الفطيرة الايطاليه
هالفطيرة اليمة اتعب وانا اقول لذيذة بشكل
واخذت طريقته من منتدى قريب
العجينه جابت لي 3 فطاير كبيرة /
3 ونص كأس دقيق
1 ملعقه كبيرة خميرة
2 ملعقه سكر
1 ملعقه حليب بودرة
ملعقه صغيرة ملح
3 ملاعق كبيرة زيت
ماء دافي للعجن تقريبا كاس وثلث
نعجنها زين ونخليها تخمر على مانحضر الحشوة
الحشوة عبارة عن
صدور دجاج مقطعه مكعبات
فلفل رومي
وبهارات مشكله
نشوح البصل مع الزين ونضيف الدجاج ولانشفت مويته نضيف البهارات
وقبل نسكر نضيف الفلفل الرومي
ناخذ قطعه من العجين ونفردة بس ماتصير رقيقة مرة
ونضيف الحشوة وفوقة جبن موزاريلا وجبن شرايح
وبالجهه الفاضيه نجيب قطاعه البيتزا ونسوي فتحات
نطبق العجينة ونسكر الاطراف ونشيل الزايد
ندهنة بالبيض مع شوي نسكافيه ونرشة بالبهارات الايطاليه
وندخله الفرن يتحمر على نار هاديه وبعد الفرن يقطع
وبالهنا والعافيه
. فطيرة الدجاج .
العجينة :
2 ونص كوب دقيق وممكن يزيد على حسب
نص كوب لبن ونص كوب مويه دافيه
ملعقه بكنج باودر + ملعقه خميرة فوريه
بياله زيت
4 ملاعق سكر ورشة ملح
نعجن العجينة ونخليها ترتاح ساعتين والافضل تكون العجينة رقيقه وخفيفه مو قاسيه
وعقب ناخذ صينية التوست الطويله ونحط نص العجينه فيها
ونضيف عليها الحشوه اللي نبيها انا سويت الحشوه هنا لحم مفروم
وعقب نضيف العجينة الباقيه على اللحم ونقفلها زين مع الاطراف
وندهنها ببيض ونرش عليها اوريقانو
وندخلها الفرن من تحت حتى تستوي ونولع من فوق تتحمر شووي
وعقب طلعيها وغطيها وخليها ترتاح 15 دقيقه
وقطعيها وقدميها بالعافيه
طريقة الدجاج المفروم :
نكشن بصله بشوي زيت وعقب نضيف الطماط والبهارات وملعقه معجون طماط
ونضيف الدجاج المفروم ونخليه يستوي
واذا استوى اللحم نضيف عليه بقدونس مقطع صغار
.. لاتضيفي البقدونس الا اذا صارت الحشوه بارده علشان مايذبل البقدونس ..
لذيذه جد جربوهااا 
التعديل الأخير تم بواسطة خادم القرآن ; 04 - 10 - 2013 الساعة 11:29 AM 
فطائر لذيذه وشهيه
المواضيع المتشابهه 
1Likes