لسعود وجلس جنبه حط يده على كتف سعود
سند : وش فيك متنرفز ؟
سعود يبعد يد سند : وخر يدك عني " بقهر " رفعت ظغطي البنت هذي ماني قادر اشيلها من بالي افكر بطريقه اذلها واعرفها انا مين
سند يضحك : وش فيك متنرفز مايحتاج تفكر .. غسل ملابسك عندها
سعود يناظره ابتسم وحاوط رقبة سند وبدوا يضحكون
سعود : جبتها
سعود يطلع الورقه حقت مغسلتهم ويقراها : مغسله الريهام " بخبث " نشوف

__

بيوم جديد يحمل قصص و اشياء جديده

بمدرسه الكاسر

ريهام تفتح خزانتها حست بان نظرات البنات عليها
التفتت وهي تشوفهم كيف يناظرونها استغربت
فتحت خزانتها واول مافتحتها لقت ورقة حمراء مكتوب عليها الاف فور
> تذكرون البطاقه الحمراء الي جت ل محمد <
شافت الكل نزل بسرعة ل تحت مابقى احد بالدور الثاني الا هي
سحبت البطاقه ورمتها بالارض وداست عليها وضحكت باستهزاء
دخلت الفصل وشافت الشباب والبنات يناظرونها
وقفت عند مكان طاولتها مالقتها تدورها و جو البنات 3 الدلوعات
جوجي حطت يدها على كتف ريهام : اهليييين يامجنونه
ريهام تبعد كتفها جوجي كملت : مسكينه شالوا الكرسي حقك
ميمو : مفكرة انك بتدرسين معانا
سوسو : مالك مكان هنا
لقت كتابها طايح على الأرض بعدت البنات : كتابي كتابي ابعدي
راحت لكتابها جت مسكته بس بعد وضحك الكل
بنفاذ صبر قربت بتمسكه لكن بعد
عرفت ان سعود له يد في الحيله هذي
نزلت والبنات والشباب وراها شافت طاولتها تحت ومكتوب عليها كلام جت تقراه تكلمت : مبسوطين مين الغبي الي سواها مين ؟
التفت عليهم لكن في طالب حذف بيض على راسها وانكسر
ريهام انقهرت وبدوا يحذفون بيض عليها وهي تصارخ
تذكرت كلام ابوها
- انتبهي على ملابس لا توصخينها ابغاها نظيفه لا عصير ولا شي واعتني فيها وحبيها زي ماتحبيني -
حست دموعها بتخونها لكن مو راضيه حست بذل مو طبيعي
قالت بصوت مخنوق صرخت : ارموا ارموا كمان
بدوا يرمون وهي تصيح جا طالب وكت طحين كامل عليها
طالب : الحين صارت جاهزه ممكن نحطهاا بالفرن ونستنى عليها شويه وتصير كيكه
الكل : ههههههههههههههههههههههههههههههههههههه
التفتت وهي تشوف سهى بدموعها واقفه بينهم
مشت سهى بسرعه وركبت الدرج ماقدرت تتحمل
ريهام انقهرت حست بانهيار كامل لها
وتشوف واحد من الطلبه يصورها

_

سعود جالس بمقره الخاص و يطالع التلفزيون وتركي مو موجود
الي معروض عليه ريهام وهم يرمون الطحين عليها
لانه خصص واحد يصور الحدث المهم بالنسبه له
ويشوفها كيف دموعها تقاومها وماتنزل
سند : مو كفايه عليها كذا
سعود : ما راح ارتاح ابدا الا لما تجي وتتسحب عند رجولي ههه مشكلتها تبي تسوي بطلة على حسابي
فهد : من جد غبيه هذي حدها اسبوع ولا ثلاث ايام واذا طلع كلامي صح تعطيني تحفه اختارها
سند يضحك : ههه من متى يا فهد وانت تهتم بتحفي ؟
فهد : تبي الصراحه مو لي ل وحده معجبه فيني
سند : ههههاي اوكي واذا كلامك طلع غلط تعطيني رقمها
فهد : اتفقنا
- فهد و سند يغازلون كثير -
سعود : اسكت انت وياه الحين تجي تعتذر شوفوا
بدا يعد سعود : 5 .... 4 ..... 3 ..... 2 ... 1 يلا
فرقع بيده لكن ماجت انصدم
ضحكوا فهد وسند : ههههه
سعود يرقع : هههه ما اتوقع وحده مثلها تجي بسرعه وملابسها وصخه أأأ أأ يبيلها وقت
بدا يعد سعود من جديد ويضحك سند وفهد وصل عند 1 وماجت
عصب وتنرفز دق تلفون وقال : وين راحت

