كيف اشترى أسهم فى مشروع قناة السويس الجديد ؟

لقد بحثت على شهادات الاستثمار سواء الادخار او تمويل مشروع مثل قناه السويس وكان النتيجه كالتالى

التوقيع

اقتباس:

المشاركة الأصلية كتبت بواسطة mody20041

الخبر صحيح
بعمليه حسابيه بسيطه يعنى ربح سنوى = 28 % من راس المال يعنى افضل من صناديق الاستثمار و البنوك واضمن من الفوركس كمان
المشكله الاساسيه ان الفائده دى حلال ولا حرام

لا حضرتك .. النسبة 12 % في السنة كلها

ولكن تصرف الربح كل 3 شهور مش كل سنة

يعني لو الربح الف جنيه في السنة هتستلم كل 3 شهور 250 جنيه

اتمني ان الخبر القادم ان الاكتتاب يكون اسهم او ان السندات دي تحول لاسهم بعد فترة

التوقيع

" لا تفرح بما آتاك ولا تحزن علي ما فاتك "

سبحان الله وبحمده ،،،، سبحان الله العظيم

السلام عليكم

هل هناك دراسة استطيع ان اقرائها حول المشروع .. هل هو توسعة لمجرى القناة وزيادة طول شرق التفريعة ام ان هناك مشروعات لوجيستية ستقام على جانبى القناة ... يعنى يوم التدشين بصراحة انا مفهمتش حاجة هو مشروع تنموى ولا زيادة شرق التفريعة لان كل المتحدثين كانوا غير متخصصين وكنت اتمنى ان من يعرض المشروع هو بيت الخبرة المسؤول عن التنفيذ .. لم يعرض حتى الان تكاليف المشروع ومدة التنفيذ وقيمة الاكتتاب المستهدفة .. طبعا الكوميديا اللى اتقالت من السيسي حول تنفيذ المشروع كانت ثلاث اعوام وتم ضغطها في عام هذا كلام مضحك وكوميدى ويقال لمجموعة من الخراف او النعاج وليس لشعب مصر او لا مستثمر اجنبي يريد الاستثمار في المشروع
ياريت لو في اى رابط لدراسة الجدوى او اليات العمل اكون شاكر جدا لا بالفعل لا يوجد اى بيانات او اوراق جاده حول المشروع يمكن قرائتها او بناء تصورات اقتصادية او استثمارية عليها

السلام عليكم ورحمة الله وبركاته .,

بما ان الموضوع ممكن اقول رأيي الاقتصادي فيه بعيدًا عن السياسة ..

وقبل كل ذلك تحياتي لكل المشاركين في الموضوع وعلى رأسهم مشرفنا العزيز أحمد ريان ..

طبعا الموضوع انا شايفه من فترة بس محبتش اشارك قولت لحسن كلامي يتفهم غلط بس طالما الموضوع مفتوح للنقاش الاقتصادي يبقى من حقي اني اتكلم واقول وجهة نظري الاقتصادية ( بما اني بكالريوس اقتصاد وإن شاء الله السنة دي تمهيدي ماجستير في الاقتصاد )

اولا بالنسبة للمشروع لابد وان يكون هناك دراسة جدوى معلنة للمشروع يتم توضيح فيها كافة اجزاء دراسة الجدوى من حيث : -

- دراسة الجدوى القانونية .
- دراسة الجدوى الاجتماعية .
- دراسة الجدوى البيئية .
... إلى أخره .

ومن ثم يتم معرفة مصادر التمويل الممكنة والفعلية ( والتي لا أراها حتى الان على الرغم من البدء في الحفر ؟!! )

ومن ثم بناء على ذلك يتم توضيح المدة التي من المتوقع ان يسترد المشروع رأس ماله فيها ..

ومن ثم يتم تحديد العائد المتوقع سنويًا من المشروع ..

ومن ثم يتم تحديد حجم الارباح المتوقعة ..

ومن ثم يتم دراسة اثر هذا المشروع على المشروع القائم بالفعل وهو قناة السويس وهل سيكون هذا الاثر ايجابي سلبي أم سلبي سلبي أم ايجابي إيجابي أم سلبي إيجابي ( وطبعا هذا غير مقبول )

هذا فيما يخص دراسة الجدوى ..

-----------------

الجزء الثاني فيما يخص المدة الفعلية لتنفيذ المشروع

وقد اُعلن انه تم ضغط مدة المشروع من اعوام إلى عام واحد ..

وهذا اقتصاديا ليس شيء جيد على الاطلاق

لأنه عندما تريد انجاز عمل في وقت اقل لذلك عليك دفع الكثير من المال ( اضعاف ) وياريت اللي يرد في النقطة دي يكون رد اقتصادي بالبيانات ..

