المشاركة الأصلية كتبت بواسطة mohamed982 مشاهدة المشاركة
اخي الكريم اجاوبك على نقطة نقطة اقتصاديا
1- مصادر التمويل : - معروف طبعا ان اي شركة فى الدنيا لما بتحب تتوسع تبحث عن مصادر تمويل للتوسعات طيب ايه هي اهم مصادر التمويل المتاحة ؟! يا اما من الشركاء فى حالة كانت مساهمة مقفلة او طرح اسهم للاكتتاب العام او الدين " سندات"
تمام متفق معاك في هذه النقطة
طيب على اي اساس تحدد الشركة مصدر التمويل المناسب لها ؟ على اعتبارات كتيرة اهمها تكلفة التمويل ومخاطر التمويل .... طبعا معروف ان ارخض مصادر التمويل هو الاسهم عشان مش مطلوب منك ترد القيمة الاسمية او انك ملزم انك تدفع ارباح كل سنة ولكن يقابلها مشاكل من ناحية الملكية وفى حالة قناه السويس طبعا اعتقد ان ده كان السبب الرئيسي فى الغاء فكرة طرح اسهم " مخاطر سيادية " تسمى Sovereignty Risk < ... يبقى البديل الاغلى هو المتاح اللى هو السندات . ولكن لها مخاطرة اكبر انك ملزم ترد القيمة الاسمية بالاضافة الى دفع ارباح سنويا على السند , بالاضافة الى المخاطر السيادية لان السندات لها سوق وتباع وتشترى .. وقيمتها بتطلع وبتنزل حسب سعر الفائدة وقصه طويلة عريضة فبرده حل مش مناسب ... يبقى ايه الحل ببساطه شهادات ادخار زي بتاعت البنوك هى فكرتها اقرب للسندات ولكن قانونيا لاتضمن مطالية فى ملكية القناه فى حالة الافلاس Claims on Assets وده الفرق الوحيد اللى بينها وبين السندات .... فهمت الفكرة ؟!!!
تمام كلام زي الفل ولكن في هذه الحالة ( اقصد الشهادات ) ايه اللي هيضمن حقي كمستثمر ؟!!
ايه اللى بيضمن حقك لما بتروح تشتري شهادات ايداع خماسية او ثلاثية اللى ب 1000 جنيه من البنك ؟! هي نفس الفكرة . الفكرة كلها انك فى الحالة دى مش مالك للاصل ولا لك مطالبة على الاصل ولكن لك مطالية على اصل المبلغ المستثمر من البنك المصدر للشهادة
2- دراسات الجدوى :- المشروع قائم بالفعل ومعمول دراسات جدوى عنه من زمااااااان وانت عندك بالفعل دخل بيتحقق من قناه السويس يعادل 5 مليار سنويا فبالتالى انت مش مطلوب منك تعمل دراسات جدوى من اول وجديد لانها موجودة بالاضافة الى ان المشروع يعمل ,
دخل بيتحقق من قناة السويس وليس دخل بيتحقق من التوسعات لذلك نحن بحاجة إلى دارسة جدوى ..
وواضح من كلامك انك راجل فاهم يعني ايه اقتصاد لذلك هنتكلم كلام اقتصادي بحت فيما يخص دراسات الجدوى ..
وهنسأل سؤال وهو ماهي مجالات تطبيق دراسات الجدوى ..
طبعا هنقول في نقاط سريعة جدا ..
1 - المشروعات الاستثمارية الجديدة .
2 - دراسات الجدوى للتوسعات في المشروعات القائمة .
3 - دراسات الجدوى الاقتصادية للإحلال والتجديد .
4 - دراسات الجدوى للتطوير التكنولوجي .
طبعا اللي يهمنا هنا هو رقم ( 2 ) وهو دراسات الجدوى للتوسعات في المشروعات القائمة ..
