رواية جريئة جدا ومثيرة كاملة بدون ردود

Dr.Oz

عضو فـعّـال

تاريخ التسجيل: May 2015

المشاركات: 1,465

معدل تقييم المستوى: 10

16 - 05 - 2015, 05:10 AM

رواية جريئة جدا ومثيرة كاملة بدون ردود

"‏ أعطني حرررريتي .. أطلق يدياااا "

،،‏ ‏..‏ الباااارت الثاااالث ‏،،‏ ‏..

أبو سالم : بنتس مهيآن بدالهآ نصيب اليوم .. ابن عيد خطبها مني اليوم بعد صلآة الجمعه عقب مآأقفوو الريجايل من مجلسنا ..

أم سالم متعجبه : وولد أخوك صقر ؟؟

أبو سالم : أنا مارديت عليه ، الرجال مابه شين يعيبه .. وولد أختس مهوب لم عرس .. بشاور البنت .. وأشوف ..

أم سالم : ريح عمرك مآهيب باغيته .. وعنده حرمتين .. وشلقت بزارين .. وهي في رجا صقيرآن ..

وطرت ببالها فكرره وابتسمت لأبو سالم وهي ناويه تقوله عليها ..

أحيآن الحريم .. تخطط وتدبر .. والرجال لاصار محتآر ماله ألآ ياخذ بالدبرره ..

‏*‏ * *

جوزا .. صقر تكفى شور على سالم .. عشان نتعالج برا .. يقولون فيه دكتور بالأردن شاطرر .. محدن يعالج عنده ألا شهر وألا شهرين وربي مكرمهم ..

صقر : هذي السوالف بينس وبين رجلس .. مقدر أحاكيه فيهآ ..

جوزا : حاكه بطريق غير مباشرر .. هو يقدرك ويوثق برآيك ..

صقر : مع أن رجلس ماله ألا علمه .. بس بحاول ..

موضي نزلت من الدرج وسمعت آخر الحكي ..

موضي : اللي مالهم ألا علمهم واجد ..

صقر بابتسامه : كن مهوب أنا اللي مقصود ؟؟

نوف من ورا موضي :
ههههههههه ألظاهر أنا وأنت صقورر ..

صقر يبي يقهر موضي :
وش أخبار المها ؟؟
آربهآ طيبه ؟؟
مالها شووفه ؟؟

رواية جريئة جدا ومثيرة كاملة بدون ردود

موضي بغيظ :
خبري في مهيآن وتخب عليها .. وش جابها المها ..

صقرر : عيب موضي أحشميها بنت عمس .. وبنت خالتس .. وقريب مرت أخوس ..

وقبل لاترد .. وجه كلامه لنوف :
أبوي ما حاكاس اليوم ؟؟

نوف زفرت بضيق : لا ..

صقر : جايس خطاب .. غير عقاب .. بس مالس أمل وعقاب وراس .. تركهم وطلع لأمه اللي تسقي نخلها اللي بالحوش ..

‏*‏ * *

بدر : ماعليش أم مازن أتركينا شوي ..

منتهى : لااااا بروح مع أم مازن .. وكان عندك حكي وصله مع أم مازن ..

بدر وقف وسفهها .. أشر لأم مازن تطلع .. وأعترض طريق منتهى ..

بدر : ارجعي اجلسي .. بفهم منك وأفهمك ..

وبترك الباب مفتوح ..
رجعت جلست .. بعد ماشافت ام مازن راحت ..

وبحده .. نعم ..

بدر : بعرف كيف صار العجز أو الأختلاس .. أن صح التعبير ..
وين راح المليون يامنتهى ؟؟

منتهى بقهر .. احترم نفسك استاذ بدر .. أنا مو سراقه .. قسم بالله ماخذت هلله وحده بجيبي ..

جاني أمر صرف مليون ريال .. من أستاذ حسن وبأوراق رسميه ومختومه ..

نفذت أمر الصرف .. ومعي لجنه ..
بس للأسف ماكانت أم مازن معهم .. بعدها بأسبوع اختفت الأوراق من الملف وسألت الاستاذات اللي وقعو معي .. بس أنكرو وبشده ..

يمكن خافو يتورطون معي بشي ..

كان ينقل عيونه بين عيونها اللي تلمع بالدموع .. ويديها اللي تحركها يمين شمال .. فوق تحت .. في محاوله لها للتوضيح أكثررر .. شتت ذهنه بعد ماكان مركز معها في البدآيه ..

وأفكار تجي وتروح .. تشبه لسعود أخوهآ .. وألا حمد ‏.. والا محمد .. بس ماظن .. يمكن فيصل ؟؟

صحى من سرحآنه علآ صوتهآ ..
فهمت أستاذ بدر ؟؟

بدر بحرج ‏ : معلش عيدي اللي قلتي .. ‏

منتهى بغيظ وحاسه أن قصده يحقررها بكونه ماأهتم لها وهي متحمسه وتدافع عن نفسها .. ‏
عادت اللي قالته ببرود ‏.. وهدوء أكثرر ..

