ورود تفارق ارضها
البارت السادس
في السيارة هدووء تام الكل مستغرب من إلانه فجئة مودها قلب وساكته طول الوقت الكل كان يحسب انها افتكرت اختها ماعدا سراب ونادين اللي شافو الموقف وكيف إلانه صارت متوتره وفي نفس الوقت هاديه
إلانه ركبت لوحدها ورا في نهاية السياره والافكار توديها وتجيبها ماهي عارفه ايش تسوي ( ياربي بعد السنين دي كلها اشوفه ..... ياربي احس راسي راح تنفجر من التفكير ) غمضت عينها بتعب
لمار لفت راسها : إلانه اشبك
إلانه : مافي شي
زينه : بس انتي من اول مادخلنا المول وانتي ساكته وخرجنا وانتي على نفس الحال
إلانه بشويه عصبيه : قولت مافي شي
نادين : انتي وبعدين معاكي
إلانه بعصبيه كأنها ماصدقت : ايش فيه عملتلك شي انا
نادين : اشبك معصبه
إلانه بنرفزه من اسلوب نادين : مالك دخل فيا وبشويه صراخ فهمتي ولاافهمك كيف
نادين عصبت : لا ياشيخه قومي اضربيني مايصير
إلانه : لو ماحطيتي لسانك في حلقك وربي لااصفقك
نادين بصدمه من إلانه وبقهر : اوك راح احط لساني في فمي واسكت
إلانه وجهت نظرها ع الشباك : يكوون احسن برضو
نادين ودموعها اتجمعت في عينها من اسلوب إلانه لبست نظارتها عشان محد ينتبه وكتفت يدها ..... وجلست ساكته طول الطريق
رجع الهدوء في السياره ..... لمار وزينه وغروب وسراب مستغربين
صح إلانه ونادين يضاربو ..... بس ماتوصل بينهم كدا
وقفت السياره عند بيت ام وليد نزلت لمار وزينه ونادين اللي ماتكلمت ولا كلمه
لفت غروب على إلانه وبهدوء : إلانه ياقلبي
إلانه : همممم
غروب : اشبك زعلانه
إلانه لفت عليها وبحزن باين في عينها : مافي شي
غروب ابتسمت : طيب مايصير الكلام اللي قولتيه لنادين
إلانه ونزلت راسها بحزن : عارفه والله انا مااقصد اقولها كدا بس انا معصبه
غروب : من ايش
إلانه وبتحاول تكذب : اممم ماحليت في اختبار اليوم
غروب ابتسمت على كذبتها : طيب دحين ايش حتسوي
إلانه كلمت السواق : وقف عند بيت بابا ابو وليد
السواق : اوك
إلانه طالعت في سراب : سراب انزلي اقعدي مع غروب انا بروح اشوف نادين وارجع اخدك معايا البيت
سراب بتوتر : لا عادي انا اروح البيت
غروب : مسكتها من يدها يلا امشي انتي عمرك ماجيتي جلستي عندي يلا امشي اشوف
سراب طالعت في إلانه بتوتر
إلانه ابتسمت عشان تهديها : يلا روحي
سراب : طيب ...... ونزلت مع غروب
إلانه نزلت من السياره بعد ماخرجو وقالت للسواق يروح البيت خلاص قررت تمشي لوحدها وتفكر في اليوم الغريب دا وبالمرا راح تروح بيت عمتها تكلم نادين اللي زعلت من اسلوبها
في مكان تاني
: ايوا حبيبي
: احبك
بخجل : وانا كمان
بستهبال : وانتي كمان ايش
: ههههههه هيا خلاص مو لازم تسمعها يكفي كدا
: لا مالي دخل ابا اسمعها
رواية جريئة جدا ومثيرة بويات
: ياربي رواد بس خلاص
رواد وهو متقرف من نطقها لاسمه : ياعيون رواد
جمانه : خلاص روق
رواد : طيب حياتي ...... اسمعي انا بقفل شويا اكلمك دحين بروح الجامعه
جمانه بدلع ماصخ : اووك حبي
رواد : يلا باي
جمانه : باي
رواد يطالع في فونه بقرف : حسبي الله على اللي بياخدك تقهررر ياربي
سامي : هههههههههههه من اول تكلمها ودحين تقرف
رواد : هههههههه ياخي اطقطق عل راسها
سامي : ههههههههههههههههههههههههههههههههه مسكينه وربي
رواد : يعني كأنو انت ماتسوي شي .