وفي عجالة هنقول يعني ايه الكلام المكتوب في رقم ( 2 )
دراسات الجدوى للتوسعات الاستثمارية في المشروعات القائمة :-
وطبعا بتسمى توسعات استثمارية لأن مجال التطبيق هنا لدراسة الجدوى بيكون قدام مشروع قائم بالفعل ويعمل ولكن لاسباب كثيرة بيتم التوسع في هذا المشروع ( طبعا وهنا احنا بنتكلم عن قناة السويس ) طيب والتوسع الاستثماري ده بيكون عن طريق زيادة معدات مثلا لرفع او زيادة الطاقة الانتاجية للمشروع ولابد في هذه الحالة إجراء دراسة جدوى لهذه التوسعات للخروج بقرار استثماري رشيد وحتى ولو هعمل توسعات كل سنة لازم في كل مرة اعمل دراسة جدوى .
تمام كلام جميل واذا كانت دراسات الجدوى والواقع الفعلى بيقول ان فيه هدر للدخل نتيجة انتظار السفن لمدد تصل الى 12 ساعه حتى العبور يبقى لو وفرت الـ 12 ساعة دول الدخل هيزيد ولا لا ؟! على الاقل هتضاعف الدخل يعنى ممكن من 5 مليار يكون 10 مليار قابلة للزيادة
3- مين قلك ان مش ممكن تعمل اصدار لاسهم على مشروع غير قائم ؟!!! ممكن فى حالات معينة اذا توفرت دراسات جدوى اقتصادية تضمن تحقيق ارباح وده فى العالم كله مش فى مصر بس يعنى وان كنت اعتقد انه غير مسموح به فى مصر . و بالنسبة لقانون سوق المال المصري بيسمح حتى للشركات الخاسرة طرح اسهم للاكتتاب بشرط توفر خطه عمل واضحة للتحول للربحية فى مدى 3 سنوات تقريبا او فى فترة محددة لا اتذكرها . فما بالك بمشروع قائم اصلا بيحقق ارباح بالاضافة الى عدم وجود منافس من الاساس ؟!!!
انا بتكلم بناء على قوانين ادراج الاسهم في البورصة المصرية وبالنسبة لحكاية الشركات الخاسرة فهي شركات قائمة بالفعل بغض النظر عن الوضع المالي ..
وهنا لازم نفرق بين المشروع القائم والتوسعات وأوضحت ذلك في النقطة السابقة وهنقول مثال بسيط جدا علشان نبسط العملية ..
لو انت صاحب محل فطاير ( اصل انا لسه واكل فطير ) وحبيت توسع المحل وتعمل محل في الشارع اللي جنبك هل علشان المحل بتاعك شغال هيبقى بالضرورة التاني لازم يشتغل ؟!
[CENTER
]برده الكلام مختلف انت فى المثال اللى ذكرته قلت عملت محل فى الشارع اللى جنبي ,, بس الوضع مختلف لو عملت توسعه لنفس المحل ... مش عارف البرنس بتاع الكبدة 
شفت الزحمة اللى بره مستنية رقمها يجيى عشان يدخل ياكل تخيل لو وسع المحل وحط كراسي وترابيزات زيادة دخله هيزيد ولا لأ ؟!!!!!! وهل لو فتح محل تانى بعيد شوية دخله هيبقى اكتر ولا لا ؟!!!! اكيد لو وسع المحل دخله هيزيد لان وقت الانتظار للناس هيقل وبالتالى دخل اعلى [/CENTER]
4- برده من قالك انك عشان تضغط مده المشروع محتاج تصرف اضعاف المبلغ ؟!!!!! مش شرط على فكرة اقرا Project Management ودور على حاجة اسمها Pert Chart و Gantt Chart و شوف فيه حاجة اسمها Critical Path هى دى المهمة , وده اسلوب متبع فى كل المشاريع على فكرة مش حاجة نظرية يعنى .... الفكرة كلها انها ممكن تضغط وقت عمل المشروع لاقل وقت بالنظر الى المسار الحرج " اطول وقت " . مفيش مجال هنا لشرحها دور على النت واقرا عنها ...
