رواية حب رومانسية جريئة منتدى غرام

Dr.Oz

عضو فـعّـال

تاريخ التسجيل: May 2015

المشاركات: 1,465

معدل تقييم المستوى: 13

07 - 05 - 2015, 05:15 AM

رواية حب رومانسية جريئة منتدى غرام

السلاام عليكم
هذي روايه رائعه جدا تتحدث عن قصة حب جميله
قانون سيدة زمانهاا >>> ابوك يالقوانين >>> الردود هي الدافع المحفز للتكمله
بسم الله ببدآأ ..

عآأئلهـ نوف :-
ابو نواف : عصبي ويحب يمشي كلمته ..

ام نواف : طيبه و حبوبه .. تهتم ببناتها ..

نواف : الاخ الكبير لـ نوف .. يشتغل وعمره 26 سنه ..

نجلآأ : الاخت الكبرى لـ نوف وعمرها 24 سنه ..

نوف : البنت الوسط عمرها 20 سنه اول سنه كليه ( ادارة اعمال ) ..

نورآ : الاخت الصغيره عمرها 18 سنه وهي ونوف مثل الصديقات كل وحده سرها عند الثانيه ..

نآأصر : اخر العنقود عمره 16 سنه ..

-----------

عآأإئله العم ابو سعود :-

ابو سعود : نفس اخوه عصصبي ..

ام سعود : على نياتهاا ..

سعود : الابن الاكبر عمره 23 سنه .. يدرس محاسبه بالسنه الرابعه ..

مشآأعل : عمرها 20 سنه وهي ونوف نفس العمر وصديقات ..

مششعل : عمره 19 سنه وهو حبيب نورآ اخت نوف ..

--------

عائله العمه ام عادل ..
ام عادل : تحب تمشي رائيها ..

ابو عادل : حبووب مره ..

عاادل : الابن الاكبر يشتغل عمره 25 سنه ..

عبير : عمرها 21 سنه ..

عايشه : عمرها 16 سنه ..

بسم الله نبدآأ ..

رن تليفون البيت ..

الخدامه : هلو ..
ام عادل تصيح ) وين بابا ؟
الخدامه : وات ؟
ام عادل : ويرز سر ؟
الخدامه : نوت هير ..
ام عادل : ويرز مدام ؟
الخدامه نو بودي هيير ..
ام عادل سكرت التليفون بوجهاا ..الخدامه =>

***
بالسياره دق جوال بو نواف ..

بونواف : هلا ومرحبا بام عاادل ..
ام عادل تصيح ) مو وقت ترحيب ياخوي ..
بو نواف : عسى ماشر ليه تصيحين .؟

ام نواف بصوت واطي (( الله يسستر شعندها ! ))

ام عادل : ابووي ياخوي ابوووي ..
بو نواف : شفيه الوالد ؟ خرعتيني ؟
ام عادل : ماااااات ماااات الباقي بعمرك ياخوي .. ( صيااح يزيد )
بو نواف : وشلون كيف ؟ ومتى ؟
ام عادل : شلون وكيف ؟ هذي ارادة الله ..
بونواف : وين انتي باي مستشفى ؟ خلاص انا جايك .. مع السلامه ..

ام نواف : شفييه ؟
بو نواف يصيح ) الوالد عطاك عمره قبل شووي .!

بعد هـ الكلمه .. عم الحزن بارجاء السياره وام نواف وعيالها وبناتها كلهم يصيحون وبدل لا يروحون البحر .. راحوا للمستشفى ..

***

اول ماوصلوا المستشفى لقو عمه بو سعود وزوجته وام عادل وزوجها .. وعيالهم ..

دخل بو نواف وبوسعود عشان يكملون اجراءات الدفن واوراق المستشفى ..
والباقي جلسوا براا ..

نوف كانت تصيح وفجأهـ ! وقف صيآأح لما شافت ولد عمها سعود ..

وجلست تكحل عيونها بجسمه وشكله و طوله ..ونست موت جدها ..

نورآ لاحظت ان نوف وقفت عن الصياح ..
قالت بنفسها ( شفيها نوف ماعادها تصيح ؟ واصلا ليه تطالع هناك ؟ اكيد في شي لازم اعرفه ) ..

طلت نورا جهت المكان اللي تطالعه نوف وحصلت سعود واقف جنب امه ويصيح بسكوت ..