بدر باهتمام : مشكلتك إنك كبش الفدآ .. جيتي بوجه المدفع ..

منتهى : نعم ؟؟
مافهمت ؟؟
وش قصدك ؟؟

بدر : أنا بحاول أحل الموضوع قبل لايطلع من يدي ..

وأنتي .. لاتردين علآ أي أحد يسألك .. واضح أن اللي سواها أكيد بينشررهآ ..

‏*‏ * *

بعد أسبوع من خطبة ابن عيد لمها ..

وفي مجلس أبو سالم اللي أتصل علآ أخوه وعياله عشان يتعشون عنده ‏.. وماقالهم مناسبه العشآ :

أبوسالم : والله يابن عيد انت ماترد .. وقليل جنسك .. بس شورها مهوب لاعندي ولاعندها .. عند ولد عمهآ ..

وأشر لصقر اللي يجلس يمين الشيخ اللي كان جايبه أبو سالم .. عشان لاتمت خطته .. يستغل الموقف ويملك لصقر ومها علآ طوول ..

صقرر مستغرب الجلسه وحاس فيه مؤامرره ..

رفع جسمه شوي وقدمه .. وهو ناوي يقلب عليهم الطاوله ..

..‏ قال : بنت عمي شيخة البنآت ..وماودي أرخص بها لحد ..

" هنا استبشر وجه أبو سالم وعياله .. ونوف وأمها اللي قاعدين يتنصتون على كلام الرجال عشان يعرفون وش بيصيرر ..

غيرر أن ماودي أوقف نصيبها .. ويروح عمررها .. وهي تحتريني .. وأنا مابعد جهزت لا لعرس ولا لغيره ..

ومنب مرخصهآ ألا لشيخ يستاهلهآ .. مثلك وشرواك ..

وأنا الشاهد الأول ..

انحرج أبو صقرر من كلام ولده .. كان وده أنه يرفض ويملك له .. مهوب عشان بنته .. عشان أخووه وهو ماله ألا هالاخوو ..

أبو سالم أنكسرر خاطره .. كان وده يجوزها لولد أخوه .. رجال ينشرا .. غير أنه توه ولد مابعد أعرس ..

تنهد بنفسه .. طلعت منها ياصقر ببياض الوجه .. وفكيت نفسك ..
أدري أن مالك خاطرن بها .. بس قلت يمكن لا خذاها .. يتغير شي ..

أبن عيد .. ماعليك زود .. جزاك الله خير ..
وأبشر باللي تستاهله >> يقصد العطايا عشان خلا له بنت عمه ..

صقر : راسك سالم .. بنت عمي ماتقدر بعطايا .. نبي منك السترر .. والحشمه والقدر ..

أم سالم : سحبت بنتها وطلعتها فوق .. خافت تفضحهم بصوتها وهي تنتحب ..

مها تشد في ملابسها وشعرها .. ودموعها تذرف :
حسبي الله عليك ياصقرر .. حسبي عليك ..

أحتريك لين صكيت الثلاثين .. تاليتها ترخصني لأبو مرتين .. وعواله 15 ..

جعل ربي مايوفقك ..
جعل ربي يقهرك مثل ماقهرتني ..
جعلك ماتشوف الولد حيات عينك ..
جعلك ماتهنى ..
‏ جعلك .... .... .....

بس هين هالشيله مهيب على مره كان خليتك تهنا بعمرك ..

وقضت ليله من أتعس ليالي حياتها ..

في حين أبن عيد .. من أسعد الليالي في حياته ..
لأنها أول زوجه عذرآء ياخذها ..

زوجته الأولي .. كانت أرملة أخوه أخذها .. عشان عيال أخوه مايطلعون من العايله !!!!! ..

والثانيه .. مطلقه .. يتيمه .. شيمته .. وفزعته .. خلته يأخذها لأن مالها أحد بعد ماتطلقت وحب يكسب فيها أجرر ..

‏
‏*‏ * *

صرخت موضي بفرحه .. ورمت نفسها على أخوها .. وكأنه هو اللي معرس ..

مبروك ياخوي مبروك ..
ربي يحبك أن شآالله لانه فكك منها ..

ابتسم صقر هالمره وهو يبعدها عنه .. عكس كل مره يتنرفز ويعصب ..

بس لانه أسعد منها ولو مابين هالفرحه .. لكن واضحه لو اخفاهآ .. في ملآمحه المرتاحه ..

وخري كتمتيني يالناقه .. قالولس معرس .. عشان تباركين لي ..

موضي : نذر بهالمناسبه .. لعشيكم من .. .. وسحبت بوك صقرر بخفه وخذت 500 ريال ..

..‏ وكملت من بوك الشيخ صقر ..
ورمت عليه بوكه ..

ضحك هههههههه وهو يرجمها بعقاله ..

مهوب الليله .. لا يدرون حريم خوانس يزعلن ..

‏*‏ * *

منتهى : من يومين مانمت زي خلق الله ..

أنا وش بلآني بالبنوك ومشاكلهآ ..