----------------------

اما بالنسبة للجزء الخاص بمسمى الاسهم أو الشهادات ..

فإن كانت اسهم فهذا اقتصاديا غير مقبول ( ضحك على الدقون ) لأن مينفعش نعمل اكتتاب على مشروع غير قائم ( شركة فعلية ) وإن كانت اسهم فهذا لا يجوز ايضا لأن الاسهم لا توزع عليها أي فوائد بل تكون نسبة من الارباح المتوقعة للشركة وهذا ايضا غير موجود لأن مفيش شركة .

وإن كانت شهادات فهذا يدخلنا في مجال الربا وغير ذلك وانا مش أهل اني اتكلم في حاجة زي دي

----------------

وهناك اشياء اخرى سنتحدث عنها لاحقًا

تقبلوا تحياتي واسبوع موفق للجميع إن شاء الله

التوقيع

اقتباس:

المشاركة الأصلية كتبت بواسطة muslim4ever

السلام عليكم

هل هناك دراسة استطيع ان اقرائها حول المشروع .. هل هو توسعة لمجرى القناة وزيادة طول شرق التفريعة ام ان هناك مشروعات لوجيستية ستقام على جانبى القناة ... يعنى يوم التدشين بصراحة انا مفهمتش حاجة هو مشروع تنموى ولا زيادة شرق التفريعة لان كل المتحدثين كانوا غير متخصصين وكنت اتمنى ان من يعرض المشروع هو بيت الخبرة المسؤول عن التنفيذ .. لم يعرض حتى الان تكاليف المشروع ومدة التنفيذ وقيمة الاكتتاب المستهدفة .. طبعا الكوميديا اللى اتقالت من السيسي حول تنفيذ المشروع كانت ثلاث اعوام وتم ضغطها في عام هذا كلام مضحك وكوميدى ويقال لمجموعة من الخراف او النعاج وليس لشعب مصر او لا مستثمر اجنبي يريد الاستثمار في المشروع
ياريت لو في اى رابط لدراسة الجدوى او اليات العمل اكون شاكر جدا لا بالفعل لا يوجد اى بيانات او اوراق جاده حول المشروع يمكن قرائتها او بناء تصورات اقتصادية او استثمارية عليها

اقتباس:

المشاركة الأصلية كتبت بواسطة dr_mro

أتفق تماماً مع أخي " بشائر الخيرات "

الاقتصاد و السياسة لا يمكن فصلهما عن بعضهما ..

فيا ريت ما تعتبرش مشاركتي دي سياسية يا أستاذ أحمد ريان .. أنا هسأل في كام نقطة

اقتصاديسياسية

....

* أول سؤال .. لما السعة المرورية للقناة حالياً أكترمن الحد الأقصى للسفن اللي بتمر من القناة .. يبقى ايه لزمة حفر قناة جديدة ؟!! مش الأولى هو تنمية القناة اللي موجودة بالفعل مادام مكفية السفن و
زيادة ؟!!!!

مين قلك ان قناه السويس تقدر تستوعب زياده حجم التجاره العالميه الحاليه والمستقبليه انتظار السفن وصل حاليا الى 11 ساعه


و لو كان تنمية القناة محور من المشروع .. يبقى ليه العجلة في الحفر ؟!! مش عارف مين قال 3 سنين فالسيسي قال لأ هي سنة واحدة !!!

العجله فى الحفر لان الحفر تقريبا 10% من المشروع والحفر ليس المشروع كله

* إنت شايف إن المشروع ده - و هو طبعاً مشروع كبير جداً لو كان تنمية قناة السويس مش حاجة تانية - متخطط له صح ؟!!!
أنا عشان أعرف و أحاول أفهم المشروع ده دورت كتير عالنت لغاية ما قدرت أكون صورة عن اللي هيحصل .. و فيه تضارب كبير في المعلومات حسب توجه اللي بيكتب ..
فهل فيه مشروع كبير - المفروض إنه مشروع قومي - يبدأ البداية العشوائية دي و يتوقع نجاحه ؟ أو تغامر بفلوسك فيه ؟

مين قلك بدايه عشوائيه القوات المسلحه تعمل بالتوازى بشق شبكه الطرق والبنيه التحتيه للمشروع ككل وفى نفس الوقت حفر 53 كيلو متر مع مده زمنيه عام واحد للمرحله الاولى ومنها مرحله ثانيه ومرحله ثالثه والمشروع مخطط له 5 اعوام على الاقل