نورآ :اقول نوف
نوف : هاه شفيه ( متخرعه )
نورآ: وش تطالعين هناك ؟
نوف : اطالع ذكرياتي ..
نورآ : نوف ترى مو وقته الدنيا كلها تصيح وانتي جالسه تتذكرين ايامك الورديه .,.
نوف : نورآ تتذكرين لما ذاك اليوم جاب لكم عصير كلكم الا انا .؟
نورآ : ايوآ ؟
نوف : ترى جاب لي ايس كريم بس هو قالي لا تعلمين احد !
نورآ : نوف ترى مو وقتك جدك مييت !!
نوف : شوفي دمووعه لبااا قلبببه ..
نورآ : اقول يلا صيحي لاتفضحين نفسك الحين !
نوف : اووه طيب يختي خليني اشوفه من زمان عنه ! ..
نورآ: ادري حتى انا من زمان ماشفت مشعل ..بس وش اسوي اهم شي اني اكلمه مسن ..
نوف : ياحظك تكلمينه انا ماعندي ..
نورآ: اذا تبين بقول لمشعل يعطيني ايميل سعود ..
نوف : لا انا بتصرف وبجيبه بطريقتي ..

رواية حب رومانسية جريئة منتدى غرام

هنا بوقف خلص الجزء الاول ..( ترى القصه نهايتها شويات حزينه ) ..

اذا شفت تفاعل كملت ..واذا مافي للمرة المليوووووووووووووون مابكمل ....

بررب ..

الجزء الثاني :

نوف : يمآأ بروح عرس صديقتي ..

ام نواف : لا توه جدك متوفي ماصارله 4 شهور !!

نوف : تكفين يمآ هذي صديقتي المقربه لي مرره بتزعل بعدين ..

ام نواف : لا يابنيتي لااا خليها تزعل ولا كلام الناس ..اجلسي سوي لك اي شغله ..

نوف : ياربيه يمآ الله يخليك ..

ام نواف : اقولك لااااااااا ..

صعدت نوف لـ غرفتها ..وجلست تفكر ..

سعود للحين يحبني ؟؟

اتذكر ذاك اليوم كنت راكبه معه دباب ..قالي نوف احبك ..بس كنا وقتها بزران ..

ياربييه ..

وذاك اليوم برضوا لما كنت اسبح معه لما كنت برابع ابتدائي ..

ككان هو اللي يسبحني ويدربني .. لاني ماعرف ..

وكان دايما يقولي نوف انتي حلوه واحلى البنات ..
**
دخلت نورا على نوف بالغرفه ..
نورا : نوف ؟ نووف ؟ نوووووف ؟

نوف : هااه بلا صراخ وشتبين ؟

نورا : ليه سرحانه ؟

نوف : ااخ بس انتي تعرفين ..

نورا: وشهو سعود ؟

نوف : في غيره ؟

نورا : اي على فكرة ترى دايم مشعل يقول لي ان سعود يسال عنك

نوف : هآأو شلوون ؟

نورا: سعود يدري اني اكلم مشعل كان دايم يقول اسال نورا شخبار نوف ..
نوف : جد والله .؟
نورا : اي والله العضييم ..
نوف: اجل يعني يحبني ؟ ووه فديته ..
اقولك طفشانه وش اسوي ؟
نورا: ادخلي نت ..او شات تعرفي على صديقات ..
نوف : طيب بروح الحين ..
**

فتحت نوف النت ودخلت شات ..
نوف : وععع هذا الشات اللي ميتين عليه .؟ ماعندهم سالفه ..

دخلت نجلا فجأهـ : نوف قومي بسرعه ابي الجهاز ..

نوف : خذي الجهاز الثاني ..
نجلا : ناصر ماخذه ..
نوف : طيب شوي واقوم ..
نجلا : طيب بروح و برجع ..(سكرت الباب )..

شوي جات لـ نوف محادثه خاصه وهي كانت خلاص بتسكر ..
لفت نظرها النك نيم ( سعود الشرقيه ) ..

قالت خليني اسولف معاه شوويه ..