__

ريهام راحت لمكانها المتخصص زي البلوكنه يطل على العشل > ذكرته من قبل
وقفت فيه وتصيح وهي رايحه فيها : اهئ مهبول تتقوى على وحده انت لسى ماتعرفني انا عمري ما استسلمت انت حتى ماتقدر تواجهني ترسل اصحابك عشان يبهذلوني
" ناظرت يدها وكملت " يرمون علي بيض تخلي اصحابك يرمون علي بيض انا اوريكم
بدت تمص اصبعها الي مغطي بيض وطحين وبخبال طبيعي : حلوووو بس كان خليت اسوي فيه كيك
سمعت احد يتحمحم وراها : احم احم
لفت بخوف وتتمنى الي ببالها مو صحيح
تركي بهدوء يقرب : ليش انتي ماترتاحين ابد الا لما تزعجيني " سكت وقال " انتي عارفه كيف يسوون الكيك
ريهام بتذبح نفسها ثاني مره يسمعها ويتمصخر عليها
ريهام : أ أ أ أيش
تركي : كيييييك
ريهام بغباء : ايواا طحين وسكر وبيض تخلطهم وتحطهم ب الفرن ؤؤ ما اعرف كذا قالت امي
تركي : بس كذا
قرب منها حيل وناظرها كيف ملطخة بالطيحن و البيض وشعرها مغرق طحين طلع فاين من جيبه ومسح وجها
ناظرتهه ريهام بطفوليه حست بشعور غريب لأول مره
حط منديله بيدها و مشى
ريهام : منديلك
تركي يلف لها : مو مشكلة
ريهام بحزن : انا اسفه ارجع نام
تركي : ما راح ارجع انتي مزعجه وصوتك عالي
ريهام انحرجت ناظرت منديله مكتوب عليه تركي بالذهبي
شافت المكان الي كان دايم ينام فيه لقى مجله وفيها بنيه حلوه
وماسكه كيك وكاتبين الطريقه البنيه مره حلوه شكلها عارضه ازياء لان شافت صورها كذا مره من قبل لكن ليه يناظرها ؟

شافت الكل راح بيته الا هي بالمدرسه دخلت صفها المظلم
لقت طاولتها بمكانها ونظيفه وعليها دبدوب ابيض لابس الزي الرسمي للمدرسه
مسكته وناظرته باستغراب ظغطت على يده بالغلط وطلع صوت
- معليش ياريهام لا تزعلين وحبي مدرسه الكاسر الحلوه
ضحكت وابتسمت لفت لقت بجانبها بدله رياضيه خاصه لمدرسه الكاسر رمادي برمادي وشعار الكاسر فيه ومكتوب ورقه : سهى
عرفت انه من سهى ابتسمت

_

ريهام بمغسلة ثانيه ماتبي تدخل البيت وابوها يشوف الزي الرسمي مبهذل

صاحب المغسله يناظر الزي كيف موسخ : يالله هذي مره وسخه وراح يكلم غسيلها 30 ريال
ريهام لابسه بنطلون رمادي و تيشيرت رمادي فيه قبعه من ورا وحاطتها على راسها : اووووه 30 ريال بس مانت شايف اسعارك مره غاليه
صاحب المغسله : مانتي شايفه الجاكيت عليه طحين وبيض يابنتي هذا ماراح ينظف بسهوله تبيني اغسله ولا بلاش
ريهام : اها على شان كذا ترا احنا عندنا مغسله لا تضحك علي
صاحب المغسله : ترا انا عندي شغل وماني فاضي روحي غسلي بمغسلتكم
ريهام ابتسمت : ههه طيب لا تصعب .. طيب اخصم لي 5 ريال 5 ريال ارجووك