* أسهم و لا سندات و لا شهادات استثمار ؟!! مشروع هيقيد في البورصة يعني شركة مساهمة و لا مش هيقيد ؟!!
أنا بجد مش عارف .. الحكومة عايزة الناس تدفع من غير ما حد يفهم

المرحله الاولى مرحله حفر وتوسعه القناه وتكتفى الدوله بتمويلها من خلال شهادات الاستثمار لانها اسرع وسيله للتمويل حاليه مع فائده لن تتحملها الدوله بزياده الدين الداخلى فقد تم الاتفاق على دفع الفائده من ارباح قناه السويس الحالي وفى مراحل طرح منطقه التنميه اللوجستيه من شركات عملاقه سوف يتم عمل شركه قابضه وطرح الاسهم فى البورصه
* لو الصورة دي صح



يبقى ده اسمه ايه ؟!!
تفريعة جديدة نسميها قناة سويس جديدة ؟!!!
لو الموضوع تنمية قناة السويس يبقى شيء جيد جداً .. حتى لو تحت اسم مستعار لأسباب سياسية قذرة .. لو غير كده يبقى يا ريت نفهم



أنا دراستي مش اقتصاد .. فأتمنى لو فيه حاجة أنا مش فاهمها صح توضحهالي ..
طبعاً لو الموضوع هيبقى شهادات استثمار بعائد ثابت فخلاص دخلنا في الفايدة الثابتة و الربا .. لو غير كده يا ريت نفهم عشان نشارك

تقبل تحياتي

اقتباس:

المشاركة الأصلية كتبت بواسطة Mostafa Elyamny

السلام عليكم ورحمة الله وبركاته .,

بما ان الموضوع ممكن اقول رأيي الاقتصادي فيه بعيدًا عن السياسة ..

وقبل كل ذلك تحياتي لكل المشاركين في الموضوع وعلى رأسهم مشرفنا العزيز أحمد ريان ..

طبعا الموضوع انا شايفه من فترة بس محبتش اشارك قولت لحسن كلامي يتفهم غلط بس طالما الموضوع مفتوح للنقاش الاقتصادي يبقى من حقي اني اتكلم واقول وجهة نظري الاقتصادية ( بما اني بكالريوس اقتصاد وإن شاء الله السنة دي تمهيدي ماجستير في الاقتصاد )

اولا بالنسبة للمشروع لابد وان يكون هناك دراسة جدوى معلنة للمشروع يتم توضيح فيها كافة اجزاء دراسة الجدوى من حيث : -

- دراسة الجدوى القانونية .
- دراسة الجدوى الاجتماعية .
- دراسة الجدوى البيئية .
... إلى أخره .

ومن ثم يتم معرفة مصادر التمويل الممكنة والفعلية ( والتي لا أراها حتى الان على الرغم من البدء في الحفر ؟!! )

ومن ثم بناء على ذلك يتم توضيح المدة التي من المتوقع ان يسترد المشروع رأس ماله فيها ..

ومن ثم يتم تحديد العائد المتوقع سنويًا من المشروع ..

ومن ثم يتم تحديد حجم الارباح المتوقعة ..

ومن ثم يتم دراسة اثر هذا المشروع على المشروع القائم بالفعل وهو قناة السويس وهل سيكون هذا الاثر ايجابي سلبي أم سلبي سلبي أم ايجابي إيجابي أم سلبي إيجابي ( وطبعا هذا غير مقبول )

هذا فيما يخص دراسة الجدوى ..

-----------------

الجزء الثاني فيما يخص المدة الفعلية لتنفيذ المشروع

وقد اُعلن انه تم ضغط مدة المشروع من اعوام إلى عام واحد ..

وهذا اقتصاديا ليس شيء جيد على الاطلاق

لأنه عندما تريد انجاز عمل في وقت اقل لذلك عليك دفع الكثير من المال ( اضعاف ) وياريت اللي يرد في النقطة دي يكون رد اقتصادي بالبيانات ..

----------------------

اما بالنسبة للجزء الخاص بمسمى الاسهم أو الشهادات ..

فإن كانت اسهم فهذا اقتصاديا غير مقبول ( ضحك على الدقون ) لأن مينفعش نعمل اكتتاب على مشروع غير قائم ( شركة فعلية ) وإن كانت اسهم فهذا لا يجوز ايضا لأن الاسهم لا توزع عليها أي فوائد بل تكون نسبة من الارباح المتوقعة للشركة وهذا ايضا غير موجود لأن مفيش شركة .