سعود الشرقيه : مرحبا ..
نوف لابسه موف : اهلين ..
سعود الشرقيه : كيف الحال ؟
نوف لابسه موف : بخير ..
سعود الشرقيه :دووم ياارب .. اقول من وين ؟
نوف لابسه موف مابقول الصدق ) آآ من الرياض ..
سعود الشرقيه :أي هلا والله .. كم عمرك ..
نوف لابسه موف برضوا مابقول الصدق ) عمري 22 سنه ..
سعود الشرقيه : العمر كله .. معاك سعود من الدمام ..
نوف لابسه موف معقوله يكون ولد عمي ؟ بتاكد ) .. آآآ كم عمرك ؟
سعود الشرقيه : 26 سنه ..
نوف لابسه موف لا مو هو) اها العمر كله ..

دخلت نجلا : يلا نوف قومي ..
نوف : يلا قمت طيب ..
نوف لا بسه موف : يلا انا بطلع ..بيبااي ..

وسكرت بدون لا تشوف حتى رده ..
**
طلعت نوف مع نورا وامهم لـ فينيسيا مول ..

راحت نوف مع نورا بجهه وراحت امهم بروحها بجهه ..

مغازلجي : افتح البلوتوث يا حلوو ..
نوف : نورا تصرفي معه ..
نورا : ياقليل الادب ياللي ماتربيت .. يلا انقلع .. لا انادي لك السكيورتي ..
مغازلجي : اقول انتي محد كلمك .. اكلم الحلو اللي جنبك ..
نوف : لو سمحت ..روح بلا مشاكل ..
نورا : نوف وش هالبروود اللي فيييك !!!!!
انتظري انا بوريك فيه ( مسكت شنطتها وعلى خشته خلت الماشي يتفرج عليه وهو يلقط وجهه من الفشله ) ..
نوف : انتي ماتخافيين ؟
نورا : هو غلط علينا ..وتعدى حدوده ..
نوف : الله يرزقني جراتك بس ..
نورا : اقول نوف وش رايك نروح المجمع اللي جنب ذا ( الراشد ) ؟
نوف : مع مين ؟
نورا : لحالنا ..
نوف : متى ؟
نورا: الحين ..
نوف : مين بيودينا ؟
نورا وشفيك انتي بسك اساله ..بنروح انا وياك الحين مع تكسي بدون لا امي تدري !
نوف : لالالالا اخااااااف ..
نورا : اقول امشششي بسسس ..
نوف : هاااه طيب يلااا ..

**
اجروا تكسي وراحوا للراشد ..اللي جنب فينيسيا مول ..

نورا : اقولك شوفي هذيك ماكانها عمتي ام عادل ؟
نوف : أي والله وذا عادل حبيب نجلا ..!
نورا : امشي نسلم => نست انها رايحه من ورى امها ..
نوف : لالالا انتظري نتورا لا تروحين ..
نورا : هلاا عمتي ام عادل ..
ام عادل : هلا مين ؟
نورا : انا نورا وذي نوف ..
نوف : هلا عمتي ( بقلبها ) الله ياخذك يا بقره ورطتينا ..
ام عادل :اهليين شخباركم ؟ وين امكم ؟
نوف : هااه مدري نورا وين امي ؟
نورا : هااه أي امي راحت لـ ..... لـ كارفور أي عشان تتسوق ..
ام عادل : أي اجل وصلوا لها سلامي ..
نوف + نوره : ان شاالله يووصل ..

راحت عمتهم ..
نوف : يوووة افرضي الحين دقت على امي وقالت لها ابي اشوفك ؟
نورا : افف عدت على خير .. امشي خلينا نرجع لامي ..

اجروا تكسي ورجعوا لـ فينيسيا موول ..وبعدها رجعوا البيت ..

اتصلت ام عادل بام نواف ..عشان تعزمهم على الغدا من بكره ..
ام عادل : هلا والله بام نواف شخبارك ؟
ام نواف : والله بخير الحمدلله .. انتي شخباك ؟
ام عادل :والله بخير .. اقولك تعالي عندي برا غدا انتي والبنات ..
ام نواف : أي ان شاالله مايسير خاطرك الا طيب ..

***
من بكره ..راحت ام نواف وبناتها لبيت عمتهم ..
وبعد الغدا ..

ام عادل : أي والله امس كارفور عندهم اشيا حلوه وعروضهم بعد روعه ..

نوف + نورا : الله يسستر بس ..