سامي غمزله : افا عليييك انا اجننهم
رواد : ايوا انت وعيونك دي مو حبً فيك حبً في عيونك الملونه
سامي : ههههههه شايف كيف
رواد : حتى انا عندي اشياء حلووه فيا
سامي طالع فيه : زي ايش
رواد ابتسم ابتسامه تضحك : غمازاتي
سامي : هههههههههههههههههههههههههههههههههه
رواد : اقووووول اسكت بس الغمازات مطلوبه دي الايام
سامي يبا يقهره : ايوا صدقتك
رواد طالع في بنص عين : اقوول اسكت يامهند
سامي اتنرفز خبطه في كتفه : مهننند في عينك انا احلا
رواد : والله هوا احلا
سامي : رواد انطم احسلك لاادخل وجهك في الدركسون
رواد طالع فيه والضحكه في وجهه : اوووف مرا وحده الدركسون
سامي : يب
رواد : طيب البنات يقولو كدا مهند احلا
سامي : طيب انطم
رواد : هههههههههههههههههههههههههههههههههههههههههههههههه
سامي طالع فيه بنص عين : رواد والله حنزلك هنا وكمل الطريق لوحدك
رواد وماسك الضحكه : طيب طيب اهدا
سامي : ايوا كدا ادب ........ وكمل طريقه
في مكان ثاني
كان يتكلم بكل عصبيه : انت ايش قاعد تقول المناقصه دي لازم تمشي
: طال عمرك الاوراق مو عندنا والشخص اللي معاه الاوراق يقدر يسجنك فيها
وليد بعصبيه : مين دا اللي معاااه الاوراق
الموظف : ابو ماهر
وليد : خليه يجيني بسرعه
الموظف : حاضر طال عمرك
ماكمل خمسه دقايق ...... الا ابو ماهر عنده
دخل وابتسامه الشر على وجهه :السلام عليكم
وليد : اجلس ياسالم
ابو ماهر جلس : امرني
وليد بعصبيه : فين اوراق المناقصه
ابو ماهر بكل برود : عندي
وليد ويحاول يمسك اعصابه : اعطيني هيا
ابو ماهر : مااقدر
وليد وماهو قادر يتحمله : نعم
ابو ماهر : مااقدر الا بشروط
وليد : انت مصدق نفسك .... انا وليد ال ....... محد يقدر يكسر كلمتي
ابو ماهر : انت عارف اني اقدر ازور كل شي واسجنك
وليد : انت مجنون ...... انا عمري ماعملت شي حرام
ابو ماهر : بس لو زورت الاوراق راح يسير شي حرام وراح تنسجن تقريبا 15 سنه
وليد طالع فيه بحقد : انت ايش تبى مني
ابو ماهر : مليون ريال
وليد وقف بعصبيه : نعممم انت ايش قاعد تقول
ابو ماهر : راح يكون مهر لبنتي
وليد وكأنه احد كب عليه مويا بارده وبااستغراب : بنتك !!!!