وإن كانت شهادات فهذا يدخلنا في مجال الربا وغير ذلك وانا مش أهل اني اتكلم في حاجة زي دي

----------------

وهناك اشياء اخرى سنتحدث عنها لاحقًا

تقبلوا تحياتي واسبوع موفق للجميع إن شاء الله

بالنسبه للمشروع فهو مطروح منذ اعوام كثيره واللى طرحه كان حكومه الجنزورى وده سبب وجوده بجوار رئيس الجمهوريه فى افتتاح المشروع الجديد

محاوله حكومه هشام قنديل السابقه اعاده طرح الموضوع كان عباره عن اقامه منطقه لوجيستيه فقط تنمويه على ضفاف القناه دون توسعه المجرى الملاحي

تنفيذ حكومه محلب للمشروع هذا العام بتوصيات من هيئه قناه السويس بضروره توسعه مداخل المجرى الملاحي من البحر المتوسط والى البحيرات المره بحيث يكون هناك مجرى ملاحي مزدوج يجعل من انتظار المراكب العابره للقناه تنتظر 3 ساعات فقط بين كل سفينه والاخرى بدلا من الوقت الحالى 11 ساعه الامر الذى جعل اسرائيل تفكر بمجرى ملاحى او حتى سكك حديده فى اسرايل لخليج العقبه للحد من بطيء قناه الويس وضيق المجرى الملاحي وطول فتره رحله السفن فى العبور


ولذلك سوف يتم عمل مجرى ملاحى جديد بطول 72 كيلو منهم 53 كيلو حفر على الناشف والباقي توسعه المجرى المائي
وكان من المقرر حفر ال 53 كيلو دول فة 3 اعوام ومنها رأى الرئيس السيسي ان مجرد الحفر على الناشف ممكن انجازه فى عام واحد وقالهم هفتتح المرحله الثانيه العام القادم اللى هي توسعه حوالى 20 كيلو متر فى المجرى الملاحى نفسه

وده يثبت ان ما يعرضه الاخ muslim4everمع اسائه كبيره جدا كتبها

المشروع الان مقسم على 3 مراحل العام الاول 53 كيلو متر حفر فقط والعام القادم توسعه المجرى الملاحي بطول 20 كيلو متر تقريبا
والعام الثالث طرح المشروعات الوجيستيه والتنمويه وهتكون تحت اطار شركه قابضه يتم طرح 51% للدوله و20% للمؤسسات الماليه الوطنيه وباقي النسبه اسهم للاكتتاب للشعب

ذلك ومن العام الحالى وبالتوازى مع الحفر يتم تنفيذ البنيه التحتيه وشبكه الطرق والتى مكلف بيها الهيئه الهندسيه للقوات المسلحه وجزء منها انشاء 6 انفاق اسفل القناه لتسهيل الحركه التجاريه للقاهره

بالنسبه للاخ هانى تم الرد على الاسئله بالاقتباس باللون الاحمر

التوقيع

اقتباس:

المشاركة الأصلية كتبت بواسطة dr_mro

أولاً .. شكراً لردك المفصل و السريع يا باشا

ثانياً .. مين هاني ؟ أنا اسمي محمد

ثالثاً .. إساءة الأخ muslim4ever كان المفروض تحذف .. على الأقل في الاقتباس يا كبير

رابعاً .. ده لنك لمجموعة أسئلة تخص الموضوع ..

أقتبس جزء منه
"-لماذا لن يتحقق العائد من مشروع الحفر والتعميق على المدى القصير؟
السعة المرورية للقناة 78 سفينة يوميا، وحاليا عدد السفن التي تمر بالقناة يصل إلي 46 سفينة يوميا في المتوسط، وهو ما يدل علي إنها لم تصل للسعة المرورية الحالية للقناة وبالتالي لن يرتفع عدد السفن، أو العائد من القناة بمجرد حفر التفريعة الجديدة، وزيادة رسوم المرور مرتبط بالتجارة العالمية، ولكن الضمان الوحيد لزيادة العائد هو وجود تنمية اقتصادية متكاملة في منطقة المحور تعطيها قيمة اقتصادية مضافة للتجارة العالمية، كما تقول الجبهة الشعبية لمحور قناة السويس."

ده من مصادر الكلام عن سعة القناة و السفن اللي بتعدي فيها ..

