رد: اريد مؤشر يميز شمعة نفس الشهر الميلادي فى كل السنين
بعد اذن الاستاذ سمير ,
على فكرة كنت عملت مؤشر من فترة بيعمل حاجة تقريبا نفس اللى بتقول عليها , واكتر شوية
هو بيشتغل على 3 فريمات , الشهري , اليومي , الساعة . طريقة عمله بس حطه على الشارت ومفيش اي باراميتير , ومثلا انت عايز تعرف بيانات احصائية عن شهر 12 كل اللى عليك تعمله تفتح شارت الشهر و تختار اي بار لشهر 12 و اضغط عليها كليك . المؤشر هيلون كل البارات بتاعت شهر 12 على الشارت المرتفع بالاخضر و المنخفض بالاحمر و هتلاقي على يمين الشارت فوق بيانات احصائية بسيطة اولها رقم الشهر فى حالة كان الفريم شهري و بعدين هتلاقي اجمالي عدد الشموع للفترة 12 و بعدين هتلاقي عدد الشموع الصاعدة و بعدها عدد الشموع الهابطة ... وكذلك الفريم الدايلي لو ضغط على اي بار مثلا بار يوم الاثنين هيطلعلك كل بارات يوم الاثنين على الشارت وبيقولك بيانات احصائية ليها , و شرحه على الساعة لو دوست مثلا على الساعة 10 هيطلعلك كل البارات بتاعت الساعة 10 ...
زي الصورة اللى فوق دى على الشهري
ومرفق المؤشر اتمنى انه يفيدك