كلام جميل جدا .. ولكن هنا لابد توضيح فكرة المسار الحرج .. في كلمات بسيطة جدا طبعا ده مسار بيربط بين الانشطة الحرجة اللي في المشروع واللي لو حصل توقف في اي نشاط منها بيؤدي إلى تأخر المشروع وزيادة الزمن ..
طبعا المسار الحرج بيربط بين الانشطة دي علشان يطلع لينا اطول مسار من حيث المدة الزمنية لانهاء كافة الانشطة مع عدم وجود هامش زمني لان كده كده مفيش فائض زمني ممكن نلعب فيه ..
وبالنسبة لمين قالي انه بيكلف اضعاف هسألك سؤال ..
لو انت طلبت من 5 اشخاص يحفروا ليك حفرة عمقها 20 متر وقالولك هيخصلوا في حدود 10 ايام وكل عامل هياخد منك في اليوم 20 جنيه يعني اجمالي التكلفة هيكون 200 جنيه
انما انت بقى لو عاوز تخلص في 5 ايام هتجيب عدد عمال اكتر او هتخلي العمال يشتغلوا ساعات اكتر وده هينتج عنه زيادة في التكلفة ..
لو هترد عليا وتقول طريقة المسار الحرج يبقى رد وطبق الطريقة دي على التوسعات الجديدة ببيانات فعلية ..
ولو عاوز تفهم كلامي اكتر اقرا عن عناصر الانتاج والكفاية الحدية والمنفعة الحدية ليهم ..
عارف كل اللى بتتكلم فيه انا برد عليك على نقطه محددة ان مش بالضرورة عشان تقلل وقت تزود التكلفة ثم ان فترة المشروع اصلا 5 سنوات فترة الحفر بس هى اللى سنه ... وعموما مفيش حد يقدر يرد عليك ببيانات عن فترات المشروع وانشطته لان دى بتكون متاحة لمهندسين المواقع اللى فى المشروع و المديرين وهم اللى بيحددوها يعنى دة مش حاجة ثابته وفى كتاب تقدر تقول ان النقطه دى هتاخد 3 ايام و دي 5 . ده كلام فى الكتب بس , الواقع حاجة تانية
5- اخيرا سؤال بسيط لو عندك محطة بنزين تستوعب فى اليوم 1000 عربية تمون ولكن يدخل فيها 500 عربية فى ال 24 ساعة هل تعتقد انك وصلت للطاقة الاستيعابية اكيد لا .. لكن لو عرفت ان فيه 500 عربية بتقف فى الطابور بره مستنيه تمون هتستنج ايه ؟! ان فيه مشكلة فى عدد الضخات وليس فى مساحة المحطة ... هو ده بالظبط قناه السويس .... المشكلة الرئيسية فى القناه انها اتجاه واحد بالبلدي كده من الساعة كذا ل كذا اللى جاى من الجنوب هو اللى يعدى و بعدين اللى جاى من الشمال يعدى من الساعة كذا الى كذا و وكل ده من الشروق لحد الغروب السفن مش بتمشي فى القناه 24 ساعة النتيجة ان عندك سفن بتفضل واقفة طول الفترة دى مستنيه دورها , و الرسوم على المرور تتحصل فقط عند العبور يبقى النتيجة انك بتهدر دخل كبير فقط فى الانتظار ... وصلت ؟
وبالنسبة للنقطة الاخيرة دي انا اكيد متفق معاك فيها وانا مش معترض عليها ..
وانا بتكلم من وجهة نظري كمستثمر
فأكيد انا بعمل حاجة اسمها
التقييم الاقتصادي للمشروع بمعايير الربحية التجارية
واللي هما 5 معايير :-
معيار الفترة الاسترداد .
معيار معدل العائد المتوسط على رأس المال .
ميعار صافي القيمة لحالية للتدفقات النقدية .
معيار دليل الربحية .
معيار معدل العائد الداخلي .