__

في مطعم فخم مافيه احد غير الاف فور
جو يقدمون الموضفين اجمل الطعام
جت النادله كانت امريكيه وحلوه وتتكلم عربي
سند يناظرها ويبتسم
تركي متجاهلها وسعود مو معاها
النادله بابتسامه لسند : بالعافيه
راحت و صفق فهد ل سند : حلو حلو حلو يارجل طلعت مانت بهين انا صار لي اسبوع اجي المطعم واحاول اتقرب منها انت قولي كيف علقتها
سند ضحك وشرب مويه بدا يذكر تفاصيل السالفه

السالفه نسترجعها معاً :

كان سند بالمتحف حقه وهي كانت موجوده تشوف التحف الي صنعها .. عجبها تحفه من التحف . ابتسم سند وجاب واحد مقارب له : هذا شكله احلى
النادله " رومانيت " : صحيح مره حلو
سند برومانسيه : لان ايدينك لمسته صار احلى بكثير
رومانيت ناظرته وابتسمت : انت كيف عرفت ان هذا ذوقي
سند يمسك يدها : يدينك الحلوين هذي

نرجع ل مطعم :

صفقوا سعود وتركي وفهد
سعود : وش الأسلوب الافضل الي تشوفه
سند : البنات يحبون الرقة في التعامل
فهد : هذا هو الكلام الصح
الكل ضحك
اتصل جوال سعود : دقايق
تقدم وهو يرد : هلا كيف الامور .. ماشيه مثل مارتبناها . سوي كل الي قلت لك عليه ب الحرف

__

ب بيت ريهام
تاكل عيش بشراهه
امها ضربتها : يا بنت يابنت
ريهام : يممممما
امها تسحب الجدر : قاعد تاكلين انتي بتجننيني مو على اساس انك عامله رجيم
- ترا ريهام جسمها رشيق بس الأم تخاف ان ريهام تخرب جسمها -
ريهام تحاول تسحب الجدر : هاتي بعدين انا مابغى اسوي رجيم وانا مو متينه
الام : لالا لو ماسويتي رجيم كيف بتحافظين على جسمك ويكون متناسق يابنتي ديري بالك عشان يجي واحد من الشباب الأغنيه ويخطبونك انتي راح تجننيني انتي " انقهرت " شوفي البنت قاعد تاكل وانا اتكلم جيبيه اقول هاتي
ريهام : ممممابغى اكل ولا اموت من الجوع احسن من الريجيم حقك
الام : لا اذا كنتي تبين تصيرين بطلة بالسباحه لازم تكونين نحيفه عمرك شفتي سباحه متينه السباحين مايكلون الاكل الي انتي تاكلين اسمعي كلامي الله يهديك " صرخت " هاتيه اقول
الام وريهام صارا يسحبون الجدر ريهام سحبته وركضت لغرفتها
امها لحقتها : هاتي اقولك جيبيه
مجود والاب يطالعونهم

_

ف اليوم التالي .. ريهام بالمدرسه تبي تتسبح
دخلت المسبح ولابسه مايوه شافت المسبح كله وصخ فضلات
علبه بيبسي فاضيه واكلات وكذا
عصبت وصرخت : سخوا المسبح والله لاورييييييي"صرخت " كوووووم

عند مقر الاف فور الي بالمدرسه
سعود يناظرها بالتلفزيون كيف تصارخ وميت ضحك
سعود : ان ماخليتها تكره حياتها
فهد معاه كوفي واقف جنب سند : مين ؟
سند منصدم : ريهاااام .. لحين متحمله .. معقوله
فهد : اوف من متى وهي متحمله
سند وهو يشرب الكوفي : من حوالي اسبوع
فهد : اوكي
سند يبتسم : يعني كسبت التحدي انا يلا سجل الرقم
فهد : ماتوقعتها تتحمل
سند : رهيبه البنت هذي اول بنت تتحمل اسبوع كامل مظبوط
سعود يناظرهم : يكون بعلمك انت وياه لسى ماشافت شي احنا ب البدايه . وين تركي ماشفته اليوم ؟
سند : تركي تركي تلاقيه نايم الحين