ام نواف : والله ؟ زين .. خليني اروح اقضي اغراض للبيت ..
ام عادل : يو ماقضيتي امس ؟
ام نواف : وشو قضيت امس ؟
ام عادل : امس ماكنتي بكارفور ؟
ام نواف : لا كنت بـ فينيسيا ..
ام عادل :بس انا امس شفت نوف ونورا بالراشد .. وقالوا لي انك بكارفور ..
ام نواف توهقت ) هااه اييه صح امس كنت بكارفور يختي احنا نكبر ونخرف ..
اليوم الصباح رحت لـ فينيسيا وبعد مارجعت نمت .. حسبته امس ..
(( الله يقطعكم يا بناااااااتي )) ..

نورا + نوف : وييييي بغينا ننفضح ..

نوف : تووبه اسمع كلامك يانوير التبن ..
نورا : اقول يازين المغامرات ..
نوف : والله انها مثل وجهك ..
نورا : يقولون ان وجهي حلو !! ..

**
رجعوا للبيت :
ام نوآف : نورآ نوووووف ( تصارخ ) ..
نورآ : هاااه !
نوف : نعم ..
ام نواف : تعالو يابنات الـ.. اللي مو متربيااات !
فشششلتوووووووني خليتتوا وجهي هـ الكبره ( تاشر على طرف اصبعها ) ..
نوف : يمآ انا اسفه مابعيدهاا ..

نورآ ماتاسفت ورجعت غرفتها ..!

الجزء الثالث :

نوف عجبتها سالفة الشات ..والسوالف بس لا اكثر ولا اقل ..

دخلت النت مرة ثانيه بـ نك ( حب من طرف احد ) ..
دخل عليها واحد لقبه ( خالد السعوديه ) ..

خالد السعوديه : السسلام عليكم ..
حب من طرف واحد : وعليكم السلام ..
خالد السعوديه :كيف الحال و الاحوال ؟!
حب من طرف واحد :تماام والله ..
خالد السعوديه : دوم يارب .. شوفي ياحب من طرف واحد ..بكون معك صريح من بدايتها ..
حب من طرف واحد : وشو ؟
خالد السعوديه : انا ابي وحده تكون مثل الصديقه او الاخت افضفض لها واقول لها اللي بخاطري وتشاركني مشاكلي وتعطيني حلوول .. انا مثل حالتك احب من طرف واحد !
حب من طرف واحد : ان شاالله اقدر اساعدك ..
خالد السعوديه : انا خالد من حايل عمري 25 سنه ..
حب من طرف واحد : انا اسمي اماني من الرياض عمري 22 سنه ..
خالد السعوديه : والنعم والله ..
حب من طرف واحد :نايس تو ميت يوو ..
خالد السعوديه : طيب بقولك قصتي الحين .. انا احب بنت خالتي اسمها ميسا ..
من يوم كنا صغار والحين ماعادها تعطيني وجه !!
حب من طرف واحد : وش اسمها ؟
خالد السعوديه : مثل عمرك 22 سنه تقرييبا ..
حب من طرف واحد بقلبها انا 20 مو 22 ) طيب وبعدين ؟
خالد السعوديه : ودي اروح اخطبها بس خايف ايش اسوي ؟
حب من طرف واحد : عادي روح اخطبها مافيها شي ! رايح تخطب مو تفضح والا تصيع ؟
خالد السعوديه : امممم مادري بـ فكر ..
حب من طرف واحد : طيب انت باي وقت تدخل ؟
خالد السعوديه : بهالوقت تقريبا الساعه 4 كذا ..
حب من طرف واحد : اجل خلاص كل يوم الساعه 4 بكون هنا ..
خالد السعوديه : اوكيه صاار ..
حب من طرف وااحد : طيب انا بطلع اشووفك على خير .. بيبااي ..
خالد السعوديه : باي ..

**

طلعت نوف من الشات وتجهزت عشان بيروحون الشاليهات مع خالااتها ..
وصلوا الشاليهات واللي تسبح بالمسبح واللي بالجاكوزي .. واللي بالبخار ..

جات فكرة من افكار نورا التوريطيه انها تبي تركب جي تي سكي (دباب البحر ) ..

نورآ : نوف ابي اركب جي تي سكي ..
نوف :لالالالا اخااااف ..
نورأ: اقول امشي يلاااا ..
نوف : هااه طيب بقول لامي ..
نورآ : لاتقولين لها لنها مابترضى ..
نوف : هااااه بس ... خلاص طيب يلاا ..