طبعا انت لو حابب تعرف عنهم اكتر اتفضل اقرا عنهم
عزيزي انت هتقيم المشروع كمستثمر اوك هتقيم الكلام ده كله لكن دى شهادات بعائد 12% يعنى فترة الاسترداد اقل من 10 سنوات مخاطرة تقريبا 0 اصل المبلغ مضمون عايز ايه تانى ؟!!! وحتى اذا كانت اسهم وعايزني اقيمهالك على الوضع الحالى اقيمهالك بس قولى عدد الاسهم اللى كانت هتصدر كام وسعر السهم كام وانا اعملك تقييم للشركة ككل واحط لك قيمه عادلة كمان للسهم " دى لعبتى"
بس عموما قول تكلفة التوسعة 60 مليار جنيه حسب التصريحات الرسمية قول هينزل قيمة السهم الاسمية ب 1000 جنيه كما كان مقترحا يبقى هينزل 60مليون سهم , مبدئيا كده انت عند دخل من القناه اصلا موجود بحوال 35 مليار جنيه (5 مليار دولار) , يعنى نصيب السهم من الارباح كام حوالى 583 جنيه من غير اي توسعات حط بروقت مارجن 30 % يعنى صافي الربح للسهم حوالى 175 جنيه EPS ده من على الدخل القديم من القناه بدون التوسعه اى على الوضع الحالى < قول يبقى فترة الاستراد كام حوالى 6 سنوات . نستعمل طريقة dcf هنفترض انك هتستمر لمدة 10 سنوات ومعدل العائد المطلوب 12% بافتراض ثبات العائد معامل التوزيع 75% فرضا يبقى التوزيعات السنويه 131 جنيه لمدة 10 سنوات قيمتها 740 جنيه ( 131*5.65) يضاف القيمة الاستثمار المبدئي مخصوما اللى هو 1000 جنيه يساوي بعد 10 سنوات بمعدل عائد مطلوب 12 % 322 جنيه (1000*0.322) يبقى القيمة العادلة على السريع لسهم قناه السويس حوالى 1062 جنيه تقريبا ... طبعا كده انا لم اخذ فى الحسبان الدخل المتوقع الاضافي لتقريب وجهة النظر , ولسرعة الحساب يبقى بوجهة نظرك ده استمار جيد ولا لا اذا كانت صافي القيمة الحاليى موجب ؟!!!! 
نيجيى للمخاطرة المشروع تقريبا خالى من المخاطرة فى ماعدا المخاطر السياسية الحروب , الارهاب الخ الخ اللى ممكن تعطل او توقف قناه السويس , او ان يحصل كساد عالمى يؤثر تاثير جوهرى فى حركة التجارة حول العالم , يبقى انت عنك مشروع مخاطرته قليله , فتره استراد قليلة , صافي قيمة حالية ايجابي , يبقى مشروع جيد ويستحق الاستثمار بيه ... ادى كلام الحسابات ودراسات الجدوى البحته
وعاوز اوضح حاجة كده بسيطة جدا
ايه رأيك لو مصر عملت مشروع انشاء سفن فضاء ؟!! هيكون مشروع جميل جدا صح ومشروع الجدوى بتاعته كبيرة
ولكن هل ينفع المشروع ده في مصر على الرغم ان مفيش منافسين لينا في المنطقة
من الآخر ودي وجهة نظري ( ومش بطلب من اي حد انه ياخد بيها )
الاستثمار في مشروع سياسي وليس تنموي اقتصادي استثمار فاشل وحتى وإن صح المشروع في المستقبل ..
محدش قالك تحط فلوسك فى مشروع سياسي احسبها بالورقة والقلم وطبق اللى تعرفه عليه وانا وضحلتلك فوق وجهة نظري الاقتصادية والتجارية البحته بالارقام تحياتي واسف على الاطاله , ونقاش مثمر
وتقبل تحياتي حبيبي الغالي واسف على الاطال
رد: كيف اشترى أسهم فى مشروع قناة السويس الجديد ؟
المواضيع المتشابهه 
45Likes
رد: كيف اشترى أسهم فى مشروع قناة السويس الجديد ؟
