
رد: مره اخرى نعود ( للربح السريع ان شاء الله ) اسكالبينج
اقتباس:
المشاركة الأصلية كتبت بواسطة محلل فنى وكلاسيكى
الموضوع اصبح فى طى الاهمال ولا يوجد اى تفاعل ولا تشجيع ..
طيب نطرح حاجه تانيه على الاعضاء لعلنا نجد استفاده وتشجيع اكتر ..
هذا كشف الحساب الذى طرحته فى الموضوع سابقا وقد ربح فى 4 ايام فى حدوؤد 60 % من الرصيد الاساسى .. ؟ وهذا شئ رائع ؟؟
الان اريد منكم ان تتعبوا وتفكروا شويه وتقوليولى رايكم فى الاتى ..
ما علاقه الصفقات على الحساب المطروح وبين الاستراتيجيه بنسختها الاولى التى تم وضعها هنا فى الموضوع ..
ملحوظه اذا وصلت لهذه العلاقه سوف تكون وصلت الى اخر نقطه فى الموضوع وسوف تجد بين يديك طريقه مربحه جدا جدا قد تغير حياتك بامر الله ..
ولكن احتاج منكم ان تفكروا واحتاج ان تقولوا انتم عن العلاقه احتاج
الى اراء الاعضاء ومحاوله تطويرهم واريد ان ارى اقتراحات كثيره ولمن يعرف هذا هو الطريق الاساسى لهذا السوق ..فغرضى من هذا كله ان اجعلكم تبتكرون الطرق الخاصه بكم عن طريق تفكيركم انتم فقط ولا تكونوا كباقى الاشخاص التى تدخل لتبحث عن استراتيجيه لتعمل بها وفى النهايه تجدها خاسره .. وتخسر اموالها ..
اريد ان تبتكروا وتتعمقوا بتفكيركم فى هذا السوق وكيفيه الوصول الى الربح بشتى الطرق واذا لم تنجح مره او اثنين او ثلاثه او مئه مره حتى لا تياس فمع الاصرار وعدم الياس والجهد المتواصل واصرارك على الوصول لهدف معين سوف تكون النهايه والنتيجه هى الوصول الى هدفك ان شاء الله .. ولكن لا شئ ياتى بسهوله لان ما ياتى بسهوله يضيع بسهوله .. وهذا غرضى من طرح الموضوع كما قلت فى البدايه وهو ليس من مجرد طرح استراتيجيه او اكسبيرت او طريقه عمل بل هى دعوه للتفكير والاستشارات بين الاعضاء وبعضها للوصول الى افضل الاراء والافكار التى قد تساعدنا لايجاد اشياء مميزه ...
اتمنى ان اسمع ارائكم فى هذا الموضوع واتمنى ان اجد تفاعل جاد من الاعضاء جميعا ..
مرفق كشف حساب للصفقات على الحساب للناس اللى مشافتش الحساب قبل كده ..
شكرا
السلام عليكم ورحمة الله وبركاته
اخى الفاضل
انا طبعا سبق ليا ودخلت على موضوعك وتابعت استراتيجيتك
وقولتلك رائى لو تفتكر
بس انتا سالت دلوقتى ليه الناس مش متفاعلة مع الموضوع
انا هحكيلك حاجة حصلت معايا انا بصفة شخصية وبناء عليه هتبقى فى حكايتى اجابتى على سؤالك
انا من سنتين روحت محاضرات فى احد المراكز كانو محاضرتين ب 700 جنيه
كل محاضرة ساعة ونص المهم
سيبك من اول محاضرة دى كانت الف به
المحاضرة التانية بقى
المحاضر المحترم فضل يشرحلنا فى مؤشر الفليوم
خد معاه شرح متواصل اكتر من ساعة
بعد ما شرحة وزهقنا كلنا
قالنا بس انا انصحكم نصيحة اخ اوعو تشتغلو عليه !!!!!!!!!!!!!!!!!!!!!!!!!!!!!!!!!!!!!!!!
طبعا كلنا سالناه ليه
قال لان مؤشر الفليوم بيعبر عن الشركة اللى انتا بتتعامل معاها فقط لكنه لا يعبر عن السوق
طبعا احنا كلنا كنا عاوزين نقوم نعلقله المشنقة وانا بصفة خاصة لان هما كلهم كانو مش عارفين اى حاجة
انما انا كنت رايحة على امل اتعلم تحليل فنى
ياريت تكون فهمت قصدى بعد كل الرغى بتاعى ده
ياعزيزى احنا كلنا اهتمينا بموضوعك
بس ما ينفعش تقولى خدى اللقمة دى كليها واول ما ابدا اكلها تقولى لاء اوعى تاكليها دى مش حلوة انا عندى لقمة احسن بس هديهلك لما تبقى تقوليليى اللقمة دى وحشة ليه
بتاسفلك على صراحتى
بس صدقنى المشكلة مش فى المتلقى
شكرا لك واتمنى اننا جميعا نتعاون مع بعض ونكون دائما الافضل
ارجو تقبل مرورى