_

تركي كان مغير مكان نومه لصالة الرياضه
و ريهام نظفت المسبح وطلعت خذت دوش بالحمام ولبست الزي وشفت شعرها وهي طالعه كان الحمام جنب صالة الرياضه
شافت 4 شباب يهاجمونها ويمسكونها
بدت تصارخ : ااااه
الاول : اسكتي انتي
ريهام : بعدوا عني ياحممممير فكوني
: وش هذي لعبه جديده ؟
سكتوا الشباب وفكوا ريهام رفعوا راسهم بخوف
ريهام رفعت راسها شافت تركي متكتف ويناظر الشباب
الاول : أأ أأ هذا انت
ريهام بدت تصيح .. تركي ماركز بوجها
لكن قرب منها وشافها عرفها قال
تركي : اقول يالكيك متأكده من مقاديره ؟
ريهام بتضربه الحين ذول بيذبحونها وهو واقف يتكلم عن الكيك
ريهام : هاه ايش ؟
تركي : سويت كل الي قلتي عليه بس ما انتفخ الكيك
ريهام والاشخاص 4 لسى ماسكينها : طيب حطيت الخميره ؟
تركي : الخميره اها اممم فهمت الحين ليش ما انتفخ
ريهام عصبت وبقلبها - والله انك فاضي - تحركت وهي تحاول تبعد : اوووه فكوني
ناظرهم تركي لسى ماسكينها : انت ماسمعت ؟
الاول : اي سمعت
تركي : انقلعوا من هنا
تركوها وركضوا لا يرتكب جريمه فيهم
وقف تركي وسحب فوطة من فوط الكاسر
وغطى شعر ريهام الي كان لسى مبلل
تركي قال بهمس : انتبهي لنفسك
وقف و عطاها ظهره وقال : الخميره هي الي نسيتها الحين عرفت
ريهام بتردد : اا تركي
التفت لها : همم
ريهام : أ أ شكرا على مساعدتك
تركي بهدوء : انا ماساعدتك بس ما احب تصرفاتهم
راح عنها وهي صاحت من الفشله

__

الاربع طلاب راحوا ل سعود
سعود : مين ؟ تركي ؟
هزوا راسهم ب معنى نعم او ايه
سعود قرب منهم : مين قالكم تسوون كذا ..
واحد من الاربعه : احنا فكرناك تبينا نأذيها
عصب سعود : انا قلت لكم خوفوها عشان تندم هذا الي ابغاه
خافوا الشباب : سامحنا اخر مره
سعود : تبغوني ازعل واطردكم من المدرسه انقلعوا من هنا
ركضوا وانحاشوا

__

في المطعم

رغد تحط الصحون : ريهام وش فيك اليوم ؟
ريهام : مافيني شي
رغد : باين بوجهك الهم اكيد اف فور هم السبب .. وانا كنت معجبه فيهم بسبب وسامتهم ماكنت متوقعه هذي اخلاقهم الطيور الخوافه تطير باسراب مع بعض وهم كذا
ريهام ابتسمت : مو كذا بالظبط
رغد : كيف يعني ؟
ريهام بحب : في واحد منهم مختلف
رغد استغربت : واحد منهم ؟ مين هو
ريهام ابتسمت وطلعت الفاين المخصص لتركي

_

في الليل بالشارع تمشي بالقاري بسرعه لبيتها
مرت على اعلان لعارضة ازياء الي كانت بمجله عند تركي
نفسها بالظبط تأكدت انها عارضه
ريهام تناظرها : وااااو مره حلوه هالبنت
مشت بالقاري شوي قدام شافت واحد واقف قدام صورتها
وقريب من الصوره حيل الا لازق فيها ويمسح على وجها
ريهام من شعره الأشقر الناعم عرفته " تركي "
ريهام استغربت ليه واقف عند العارضه : حتى انت معجب فيها
التفت تركي لها باستغراب وابتسم وكمل يناظرها
ريهام : اأأ حتى لو كنت معجب فيها اللوحة وصخه واكيد وسخت يدك
تركي ناظر يده وصدق توسخت بالغبار
ريهام طلعت فاين من جيبها وقربت
مد يده بياخذ الفاين لكن ريهام طنشته ومسحت اللوحه
ضحك عليها وسكت بعد مانظفت وقفت جنبه
ريهام : هي جميله مره صح ؟ مثل الملاك
تركي : ملاك ؟
ريهام : هي مو جميله وبس هي مره ذكيه تبرعت بكل فلوسها كعارضه لـالفقراء من فتره قصيره نجحت باختبار المحامين في فرنسا
تركي : انتي تعرفين هالبنت ؟
ريهام : اكيد سارا هي مثالي الاعلى بالحياة من بعد رسولي مره طيبه وحبوبه بس ما اعرفها لكن اتابع اخبارها
تركي ضحك : ههه مثالك الاعلى ؟
ريهام : رغم ان الجميع اعتقد ان هي بترث اموال عايلتها بعد ما تتخرج لكني انا ماظنيت مثلهم
ناظرها تركي ب اهتمام
كملت ريهام : كنت اتوقع بتقوم باعمال كثيره وفعلاً ف كل عطلة مدرسيته تروح ل افريقيا و افغانستنان وتتبرع رغم ذلك انا اتمنى تتزوج شخص من عايله غنيه او شخص بيصير رئيس بيوم من الايام عشان تساعد الفقراء وتعاونهم او شي زي كذا
تركي بهدوء : هي مجرد عارضه
ريهام انقهرت : وش .. انت ماتدري ان امير فرنسا طلق زوجته عشان يتزوج عارضه ؟ ومن يدري امكن يجيلها واحد غني ويتزوجها ويحبها من النظره الاولى ويخطبها اتوقع ان قريب بيصير كذا ماتظن بيصير كذا ؟
تركي يناظرها : فكل مره اشوفك تكونين مزعجه و تقلقين الواحد
مشى وخلاها ريهام انحرجت قالت : ااا انا كنت
تركي تنهد ومشى : وش تعرفين انتي ؟
مشى وخلاها ناظرته بحزن ولفت وجهه ركبت القاري
ناظرت العارضه سارا وابتسمت تتمنى تقابلها