ابو ماهر حط رجل على رجل : ايوا بنتي ...... اقولك هرجتها من دحين عشان لاتتعب نفسك ..... البنت كفيفه صارلها حادث السنه اللي راحت ..... خرجت مع شاب في نص الليل وصارلهم الحادث الولد اتوفى والبنت عايشه بس ماتشوف
وليد مستغرب من وقاحه دا الرجال : انت مجنون كيف تقول كدا على بنتك
ابو ماهر بحده : دا الشي راجعلي ...... المهم معاك يومين ..... تجيب المملك ........ ولا الاوراق اللي عندي راح ازورها وتكون في السجن خلال يومين ...... المليون ريال والمملك يكونو جاهزين ...... يلا سلاام
وخرج وخلا وليد في حيرته
في غرفة غروب
سراب متوتره
غروب جالسه على كرسي التسريحه : اشبك متوتره
سراب ابتسمت : لا ولا شي بس يمكن عشان اول مرا اقعد عندك ..... الا قوليلي من متى حبيتي زياد ....مو اسمه كدا
غروب ببتسامه : اهمممم .... وحركت راسها باايوا
سراب : طب حكيني كيف حبيتيه
غروب ابتسمت اكتر : مدري في يووم وليله صار مالك قلبي ..... مدري ليش مع انه مو احسن الناس
سراب : كيف يعني
غروب : هو يكلم بنات كثير ويقابلهم ومرا عندو عادي اهم شي ينبسط هو
على دا كله كنت اقول مصيره يتغير ويعقل ويصير شخص ثاني ..... بس للاسف ..... زي ماهو مااتغير ..... بس فيه شي خلاني اعشقو لدي الدرجه
سراب : ايش هو
غروب : حنون ....... زياد جدا حنون ...... احب دا الشي فيه
سراب باستغراب : كيف تعرفي كل دي الاشياء عنه
غروب : من كثر مااحبو صرت احاول اعرف كل شي عنه عن طريق اخويا خالد عن طريق اهلو ....... اي فرصه الاقيها تلاقيني ادور شي عنه
سراب : بس انتي كدا راح تعلقي نفسك بوهم ياغروب ....... ممكن يطلع مايحبك .... سكتت شويا وبعدها كملت ..... طب هوا شافك
غروب : لا
سراب : لازم تقوليلو وتتركي له الاختيار وترضي بااي شي يقوله
غروب بحزن : طيب
سراب : كيف راح تقوليلو
غروب : راح اخد البن من فوون خالد ...... سكتت شويا ..... ممكن اطلب منك طلب
سراب : امري حبيبي
غروب : اعملي انه اغمى عليكي وانا راح انادي خالد يشوفك وعبال مايشوفك انا اخد بن زياد
سراب مافي اي ردت فعل
غروب : ها ايش قولتي الله يخليكي
سراب اخدت نفس : اووووه طيب
غروب وقفتها : هنا انسدحي
سراب تعمل زي ماتقولها غروب بالتمام
غروب : ها مستعده
سراب واتوترت : طيب ....... غمضت عينها ..... ماتسمع الا صوت غروب تصرخ عشان تضبط الخطه ....... فجئة تسمع صوت خالد
خالد : ايش فيه
غروب ببكى : الحقني سراب مدري ايش فيها فجئة طاحت على الارض وماترد
خالد نزل لمستواها وخبط على خدها بشويش : سراب .... سراب قومي ...... لف وجهه على غروب جيبي مويا بسرعه
خرجت غروب بسرعه وراحت تجري على غرفه خالد من حسن حظها لقيت الفوون مفتوح ع البي بي ومحادثة زياد ...... ابتسمت بنصر واخدت البن
عند خالد بخوف : سراب ياقلبي فوقي وقرب العطر من خشمها
سراب كانت بس مستمعه لكلامه
خالد ويكمل كلامه : انا وعدت نفسي مااخلي شي يضرك وعدت نفسي اني احميكي من اي شي
سراب ودقات قلبها كل مالها تعلى من اللي تسمعو
خالد يطالع فيها بحنان الكوون كله ..... مسح على راسها قومي ياروحي
سراب اتزلزلت من كلمته الاخيره ( ياربي فينك ياغروب دا كله تجيب البن )
دخلت غروب وادته المويا .... حط شويا في يده ومسح وجهها : سراب وخبط خدها بشويش
فتحت عينها بشويش وكانت ترمش
اول مافتحت عينها رجعت غمضتها بهدوء من التوتر ...... لمن شافت خالد
خالد ابتسم : سراب انتي كويسه
سراب فتحت عينها وعدلت نفسها بمساعد غروب : اهمم الحمدلله
