• 12:39 مساءاً
logo




هل عادل امام مسيحي أو مسلم

إضافة رد
عضو فـعّـال
تاريخ التسجيل: Feb 2014
المشاركات: 1,444
معدل تقييم المستوى: 8
Miss_Dior is on a distinguished road
09 - 03 - 2014, 09:43 PM
  #1
Miss_Dior غير متواجد حالياً  
افتراضي هل عادل امام مسيحي أو مسلم








بدأ الأمر بنشر صور للفنان "عادل إمام" وهو يرتدي ملابس رجل دين مسيحي ضمن دوره في فيلمه الجديد "حسن ومرقص"..
عادة لا يمكن التوقف كثيرا أمام هذه الصور..
فنان وبيمثل..
عادي يعني..

لكن الأمر لم يمر ببساطة هكذا طبعا!..
نشر أحدهم الصور على أحد المواقع الإلكترونية بعنوان ضخم

(عادل إمام يعتنق المسيحية)!!...




ثم تعليق صغير جدا جاء موحياً للغاية:
"شاهدوا هذه الصور للفنان المصري "عادل إمام" وهو يرتدي سلسلة الصليب، برأيكم لماذا يضع "عادل إمام" الصليب ويتوسط الرهبان؟"

لم يقل أنه يقوم بدور في فيلم.. لم يقل أنه بيمثل فقط "سخّن" الناس ثم عاد إلى حال سبيله..

وبحسب العدد المنشور على هذا الموقع فإن عدد من قرأوا هذا الخبر وصل لأكثر من 56 ألف بني آدم!

ورغم أن الموضوع لا يحتمل التعليق لكن الصور اجتذبت ما يقرب من 31 قارئاً للتعليق..

الصدمة..
أن أغلبهم تعاملوا مع الأمر على أن "عادل إمام" أصبح مسيحي بجد!
بل إن هناك من راح يدعو له بالهداية!

ثلاثة أو أربعة من القراء فقط هم من كادوا يجذبون شعرهم وهم يصرخون:
"يا ناس.. الراجل بيعمل دور رجل دين مسيحي في فيلم جديد.. يبقى بقى مسيحي إزاي؟!"..

بس أبدا.. برضه جاءت تعليقات أخرى تدعو لـ"عادل إمام" بالهداية، وهناك من ذهب للحسبنة عليه!

متصور إن الأمر ما زادش عن كده؟
ما كُنّاش كتبنا عنه حضرتك!

الخبر انتشر كانتشار النار في الهشيم..
وموضوع إن "عادل إمام" تحول للمسيحية تطور لدرجة إن مجموعة من الشباب كوّنوا جروب على الفيس بوك باسم "نداء إلى كل المسلمين.. قاطعوا المسيحي "عادل إمام"!!

صحيح أن العدد الذي انضم للجروب مش كتير خالص 24 عضو بس..
وصحيح إن صاحب الجروب هو شاب سعودي..

لكن فكرة إن حد يقتنع أصلا بأن "عادل إمام" تحوّل للمسيحية لمجرد أنه يقوم بتجسيد شخصية رجل دين مسيحي في فيلم معناه إن فيه حاجة غلط!

مش كده وبس........
الفنان "خالد صالح" كان لُه نصيب برضه بعدما قام بدور الشيطان في فيلم (الريس عمر حرب)!




صحيح إن مفيش حد عمل له على الفيس بوك جروب بعنوان "قاطعوا الملحد "خالد صالح"..

لكن فيه شائعة انتشرت تقول أنه أصبح ملحدا -أي بلا دين-...
وذلك لأنه جسد شخصية الشيطان في فيلم (الريس عمر حرب) لدرجة أن أكتر من صحفي سأله السؤال ده في أكثر من حوار صحفي.. هل أنت ملحد؟!

حاجة غريبة جدا طبعا..
وأتخيلك مندهش جدا من أن طريقة التفكير ودرجة الوعي وصلت عندنا للحد ده.......

لأن كل واحد مسلم بيعمل دور واحد مسيحي في فيلم معناه إنه أصبح مسيحي..

ولو كل واحد مسيحي بيعمل دور واحد مسلم في فيلم بقى معناه إنه أصبح مسلم..

ده معناه بكل بساطة إن الفنان الراحل الكبير "محمود مرسي" من كفار قريش؛ لأنه ظهر بدور واحد من كبار الكفار في فيلم (فجر الإسلام)!!

وأن الفنان الراحل "يوسف وهبي" تحول إلى شيطان؛ لأنه جسد دور الشيطان في فيلم (سفير جهنم)!

صحيح إن خبر مسيحية "عادل إمام" انتشر على موقع عربي مش مصري..
وأن الذي أنشأ الجروب المهاجم له على الفيس بوك سعودي مش مصري..

بس ده ما يمنعش إن الفكرة لاقت تجاوبا لدى بعض المصريين "بعض" صحيح مش "كثير" أو "معظم"..






هل عادل امام مسيحي أو مسلم


بس برضه التجاوب أيا كانت درجته مع فكرة زي دي أمر يقلق جدا ويخليك تسأل:
ليه ما طلعش حد وهاجم "يوسف وهبي" ولا "محمود مرسي" واتهمهم بالكفر لما قاموا بدور الشيطان أو كفار قريش من ييجي أكتر من 50 سنة؟!

هو إحنا في تفكيرنا بنطلع لقدام ولا بنرجع لورا؟؟

وبغضّ النظر عن كون تمثيل "عادل إمام" أو "خالد صالح" بيعجبك أو لأ.. وبغض النظر عن كونك معجب بشخصياتهما وآراءهما أو لأ..

مش شايف إن اللعب في منطقة الأديان دي بقى كتير قوي؟!

وإن فيه مشكلة حقيقية عندنا تخلينا مهتمّين جدا إننا نعرف ديانة الشخص الأول، وعلى أساسها نقيّمه ونقيّم عمله.. بغضّ النظر بقى إذا كان عمله ده كويس ولا وحش؟!

مش برضه الدين ده حاجة بين العبد وربه؟
يبقى ليه دايما بنفتّش جوا بعضنا؟


تفتكر إيه السبب


في إن كتير من المصريين


أصبحوا متشددين في جزئية الأديان دي..



وده اللي بيخليهم مثلا يفرقعوا موضوع

زي "عادل إمام" المسيحي و"خالد صالح" الملحد

رغم إن حاجة زي كده المفروض -عقليا-

يكون النقاش فيها مغلق أصلاً..


قلت لنا السبب إيه؟



هل عادل امام مسيحي أو مسلم

التوقيع

s i g n a t u r e
رد مع اقتباس



إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
عادل امام مسيحي ام مسلم Miss_Dior استراحة بورصات 0 09 - 03 - 2014 09:16 PM


12:39 PM