شكراً مرة تانية لتوضيح الصورة

لو انت مقتنع بالكلام ده
ليه اسرائيل عايزه تعمل قناه موازيه او سكك حديد ؟؟

لماذا انتظار السفن يصل الى 11 ساعه ؟؟

اخى الكريم مسئله توسعه الممر اسلوب ناجح جدا للتجاره العالميه ككل بسبب زياده التبادل التجارى مع الصين ودول العالم والحركه المستقبليه قد تعيق تحركات القناه فى المستقبل
هذا مشروع القرن بالنسبه لمصر وتوسعه القناه يعادل 10% من المشروعات التنمويه على ضفافه

اخيرا قناه السويس اكبر دخل اجنبي لمصر تقريبا 5 مليار دولار سنويا بمقارنه بسيطه من 10 اعوام كانت 2 الى 3 مليار سوف تعرف ان حجم العبور ذاد جدا وتضاعف

الارباح المتوقعه من كل المشروع قد تصل الى 12 مليار دولار
والعمل سوف ينتهى تقريبا بعد 5 اعوام

اما من يحكم على مشروع من بدايته خصوصوا مع اهميه وعالميه قناه مثل قناه السويس بكلام سلبي
اقول له لا تستثمر بها ولا تضح فلوسك بها


عن نفسي انا والعائله سوف ندعم المشروع وهنشترى شهادات استثمار المرحله الاولى ومع طرح المرحله الثانيه والثالثه كشركه قابضه سوف نبيع الشهادات (وهي آجل 5 اعوام ) ونشترى اسهم

بالتوفيق لكل من يستثمر فى اكبر مشروع قومى فى مصر تعادل قيمه المشروع 8 الى 10 مليار دولار لانشائه والعائد المتوقع سنويا 12 الى 13 مليار ان شاء الله

يارب مصر وفقها لما فيه الخير

التوقيع

اخي الكريم اجاوبك على نقطة نقطة اقتصاديا

1- مصادر التمويل : - معروف طبعا ان اي شركة فى الدنيا لما بتحب تتوسع تبحث عن مصادر تمويل للتوسعات طيب ايه هي اهم مصادر التمويل المتاحة ؟! يا اما من الشركاء فى حالة كانت مساهمة مقفلة او طرح اسهم للاكتتاب العام او الدين " سندات"

طيب على اي اساس تحدد الشركة مصدر التمويل المناسب لها ؟ على اعتبارات كتيرة اهمها تكلفة التمويل ومخاطر التمويل .... طبعا معروف ان ارخض مصادر التمويل هو الاسهم عشان مش مطلوب منك ترد القيمة الاسمية او انك ملزم انك تدفع ارباح كل سنة ولكن يقابلها مشاكل من ناحية الملكية وفى حالة قناه السويس طبعا اعتقد ان ده كان السبب الرئيسي فى الغاء فكرة طرح اسهم " مخاطر سيادية " تسمى Sovereignty Risk < ... يبقى البديل الاغلى هو المتاح اللى هو السندات . ولكن لها مخاطرة اكبر انك ملزم ترد القيمة الاسمية بالاضافة الى دفع ارباح سنويا على السند , بالاضافة الى المخاطر السيادية لان السندات لها سوق وتباع وتشترى .. وقيمتها بتطلع وبتنزل حسب سعر الفائدة وقصه طويلة عريضة فبرده حل مش مناسب ... يبقى ايه الحل ببساطه شهادات ادخار زي بتاعت البنوك هى فكرتها اقرب للسندات ولكن قانونيا لاتضمن مطالية فى ملكية القناه فى حالة الافلاس Claims on Assets وده الفرق الوحيد اللى بينها وبين السندات .... فهمت الفكرة ؟!!!

2- دراسات الجدوى :- المشروع قائم بالفعل ومعمول دراسات جدوى عنه من زمااااااان وانت عندك بالفعل دخل بيتحقق من قناه السويس يعادل 5 مليار سنويا فبالتالى انت مش مطلوب منك تعمل دراسات جدوى من اول وجديد لانها موجودة بالاضافة الى ان المشروع يعمل ,

3- مين قلك ان مش ممكن تعمل اصدار لاسهم على مشروع غير قائم ؟!!! ممكن فى حالات معينة اذا توفرت دراسات جدوى اقتصادية تضمن تحقيق ارباح وده فى العالم كله مش فى مصر بس يعنى وان كنت اعتقد انه غير مسموح به فى مصر . و بالنسبة لقانون سوق المال المصري بيسمح حتى للشركات الخاسرة طرح اسهم للاكتتاب بشرط توفر خطه عمل واضحة للتحول للربحية فى مدى 3 سنوات تقريبا او فى فترة محددة لا اتذكرها . فما بالك بمشروع قائم اصلا بيحقق ارباح بالاضافة الى عدم وجود منافس من الاساس ؟!!!

4- برده من قالك انك عشان تضغط مده المشروع محتاج تصرف اضعاف المبلغ ؟!!!!! مش شرط على فكرة اقرا Project Management ودور على حاجة اسمها Pert Chart و Gantt Chart و شوف فيه حاجة اسمها Critical Path هى دى المهمة , وده اسلوب متبع فى كل المشاريع على فكرة مش حاجة نظرية يعنى .... الفكرة كلها انها ممكن تضغط وقت عمل المشروع لاقل وقت بالنظر الى المسار الحرج " اطول وقت " . مفيش مجال هنا لشرحها دور على النت واقرا عنها ...