خالد : حاسه بشي
سراب : لا
خالد : طيب كويس انتبي على نفسك المرة الثانيه
سراب : طيب
خالد : يلا انا رايح عند زياد
غروب ببتسامه : طيب
خرج خالد
سراب : ها جبتيه
غروب ببتسامه : يب
سراب اخدت نفس : كويس
غروب : على فكره
سراب وهيا تفكر في كلام خالد : هممممم
غروب ببتسامه : خالد دايما يتكلم عنك
سراب : ها
غروب : والله انا شاكه انه ممكن يطلع يحبك
سراب خرجت فونها بتوتر : روقي اقول وسيبكي من الكلام الفاضي
غروب : بتكلمي مين
سراب : إلانه
غروب ابتسمتلها : طيب ايش نعمل في البن دحين اضيفو
سراب : لا خلينا نكون كلنا سوا مع البنات
غروب : طيب
سراب : الو ايوا إلانه فينك ...... طيب انا بروح انام شويا ..... طيب لاتتأخري .... يلا باي
غروب : بتروحي
سراب ابتسمت : يب بنام شويا
غروب : طيب
وخرجت سراب ..... وهيا متوتره من كلام خالد رجعت البيت ونامت
عند إلانه ..... طالعه في الدرج بتروح غرفه نادين
اهلييين إلانه
إلانه : اهلن مين راكان ولا رواد
راكان ببتسامه : لا راكان
إلانه اتوترت : كيفك راكان
راكان : تمام الحمدلله ..... وانتي كيفك
إلانه : بخير ..... يلا انا استئذن بطلع اشوف نادين
راكان بسرعه : انا حطلع معاكي
إلانه اخدت نفس : طيب
وهما طالعين الدرج راكان بهدوء : إلانه
إلانه : ايوا
راكان : انا احبك
إلانه وقفت وطالعت فيه بحزن : راكان انا ماانفعلك
راكان بتعب : ليش طيب انا والله احبك وراضي فيكي
إلانه بشوية عصبيه : بس انا ماااحبك ... انا احسك زي اخويا
راكان : مع الايام راح تحبيني
إلانه : راكان افهمني مااقدر والله
راكان : طيب ليش ...... تحبي احد ثاني
إلانه وكأنه احد صفعها كف على وجهها طالعت فيه
راكان : انا اقدر اخليكي تنسيه
إلانه استغربت منه : راكان لاتعمل كدا انا ما ف حياتي احد ثاني ولا شي ...... ومشيت طلعت الدرج بسرعه
راكان وهو يطلع الدرج وراها : إلانه استني اسمعيني بس شويا
إلانه : وقفت قدام باب غرفة نادين ولا كأنها سامعته ودقت الباب
فتحتلها نادين الباب ووجهها مليان دموع
إلانه : نادي....... لكن نادين قاطعتها في الكلام
نادين بعصبيه وببكى : نعم ايش فيه ايش جايبك هنا
إلانه : انا بتأسف منك ع اللي عملتو
نادين : مابا شي منك ..... اطلعي برا
راكان بشويه عصبيه : نادين ايش الكلام دا دي بنت خالك
نادين : راكان لاتدخل نفسك بيننا
إلانه والدموع اتجمعت في عينها : نادين اسمعيني
نادين : قولتلك مابا اسمع منك شي ....... وبعدين لاتجي عندنا كثير مو عشان ماعندك اخوات
عم الهدوء المكان ....... نادين كانت معصبه من إلانه ماتدري كيف قالت دا الكلام ..... راكان عيونه على حبيبة قلبه .... ويشوف كيف ملامحها اتجمدت والدموع في عيونها اتحجرت
إلانه تحس انها ماهي قادره تتنفس من اللي سمعته من نادين ...... كانت تحاول تاخد نفسها ...... شفايفها ترجف ...... حست بزغلله في عيونها حاولت تتكلم بسرعه : اوك انا رايحه
نادين ببكى : إلانه انا اسفه مااقصد اقولك كدا والله
إلانه حركت يدها ورجعت على ورا : خلاص انسي اللي صار ...... وحاولت تبتسم ...... لفت نفسها بتنزل .... حست راسها ثقيله
راكان : إلانه فيكي شي
إلانه حركت راسها بمعنى لا ....... ونزلت تجري بسرعه تحس انها بتموت من اللي سمعته ...... خرجت من بيت عمتها ودموعها تسبقها راكان خرج وراها يلحقها
كانت تمشي ماهي عارفه فين تروح تحس نفسها ضايعه ...... كانت تبكي وتشهق قلبها يوجعها من اللي سمعته نادين اول مرا تتكلم معاها كدا ......
