انا لسه جديد معاكم وان شاء الله اقدر اتعلم منكم حاجة جديدة
كنت عايز تحديث لصفقة الدولار ين
اللي انا فهمته ان هو كدا اعاد اختبار الترند لكن لم يغلق تحت الترند حتي الان صح كدا ؟!
معلش اخوكم لسه بيتعلم
تحت امرك يا معلم علي الاقل انت رديت في غيرك يرمي اللايك وشكرا علي كده ولما الصفقة تخسر يفتكروا انهم لازم يكتبلونا انها خسرت انما المكسب يبقي تمام بيتابعوه وخلاص لان ده حال اغلب الورش للاسف لكن مش هتفرق طالما صحابها بيستفيدوا وخلاص
ما علينا
عامة بالنسبة للزوج ده انا مش بشتغل عليه لكن محمد اكيد هيرد عليك في اقرب وقت ان شاء الله
بالتوفييق وتشرف اي وقت
في كذا ملاحظة وفي الغالب في جزء منهم ميخلوش الفرصة قوية اوي
1/ اغلب الفرص القوية في الترند الصاعد المكسور نفضل السعر يكون كسر السحابة الايشموكو والموفنج 62 الاكسبونشال تبعها لاسفل عشان نتاكد اننا في الاتجاه الهابط لكن للاسف
السعر كسر الموفنج و مكسرش لسه السحابة والسعر في الغالب جوه السحابة بيبقي متذبذب شوية ودي طبعا فلتر ضفناه للطريقة عشان نضمن الدخول الجيد
2/ تقاطع الموفنجات حاسس انه معملش زاوية كويسة للهبوط بعد التقاطع
يعني اتذبذب شوية بعد التقاطع ودي نقطة مهمة عايزين نتناقش فيها شوية نشوف الاصح انهي حالة
ويعتبر حالة الكيبل اللي فاتت اللي هي بتاعت الباوند دولار كان التقاطع مثالي لانه اتقاطع وعمل زاوية لتحت قبل الكسر علي طول
3/ بالنسبة للموفنجات العادية المهمة 55/100/200
هو كسر 55 وفي الطريق الي 100 و200 يعني اقصد مفيش حاجة منهم قدام السعر تعوقه
4/ بالنسبة للمؤشرات كلها داعمة الهبوط زي المومنتم والماكد ومؤشر الجولد
5/ بالنسبة للفيبو هيكون قدامه فيبو 23 بس لسه بدري عليه علي ما يقابله
السؤال اللي يحيرنا هل ندخل عشان تم كسر ترند قوي جدا جدا سواء في الارتكازات او في مدته او زاويته الجيدة عشان هو اتكسر وندخل بهدف الي ستوب 1/1
ولا بلاش وندخل علي الفرص القوية جدا اللي بنخلي فيها التيك ضعف الستوب ويكون كل الشروط متوفرة سواء القديمة او الجديدة اللي هي السحابة وكده وحكاية زاوية تقاطع الموفنجات؟؟
امتني نتشارك في الاجابة
الصفقة حققت هدفها اللي هو ضعف الستوب ووصلت لحوالي 150 نقطة مبرووووك
لكن انا مدخلتهاش لانها مكنتش كاسرة السحابة بتاعت الاشيموكو لكن كنا ممكن ندخل لما بدات السحابة تتكسر والستوب يتحط فوق الترند والهدف الضعف
الاهم نشوف انهي ازواج تحترم التحليل عشان نثبت عليها قدام ان شاء الله
فرصة علي فريم الساعه زوج يورو استرالي
ترند ارتكازين لكن قوي وكويس وزاويته جيدة ان شاء الله
وتم الكسر وتحققت جميع الشروط الاتية
1/ تم كسر سحابة الاشيموكو وموفنج 62 اكسبونشال لاسفل
2/ تم كسر مستوي 23 فيبو القوي
3/ المومنتم والماكد مأييدين البيع
4/تم التقاطع قبل الكسر
5/ تم كسر موفنج 55 و100 العاديين ويعتبر مستوي موفنج 200 القوي
بعيد عن السعر وتحته عند مستوي 50 فيبو اللي هو التيك بتعنا ان شاء الله
تم الكسر وانتظرنا اعادة الاختبار وتم الدخول من
1.4794
الستوي خلف الترند عند 1.4840
يعني حوالي 50 نقطة
والتيك حوالي 100 نقطة يعني الضعف
يعني عند مستوي 50 فيبو وموفنج افردج 200 عادي
الي الاهداف ان شاء الله
للاسف ضربت ستوب وانا شلت بالفعل الزوج ده من عندي عشان بيتذبذب كتير مش عشان ضرب ستوب
المهم حاليا بالنسبة للازواج اللي شغال عليه واللي شلتها كالتالي
اللي شغال عليها هي واثبتت نجاها في التحليل الحمد لله
يورو دولار (الزعيم)
استرالي دولار(اوزي)
دولار فرنك
دولار كندي
باوند دولار (كيبل)
نيوزلاندي دولار
يورو ين
باوند ين
نيوزلاندي ين
فرنك ين
استرالي نيوزلاندي
استرالي ين
كندي ين
استرالي فرنك
العدد 14
الازواج اللي شلتها للتذبذب وعدم احترام التحليل ده بالنسبة ليا طبعا يعني اقصد ممكن يكون غيري شغال عليها وده علي راحة كل واحد لكن هي ممشتش معايا لما طبقت شروط الاستراتيجية يعني
الخلاصة واللي احنا ماشيين فيه حاليا اننا نشوف في الاخر كام زوج بالظبط هنمشي عليه ونثبت عليه سواء جاب تيك (ضعف الستوب)
او ضرب ستوب
بعد ما نضيف الشروط النهائية من الاستراتيجية مع الشغل ده هيبان زي ما بان حاجات الحمد لله علي الديمو اللي شغالين فيه حاليا بالتوفيق للكل