5- اخيرا سؤال بسيط لو عندك محطة بنزين تستوعب فى اليوم 1000 عربية تمون ولكن يدخل فيها 500 عربية فى ال 24 ساعة هل تعتقد انك وصلت للطاقة الاستيعابية اكيد لا .. لكن لو عرفت ان فيه 500 عربية بتقف فى الطابور بره مستنيه تمون هتستنج ايه ؟! ان فيه مشكلة فى عدد الضخات وليس فى مساحة المحطة ... هو ده بالظبط قناه السويس .... المشكلة الرئيسية فى القناه انها اتجاه واحد بالبلدي كده من الساعة كذا ل كذا اللى جاى من الجنوب هو اللى يعدى و بعدين اللى جاى من الشمال يعدى من الساعة كذا الى كذا و وكل ده من الشروق لحد الغروب السفن مش بتمشي فى القناه 24 ساعة النتيجة ان عندك سفن بتفضل واقفة طول الفترة دى مستنيه دورها , و الرسوم على المرور تتحصل فقط عند العبور يبقى النتيجة انك بتهدر دخل كبير فقط فى الانتظار ... وصلت ؟

اخيرا في نقطه مهمة جدا مش عارف الكل بيغفل عنها ليه اقتصاديا ... فى حالات الازمات الاقتصادية او الركود او الكساد وده غالبا اللى بتعانى منه مصر من 3 سنوات من وسائل تحفيز الاقتصاد حاجة اسمها الانفاق الحكومي . وده اللى بيحصل غالبا لان خصوصا المشاريع الخاصة بالانشاءات او المقاولات قادرة على خلق فرص عمل كثير جدا وعمل نشاط اقتصادي فى وقت قصير جدا , سواء فرص عمل غير مباشرة او غير مباشرة ..... عايزين تشوفو المثال ده على نطاق اصغر بس عموما فى الادارة او الاقتصاد اللى ينطبق على شركة ينطبق على دولة .......لو فيه معانا هنا مهندسين لما بيروحو موقع جديد يعملو مشروع اول مايبدا ايه اول حاجة بتلاحظها ؟!!! من غير ضحك هتلاقي واحدة ست غلبانه جت وقعدت معاها باجور جاز وكام كباية وبعدين تعمل شاي للعمال وتسترزق ... صح ؟!! شوية تلاقي واحد فتح كشك جنب الموقع يبيع سجاير و خلافه ,,, شويه تلاقي واحد بعربية فول قعد جنب الموقع عشان ياكل العمال والموظفين .... شفت مجرد بنا مبنى عمل بتاع 3 او 4 فرص عمل غير مباشرة ....... مش بيحصل الكلام ده ؟!!!! وده بالظبط اللى اى حكومة فى العالم بتحاول تعمله ....... وفيه قصه مماثلة حصلت فى السعودية من وقت قريب و الاخوة السعوديين اكيد لاحظوها فى عام 2006 على ما اذر حصل انهيار كبير بالبورصة السعودية نزلت من 20000 نقطه لتقريبا 10000 او اقل فى خلال كم يوم , النتيجة حال ناس كتير وقف كان ايه رد فعل الحكومة اول قرار عملت مشروع كبير اسمه مدينة الملك عبدالله المالية بالرياض ... ليه ؟!!! مشاريع انئاشية كتيره تحفذ الاقتصاد

اقتباس:

المشاركة الأصلية كتبت بواسطة mohamed982

اخي الكريم اجاوبك على نقطة نقطة اقتصاديا

1- مصادر التمويل : - معروف طبعا ان اي شركة فى الدنيا لما بتحب تتوسع تبحث عن مصادر تمويل للتوسعات طيب ايه هي اهم مصادر التمويل المتاحة ؟! يا اما من الشركاء فى حالة كانت مساهمة مقفلة او طرح اسهم للاكتتاب العام او الدين " سندات"