خرج راكان يلحقها شافها تمشي وخطواتها سريعه : إلانه
إلانه لمن سمعت صوته مسحت دموعها بكم عبايتها وكتفت يدينها وكملت طريقها وخطواتها كانت اسرع من قبل
لحقها راكان لين قريب من بيتها مسكها من يدها وهو يحاول ياخذ نفس : اوقفي
وقفت إلانه وهيا راخيه راسها : نعم ايش تبى
راكان بهدوء : ممكن تهدي
إلانه بنرفزة : انا هاديه ...... اصلا مين قال اني زعلانه
راكان : والدموع دي كلها ومو زعلانه
إلانه بعصبيه : راكان لو سمحت مالك دخل فيا ممكن تبعد عني ....... ياخي مااحبك افهم مااباك بالقووه يعني احبك ...... انا مابا احبك مالك اذا كان في احد في حياتي كيفي اعمل اللي اباه محد له دخل فيا ...... انت ماتحس ..... افهمني خلاص
راكان ولاول مرا يكون معصب كدا قرب منها ومسكها من يدها بقوووه : انتي ايش قاعده تقولي
إلانه بخوف ودموعها رجعت نزلت من الالم ..... حست يدها حتخرج من مكانها : اقول اللي اباه ...... وشيل يدك عني
راكان قربها اكثر : ماراح اسيب يدك وقولي الكلام اللي دوبك قولتيه
إلانه ببكى : راكان سيب يدي بقولك
راكان بعصبيه وضغط على يدها اكثر : قولي اللي عندك
إلانه ببكى يقطع القلب :قولت مااحبك ومالك اذا كان احد في حياتي او لا
راكان : انتي قد كلامك دا
إلانه سحبت يدها ودفته بأقوه ماعندها : قولتلك مالك دخل فيا فاهم ولا لا
راكان رجع سحبها من يدها ثاني : لا ليا دخل فيكي ....... طول ماانا احبك ماراح اخليكي فحالك
إلانه بخوف من راكان اللي اسلوبه اتغير :ايش تبى مني ياراكان
راكان بتعب : ليش مو راضيه تفهميني ....... مسك وجهها بيده طالعي في عيوني شوفي قد ايش انا احبك ...... حسي فيا ياإلانه ....... انا احبك حرام عليكي
إلانه غمضت عينها وببكى : راكان خلاص الله يخليك انا تعبانه افهمني ياراكان انا مااقدر احبك ..... انا احسك زي اخويا ...... مو قادره
راكان : ليش طيب ...... تحبي احد ثاني
إلانه ماهي عارفه ايش تقول : لا مااحب احد مافي احد بحياتي ...... خلاص سيبني ...... الله يخليك
راكان : طيب روحي يلا
إلانه : ماصدقت يسيب يدها ومشيت بسرعه ...... مشيت وهيا مجروحه من الكلام اللي سمعته من نادين وخايفه من راكان مع انه عمرو مافكر يعملها شي ....... صارتلها اشياء كثير اليوم ...... كانت تبكي متألمه من كل شي في حياتها ....... مسحت دموعها ودخلت البيت ...... كان هدوء ..... وقت صلاة المغرب ...... الكل في غرفته ...... طلعت تجري ع غرفتها ....... دخلت بهدوء عشان ماتصحى سراب ....... ودخلت على طول الحمام ....... فتحت دش الاستحمام ودخلت تحتو بملابسها ....... حطت يدها على فمها تمنع صوت بكاها يطلع ودموعها تنزل ........ كل شي تاعبها ...... سمعت دق الباب
سراب بااستغراب : إلانه انتي في الحمام
إلانه وقفت بسرعه : ايوا
سراب استغربت من صوتها اللي بحتوو زادت : فيكي شي
إلانه : لا ...... دحين حطلع
سراب : طيب
وجلست ع الكنبه تستنى إلانه تخرج
رواية جريئة جدا ومثيرة بويات
التوقيع
توقيع
رواية جريئة جدا ومثيرة بويات
المواضيع المتشابهه 