مقدر أقول لأبوي ..
أنا متعهده له بعد ما أصريت أتوضف أني ماأشكي ولا أبكي له ..

أجيه هالحين بمصيبه ؟؟
قطع هواجيسها ‏.. صوت جوالها يدق ..

أستغربت الرقم المميز .. بس ما أهتمت .. هي متعوده ترد علآ أي رقم غريب ..

عشان خواتها .. وبنات عمها يغيرون أرقامهم باستمرار مو غريبه ..

بس الغريب تميز الرقم ..

ردت : نعم

السلآم عليكم ..

منتهى : وعليكم .. نعم من تبي !! ..

شكلك ماعرفتيني أنا بدر .. ولد عمك أو مدير البنك ..

منتهى بغيظ : أستاذ بدر لو سمحت .. مشاكل الشغل بالشغل ..
مالك حق تدق على جوالي أبد ..
تدري أنا مارضآ ..
وأبوي واخواني مايرضون ..

بدر : أذا تبين أهلك يدورن أنا قريب بيتكم بأقلط وأقولهم ع السالفه ..

منتهى بشهقه : لا ، أمانتك ماتقول لاحد ،،
أبوي يمكن يروح فيها بسكته والا جلطه بسم الله عليه ،

بدر : اجل اسمعيني ..
أنا سددت المبلغ من حسابي الخاص .. مو عشانك عشان اللي ورطوك يبونها فيني ..

بكره تتركين الشغل نهآئي ..
وألا بقول لهلك ..

منتهى بعد ماتطمنت رجعت لها القوه ..

مستحيل .. اللي معي بقسمي وام مازن يدرون بالأختلاس .. مابي أترك الدوام وتتأكد شكوكهم .. وبكره بداوم ومايحق لك تفصلني دام العجز انسد ..

وسكرت بوجهه السماعه قبل لاتسمع رده ..

..‏* * * ..

أمل : نوره أنا حاسه بحاجه فيني متغيره .. أنا خايفه موت .. لي شهر ونص ماجتني الدوره ..

..‏ بعد مانسوي الخطأ نبدا نفكر في النتائج .. ولو فكرنا بالنتآئج قبل لانسوي الخطأ .. كان ماسوينآه ..

..‏ نوره شهقت ..
وش قصدك ؟؟
حمل يعني ؟؟

أمل نزلت راسهآ : يمكن ..

نوره : طيب جيبي لك تحليل حمل منزلي وتأكدي ..

واستعجليه يجي يخطبك .. هو قايلك باتزوجك بعد اللي سواه علآ طول ..

‏*‏ * *

موضي : بتله أبشرس أبشرس ..

بتول : ومرض أن شآالله .. كم مره أقولك بتول .. توته .. مو بتله ..

موضي : جعلس القوم .. أي سعيد أخي مبارك ..
ماطاح ألا أنبطح ..

عليكم يالحظران أسامي .. تجيب المرض ..
بتول ، وسن ، بيان ، جنان .. وآخر نكته .. جاكلين وروز ‏
هههههههههه

بتول : ههههآأااي بايخه ماتضحك ..

اجل مثل .. نجر ‏، محماس ، طلق ، جوزا ، نوير ، وأحلآ حاجه وحش .. ‏
هههههههههههه

موضي : جعل الجحش يتربق ببطنس .. عاد ماقلتي ألا أشين ماعندنا ..

عندنا محمد . وناصر . وفهيد .
ونوره ونوف واحم احم محسوبتس مضآوي ..

بتول : ههههههههههه
طيب ودي أعرف سر تصغيركم للأسمآ .. نوير ، فهيد ...

موضي : لبى قلبس ماتعودتي علآ الدلع هذا دلع ..

مهوب مثل دلعكم السامج يالحظرآن ..
ميمي .. جيجي ..
شوشو .. ميدو ..

كله خيطي بيطي .. خرآط ماله سنع ..

نسيتيني ماقلتلس البشاره ..

بتول : ههههههههه
قولي ولا تكثرين ..

موضي : مهيآن .. ابشرس تملكت .. على شآيب من جماعتنا .. وحلت عن صقور ..

بتول : ههههههه حسافه ودي إنها قعدت علآ كبدك ..

موضي بخبث كجس للنبض : ألا انتم يالحضرآن ماتجوزون البدوان لو خطبو منكم ..

بتول : هههههههه ‏
تخيلي شكلك أنتي وبدور أخوي ..
ههههههه بس يبله وحده قويه مثلك تصدقين ..

موضي : وجع عظم بلآ ..
أنا أقصد لو صقور خطب عندكم .. تجوزونه ؟؟

‏ ‏.. ،، انتهى البارت ،، ..

رواية جريئة جدا ومثيرة كاملة بدون ردود

التوقيع

توقيع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية سعودية جريئة جدا كاملة بدون ردود	Eleena	استراحة بورصات	0	23 - 04 - 2015 07:02 PM

رواية جريئة جدا ومثيرة كاملة بدون ردود

التوقيع

روابط سريعة