تمام متفق معاك في هذه النقطة

طيب على اي اساس تحدد الشركة مصدر التمويل المناسب لها ؟ على اعتبارات كتيرة اهمها تكلفة التمويل ومخاطر التمويل .... طبعا معروف ان ارخض مصادر التمويل هو الاسهم عشان مش مطلوب منك ترد القيمة الاسمية او انك ملزم انك تدفع ارباح كل سنة ولكن يقابلها مشاكل من ناحية الملكية وفى حالة قناه السويس طبعا اعتقد ان ده كان السبب الرئيسي فى الغاء فكرة طرح اسهم " مخاطر سيادية " تسمى Sovereignty Risk < ... يبقى البديل الاغلى هو المتاح اللى هو السندات . ولكن لها مخاطرة اكبر انك ملزم ترد القيمة الاسمية بالاضافة الى دفع ارباح سنويا على السند , بالاضافة الى المخاطر السيادية لان السندات لها سوق وتباع وتشترى .. وقيمتها بتطلع وبتنزل حسب سعر الفائدة وقصه طويلة عريضة فبرده حل مش مناسب ... يبقى ايه الحل ببساطه شهادات ادخار زي بتاعت البنوك هى فكرتها اقرب للسندات ولكن قانونيا لاتضمن مطالية فى ملكية القناه فى حالة الافلاس Claims on Assets وده الفرق الوحيد اللى بينها وبين السندات .... فهمت الفكرة ؟!!!

تمام كلام زي الفل ولكن في هذه الحالة ( اقصد الشهادات ) ايه اللي هيضمن حقي كمستثمر ؟!!

2- دراسات الجدوى :- المشروع قائم بالفعل ومعمول دراسات جدوى عنه من زمااااااان وانت عندك بالفعل دخل بيتحقق من قناه السويس يعادل 5 مليار سنويا فبالتالى انت مش مطلوب منك تعمل دراسات جدوى من اول وجديد لانها موجودة بالاضافة الى ان المشروع يعمل ,

دخل بيتحقق من قناة السويس وليس دخل بيتحقق من التوسعات لذلك نحن بحاجة إلى دارسة جدوى ..

وواضح من كلامك انك راجل فاهم يعني ايه اقتصاد لذلك هنتكلم كلام اقتصادي بحت فيما يخص دراسات الجدوى ..

وهنسأل سؤال وهو ماهي مجالات تطبيق دراسات الجدوى ..

طبعا هنقول في نقاط سريعة جدا ..

1 - المشروعات الاستثمارية الجديدة .

2 - دراسات الجدوى للتوسعات في المشروعات القائمة .

3 - دراسات الجدوى الاقتصادية للإحلال والتجديد .

4 - دراسات الجدوى للتطوير التكنولوجي .

طبعا اللي يهمنا هنا هو رقم ( 2 ) وهو دراسات الجدوى للتوسعات في المشروعات القائمة ..

وفي عجالة هنقول يعني ايه الكلام المكتوب في رقم ( 2 )

دراسات الجدوى للتوسعات الاستثمارية في المشروعات القائمة :-

وطبعا بتسمى توسعات استثمارية لأن مجال التطبيق هنا لدراسة الجدوى بيكون قدام مشروع قائم بالفعل ويعمل ولكن لاسباب كثيرة بيتم التوسع في هذا المشروع ( طبعا وهنا احنا بنتكلم عن قناة السويس ) طيب والتوسع الاستثماري ده بيكون عن طريق زيادة معدات مثلا لرفع او زيادة الطاقة الانتاجية للمشروع ولابد في هذه الحالة إجراء دراسة جدوى لهذه التوسعات للخروج بقرار استثماري رشيد وحتى ولو هعمل توسعات كل سنة لازم في كل مرة اعمل دراسة جدوى .



3- مين قلك ان مش ممكن تعمل اصدار لاسهم على مشروع غير قائم ؟!!! ممكن فى حالات معينة اذا توفرت دراسات جدوى اقتصادية تضمن تحقيق ارباح وده فى العالم كله مش فى مصر بس يعنى وان كنت اعتقد انه غير مسموح به فى مصر . و بالنسبة لقانون سوق المال المصري بيسمح حتى للشركات الخاسرة طرح اسهم للاكتتاب بشرط توفر خطه عمل واضحة للتحول للربحية فى مدى 3 سنوات تقريبا او فى فترة محددة لا اتذكرها . فما بالك بمشروع قائم اصلا بيحقق ارباح بالاضافة الى عدم وجود منافس من الاساس ؟!!!


انا بتكلم بناء على قوانين ادراج الاسهم في البورصة المصرية وبالنسبة لحكاية الشركات الخاسرة فهي شركات قائمة بالفعل بغض النظر عن الوضع المالي ..

وهنا لازم نفرق بين المشروع القائم والتوسعات وأوضحت ذلك في النقطة السابقة وهنقول مثال بسيط جدا علشان نبسط العملية ..

لو انت صاحب محل فطاير ( اصل انا لسه واكل فطير ) وحبيت توسع المحل وتعمل محل في الشارع اللي جنبك هل علشان المحل بتاعك شغال هيبقى بالضرورة التاني لازم يشتغل ؟!