__

ف بيت ريهام
الام : ماجد وش تسوي بهالابتوب تعال اكل
ماجد يناظر ريهام : لا يمه في شي مهم عن مدرستك
ريهام : وش هي ؟
ماجد : في بنت بمدرستك حامل
ريهام غصت بالمويه : وششششششششششش
ركضوا الام والابو وريهام يشوفون مين هي
ماجد : يقولون اسمها الانسه (ك) باخر سنه ثانوي
ريهام : مين انسه (ك) هذي ؟
الام بخوف : ريهاموه اخاف تكون بصفك لا تمشين وياها
ريهام طنشتهم وراحت تنام ماعطت الموضوع اهميه

__

ف يوم جديد دخلت ريهام المدرسه بتعب
اول مادخلت جاها مسح بجوالها
- وصلت الانسه (ك) للمدرسه الأن -
استغربت وصلت بنفس وقتها مشت وهي تشوف
نظرات الشباب البنات بتاكلها
دخلت الفصل وشافت 3 دلوعات يتكلمون
جوجي : ماتوقعت بنت فقيره تسوي بنفسها كذا مو لهدرجه
ناظرتهم شكت بس طنشت طاحت عينها على السبوره
مكتوب : انا واعدت عدد لا يحصى من الأولاد من قبل
عقدت حواجبها باستغراب
ومكتوب اسمها و جمله بالجنب ياقرف هذي مجنونه
ومكتوب روحي موتي يا ريهام ابنه صاحب مغسلة
ومكتوب : لازم تطلع من المدرسه .. دام لها وقت تربي طفلها .. بس مين ابو الولد الي ببطن ريهام ؟
مشت بسرعه وراحت لالمقر المخصص لاف فور
فتحت الباب بقوة لقت سعود جالس بالكرسي
و سند وفهد وتركي يسولفون ويضحكون
سعود ابتسم : اذا كنتي هنا عشان تعتذرين فتأخر الوقت
ريهام بعصبيه : ما اقدر اتحمل اسكت بعد الي سويته
سعود : انتي يابنت المغسله كذا تعتذرين من الناس ؟
ريهام : انت مو رجال , انا بعلمك كيف اعتذر على طريقتي
مسكت الاوراق الي كاتبها بخطه ومعلقها ع السبوره
حذفتها بوجه سعود
لفوا فهد وسند وتركي على سعود انصدموا
سعود وقف قدامها وحذف الاوراق بالارض : وش قلتي ؟
ريهام سوت حركة كارتين متعلمتها من زمان
عشان تحمي نفسها من اي ضربة تجي من سعود
ناظرها باستغراب : وش جالسه تسوين انتي ؟
ريهام وهي ترجع على ورى : انا قلتلك ماني ساكته بعد اليوم
نقزت وهي تصرخ و رفعت رجلها وعطته بوكس على فمه برجلها
طاح سعود على الارض ماسك فمه المليان دم
فهد غص بالمويه وجلس يضحك
سند يكلم فهد : فهيد تراك بتموت تغص وتضحك مدري كيف جايه ؟
فهد ضحك وهو يقطع : خ خ خطيره
سند منصدم من حركة ريهام قويه ضربته برجلها على فم سعود
تركي اكتفى ب ابتسامه صفراء
ريهام : عمرك شفتني اواعد شباب باي مكان , عمرك شفتني امسك يد شاب , شلون تتجرء تنشر هالاشاعات على بنت عفيفه ونقيه مثلي اذا مابعدت عني بأقتلك فاهم
راحت بسرعه ونزلت دموعها
اما فهد و تركي و سند خربوها ضحك وتعليق على شكل سعود
سعود للحين مو مستوعب بس يرمش