**

يامحمد عطنا واحد جي تي سكي بس بكم الساعه ( نورآ تتكلم ) ..
الهندي : سائه واهد تلاته ميه ريال ( ساعه واحد ثلاث ميه ريال ) ..
نورآ :اوكيه ابي ساعه .. يلا نوف اركبي وراي ..
نوف : لا انتي متهوره انا بسووق ..
نورآ : اقول اركبي بسس ..
نوف : اففففففف طيب يلااا ..

***
وهم بنص البحر ..
نوف : نورآ؟ احنا وين ؟ كانك مره بعدتي ؟
نورا :هااه ! لالاتخافيين اعرف ارجع (( يااربي وش السواااة ؟! ماعرف ارجع يارب ساعدني ! ))

لمحت نورآ دباب راحت ولحقته عشان تعرف طريق الرجعه ..

وبالغلط سوت حركه وانقلب فيهم الدباب وولا وحده فيهم لا بسه جاكيت الانقاذ ..
وولا وحده فيهم تعرف تسبح !!

تعلقوا هم الثنتين ويصارخووون ولا في فاايده ..

نوف : هذا جزات اللي مايسمع كلام امه ..!

جلسوا يدعون ويستغفرون بنيه ان احد يجي ينقذهم ..
وبالفعل !
لمحوا دبابين جايين بجهتهم ..
شافوهم وقربوا عندهم ..

الاول : وش اللي قالبكم كذا ؟!
نوف : مادري الله يدخلك الجنه ساعدنااا تكفى الله يوفقك ان شاالله ..
نورآ فشلتيها تدعين كنك عجوز ) آآآآآ وشسمه ممكن تساعدونا ..؟

الثاني : أي مافي مشكله ..

ساعدوهم الشباب وقلبوا وسنعوا الدباب وساعدوهم على ركوبه ..

مشوا الدلخات وواحد وراهم وواحد قداهم يدليهم مكان ترجيع الدبابات ..

**

ام نواف : هآآآآآآآآآآآآآآآآآآآآآآآآآآآآآو وشو ذآآآآ ؟؟؟؟؟؟؟
ليه كذا ملابسكم وعباياتكم وكل ابو شي فيكم مبلل مويه ؟؟؟؟؟

نوف : يمآآ صراحه احنا ركبنا دباب بدون لا تدرين .. وبعدين انقلب فينااا ,,.[ قالت لها السالفه ] ..

ام نواف : وي وي وي هذي حووووبتي عشان تحرمون تعيدونهاا ..
والله تعبت مادري وش اسوي معكم !!!
بتجيبون لي السكر والضغط والقلب !!!

حسسبي الله عليكم من بنات مؤذيات .. وييين هاللي ساعدوكم ؟؟
خلوني اروح اتشكر منهم لانهم ساعدوا بناتي الا دلخااااتي الشكوى لله !!

مالله رزقني بنات يسندوني الا يعاندوووووني هذا جزاة تربيتي لكم ؟
كافحت وضيعت نص عمري عشانكم !!

نوف : يمآآ شوفيهم ذوليك ..

ام نواف : السسسلام عليكم ..
الشباب : عليكم السسلام ؟
ام نواف :انا ام البنتين اللي ساعدتوهم قبل شوي ..
الشباب : أي هلا وسهلا ..
ام نواف : والله ماني عارفه وش اقوول لكم ؟ الله يرزقكم ان شاالله اللي تتمنونه وصدقوني الله مابيضيع تعبكم ..
الشباب : بالعكس ياخاله تعبكم راحه ..وماسوينا الا الواجب !

**

من بعدها نووف حرمت تسمع كلام نورآآ ..

بس نورآآ لازالت على دلاختهاااا وعنااادهااا .,., وتسوي اللي يعجبها !!

[عذراً, فقط الأعضاء يمكنهم مشاهدة الروابط ]

رواية حب رومانسية جريئة منتدى غرام

التوقيع

توقيع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية سعودية جريئة جدا كاملة منتدى غرام	Eleena	استراحة بورصات	3	24 - 06 - 2018 07:10 AM

رواية حب رومانسية جريئة منتدى غرام

التوقيع

روابط سريعة