4- برده من قالك انك عشان تضغط مده المشروع محتاج تصرف اضعاف المبلغ ؟!!!!! مش شرط على فكرة اقرا Project Management ودور على حاجة اسمها Pert Chart و Gantt Chart و شوف فيه حاجة اسمها Critical Path هى دى المهمة , وده اسلوب متبع فى كل المشاريع على فكرة مش حاجة نظرية يعنى .... الفكرة كلها انها ممكن تضغط وقت عمل المشروع لاقل وقت بالنظر الى المسار الحرج " اطول وقت " . مفيش مجال هنا لشرحها دور على النت واقرا عنها ...

كلام جميل جدا .. ولكن هنا لابد توضيح فكرة المسار الحرج .. في كلمات بسيطة جدا طبعا ده مسار بيربط بين الانشطة الحرجة اللي في المشروع واللي لو حصل توقف في اي نشاط منها بيؤدي إلى تأخر المشروع وزيادة الزمن ..

طبعا المسار الحرج بيربط بين الانشطة دي علشان يطلع لينا اطول مسار من حيث المدة الزمنية لانهاء كافة الانشطة مع عدم وجود هامش زمني لان كده كده مفيش فائض زمني ممكن نلعب فيه ..

وبالنسبة لمين قالي انه بيكلف اضعاف هسألك سؤال ..

لو انت طلبت من 5 اشخاص يحفروا ليك حفرة عمقها 20 متر وقالولك هيخصلوا في حدود 10 ايام وكل عامل هياخد منك في اليوم 20 جنيه يعني اجمالي التكلفة هيكون 200 جنيه

انما انت بقى لو عاوز تخلص في 5 ايام هتجيب عدد عمال اكتر او هتخلي العمال يشتغلوا ساعات اكتر وده هينتج عنه زيادة في التكلفة ..

لو هترد عليا وتقول طريقة المسار الحرج يبقى رد وطبق الطريقة دي على التوسعات الجديدة ببيانات فعلية ..

ولو عاوز تفهم كلامي اكتر اقرا عن عناصر الانتاج والكفاية الحدية والمنفعة الحدية ليهم ..



5- اخيرا سؤال بسيط لو عندك محطة بنزين تستوعب فى اليوم 1000 عربية تمون ولكن يدخل فيها 500 عربية فى ال 24 ساعة هل تعتقد انك وصلت للطاقة الاستيعابية اكيد لا .. لكن لو عرفت ان فيه 500 عربية بتقف فى الطابور بره مستنيه تمون هتستنج ايه ؟! ان فيه مشكلة فى عدد الضخات وليس فى مساحة المحطة ... هو ده بالظبط قناه السويس .... المشكلة الرئيسية فى القناه انها اتجاه واحد بالبلدي كده من الساعة كذا ل كذا اللى جاى من الجنوب هو اللى يعدى و بعدين اللى جاى من الشمال يعدى من الساعة كذا الى كذا و وكل ده من الشروق لحد الغروب السفن مش بتمشي فى القناه 24 ساعة النتيجة ان عندك سفن بتفضل واقفة طول الفترة دى مستنيه دورها , و الرسوم على المرور تتحصل فقط عند العبور يبقى النتيجة انك بتهدر دخل كبير فقط فى الانتظار ... وصلت ؟

وبالنسبة للنقطة الاخيرة دي انا اكيد متفق معاك فيها وانا مش معترض عليها ..

وانا بتكلم من وجهة نظري كمستثمر

فأكيد انا بعمل حاجة اسمها

التقييم الاقتصادي للمشروع بمعايير الربحية التجارية

واللي هما 5 معايير :-

معيار الفترة الاسترداد .
معيار معدل العائد المتوسط على رأس المال .
ميعار صافي القيمة لحالية للتدفقات النقدية .
معيار دليل الربحية .
معيار معدل العائد الداخلي .

طبعا انت لو حابب تعرف عنهم اكتر اتفضل اقرا عنهم

وعاوز اوضح حاجة كده بسيطة جدا


ايه رأيك لو مصر عملت مشروع انشاء سفن فضاء ؟!! هيكون مشروع جميل جدا صح ومشروع الجدوى بتاعته كبيرة

ولكن هل ينفع المشروع ده في مصر على الرغم ان مفيش منافسين لينا في المنطقة


من الآخر ودي وجهة نظري ( ومش بطلب من اي حد انه ياخد بيها )

الاستثمار في مشروع سياسي وليس تنموي اقتصادي استثمار فاشل وحتى وإن صح المشروع في المستقبل ..

وتقبل تحياتي حبيبي الغالي واسف على الاطالة

الرد في الاقتباس

التوقيع