__

في مقر ال اف فور الي برا المدرسه
هاني يعزف و سند وفهد كالعاده بلياردو
اما سعود جالس على الكرسي ويضحك
سند يكلم فهد : وش الي يضحكه كذا مفرض يعصب
فهد : ريهام تجرأت و سوت ركله دائريه في وجه سعود الكاسر العظيم
سعود زاد ضحكاته
سند ابتسم : تصدقون من زمان ماضحكنا بالمدرسه صرت اروح للمدرسه متشوق اشوف ريهام وسعود بهالمتعه ,, بس سعود ماتذكرك ريهام بأحد ؟
فهد : معاك حق انا كنت افكر بنفس الشي .. مين هي ي ترا ؟
سعود مطنشهم لكن سمعهم قالوا بصوت واحد : نوني
لف سعود لهم بسرعه : وش , لا تمزحون
فهد : لالالا جد في تشابه بينها وبين ريهام
سعود : اي تشابه ؟ شلون تقارنون بنت الفقر بأختي ؟
سند : سواء كانت مثل اختك او لا لكن انت اكثر واحد تعرف ان بينهم تشابه بالعنف
سعود : اسكت
فهد : بس ليه تضحك قبل شوي ؟
سند : صار لك شي ؟
سعود ابتسم : مافهمتوا حركات ريهام مثلي ؟؟؟
فهد : وش ؟
سعود ضحك : هذي البنت استنتجت انها تحبني بس مو عارفه كيف تعبر ؟
فهد و سند : ايششش
تركي ابتسم : خف علينا انت واستنتاجك مثل وجهك
سند يضحك : من جدك كيف وصلت لهالاستنتاج الغبي
سعود : من جدكم مافهمتوها مو انتوا خبيرين بالبنات في الحب وكازنوفا .. البنات دايم يقولون عكس مشاعرهم رغم ان البنت مبين عليها تكرهني لكن هي مفتونه فيني حيل
فهد : كيف وصلت لهالشي ؟
سعود : لانها تحبني ماتبيني افهم غلط انها وسخه و راعية شباب جت بنفسها تأكدت لي انها نقيه وعفيفه
تركي مو عاجبه كلام سعود
فهد : العن ام الذكاء ياشيخ
سند : كيف مافهمتها انا

__

عند ريهام تمشي بحديقه المدرسه
وشافت حراس يتبعونها خافت
ركضت وهم وراها
طلع واحد قدامها : لقد تلقينا اوامر ان نحضرك للسيد حالاً
ريهام بتنطق لكن سحبوها بدت تصارخ لكن خلوها تشم المنوم ونامت

__


انتهى بارتي .. هو صدق انتهى ؟
ياويل حآلي تعبت تعب مو صآحي وآنآ آكتب
خلني آشوف رد مو حلو والله لازعل عليكم
سوري لاني ماكلمت روايتي القديمه
الله الله بالردود
رد مع اقتباس



إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
روايه بدون اسم من تأليفي اول مره أألف روايه [email protected] استراحة بورصات 1 28 - 11 - 2015 12:35 PM
روايه ضمني لصدرك كامله منتدى غرام Alein استراحة بورصات 0 24 - 09 - 2012 09:32 AM
روايه نهايه عاشق سعوديه رومانسيه2012 تحميل روايه نهايه عاشق txt روايه نهايه عاشق للجو [email protected] استراحة بورصات 0 04 - 08 - 2012 06:40 AM
صدقني تسوى ضمتك أغلى الهدايا [email protected] استراحة بورصات 0 06 - 05 - 2012 02:40 AM


09:58 AM